.. بقيت بلفراش ..ساعه اكول يكذبون عليه ..ميزوج .يضوجوني .بس من كتله ع الفلوس ولا علق ولا كال شي .. وحتى كلام سهام جدي ويايه ..بقيت اتكلب .. رفع راسه كال ها تمساح .. كتله شنو ..كال شكد تلوبين لخاطر الله .. تريدين انام يمج .. طبعا لا ....راح انام .. صار تحدي ..داخل نفسي ..اريده ..ماعرف ليش وشنو السبب ...يمكن غيرة ..لا شغار مو هذا الي احبه والي اريدة .... كمت من الفراش .. كال ها خيرج شبيج .. كتله ماكو شي ....بس مجايني نوم .... شغله زواجه مدري شسوت بيه ..ياربي اليوم الاحد ..معقوله منا للخميس اكدر افركشها .. زين لييش افركشها اني شعليه ..بي لا احبه ولا يحبني وهوة يكول ماريد ام جهالي فصليه .. كمت ..عبرت من يمه جبت ..جنطتي مال اهلي ..كلت ارتبهن .. كعدت بلكاع بس بيعيد ..عنه ..طلعت الهدوم اسفط..بيهن .. من ضمنهن السيت ..طلعته ..وخليته ليبرة .. رجعتهن ..للكنتور هوة المكان الي ينام بي ..مقابيله ميز التواليت .. وتليفيزيون ..ع عارضه بصفه ..غرفتي جبيرة ..واخشابها حلوة مرتبه وكلها مري .. تجرأت اريد البسه ..وردت ينتبه الي ..ولو شويه ..تخربطت كل موازيني ..ويا ..من سالفه زواجه وحجي سهام كمت ...عبرت ع الجهه ..الثانيه هم كعدت بجهه الجربايه .بلكاع .ولبسته .... اسود ..طويل ..وبي ..جلد النمر بلاطراف ..و بي فتحات اثنين ..لبسته ..وضليت ..جوة كلت بله اني من كل عقلي مثل الجهال ..لبسته شريد اسوي ..بيني وبين فهد جربايه ..هنوب لبسته وبقيت ..جوة لا بيه اطلع ولا بيه انزع عجبني اشوفه ..ع روحي ..شداسوي بنفسي كلت انزعة عيب ..شداسوي اني ..شجاني واذا مزوج .. بهلاثناء انفتح الضوة ..واشوف فهد ..واكف يم الدكمه ويباع علية..اني بس عيوني طالعه ضامه روحي ..من جهه الجرباية بلكاع .. كال هاي شدسوين هناك .. كتله طفي الضوة . كال طلعي ..كتله طفي واطلع .. شبيج..شدسوين ..سحر...ويضحك .. كتله فهد عفيه لا تجي .. مسودنه ..شجاي سوين ..وصل قريب يمي .. اني .. متت خجل ياربي شداسوي بروحي .. وكف كبالي ..ضل يباع علية .. كومي .. اني كاعدة ع ركبي .. كومي ..احاجيج .... كمت .. جنت فاتحه شعري...وبعدة سرح .. وكفت ضل يباع عليه من فوك ليجوة .. كال هاي شنو .. لميت بروحي .. كتله شنو .. كال هذا الي لابسته .. كتله شنو دشداشه مال نوم .. اي اعرف ..ليش لبستيها .. اوف ربي شراح يخلصها ..شفشلت روحي شكول .. كمت امتمت ..كتله داجربها ..والله ..شترتها امي الي .. السيت ..حصر ..واني ..صاحبه جسم ..متروس.. كال اي امشي ..شوفي كتله لا وخر يلا اشوف .. بطلت ..اريد انزع ..ضحك ..نزعي ..ياحضريه .. نزعي ..فلك طرج ..شطلعتيلي بهليل هلسالفه .. لعنه الله ع بليسج .. ضليت صافنه عليه ..حسيته ضاج وتوتر ... كمت ..مشيت من يمه وكفت ع المرايه اباع عليه عيونه مانزلن من عليه ابد .. اجه قريب عليه ..كال هذا بيش .. انداريت ..علية..كتله ليش .. كال اريد منه لرشا ..بس كل الالوان ... تقرب مني اكثر .... كتلة اي شكو بيها روح اشتري الها انت .. كال لا اريد انتي .. شنو اني جيبين الها .. عفته ..وخرت من يمه .رحت طفيت الضوة .. ورجعت ..يم الجربايه .. ردت انزعها ..كلت لا انام بيها .. مثل ماسهام كالت .. رحت بلفراش مددت .. شفته اجه ..يمي .. كتله ها ..شكو .. كال ماكو ..بس .. شنو بس ..مضيع شي .. لا بس انتي مرتي حلالي .. نام فوكايه .. فهد شبيك وخر عني .. احترك جد فهد ..ليالي ..عجبتيني .. كام يبوس بيه ..اني ..اندمجت ويا ..هناك وذكرت كلامه فصليه ورجعوها ..وعمامج .. شاورته كتله مو اني الفصليه الي تستنكف ..جهالك مني ..مو اني الي عمامي شمروني جوة رجلك .. بقه ..يباع عليه ..وساكت ..كام ..عدل روحه ..ونام ..بلكاع .. اني هم ..عدلت روحي ..ودرت نفسي ونمت ..بس حسيت بنصر ..هذا غرورة وكبريائه ..انهان ..شويه ..صبرك ..ويايه ابن الشيوخ ..الا اخليك تتوسل بيه .. حسيت ..براحه وبنفس الوكت ..كمت اريدة .. ضليت بصراع ..بين اقبل وبين ..لا .. طولت يلا نمت .. كعدت ثاني يوم ....شفتها عابرة ال8.. كمت ركض..ذبيت عليه ..جبه ..وسديت الدكم ..والشال .. ونزلت جوة غسلت ..وكملت .. وكفت اعاونهم .. كملنه .. كعدنه تريكنه ..فهد نزل ..يمه . شون يباعلي عبالك يريد ..يشرب من دمي .. كملت الريوك ..وشلت المواعين .. وكفت اغسلهن ..كلمن راحت ع شغله .. فواحد من حمويني ..جان بلمطبخ ..الوسطاني ..يريد مني اسوي اله ..جاي ..بترمز ديطلعون للصيد .. كعدت حضرت اله جاي .. وانطيته اله ..فشاقه ويايه وضحكت .. كلي راح نصيد ..بط ..بس فهد يصيد..فيران ..ضحكت ..طب فهد .. انتظر ..اخو يطلع .. كله روح هسة اجي وراك .. كال ليالي ..راح اصعد دقيقه وانتي يمي .. شكو ..بلا شكو تعاي .. صعد .. كملت الي بايدي ونشفتها ..وصعدت .. بعدني مفاتحه الباب .. نفتحت ..جرني من شعري حيل .. شبيك ..وخر ايدك عني .. اخ شعري .. كال شنو ..هلبس وشعرج طالع وكاعدة تتمضحكين وي اخوي .. والله حلكج اشكه..وادوس راسج .. هد شعري ..مو لابسه جبه .. صدرج كله مبين وشعرج .. وشمرني ع الجربايه .. اجه قريب ..عليه ..وحق الله لو ما يتيمه اجنزج سامعه شنو اجنزج اطلعج جنازة منا ..دخلي اشوف شعرة منج تطلع ..وشوفي شسوي.. دفعته ..كتله مالك حق تحاسبني ..زين .. رجلي ع ورق انت ..وهاي للعبه كم يوم وارجع ..لاهلي ..لا تعيش الدور ويايه وبعد ماخاف منك ..زين .. عاط بيه..ولزمني من ايدي ..قوي .. ليالي ..لا تلعبين بعداد عمرج ..لا تستفزيني .. صاحو ..جوة .. خلي اروح وارجع وحسابي ..وياج ..خوش .. طلع وركع الباب ..حيل.. بطلعته طبت سهام .. شبيكم ..بس لا تبجين ..فهميني شو مكفوشه .. لا مابجي ..بس هيج صار .حجيت الها .. كالت هوة الزين وضحكت ..هنا لعبتح بعد ..لعبي .. وضلت تحجيلي ع سوالف ولا ابالي اصلا ولا عبالك هيه ..مدارسه ولا شي ..فرت راسي فر بلكلام .. وكالت الطوبه ..بملعبج .ولعبي ..بعد .وارجع واكولج لا ضعفين ابقي قويه لوما قوتج ..فهد ميلين .. كالت يلا حضري روحج دام ديصيدون احنه ننزل لسوك انطاج افلوس فهد .. لا .. ليش .. مشفتي طلع عصبي ..شبيج ياحضي ..شوكت تفلحين .. ومكتله راح اطلع اصلا.. خلي اخابرة اني .. صاحت بنتها ..جابت الها الفون .. ودكت عليه ..فتحت سبيكر .. فهود راح اخذ ليال واطلع .. وين .. دنشتري غراض لعرسك .. انعل ابو عرسي ..متطلع من البيت خوش.. يمعود شجرالك وياي .... سهام ..ماتطلع.. لخاطري ..والله .. اني اشر الها ماروح .... ياسوك هاذ. ترحوله .. سوك الجبير .. هااا ..شوكت . فد ساعه .. روحن..بس ..تلبس عباة ..خوش ..سهامه ..حشميها هاي ماتعرف ذبتنه لا ابتلي بدمها ..بروح ابوي .. ضحكت ...كالت تدلل.. اني طنكرت ماروح .. ضلت تحجي عليه وقنعت .. طلعنه اني وياها ..اخذنه تكسي ..ورحنه للسوك الجبير .. برة منطقتهم .. سوك كلشي بي بس مو مثل سوكنه ..احنه احلى .. هيه اول محل ثاني محل قنعت واخذت .. بس اني فريتها السوك كله ..وماعجبني ..شي .. تاليها ..اخر شي قنعت ..بفستان ..ماروني ..قصير .. وظهره مفتوح تردت بي .بس سهام كالت عادي لبسي ..احنه بس بنات وهوة ...وكلهن يلبسن هيج ..ترددت بينه وبين الطويل تاليها اخذت الطويل .. وفترينه ع الكماليات اخذت ..كم شعله وعجبني ..تاتو جسم ..هم اخذت ..وشاخذ سهام تاخذ ..الضعف ..ماعدا ع ذوقي اخذت ..اشياء و.ملابس . كملنه مسواك ..ورجعنه للسوك العصر ..بعد ماكضينه تعب .. . رجعت هلكانه من التعب..جهال سهام التمو عليها ..علمود الغراض اطلع وتكول عمتكم ليالي ذوقها ..ويبوسون بيه . هنوب التمن الجنانين وضلن يكلبن بلهدوم ..والكل تكول ليالي من ترحين سوك نجي وياج عفية ع ذوقج اخذيلنه .....بس وحدة بيهن ..حلا ..مرت حماية قاسم ..ولا حبتني ..ودائما تغث بيه ..وسمعني حجي ..هيه اكبر مني ..اسكت ..مرات سهام تسمعها ....ترزلها .. وكفت كبالي ضحكت كالت ع خير عليج ..رجلج راح يعرس وضحكت ..صدك تستاهلين ضرة .. .. استغفرت الله..وسكتت ولميت غراضي مرت حمايه الثانيه..كالت الها حلا ..مالج دخل بلبنيه. .خليها تفرح وهيه اصغرنه.واحلانه ويلوك الها ..وحتى لو رجلها يزوج وشكو بيها نسيتي رجيفج من قاسم راد يزوج اذكرج ..كالت اوي شعليه انه ..بس قاسم مايبدلني بالف وحدة مو مثل ..جماعه يوميه ..طارديها وتجي.. كتلها لهنا وبس وشبيج وياية تغثين وسمعيني حجي اني بنت اوادم وصابرة وساكته ... .لاخيه لا تعصبين ..ندري بيج بت شيوخ وعشاير وزلمكم حوك .وعمامج .يفطرون الكاع ..وضحكت .... . . بهلاثناء طبو الرياجيل وجان فهد اولهم ..اني لميت غراضي ..وصعدت ..فوك ..اووف ياربي ماريد ابجي .. بديت ارتب بلغراض .. يعني اني بسبب فهد الكل يعير بيه وميحترمني ..لو خال اله قيمه مو هذا حالي وحدة ..مثثلها تحجي ع اهلي .. صرت اعصاب وافور .. طب فهد ..انداريت عليه ورجعت الم بغراضي كلي شبيها وياج حله .. كتلها مابيها..شي لا سمعتها ..تحاجيج .. اي ..عادي ..اني مكفخه ..الكل ..شنو الي يتغيروفرق ..وجاي تسأل .. لا انه ماقبل واحد يتعده ع مرتي ..بحجايه .. شنو عيد ..مسمعتك زين .. لا سمعتي .. كله منك وجاي تحاسبهم اليوم ..فهد لو تدري شكد اكرهك ..اموت منك ..اكرهك ....وحوبتي وراك وراك ..وتطلع عساها بعزيزك ع الذلة الي عيشتني بيها .. ليالي .. اني مو ليالي ..ليال والله .. ليالي لا ضلين ..تكمزين بلحجي احجي عدل وياي ..هسة انه اعرف شسويي واريد اشوف احد يتعده عليج .. رحت يمه ..كتله لا مشكور ..لا تعب نفسك .. اني فصليه ..من عساهم فصلو بموتي .. العتب مو عليك العتب ..ع الدنيا ..خلت المرة بلا قيمه وقدر .. فهميني تحبين كتل انتي ..داكلج انه اعرف شحجي ..وياهن ..اله افرك حلوكهن .. وعافني ونزل .. بس اسمعه ..يحجي و .. يكول كلامي للكل ..الي يتعدة ع ليالي بحجايه ..عنها وعن اهلها بحساب تعدة ع ربعنه واهلنه و ..حسابي ويا ..جبير ..ماعيدها ..مرتين ...سمعتو سمعت الحجي يكولة شصاير .. ماصاير شي حجي ..اعرف عليمن احجي ع كن الدجاج بس يكركرن مايسكتن .. كل وحدة تعرف نفسها وشتحجي بهذن اذاناتي اسمعها تعيرها فصليه .. هنوب الحجي هم هد عليهن ..انخرسن .. اني ركضت طبيت ..جوة ..بلغرفه .. عود داصفط بغراضي .. صعد ذب ..سلاحه .. واخذ خاولي وطلع .. حتة ماحاجاني ..اني هم ..كملت غراضي ونزلت .. احس مو دانزل درج لا داركص من الفرح .. نزلت ..نفشت نفسي ..عود اني سهام ..ومسيطرة .. طبيت للمطبخ ..جت يمي مرت حمايه .. ..كالت عفيه عليج خلي يضبها ..هلخايسه ..وضحكت .. كعدت اسوي زلاطه ..وهنه ديصبون الاكل .. جتي سهام ..كالت دقايق سبحت تعاركتن شنو انتن دخيل اهلجن ماتبطلن مناكر .. اني ساكته .. جت قريب يمي كالت عفيه عليج ضبي ..بعد بيتي .. تربيتي بعد ..انتي .. وخرت كالت ليالي .. ودي الاكل .. وهذيج حلا بس تباع ..وكالبه الخلقه .. رحت ..فرشت السفرة وبوست الحجيه .. وضلت تدعيلي بتوم ولد ..اني ضحكت .. وبديت ارتب ..بيها ..واعدل .. كمت احب البيت احب اشتغل اسوي .. رجعت اجيب من المطبخ .. كتلهم اليوم العشا عليه ..اسويلكم بيتزا وفطاير .. لو معكرونه بلبشمل ..لو ..كنتاكي ..لو صاج اختارو .. سهام ..كالت عفيه بلنادرة ..هههه كلهن سويهن ..كتلها من عيوني ..تدلليين عليه ... يلا بعد الخبز اخذي ..والمي .. اخذتهن ..ورحت كاعدين الولد .. طب فهد ..شعره مبلل..ولابس .تراكسود .. اسود ..وبي خيط ..نيلي .. ضليت اباع عليه .. دنجت وضحكت ..كلت وي روحي ..ربي سبحانك من اكرهه اشوفه يخرع ..وهسة ..اشوفه حلو .. رديت كلت شبيه ..خوما احبه اني .. اجه كعد يمي .. يمه قلبي كام يرجف اول مرة ..يكعد يمي .. كال ..صبيلي روبة .. انداريت عليه ..لبن .. اي لبن . اي ..صبيت اله ..وانطبته عود مسيطرة اني ..واني ..كلبي راح يكمز بلماعون .. قربت الاكل يمه وسمينه وكعدنه ناكل .. طبعا رغم القهر الي مر عليه بس جنت اكل...لان اكلهم طيب ودسم ..وبديت اسمن ..اني جسمي ..وطولي متناسق ..بس صار احلى وبينت مفاتني اكثر .. اكل ..ويطخ ..بيه لو بجتفه لو بايدة ..ويسولف وي اخوانه .. وحلا ..كبالي ..مثل البومه ..تباع من فوك ليجوة .. بس سهام ..تضحك ..وتغمزلي .. كملت اكل ..وشلنه السفرة .. فهد صاح ليالي .. اني بلمطبخ وهوة بلاستقبال ... اول مرة يصيحلي .. الكل التفت عباله شي حته اني ..عبالي اكو شي رحت ..كتله نعم ..كال اني صاعد ..فوك الجاي .. صعدي لان ..تعبان .. خوش .. كملت الشغل ...وحضرت الجاي .. وصعدت .. جرتني سهام .. كالت ..اذا ..تقرب الج صدي .. اني بقيت اباع عليها .. كالت سمعي مني ..دامه ....حن ..لا تحنين ويا .. فهمتي ..ماعيدهن ... كتلها ..زين ... صعدت فوك افكر بكلام ..سهام .. بله شسوي ..هسة لا صدك يزوج ..ويعوفني .. شو اني بديت ..احس نفسي ..احبه ..لا شحبه .. اوويبس صار حباب .. ..دخت ياربي .. فتحت الباب ..وطبيت .. كال شبيج ..حايرة .ودردمين وي روحج .ضحكت .. كتله لا مابية شي .. صبيت اله جاي .. وكعد يسولف الي ع صيد ..اول مرة اسمع سوالفه .. ياربي شكد ..حلو هنوب رصعاته ..تخبل .. وهيج ياشر الي بايدة ..شلون يرمي ..ويصيد .. كال انصيد منا ..ونوزعه منا ..بلديرة هوايه ناس بعازة الكمه ليالي مو مثلنه ....الله ..رازقنه ..من نعيمه . اني اكولة اي وابتسم اله... كمل الجاي والسوالف ..شلت الصينيه ..مابيه انزل بعد تعبانه مال ..طلعه .. كال طفي الضوة اريد اريح شويه ..طفيته ورحت ع الكنتور طلعت ..هدوم .. كتله راح اسبح تعبانه .. نام ع الجربايه لا بلكاع جسمك يتكسر .. وطلعت .. اكو حمام ..فوك .. طبيت سبحت ..وكملت ولفيت شعري ..بلخاولي وطلعت ..اباع بلباب ماكو احد ..ركضت لا احد يشوفني ..ويسويها مصيبه عليه .. كلت هوة نايم ميدري .. .. جنت لابسه ..دشداشه ميدي .. صح الجو بارد بس ..ماعرف البس ثخين .. طلعت ركض ..طبيت ..للغرفه .. ذبيت هدومي بسله .. وفكيت شعري مشطته ..وتعطرت .. سمعته كال ليالي .. هاي شون طلعتي ..هيج ..جانت البردة تعكس ضوة .. اني جفلت .. كتله ..والله ماكو احد .. كام .. كال شسوي الج هسه ..ولج ليش مسمعين كلامي .. موداكولج ..ميصير هيج ميصير.. شافج احد شيكول .. كتله ميكول شي .. اني يجي يمي واني اركض..صارت الجربايه بظهري .. كعدت ..كال ..اسمعيها مني اخر مرة ان شفتج هيج .. وجهه صار بوجي ونفسه ..قريب عليه .. كتله ماسويها والله التوبه .... كال شكد ..طيبه ريحة شعرج ..وجر اطرافه شمها .. تقرب اكثر .. كتله فهد .. كال ..اششش..اسكتي .. شفته..صارت ع شفتي ..باسني ..اني غمضت عيوني .. واذكر حجي سهام اريد اوخرة ماكدر .. بس ..اخذت نفس ..كتله ..بصوت ناصي ..كوة احجي .. هوة يبوس بركبتي .. فهد ..ماكدر ..وخر عني ..ماكدر عفيه.. عافني وكام ..دفر الجربايه .. شطلعت وياج..هاي.. ..ورد دفرها مرة ثانيه .. وندار ..وطلع وسد الباب قوي ..
