الحجي بقى ..يصفن .. فهد كال ..حجي ..لو تدري شسوت .. كلة جب ولا كلمه ..منك .. كال .. اسمعي يابنت العالم ...من نطوج عمامج مارضيت انه .. لان الدم مو منه ..راح ..هيه مريت فهد ..ولا فهد رضة.. بس ..حل للنزاع اخذناج .. وطبيتي بيتنه ..ماشفتي اذيه منه ..نسوانه حبتج .. واحنه هم ..نحترمج ..ونقدرج .. تبقى انتي ..وفهيد ..ماكدرنه ..نصلح ..بيناتكم .. انه اخاف الله ..وحاج بيت الله .. ماكلج ع الفصليات شون يعاملوهم ..لا .. بس اكلج مثلنه ماتلكين .. ولخاطرح ..طبيت بيتكم واكلت من زادكم وهاي هم ماترهم بس ..كلت ام جهالنه ..ويتيمه ونظلمت ..وسهامه تحبج ..وتحنن بينه عليج ..ولو احنه انودج والشاهد الله .. بس اليوم انتي العايلة اني بس مدنجه ..كد مابجيت ..عيوني يبست .. كمل كال طالعه من الكعدة بروحج ومهزومه ..ليش يابنت العالم هاي عيبه علينه ..لوما سهامه صارت شاطرة ..ولمتها بحجة تخربطت الحجية جان صرنه علج ..بحلوك العالم .. ترضيه ..يابنيتي ..انتي صغيرة ..طلعين ..بليل بهلجول ..تعرفين شيصير بيج ..ومرجوعج علينه .. اني بس اسمع .. اباع على فهد يلوب ميعرف يطك اصابيعه ..ماثبت ...ابد رد كال الحجي فهد .. اوف منك .. حجي ..اسمع .. اسكت .. اعرف ماتريدها ..وكلت زوجوني ..وشفنالك مرة ..بعد شكو ..انسى ..تهده وطلك..انسى ..ماطلك ..خوش .. من وراك الحجيه تخربطت ومن مشاكلك مناوي تعقل ..عاد ماتريدها ..مالك شغل بيها ..عوفها وي البنات ..عايشه .. وازوج ..وعيش .وخلف .محد لازمك .. اني من كال ازوج ..وعيش ..حيلي انهد ..كمت ابجي .. بصوت ..عالي .. الحجي كال ..ليالي احجي اسمعج .. ماكدر احجي .. فهد كال شتحجي ..حجي واكفه والزلم ملتمه عليها يكولون ..وحدة هاي شغلتها واكفه هناك .. ترضاها ..وتكولي اعقل شعقل ..دخيل الله اني هيج مرة كويه وماتسمع كلام ..ماريدها ..وان جانت ويانه بلبيت ..فاربيها من جديد ..واصلا كارهه اني ..ياريت ماشوف خلفتها الزفرة بعد ... كام فهد .. الحجي كله احجي عدل ..فهيد .. حجي طلعتني من طوري .. اكولها لا تلبسين تلبس اكلها لا سوين تسوي اتقرب الها اصدني ..شسوي وياها ..الا اربيها من جديد ..هلحضيريه بنت الولايه .. رد كله الحجي .. واخوك شون تتعدة عليه وهو اكبر منك .. خويه والله بزعتني .. اكله اشوف الزلم واكفه عليها موزين ما دست راسها بسيارة ..تخبلت ..والله ..وكتلت الوادم وتالي فهد .وليال وتالي نعوف الربعه .والعالم .ونكعد نحل ..مشاكلكم .. اني اخذت نفس عميق...وباوعت ع سهام .. اشرت الي احجي .. جريت يمي ..مي شربته ..بس ارجف .. وكتله ..حجي اكدر احجي هسة .. احجي ..فهد كال اني طالع .. الحجي عاط بي اكعد .. كعد .. كتله حجي ..جيتكم دفع ..واتحسر واتلفت ع اهلي .. لا هلهوله ولا صفكه ..ودفعت ذنب ممسويته اني .. ومن اول يوم تهجم عليه فهد ..وراد يضربني ..وبقيت ..كاعدة وساكته ..ماعدا التعير ..فصليه وفصلية ..مو صح .. كملي ومشت الايام ومشاكل ..زادت .. ورجعت لاهلي وجيتو اخذتوني .. رجعت وكلت هاي حياتي .. ويشهد الله عليه احبكم ..مثل متحبوني واكثر .. وصارت الخطبه ..واخذني فهد ..ويا .. اي ..كملي .. اختنكت ..سكتت .. كملي .. سهام ..كالت حجي ع كيف وي البنيه ..عوفها براحتها ترة زورك ..ماتتحمل .. فهد كال ..حجي نسوان هذا بلا معنى شنو العذر .. باوعت عليه ..واكف ..ومجتف ايدة .. كتله ..حجي من تقربلي ..صديته لان اني فصليه ماريد اتعير اني وجهالي ..بعدين .. مثل ما هسه يعير بيه بكل حجايه .. فهد كال كامت تخربط .. خويه خلي اطلع فدوة ..راح ابتلي بيها هااا مو تكول .. اكعد واسكت شو ماتحترم انت .. كملي ليالي .. كتله..من شفتة عريس ..ويم عروسته ..ولبسوها البنات النيشان ..تخبلت .. ماكدرت ..واختنكت ..اكثر .. يعني كل هذا معشته ..واني مرته ..هم .. مسويت ذنب ..صغر بعيني الكون وطلعت ..كلت ارجع لاهلي ماتحمل بعد انذبحت ..حجي والله ذبحني بايدة .. ماتحملت اشوفه ..وي غيري .. والحل شنو ..وياكم هسة .. كتله يطلكني فدوة تكسب اجر وثواب .. فهد كال ..ماطلك ..لو تموتين .. الحجي كلها لسهام .. هاي سالفتهم ..انه اموت وماتخلص .. يمه اسم الله عليك بعدويك ..حجي .. وهم ماوصلنه لحل .. عمي ..لا يطلكني خلي بس اروح للهلي ماريد ازوج والله .. بنيتي ..شنو هل الحجي...مو حل هذا ... فهد ..تعذر من الحجي .وطلع ....وبقيت وحدي يمهم .. اني هم تعذرت وطلعت .. صعدت فوك .. شفته ديبدل .. دار وجهه ..عليه ..وكمل تبديل ... اندار كلي كومي سوي لكمه ..الي .. اني بدون كلام نزلت .. جوة ..بديت احضر اله اكل .. جتي سهام يمي .. كالت غبرة يحبج والله بس كمتي كام وراج ولج .. يعشكج رحتو انتو ..انه والحجي ضلينه نضحك عليكم .. سويله لكمه وراضي زلمتج .. سكتت كتلها سهام ..اذاني .. هوايه .. ميخالف خيه تحملي ابو بيتج هذا .. ومرته ..ماتحمل ضرة اموت .. كالت ..هاي عله خيه ..انتي وشطارتج بعد .. ماعرف سهام ..تعبت والله .. بعدج وين وين التعب ..خيه ..بعدج بلاول .. من طلعتي من الكعدة ..فز من مكانه يسال عنج .. كتله بلحمام ..تعذر يدخن .. اووف اووف بطيتي الجلوة ..من دهر صابج .. شسوي هسة .. كالت سوي الي يشورة عليج كلبج .. كملت العشا .. واخذته وصعدت .. كاعد ..بلكاع .. خليت الاكل يمه ..و رحت مددت بفراشي ..يعني شون هسة اروح اراضي وهوة الي اذاني ماترهم والله ...فوك القهر والضرب والاهانه ادوس ع نفسي ..ماااه ..ماحاجي ..وشوف الله شوكت يفرجها عليه ..وابويه يطلع وياخذني ..درت وجهي علية ..كلت اخ من الضرب .اندار عليه ..باوع رجع ياكل .. اووف ياربي ..شسوي ..اباوع عليه اسرح اتمنى غير طبع وغير وكت عرفته بي ..لان صدك بديت احبه ..وافكر بي ومتت لمن شفته وي غيري .. كمل الاكل .وطلع غسل ..وراد جاي ... هم نزلت ..سويت اله وغسلت المواعين .. جتي حلا ..ضلت تلوب يمي .. كالت وحق الله ادفنج اذا خليتي عينج ع رجلي .. كتله عيب شدتحجين ..مثل اخويه .. اخوج مو اخوج ..لا عبالج فاهيه انه .. لا اخزيج واشهرج كتلها عيني ..عليمن تخزيني وشهريني ..شمسويه اني الولد دافع عني الله يجزي خير ..ومثل اخويه .. طبت سهام .. شعدجن هنا تتبسبسن ... كالت حلا لا ماكو ..وراحت .. سالتني شبيها .. كتلها هيج ..تكول .. كالت ماعليج تهذري ..هاي باجر اضبها .. يلا راح اطفي الاضويه واقفل البوب .. تصبحين ع خير .. وانتي من اهله .. وعفتها وصعدت .. فهد يباع فلم .. اني خليت يمه الصينية وصبيت الجاي .. وكعدت كبالة .. كتله فهد .. ليش .. شنو ليش .. تاذيني .. ماماذيج انه انتي ماتعرفين ..تصرفين ..تخربطين بروحج .. لا تاذيني ..بكل شي ..بحجيك بكلشي .. كتله شوف شون مزوك جسمي ..موحرام عليك .. تستاهلين .. استاهل مو اني ..حيوانه ..يمك ..واستاهل ..اني بشر واهلي تعبو عليه مو بس ..انت ..بشر .. حرام عليك الي تسوي بيه .. اجه يمي ..كال ..ها بدت ..متعرفين اسكتين ..الا تحجين .. لا مو هيج بس داكولك .. لا تكليلي ..ولا شي .. اسكتي وسمعي كلام .. تقرب مني اكثر .. تعرفين ..شصار بيه اليوم من رحتي .. هزيت براسي لا .. عقل ماضل بي ... كمت افتر مثل المخبل ..كتلج انتي ..مالتي ..باسمي .. تابعه لفهد .. اي ....تابعه الك ..بس انت تاذيني .. سد ..حلكي بايدة ... وكال متعرفين سكتين ... اشش..... ليال تعجبيني ..... نفسي صار سريع ..وكلبي ..من الدشداشه ..اشوفه يرجف .. فهد .. عيونه ... اكو فرق بين الحب وبين الرغبه . انت شنو بيهم ....اني ماعرفك .. ولا يوم حجيت عن نفسك ..شعورك ..شي .. صوته بدة ينصه .. كلي ماعرف ..بس من شفتج..تركصين ويباعون عليج .. شبت نار بيه ..اريدج الي وحدي ولعيوني بس .. ماريد احد ..يسمع صوتج ..ويشوفج .. الي بس اني ..تفتهمين .. اي افهمك .. بس اريد اعرف ..اني شنو بلنسبه الك . اني شنو بلنسبه ..الك .. فهد ..تقرب مني اكثر .. اثنينه بلكاع ع المدة نايمين ... كال ..انت ملكي ..مرتي .. اني ضحكت بستهزاء .. كام عني ..كال شو جنج ماعاجبج ..كلامي كتله لا فعلك مو مثل كلامك .. تضرب وتاذيني ..وتكول مرتي .. مو بس اطكج اموتج ..لان انه اغار .. انه مسودن بيج ..ليالي ..ماشفت مثل حسنج وهيبتج .. يابعد طوايفي وهلي .. اني اريد احجي ماكدر صدك اسمع.هلحجي منه ..لو شنو .. كتله مو تكول ماريد اشوف شكولها بعد ..شون صرت مرتك وتكول ماريدها .. كال ...انتي مرتي غصبا ماعليج ..رضيتي او لا ... ليال ..لا تعبيني وتعبين روحج .. انه من الاول ..خشيتي ..عقلي ..وشفتج ..اكثر وعرفتج اكثر ..بديت احبج ..بس عقلج يابس تحبني ..اي ..اعشكج عشك مسودن عاد انتي قيسي وشوفي عشكي شلونة .الج . حضنته .. كتله اني هم بديت احبك .. بس انت ضوجني .. يابنت العالم ماعلت بيج انه ..انه جيتج بكل الطرق وصديني ...وماسمعين حجايه..طبعا اطكج واكسر راسج هم ... واانه ماكو مرة تمشي كلمتها علي ... والي اريدة يصير بكيفي ومزاجي .. شوف بديت تضوجني ... لا ماضوجج جاي افهمج .... من شفتها وياك عقلي راح ..ماتحملت سودنت .. ضحك ورصعاته بينت .. كلي كمتي تحجين مثلنه مسودنه مو ... كومني ..وكعدنه ع الجربايه ... اني حضنته .. شاورني اريدج يابعد كلبي .. اريدج واريد كلشي بيج .. ليالي ..ياليلتي الحلوة .. انتي ..نمنه .......................................................... كام من يمي ..كلي صرتي حلالي ..وملكي وباسني من ..كصتي ..... واخذ النيشان ... اني ..ضليت نايمه ... بفراشي .. كال راح اسبح ..اخذ هدومه وراح .. فهد مو ملكك اني ملكت الكون وياك ..ياربي شكد حنين مو هوة هذا نفسه ..الي يخوف والي ياذي ..وقاسي ..ياربي شنو هااي ..اني ..اسعد وحدة بلدنيا .. اجه ...اني كمت ..والدنيا حسيتها ضحكت الي ..ماسمعت منه كلمه اذتني ابد ..بس كلمه احبج ..وغزل رحت سبحت وطلعت ..تعطرت ..وخليت كحل وحمرا صح وجهي ازرك ..بس كلشي ..حبيت اسوي ..وبدلت .. دانشف شعري ..كلي تعاي ..يمي .. وجيبي المشط .. جيت يمه ..كعدت ..واخد المشط مني .. وكام يمشط الي ..يكولي ..مرات انتي ونايمه اجر خصله اشمها .لو ابوسها ..جنت ..ويبوس بشعري .. انداريت عليه .. كتله انت منو مداعرفك .. كال انه زلمتح ..وحزام ظهرج .. احبك .. ونمت بيومها احلى يوم بعمري ..الليل كله نايمه بحضنه .. ماحسيت الا الصبح طالع ساعة ..9.. كمت ..من يمه ع كيف .. بدلت هدومي ونزلت غسلت .. وجهي يضحك .. كابلتني ..سهام .. كالت صباح الخير .. رحت بستها كتلها صباحج ..عسل .. كالت هلا هلا ..عسل ..ها .. هزيت براسي اي .. هلهلت ..هلهلت .. كتله اسكتي ..يمعودة .. كالت يمعودة عليمن اسكت .. مبرووك حبيبه يوم انشوف جهالج .. كتله سهامه ..احبج احبج..وابوس بيها .. كالت الله يسعدج دوم ياعمري ..بس ضبي فهد .. كالت كترت ريوكم ع جهه ..اخذي وصعدي ..عروستنه .. خيه النيشان .. كتلها موجود ..ردت هلهلت بعلو حسها .. البنات فتهمن وباركو الي .. اني مشايفه هيج ..بعمري ..هاي اشياء خاصه ..مو كدام الكل ..بس طبعهم غير كالت لو الحجي موجود ..نرمي ..خايبه مو بس نهلهل .. يلا روحي يم زلمتج .. اي قلبي .. وضلت تهلهل ..صدك عبالك عرسي اليوم .. حسيت كل البوب انفتحت الي .. صعدت يمه ..اباع عليه .. هلوحش جوة .طفل .. احن ..طفل بلعالم .. كومته فهودي حبيبي كوم ..ساعه ..10 .. لا بربج .... اي والله .. كام. .من الفراش .كال صباج ورد .كتله صباحك عسل .. كال عسل هوة انتي العسل .وراح غسل واجه اني رتبت ..الاكل .. كعدنه نتريك ويشاقه ويايه..واني اضحك وصافنه عليه .. لو بيدي اغم روحي ضيعت ..عمر مني بس ابجي .. بس هوة راسه يابس ..هم ومغرور ..وماجان ينطيني وجهه كملنه .. كلي حضري ..هدومي .. اني حضرت اله ..ورحتت ..الم بلفراش ..وارتب ..بلغرفه .. اجه بدل ..وتعطر ..وترتب .. كتله حبي وين رايح .. كال لبيت رشا .. رشا منو ..فهد .. كال مرتي ..عيب من اهلها طلعت هيج البارحه .. جيت يمه احس شعري وكف ..ونار اكلتني كتله واني ..مو اخذتني البارحه .. لييش هيج تسوي بيه انت ناوي تموتني .. كال انتي احبج .. تحبني ..شون حب هذا وراح تروح تراضيها... كال افهمي عيب من اهلها شيكولون الوادم ..وهي هم خطيه ..طلعنه لا سلام ولا كلام ..ولا شفته زين .. هاااا هيه خطيه..وتريد تشوفها زين .واني شنو الفصليه الي عمامي شمروني مو .. اهووووو .... رجعنه لنفس الشحجي اني .. وعافني ..ديطلع.....وكفت بوجه كمت ابجي ..كتله لا تكتل سعادتي فهد ..لا تسوي بيه هيج ..والله احبك والي تريدة يصير عوفها لخاطري .. اذا صدك تحبني اموت اذا جيبهه ضرة عليه .. لزمني من وجهي.ومسح دموعي كلي يابعد روحي ..عيب ..ماكدر .. شتكول العالم .. ابن الشيخ يلعب ع النسوان ..ليال انه احبج .. لا تفكرين بغير شي ..وانتي مريتي .. كتله وهيه هم مرتك ..وراح تحبها وتخلف منها .. مو كتلك اضل فصليه .. اضل عمامي شمروني .. فهد ..اذا جيبها ..ماصير الك مرة بعد .. كافي ليالي ... وطلع ..وعافني ..... اني وكعت بلكاع وضليت احجي ولك ليش .. لاتروح لا تسوي بيه هيج .. فهد احبك ..لا تموتني بايدك .. ضليت ابجي وكلبي محروك .. يعني اني اتعذب وهوة حاير بيها .. اني استاهل ..امداني ..استاهل .. ليش حبيته ..ليش ياربي .. من جنت خرسه بحبه احسن من حجيت راح لغيري .. يمه احس راح اطك ..من قهري .. طبت سهام .. يمه شبيج ..حسدناج .. الحكيلي راح اموت فدوة راح الها .. ادري وكلي صعديلها ..لليالي .. سهام ..حضنتها ..كتلها ماتحمل فدوة ..طاقتي خلصت والله ماتحمل يروح لغيري ..سهام ..شسوي .. كالت يامه كلت ويامه حجيت ..مافاد هسة من حمت الحديدة ..لنتي ..يامرة شكد فهمتج .. سهام ..كدامج..جان ميطيقني شسوي اني .. خيه ماكو رجال ميقنع ..ياعيني انتي ... تعاندين ..اكليها ياحلوة .. شسوي .اطلع ..من البيت مابقى كفختني .. كومي كعدي ع الجربايه .. كمت ..كالت لا سوين شي ..خيه .. شون يعني ارضه .. اي ارضي واتعايشي ..اني مو عندي ضرة .. سهام تختلف انتي ..الحجي يعشقج .. وانتي هم فهد يحبج وراح تبثبت الج الايام .. راح تصيرين ..احسن مني .. ويحبج اكثر واكثر .. بس اني ماتحمل ضرة ..تنزل عليه اني عروس ..البارحه زوجت .. كالت البارحه وله اليوم ..ترة هنا ماطول الخطبه شهر بلميت .. لان كلشي حاضر ..حلال وفلوس .. يعني ..يزوجها يزوجها وعيب من العالم شنكول مرته ماتقبل .. ماترهم .. ماتحمل اموت والله... لا تخافين ماتموتين جان غيرج مات .. هسة هاي اني وضرتي ..عادي ..ماغار منهار..لان اعرف الحجي مايبدل حضني .. لا تقارنين ..سهام .. كالت وتالي ..راح نكظيها سوالف ..يلا كومي ع شغلج وخلي نطلع للسوك ..روحي شتري شي جديد .. كتلها من كل عقلج ..فوكاها اشتري وادللة .. كالت لعد ضلي ابجي وبومي ..وتاليها...رشا تحضه بي ..وانتي ضلي وني ماوصيج .. اصلا المفروض انتي ..بنت ولايه وتعرفين تفرين راس الرجال مو انه اعلمج شون .. خيه تعبتيني بيدج..تحافضين عليه وبيدج يروح لغيرج ترة الرياجيل مالهم حوصله كال وكلت ..يلا كومي ..خلي نكمل ولا تخلين يشمتن بيج .. كمت وياها .. شتغلت يمكن طلعت قهري بلبيت ..وافكر بكلام سهام .. كملنه الشغل ..والغدة هم سهام كالت يلا نطلع .. اني جنت مراضيه بس ضلت تلح عليه .. كتلها خابري يجوز مايقبل .. كالت خابري انتي .. كتلها ماخابر ة اني .. خابرته ..كتلها فتحي سبيكر فتحت .. هلا فهد .. كلها هلا سهامه.... انت وين... بسيارة رايح للمكتب ليش .. فهد راح اخذ ليالي واطلع لسوك .. كلها شعدجن .. كالت ياا نسوك شعدنه يعني .. هااا ليالي وين.. كالت فوك .. ليش لا هيج .. سهامه شنو هاي رشا مو حلوة .. ليش .. شنو ليش موحلوة ..يمعودة .. مو ثبرتنه ع مرة شفتها الك ..وتالي شصار ماكو تالي راضيتهم .. اي خوش ..من ترجع فهمني هسة نطلع لو لا .. اطلعن بس ماعيد بعد ..خل تلبس زين .. ي تدلل .. بعدها مسودنه .. كتلة اي واتعس .. ضحك ..عوفيها اني اراضيها بليل من اجي .. خوش خويه .. سدته .منه ..
