تورطي وياج .... والله ماورطه بس احاجي .. كالت لحضه .. دقايق .. وجاوب .. الو ..اني ابجي .. كتله احبك .. ساكت .. لا تنساني بيوم سيف ..احبك والله ..اني من اليوم متت ..لا تكول حبيبتي ..زوجت كول ماتت..دير بالك ع روحك.. وسديته .. انهاريت ..بجي ... شويه واندكت الباب .. مسحت وجهي ..وفتحت الباب ..امي .. طبت يمي ..كتلها شصعدج ..ماما هسة ..نازلة.. وكعدت ابدل ..وجريت جنطتي بيها هدومي وغراضي .. وهيه كبالي وتبجي ..ساعه احضنها وساعه ابجي وياها .. كملت ونزلت جوة ..ونزلت ويايه ... مرت عمي ذبت عليه عباية .. اهل الولد بغير محافظه مو منه ... والظاهر طريقنة طويل ... ودعتهم ...ودعت اهلي وامي واخواني ..ودعتهم واحس نفسي رايحه للمذبح ..مو زواج .. طلعت من البيت .. بلباب حضنت امي ..ماريد افاركها ..بعدني اريدها ..مو هاي امنيتي ..ولا هاي احلامي ...وخرت عنها ..وصعدت بسيارة .. جانت دنيا ظهر ... والجو حلو بنهايه التاسع بدة يكسر .. بس بي غيم .. مشت السيارة ..وانعصرت روحي .. وصلنه لباب ..سيف ..شفته واكف ..اني بس وصلنه لباب ..سيف ..شفته واكف ..اني بس دموعي تنزل ..واباوع عليه ..هوة هم يبجي .. اباع ع الباب ..شكد رسمت بيها احلام وصور .. هذا الشارع ..يشهد ع ..حبي .. كل شي بي ذكريات ..هنا تخايلت زفتنه وهنا ..جهالنه تلعب ..وهنا سوالفنه .وضحكنه..لحد ماطلعنه الفرع .. الدرب بعيد ..مو درب زواج ..درب موت .. جنازة ورايحين لدفنها .. من التعب ..انام وافز ..الخوف والقلق ..والهم ..اكلني ..ماعرف شراح يصير بيه .. تمنيت بيه حوبه ..وتنكلب بينه السيارة واموت .. ضلينه نمشي ..للمغرب وصلنه .. وصلنه بمكان ..زراعي تقريبا ومفتوح ..كلش .. طبينه بي ..شفنه منطقه ..براس الفرع رياجيل كومه ..واكفه ..طبين بشارعهم .. وكفو السيارة ..ونزلو عمي وخالي ..سلمو عليهم .. اني كاعدة بس اباوع .. اجه عمي نزلني من السيارة .. بنزلتي ..كامو يرمون ..طلقات ..اكثرها ..لابسة دشاديش وعكل ... اتمنيت طلقه تايهه وبينه توكع ....وارجع لاهلي .. نزلت مشيت وكفت ..يمهم .. عمي يكوله هاي بنتكم ....عينكم عليها ..امانه الله ورسوله .. ويجابوة..لا تحسب ..ولا تفكر ..دامها طبت بيتنه صارت منه وبينه .واليوم نعقد ..الهم ... سلمو عليه بوسوني ..اني ..ابجي ..اكلهم ..رجعوني وياكم .. خالي بجه ..عليه ..وشغلو سيارتهم وراحو .. حالي من حال ..طفل وضيع امه بسوك ... وكفت ..برة ..والعالم ..يمي اني شايله جنطتي بايدي ..والايد الثانيه ..غطيت وجهي بلعبايه .. اجه واحدقريب عليه ..كلي طبي .. الخطوة بالف ..خطوة ماكدر امشي ..رجلي ثكلت .. وكامن ..يطابكن من الرجف ....وسنوني تصك .. عبالك ..داطب للاعدام .. مشيت مسافه كوة اجر بروحي والرجال كدامي .. طبينه من الباب .. كراج جبير ..كلش .وبي سيارات طابكه .. ومشيت وراه .. وصلت لباب البيت ..وكفت .. اندار طبي هذا بيتج ..بعد .. اني ابجي .... فتح الباب .. استقبال جبير ...بي نسوان ..كومه ..غريبه ماعرف .شي .. الولد راح ..اني بقيت ..واكفه ..اباع من ورة العباه .. اجت وحدة ..طببتني ..كعدتني .. اني ..كعدت ومحجيت شي ..اخذو الجنطه من ايدي .. وضليت ..مدنجه ..وكاعدة ..وابجي ..وهنه يسولفن .. هاي الفصليه ..يكولون مو عربيه .. خايبه شون راح ادبروها وياها ..اذا ماترطن عربي .. بديت ادوخ والدنيا تفر بيه ..عيوني من البجي غوشن .. كبالي مي ..اخاف امد ايدي عليه ..اشرب.. اجت عليه وحدة كومتني .. كومي ..ويايه .. مشيت وراها والكل تباع عليه .. طببتني غرفه .. كعدت .. كالت..شسمج .. اريد اكول ليال ..لساني انعكد ..وثكل .. ولج شسمج ..يمه خاف خرسه .. مديت ايدي اشرت الها انطي صبر .. جرت العباة مني .. عاطت بوجي ..يمه اسم الله شبيج صفرة ..وشفافج زرك .. ركضت جابت ..مي ..غسلت وجهي ..وشربتني .. وجابت شربت شربتني كلاصين .. حسيت استعدلت .. كالت ارتاحي هنا ..مالج دخل باحد .. بعدين اجيج ..دنعقد الكم .. اروح اعشي النسوان .. طلعت .. اني دموعي خلصن ..بقيت بس ادعي حوبتي تطلع بيهم .. تطلع بكل واحد كسرني ..وظلمني ... كل شويه ..تفوت وحدة تباع عليه وتطلع .. والجهال يمدون راسهم ..يضحكون ..ويطلعون .. اقل الساعه طبت ..جايبه ..صينيه .. كالت. اكلي .. اني..كتلها تسلمين ماريد .. كالت شسمج ياحلوة .. اني ليال ... الله شون اسم حلو ع راعيته ..حبيبه لا تخافين منه احنه ماناكل اوادم ..هاي ..قسمتج ارضي بيها ..وهذول ناس ..خيرة وتخاف الله ..راح تعيشين مرتاحه .. وفهد خوش وليد ..بس هسة محروك كلبه ع مريته .. مدة وينسه .. كالت انه سهام ..اصير مرت الشيخ الصغيرة .. اني بس صافنه بوجها ..شتحتاجين بس كولي الي .. مالج دخل اباقي الجناين .. وعجوزتنه تصيحيلها يمه ..زين .. مدافتهم شي .. ام رجلج عمتج تصيحين الها يمه ..هسة من تعقدون ..طلعين تحبين ع ايديها وراسها .. احب .. يا شبيج .تبوسيهن .. يلا اكلي ..هسة ..جنه اجه الشيخ .. طلعت .. والصينية كبالي ..تمن وعليه لحم .. طبت غيرها .. كالت اكلي .. اي داكل .. كعدت يمي ..كالت انه ..سعاد ..مرت حماج .. هزيت الها براسي .. اكلج صدك انتي ..موعربيه .. كتلها اي .. اكلي اكلي ..الله يهنيج .. تطلع وحدة طب وحدة ..ضلن هيج ..ويسالن ويسولفن اكلت لكمتين ..وجريت ايدي .. طبت اول وحدة ..الي كالت اسمها سهام طلعتهن .. كالت كومي .. كمت .. ذبي عباتج .. ليش .. لا تخافين ..ذبيتها .. جنت لابسة فستان ..كريمي ..وجوزي .. كالت حضري روحج راح يجي الشيخ ..فد شويه .. اجت يمي كالت ..لا تخافين ..بروح اعزازج .. انه مثلج اول يوم طبيت لهنا .. كتلها انتي هم ..فصليه .. كالت لا .. اني ابويه هداني ..للشيخ .. وزوجنه وصارو عدنه جهال .. اني صفنت عليها .. هداج ..شنو.. هديه ..انطوني ... وشلون كدرتي تعيشين وياه ..وهوة عجوز .. ضحكت كالت الي طببج ..رجلي الشيخ .وصغير .اخذها من ابو ..الله يرحمه .. لا تخافين ...يحبون المرة ويدللوها واني ماعوفج انتي مسؤليتي صرتي .بهلاثناء .طب. ولد .صار بوجهي .صفن عليه لابس دشداشه سودة ..ضخم مربوع ..اسمر وعيونه كبار سود ..وصاحب لحيه .. كال ..اني مو كتلكم لا جيبوها .. كام يعيط ..مو كتلكم ماريدها ... كامت عليه ..فهد استهدي برحمانك شبيك .. لا تخلوني هسة ..اهج .لو اذبحها .طلعوها من البيت ..طب ولد وراه .وطب الثاني اني كاعدة بلكاع ..ومرعوبه .. كتلكم ماطب للبيت ..اخذوها انتو ماريدها .. واجه ..عليه رفع رجله ..يريد يدفرني .. جرو وطلعو برة .. ضل يعيط ويصيح ..لاني امراة الجزء السابع .. سوزان المندلاوي جرو من وطلعو برة ..اسمع يكول طلعوها من البيت ..ماريدها ...طبت عليه سهام ....اني مصدومه .. ااي يطخني اوكع ماعرف شون جبت قوة وسيطرت ع نفسي ..كالت خوما بيج شي .. كتلها ..لا ..اني كاعدة ...وراسي بين رجلي .. كالت معليج بي ..هذا بس هوسة ..شحدة يضربج والله حاتم يطردة .. حاتم منو .. رجلي ...لا تخافين ليالي ..عيني كلبه ملجوم من ..موتته زوجته .. اني عيوني نترسن دمع ..واني شلي ذنب .. قابل اني كتلتها ..لو اني ..فصلت روحي .. الله لا ينطي كلمن ..كسر بختي .. جت ركض عليه اسكتي يمعودة ساعه وتنحل .. لا دعين ولا تحجين ..هاي كطع للدم ..بينينه صار .. كتلها فدوة طلعيني منا رجعيني لاهلي .. هزميني والي تريدي يصير .. ضحكت .يمه لا تخافين شنو سجن لو بعبع ..هنا ..والله احلى عيشة ..ولج انطي صبر .. كم يوم وتلكي مينام اذا مو بحظنج ..شبيج انتي ... جنج فقيرة ..وماتفهمين شي ..شوفي اني ..الشيخ عايف نسوانه ...ولابد يمي ..دعوفينه من ذني .. خلي العالم تطلع .. وانه افهمج كلشي ..الا اخليج ملكه ..والله .. عوفي لحاله يهوس .. ضلت تحجي ..صار الليل ..واني محبوسه بهل غرفه وطابيعن طالعين عليه عبالك ..جايبين ..غرض جديد ..يشوفو ويطلعون .. شويه وطب عليه ..رجال الي هوة حاتم ..هوة وسهام .. اني عدلت روحي جنت مددة تعبت من الكعدة .. كال ..اندار ع مرته شسمها .. كالت ليالي .. عوفينه ..يابنت العالم ..لا عبالج فصليه خدامه ..يمنه ..لا يحرم علينه ناذيج ..حالج من حال بناتنه .. معززة مكرمه..بس ..نريد منج شي.. اصبرين وي فهد ..اعصابه تعبانه بفكد مرته وهذا المدلل..الاخير .. هسة راح طلعين نعقد الج ..شيحجي وياج لا جاوبي ..ولا تهتمين..انه ..عيني عليه .... ماعرف شسوي اكوله ..رجعني ..بلمي كلبه يحن .. لو اسكت ..كام طلع..سهام كالت كومي .. كتلها رجلج اذا اتوسل بي يرجعني لاهلي .. كالت شلج بيها ..اكعدي ماترهم انتي النه صرتي .. امشي ياعيني ..ويايه .. طلعت من الغرفه ..العالم طالعه ضالين بس نسواهم .. بيتهم جبير كلش ..وغرفه كومه .. مشت كدامي ..طبينه ..بلاستقبال ..كاعدة الحجيه .. مرة جبيرة...وكاعد هذا الي راد يضربني .. وبعد ولد اثنين ..كلهم مو كبار ..شباب ..يعني ..بس ...الي حاجاني شويه اكبرهم ... كعدوني .. الشيخ ..كام يقرهه ايات ع الزواج .. اني وسهام كاعدين من جهه ..والولد بصفي بس بعيد عليه ..والشيخ كبالي .. كام يكول ..ردي ورايه .... هل تقبلين بلزواج من ..فهد ..ع المهر المسمى ..وهكذا .. اني دموعي كامن ينزلن وكمت اشهك مو بيدي .. ويرجع الشيخ يعيد ..ويكول ميصير هيج ..هذا باطل ..اذا مو برضاتها ..هوة يحجي واني ازيد بجي ... والولد يزيد بلحجي عليه .. كوموني ..من يم الشيخ .. حجو ويايه ..وغسلت وجهي ورجعت .. كعدت .. رد كرر الشيخ ..كتله نعم قبلت وانت وكيلي .. وفهد هم كال ... بدون لا هلاهل ولا شي ..بس باركولي ..وطلع الشيخ ..فهد كام كن يمي كعد يم امه ..وضل لازم راسه .. وامه تحاجي ... عاد سهام كالت ..روحي بوسي ..العجوز .. كمت ..رحت يمها بوستها ..وباركت الي ..وطبطبت ع ظهري .. ورجعن كعدت ..ضلو ولدهم يحجون بيناتهم.. اني غريبه ..بيناتهم ..احساس..ياذي .. ياربي فوكاها ..لازم اصبرله ..هوة اني مغصوبه بي .. هناك ..سرحت بسيف ..فكري راح يمه .. شلون جنه نريد ..نجيب ...2جهال .. وعرسنه..بهيج مكان .. وبدلتي ..وكلامه..ميعوفني ..ويبقى يحبني .. وشون امه خزتني ..بين اهلي .. وذكرت امي ..كلبي انعصر عليها .. كلت بس اطب للغرفه ..احاجيها .. جابو فواكه ..وجاي ..والي كبالي ..4ولد .. ونسوان ..خمسة ..وكومه جهال .. وامهم ..وهذا فهد ..كاعد يم امه ..حتى ميحجي وي خوانه .. هناك واخو كله ..يلا اخذ عروستك ..واصعد فوك .. هذا خنزر ع اخو وكام .. كله لا تبدي وياي ..انت كلت ..هاي خدامه لامي .. ياعروسه ..ماعندي عروس .. اني من كال هيج احس نذبحت بذبح .. ضليت اتلفت ..عليهم .. اجت سهام ..اخذتني .وصعدتني .. فوك ..واسمع صوتهم كام يعلى ..الرياجيل .... داصعد بلدرج ..وحدة ..من نسوانهم ..كابلتني ..كالت ماشاء الله اول يوم علكتيها بين الاخوان .. وصياحهم تارس البيت .. ردتها ..اسكتي ..مالح دخل ..ضبي لسانج لا اشكيج .. لابو عامر .. سكتت ونزلت وضلت تفر باديها .. صعدت ..فوك بغرفه .. جبيرة كلش ..حتى اخشابها جديدة .. كالت هاي نيشانج ..وجديد كلشي ترة .. وغرفة المرحومه صدقنه بيها ..وجانت ..بلطابق الارضي .. الله يرضى عليج اتحملي ايام ويتغير وياج .. شكوله..هاي شحجي ياربي الله لا ينطي عمامي وكوعوني بيهم ..الميخافون من الله .. شوفتني كنتوري وهدومي ..كلها دشاديش ..ردن .. كالت هذا لبسنه ..تعلمي علينه .. ونامي نكعد من الغبشه ..نخبز وننظف ..ونحضر ..الاكل .. هزيت براسي ..اي .. واني يمج ماعوفج ..ولا حاتم ..ابو عامر يعوفج .. يلا نامي اخذي راحتج .. اذا صعد يمج ..فهد ..نريد منج النيشان باجر .. ولو المفروض هسة ..تنطو النه بس نطيكم مجال .. خوش.. اي..تحجي واني مافتهم منها شي .. اريدها بس تطلع .. حتى اخابر امي .. طلعت سديت الباب .. ورحت ع جنطتي .. دورت ع الفون ..ودكيت ع امي .. دك ..جاوبت امي صوتها رايح ..كوة تحجي .. ليال .. هلو ماما..شونج برحمه الله.. اذوج ..شسولج ..احجي راح اموت كلبي نار عليج .. ماكو شي ماما ..عقدنه ..وكعدنه .. ورجلج .. ماكو شي جنه ميريدني .. باعي تنازلو عن الدعوة والمحامي راح يطلع ابوج ..وابوج بس يطلع ميبقيج هناك ..ماما ..هذول عمامج وخوالج حسابهم بعدين وي ابوج ..ليال ..يمه بالي يمج .. اني كوة لازمه نفسي اوخر الفون ابجي ..وارجع .. احاجيها اكولها ..لا تخافين خوش ناس ..ماما اذا صار بيج شي ..اموت روحي والله مابيه شي ..اكلت وشربت ..هسة صعدت ..خابرتج ..الله وكفلي وحدة ويايه ..تحبني ..ودارتني ..والشيخ هم خوش رجال ..ماما لا تفكرين بيه اهم شي انتي ..بقت تدعيلي ..وتبجي .. ختمته وياها ..مطولت اخاف عليها ..لا يصير بيها شي .. لو تحس ..بيه ممرتاحه ... بدلت ..وكعدت .. رتبت غراضي .. خليت ..راسي ..ع المخدة ..انفتحت الباب عليه .. خليت ..راسي ..ع المخدة ..انفتحت الباب عليه .. اني كلبي ..راد يوكف من شفته متخيلته يطب عليه .. طب وسد الباب .. وكف كبال الكنتور ..طلع هدوم ..وبدل .. اني غمضت عيني .. اجة..يمي ..قريب وكف يم راسي .. راسا ضميت وجهي ..بايدي .. مالي ذنب بشي جابوني جبر لبابكم ..مو اني كتاله مرتك ..ولا اني فصلت روحي الك .. ساكت وعيونه كلها حقد.. مد ايدة ..غمضت .. كتله والله اني يتيمه ..
