بحاجتي الكل سال عليه ..من الوكعه اكولهم الله وكفلي ماكو شي سهام جانت ممرتاحة ..وضايجة من سالفه الكاع .. والاجواء متوترة بلبيت .. بين شغل ..والبيت ..والحجيه .. الحجيه ..فقيرة كلش .صح كلامها ...صعب تكوله ..لان عدها جلطه بس تسولف وسوالفها حلوة وجانت كلش طيبه ..ويانه كلنه .. اهم شي .علاكه الدوة ..والاكل والجاي ..اذا هذول اجوها انتهت بعد ماتحجي ..جنت اشوف الولد هوايه يحبوها يوميه يكعدون يمها ..يسولفون ..وينطوها فلوس هيه تشيلها وتوزعها النة ..وللجهال .... الحياه جانت حلوة رغم بساطتها ..بلبيت .. اكتشفت ..الحب ..يصنع ..كل شي ..ويغير .كل شي .. مرات اكعد من النوم اكرهه ..روحي والي وصلت اله .. بس ..من اذكر اكو حب بهذا البيت من الكل .. احس نفسي ..احب كل شي الايام ..مرت بتوتر ..منعرف شكو او شنو الي راح يصير..الولد مخبوصين بسالفه الكاع ..ومنحلت .. حتى فهد ياخذة صبح ..ويجي ..بليل .. ورة يومين ..بليل ..سمعت هوسه .. ركضت .شفت ..ولد كومه بلباب وبيدهم ..سلاح منظر ..مرعب ..ضليت اباع ..شفت .فهد يحجي وياهم .. اباع عليه ..بينهم ..صدك ..فهد..لا مو فهد اسد شلون يحاجيهم ....وياشر بايدة .. اني واكفه ورة الشباك..واباع .. جتي سهام ..كالت شكو ..كتلها شوفي..فتحت البردة كالت هاي الي خايفه منها سديت البردة وكعدت .. مين خايفه .. طلابه ياليال .. وعافتني .. ركضت وراها ..طبت بغرفتها .. شكو فهميني .. مددت ع فراشها ..كالت تعبانه ليله شبيج .سهام شيوجعج .. كالت ..خايفه . ..ليال ..الحجي .. شبي فهميني راح انجلط .. سالفه الكاع مراح تفض ..ع خير .. شلون مادري كلبي معصور ..عصر .. لا اسم الله .. جا مدشوفين العراضه الي برة ..هاي معناتها مو بخير.. خايفه الدم لا يطيح والحجي مجاي يسمع الي .. يمه ..يادم ..وهم ينطون فصل مرة .. باع هاي .. خيه انتي مطفيه ..وانه ضغطي معلك فدوة سويلي جاي حامض .. سهام ..سؤال ..بكلبي..صار كومه .. شنو .. الحجي ..ليش ..هيج يحبج .. ضحكت ..عدلت وروحها ...سويلي جاي ..وانه اسولف الج .. من عيوني .. طلعت للمطبخ .... يمه هاي ليش تكول دم منو يكتل منو طلعت القوري وخليت نومي بصرة وافكر حسيت واحد ..حضني من ظهري .. يمه ..انداريت .. يمه ..ليش.. اوووي ..فهد .خرعتني .. اووي اوي ..شتعلو العشيرة .. هههه ليش ..حبي .. انه ليش احبج .. لان ام شبل .. باع ..ياشبل ..جا ..شبل حجه ..جان .. فهد راح تحركني ..طبكتني بلطباخ .. لا هاي مو حرارة الطباخ هاذ كلبي معطب ..بيج .. هههههه..دوخر هسة ..داسوي حامض ..لسهام ماله خلك .. شبيها .. خايفه من ورة الكاع .. الي عدها هيج زلم تخاف ..تخسة .. فهد تكول اخاف من الدم ..يادم .. فهد ..بداعه امك وخر ....خلي اسوي ..جاي .. بعد شويه عني .. كال الكاع عرض ..ليله ..والعرض ندفع عليه ..دم .. يمه يعني تكتلون لو شنو .. لا بلكي تنحل ..منا ليومين ..ماكو نهد عليهم .. فدوة اخاف عليك .. ضحك يمه فديت الضحكه والغمازة ..تاخذ روحي .. اجه باسني ..من ركبتي ..حسيت ..جسمي كزبر.كتلة اريداكمل شغلي وخر يمعود ..لا يجي احديشوفنه بس وحدة اريد اضوك .. شضوك البقلاوة الله ..اريد بقلاوة باع هاي ..شحجي انه وهيه حايرة بلكرش .. يلا حبي راح اطلع وي الولد ..وراسج ماشوفه من الشباك بعد .. انداريت عليه ..يمه . اي يمه ..انه من تطلعين ..مو اشوفج احسج ..ولج .. عبالج ماشفتج .. لا بس داشوف شكو .. اي عيني عليج ترة ..لا احد يشوفوج .. ليله ليش ماتلبسين بوشي .احلى .. صفنت عليه ..يابوشي ولك شو كاعدة بلبيت وين البسة .. ميخالف .. فهد ..يمعود.. يلا رايح انه ...من ارجع نتفاهم . اني كملت ..الجاي ..وطلعت ..شفت فهد واكف وي رشا ..اني هم غلست ..ورحت ..يم سهام .. خليت الجاي وطلعت ... شفتهم ماكو .. اوف ياربي ..طبو للغرفه ..احساس صعب ..محد يحسه بس الي يعيشة .. يعني اتخيل كل كلمه ..وحرف ويايه وياها هم .. كل لمسه وهمسه ..هيه هم .. اووف راح انفجر ..ضليت اروح وارجع .. شفتها طلعت من غرفتها..ضلت عيني اريد اشوف ..فهد .. طلعت لابسه العبايه رحت يمها .. رشا شكو .. باوعت عليه ..صفح .. ماكو رايحه لاهلي ..امي ماله خلك .. اني كلبي صار ..هلكبرة .. يااا سلامتها ..تباتين لو لا .. اي ابات فهد قبل .. ابتسمت ..اي ..سلمينه .. وطلعت ..من الباب ..المطبخ ..رحت وراها اباع .. فهد ..يحاجيها ..لو شنو ..مشفت شي ..طلعت وراحت .. رجعت يم سهام .. كتلها رشا يم اهلها .. هااا..شعجب.. امها مالها خلك ... والولد ..فهد ..راح يمكن يوصلها ومناك يطلع.. شبيج اليوم مو ع بعضج ابد.. ماكوشي حبيبه .. مكتيلي شون الشيخ هيج يحبج .. تربعت يمها ع الفراش.. سولفيلي .. ضحكت شسولف .. كل شي.. كالت من هداني ابوي اله ..كرهت روحي لان جنت اتمنى اخذ واحداحبه .. حالي من حال الوادم .. ي ..حبي طبيت للبيت ..وكلي حقد وكرهه...الهم وخوف .. هم لا مهر ولا ذهب .. حالي من حال .اي حاجه تنهدي ..ابلاش..اول يوم جيت ام عامر لزمتني كالت انتي خدامه هنا ..مو اكثر ..واذا تفكرين توصلين لفراش الحجي ..بليله سودة احركج .. خوف وقلق ...توتر ..جانت الحجية شويه بيها حيل .. جانت واكفه وياي ...وطيب خاطري ام عامر ..بس 2خلفت ..ماتكدر ..بثاني طفل شالو رحمها .. والحجي يريد خلفه بعد جان ..هيه جانت تريدبنت عمتها للحجي .حتى ع كد اديها .بس صار ..زواجي منه ...بعد .. لا شوفيها ..هسة فقيرة . كملي .. باول يوم ..الحجي من راد يتقرب الي ..بتعدت عنه بخوف وبجي ..خايفه من ام عامر ..ومنه هم .. مرت الايام والحجي ماجبرني ع شي ..ابد .. بس كلما يريد يتقرب امتنع ..منه .. متتخيلين ..شصار ..اخذني ..لبغداد .طلعني .
.وشترالي كل شي ..وذهب ..وهدوم ..وكال ..انتي احلى هديه الله دزها الي ...وراها ..كمت احبه ..وصارت علاقتي بي .. ام عامر ..مخلت ذبت براسي سحر ..حتى ..نغل ذبو عليه .. يمه ..وشسويتي ..دكيت باب ..مينسد ابد ..باب رب العالمين .. ونعم بالله .. ومجنتي تكولين اللحجي. لا ..ليال الرجال ميحب الكال والكلت ودام انه الكمر عندي شلي بلنجوم ..الحجي بدة يحبني ..وحبلت منه .. اذا انتي طيحوج ..انه طبتلي ام عامر داست ابطني ..دوس يمه الله اكبر .. والحجي شسوة .. مسوة الي سواه فهد ..بس هجرها ..وجنت ماقبل لان حرام تبقى ام ولدة .. اي كملي .. الضرة مرة ..خيه .. والله صح ..داشوف اني ...مرارتها متنجرع .. اني ماحجي شي للحجي ..اشوفةبعينه .. شلون يعني .. ماضل انك براسه ..واخسر يوم ويا ع كال وكلت هوة العمر مرة ماضيعه ..بس نك وعتاب .. والشي الي يضوجني ..اخلي كدام عينه ..وهوة يصرف .. شويه شويه حجي عرف كلشي . واني قويت وكمت ماسكت ..وبنفس الوكت اكسب الحجي ..يعني عركه الصبح وي ضرتي .. بليل من يجي تعبان ماجيب طاري ..والبس واتعطر واسولف واضحك ..وهوة يعرف بيها .. حبني ودللني وخلالي قيمه ..لان احبه ..ليال .. حبي فهد صدك بكلبج لا تخلين شي ياخذ فرحتج ويا .والعمر مرة يوم ..لا تخسري .. ماخسره اني هم احببه .. اي ويحبج ..هو. همات .. الله يسعدكم .. فدوة سهام لا ضلين هيج حصرتي روحي .. لا ماكو شي .. كومي حضري روحج هسة رجلج يجي .. اي حبي .. كمت طلعت منها .. قويه والله ..شكد حلو ..كون اني مثلها وماهتم ..لازم اسكت بعد وماحجي شي ... صعدت فوك ..طبيت سبحت ..وطلعت .بدلت .. رتبت الغرفه وعطرتها .. وكعدت ..امكيج ..واشسور شعري .. كملت ..انتظر فهد ..يجي .. خابرت عليه ..اتاخر ..يدك ..الفون ..وماكو جواب رجعت دكيت ..يدك .. هووف ياربي اتاخر هوايه وينه .. نزلت ..ماكو .. خليت فاطمه دك ع ضياء ..هم ميجاوب .. يمه احس كلبي لعب .. اتصلت بي ..ماكو .. طبيت ع سهام سهام لا فهد ولا ضياء يجاوبون .. ندك ..ماكو .. اقل الساعه ..ندك محد يجاوب حتى الحجي احنه بلمطبخ ملتمات ..نسولف .. نسمع رمي ..يمنه بنص البيت ..حترك البيت اني ..ركضت وطبيت بلمطبخ الحار .. البنات كلمن ركضت ع ابنها ..واعياط وصياح .. اني سادة اذني وكعدت يم القنينه مال غاز وبالي كله يم فهد اريد يخلص داطلع الطلق ع البيت ....شويه ووسكت .. اسمع يبو يبووو بصوت عالي .. طلعت ارجف اريد امشي ماكدر .. .مثل السعفه وسنوني ..طكطك .. كوة وصلت للباب المطبخ .. سهام ركضت من الممر .. الحجية ..ماتت الحجية كايمه .. كاعدة بلكاع وتعيط .. وتضرب ع راسها ولدي ... اني بقيت ..مصدومه شنو ماتو ولدي ياولد .. ركضت ..برة ..لزموني ..كتله بس ار يد اطلع اشوف .. ابقي ..هنا فاطمه شنو ماتو ولدنه .. كعدت بلكاع ..محد مات شبيج ..اصبري .. شبيج ليال ..اوكفي ..هسة نخابر اعمامنه واهلنا راحت ..من يمي فتحت الباب ..وطلعت للكراج اسمع صوت سيارات تشحط ..بقيت بمكاني واكفه .. الطرمه كلش جبيرة ....مسافه بعيدة لباب البرة كمت امشي ..ع كيف ..مخايفة ع نفسي بس اتخايل فهد غركان بدمه وبلكاع ..والولد هم .. الخطوة صارت الف ..رجلي احسها نشلت .. سهام ..صاحت ليال ..تعاي .. دكونه ... بقيت امشي ..وصلت ..للبرة ..اريد امد راسي من الباب ..ماكدر .. فتحت الباب ..غمضت عيوني .. ربي ..دخيلك ..انت تعرف الباقي وابجي .. فتحت عيني ..ماكو احد ااشارع فارغ بس ريحه البارود تخنك .. طلعت ..سهام ..جرتني ..من جتفي حيل انتي مخبله لو عاقله شطلعج جاي اكلج ..دكونه ... شنو يعني فهد مابي شي .. طبي ..لليال طبي .. مشيت طبيت جوة ..هيه قفلت البوب .. اباع ..ع البيت طلقه ..مابي ..ولا مضروب .. هذا الرمي وين لعد .. سهام ..جتي ورايه طببتني وقفلت البوب وتحجي بلفون. كالت هسة يجون .. منو يجي .. الجهال تبجي .. الحجيه تخربطت ..ضغطها علك ..وحارو بيها بس اني اريد اعرف شصار ماعرف .. طبت سهام ..للغرفه .. رحت وراها سهام ..فهميني .. عاطت بيه شفهمج ..جوي هدو علينه .ورمو يعني ..لازم عطوة ..وفصل ..كلت كلبي محصور ..وحسيت يصير شي ودور ورة الكنتور ..جرت علاكه سودة جبيرة .. طلعت منها سلاح .. يمه هاي شنو .. سهام فهد وينه والله راح اموت .. كعدت ركبت السلاح وترست ..المخزن طلق .. اني صافنه عليها .. ولبست السلاح ..رشاشه .. وكالت كومي .. ماكو زلم لعد احنه شنو .. اني بس اباع عليها .. كتلها شراح يصير .. مايصير شي هذا هو. خلصت ..رسالتهم وصلت .. الولد وين ..ولا واحد اجه .. محجوزين .. شنو ..منو كلج .. هسة خواني جاين ..وعمامهم .. سهام ..مدافتهم ..شي،.. ليال بس ..عاطت بيه .. اني هم مشيت وياها .. طلعت ..كالت حلا وفاطمه نومو الجهال ...ماريد ولا جاهل هنا .. ليال ..اكعدي بس لا تتبجين ..وتورمين كلبي ماكو شي ..منا للصبح يصير خير ..يطلعون زلمنه ..وتفض ماضل هيج .. اني بقيت كاعدة يمها ..اباع عليها .. رجال مو بسباعيتها ... ام عامر ..يم الحجيه .. بقيت ساكته حتى اخاف اسال ع فهد .. اعصاب ..عيونها دم .. ندكت ..الباب والجرس.. كامت ..دك فونها .. كالت كومي حشمي نفسج جوي الزلم .. منو فهد .. كومي ..منا .. كمت ..طبو اسمع صوت وحجي ... وليه ..مال مخانيث هاي .. منا حجزو الولد ..منا يهدون ع الحرمات ..نواقيص .. مطبيت ..بقيت اسمع من برة .. سالت ام عامر منو هذول .. كالت اخوان سهامه ..وعمام الولد .. عفيه خاله مدافتهم شي ولا اعرف شي ..راح اتخبل ..خاف فهد بي شي .. كالت اسكتي ماكو شي ..لا الحجيه تسمع .. الحجيه ..تخربطت كلش اخذوها وراحو للمستشفى .. بس بقو ..رياجيل يمنه ..حتى بلباب شون الحرس واكفين .. وصعدو 2بسطح ..واسلحتهم ..دقايق والبيت انترس ..رياجيل برة .. يعني عبالك فلم ..ماعرف شسوي ولا دافتهم حجيهم .. صار الفجر ...واني صاعدة نازله ..من الخوف بطني كامت توجعني مدري من الوكعه ..اخذت حبوب ومافاد .. بقيت كاعدة ع الدرج .. انتظر..اسمع خبر ..الجهال نامو سهام ..بغرفتها طبت ..الحجيه جابوها ..صاعد ضغطها ..ومنطيها مغذي وابر وام عامر نامت يمها ..وبس تون ع ولدها .. فاطمه يم الجهال سعاد ..وحمايه عدنان ..صارلهم ..اشهر طلعو من البيت وكعدو بوحدة من بيوتهم .بمزرعه ..يعني ..ماعرف عنهم شي ولا اعرف ..اذا ..درة عدنان بلي صار لو لا .. الي تعجبت منه صح ..خافو بس عادي متعلمين ..الي نام ..والي بقى يسولف والرياجيل بلبيت بلديوان ..عمام فهد ..والعشيرة ..كلها عبالك شي عادي ..ومتوقع يصير ..بس اني جنت عايشة فلم اكشن ..ورعب والخوف ..عمه عيوني .. بقيت كاعدة ..انتظر فرج .. وادك ع فهد صار مغلق .. ضليت الوب ..ليش مغلق ..وشصار .. صعدت بغرفتي ..فرشت سجادتي ..وكعدت اصلي وادعي الله يرجعه الي سالم .. يعني معقوله كلما اصافه ويا تصير طلابه ماكو هيج حتى بلافلام ماكو ...حظي اعوج ..كلش..وياه بقيت ادعي وابجي ..احس راسي طبل .. ساعه 5الفجر سمعت صوت رياجيل ..عالي .. فتحت الباب ..اريد اسمع زين .. صوت فهد ..هذا حسة هاي نترته ..وعياطه .. كلبي فز كبل لا اني انزل ..حسيت بي هو. .. بدون وعي نزلت نص الدرج ذكرت بدون شال اني.. رجعت صعدت .. لبست ونزلت ..باب الاستقبال مفتوح ..شفت ..ظهرة .. ودشداشته ..النيلي ..وهاي شمرته ايدة وعصبيته .. عرفته..هوة ..ضليت واكفه وابجي .. وهوة يعيط ويصيح .. كعدت ع الدرج ابدايته ..بقى يحجي .. حتى مداسمع كلامه ..من الفرحه ..الي بيها كل عقلي صار بي شي الي عرفته الحجي بقى محجوز والباقي طلعو نزلت ..ع كيف ..طبيت ع سهام .. بلغرفه .. متربعه بلكاع وابنها الصغير بحضنها تهز بي .. رفعت راسها عيونها دم من البجي .. سديتالباب ..وجيت يمها .. شبيج ..سهام .. انهارت بجي ..الحجي محجوز ..سودة بوجهي ..صخام الصخمني وتخرمش وجهها .. واج متفض ..والله شفتي شون ..دكو البيت .. سهام ..يطلع ..لا تخافين .. اي يطلع سودة عليه .. الله لا يوفقج رشا ..انتي واهلج ..وخوالج ..من كلتي. راحت لاهلها عرفت اكو شي ..وشردت من البيت .. سمعت فهد يصيح سهامه ..بلباب .. اني كمت فتحت الباب صار بوجي .. حظنته ..وبقيت ابجي ..كتله جيت اموت ..وين رحت مسح ع راسي .... وخرت منه .. طب ..شاف سهامه ..طاكه بجي .. كالها سهام ..عود انه كلت هسه هيه ..لازمه البيت ..اطب الكاج تبجين ..صدك .. فهد ..الحجي .. مابي شي ..والله توني جيت من يمه .. وباحر الصبح انطلعه .. هسة شريد منجن ..تلمن شكو شي ضروري بس .. سهام كالت راح تشردونه مو ..ماطلع اني .. اذا مايطلع الحجي ماطلع .. سهام ..لا تعبينه .. ماطلع وروح اخوي ..خوش.. سهام .. شصار غير اعرف .. كال ..تضاربنه ..واحد منهم ..انضرب ..مندري ميت عدل .. كامت تضرب ع رجلها اني بس واكفه واباع ..مسامعه هيج بعمري .. يلا ليله ..كومي لمي هدومج .. ضليت اباع عليه .. تحركي .. هدومي وهدومك مو .. لا بس انتي .. وانت .. ليال ..ليال ... فهد ماروح بدونك .. كعد ..شلون طركاعه يالله ..جيبيلي نفاضه.. جبت ..اله ورث الجكارته واباع ع رجله ..يحرك بيها يعني راح ينفجر علينه .. كال كلبه وليه مال مخانيث انه وجيتها لاهلها وطلعو خوالها علي ..ع الكاع ..تلازمت وياهم مدري منو كايل لربعنه فهد تعارك وصارت الج بلفشك ..فكونه .. ساعه وجوي اخذونه ..ومسوين دعوة ع الحجي عمي ناس باطله ..عبالهم بيت ابو عامر فقيرين والله الا انخلي الدم للركب ..اذا مانطونه حكنه وفلوسنه والحجي يطلع .. كومي ليله .حضري هدومج اوديجن يم عدنان .. مااه اروح ابقى هناالا انت ويايه .. جرني ..من يم سهام .. صعدني فوك ..امشي .. اني امشي ويا فهد راح اطرح من الخوف .. ماعوفك ..امشي اني وياك نروح لاهلي ونخلص من هلشدة ولك اموت اذا صار عليك شي .. طبيته للغرفه .. ذب حذائه ..ونزع هدومه وكعد ..كال ليال لا تلوعين جبيدي .. لمي هدوم ..الج ..مامتعلمه ع هلطك ..يابويه .. جيت كعدت يم رجله ..فهد ماعوفك ولا انت تعوفني امشي انروح لاهلي .. لزم راسي باديه ويلعب بشعري .حبي لا تخافين ماكو شي ..انه علمودجن انتن ..وامي ادمرت تبقى هنا تموت وانتي ماشايفه ..الي يصير .. ماترهم ..اشرد .جا شيكولون ..عاف الطلابة وشرد .. يلا حبيبه حضرلي هدوم ..خلي اسبح بين ماتلمين هدومج اوديج.. ماروح ..والله .شلون تعوفني وحدي .. منهو يعوفج انه بليل يمج والله انام هناك .. يلا الزلم تنتظر حضريلي حمام ..ولكمه كمت حضنته ..اريد انام اريد اغفى ..واكعد ماكو شي .. بسته من شفافه ..وكمت .. حضرت اله الحمام ..وافكر شنو يعني دكونه دكوهم .. ياربي ..عبالك فلم اجنبي ..كلها رشاشات ..واسحله البيت ملغم .. طب فهد ..شبيج ..تحجين وي روحج .. لا حبي ماكو ..داطلع ابقي .وسدي الباب .فركيلي ..ظهري .. هاااا..مو جوة .. عمي فرمي ..وطلعي ..جسمي تكسر ..اليوم وخاوي جوع .. سبح ..جيت يمه ..ليفت ..ظهرهه .. جرني ..من ايدي .. حضني ..وضل يبوس بيه من شفافي وركبتي .. فهد ..خرب ..لا يصيحونه ..انت بيا حال .. ولج ..مالج شغل .. عزة ...اريد اجر روحي ماكدر يعني وضعيه البيت متساعد .. اوكف خلي اقفل الباب .. ههه انتي لوتيه قافلها انه .. حبيبي واليف بظهره ..هسة اني بيا حال ميته خوف عليك .. خايفه عليه ..صدك .. انت صدك تحجي ليش اكو اعز من عندك بكلبي .. تحبيني ..ليال .. ..اموت عليك ..والله .. جرني كعدني بحضنه .. ليله ..كل الي سويته بيج وتحبيني . اي احبك ..ونسيت الراح .واشرت ع راسه انت هم انسى ..بس خايفه... انه يمج وتخافين ..انعدم الخوف ..والله .. خايفه عليك مو ع روحي .. لا تخافين زلمتج ..ربات..تفك تفك شنو .. ليله ..لا انه الي سبحت ولا انه الي بست ..جا شون هسة .. ضحكت وكمت ..من يمه ..رجعت افرك بجسمه .. فهد عيونه شنو دكونه جر اليفه مني ..امشي ..انه مسلطن وهيه ..دكت ابويه بكبرة .. اووي شكد عصبي ..اني شكلت ..شمر عليه مي .. غسلت ايدي ..وطلعت .. صار الصبح واني منايمه .. نزلت ..شفت البنات كاعدت ..مسوين ريوك..كومه ..الظاهر للرياجيل .. ايدي ماخذت شغل ..ونعست وتعبت .. كتلهم فهد .يريد ياكل فوك .فاطمه كالت .. صخام والزلم يعوفهم .. فطوم حبي ..ياكل وينزل .. جا شلي شغل انه داكلج ..شون ...صار .. تعبان ..ميت تعب عفته يسبح .. اكولج ..وين يردون ..ياخذونه ..اني ماريد اروح .. خيه ..هاي طلابه ..جايدة ..مو سهله ..ويخافون ع نساوين ..والفروخ ..خوما طيح بروسنه ماسمعتي فهد مصكط عين واحد هاي عين وراها طلايب يايمه .. اوووف ..شنو يعني
