شكد ردة يوجع وبارد جان .سديته وخليت ايدي ع حلكي وضليت ابجي..اختنكت طلعت بسطح اشتم هوة ..اكو صبه كعدت عليها ..ضليت احجي وي رب العالمين ..واباع ع النجوم وكلبي مفرفح .. ماغلطت اني حتى اتعاقب .. وطلع يعرف كل شي .. ليش جان يتهمني بشرفي لحد اخر يوم . ليش جان يحسسني اني رخيصة .. ويضربني ويهيني ..ليش .. هيج نكر كل شي .. مو جان يتوسل بية .. اوف عليمن افكر بي وهوة نساني .. خاف عباله ميته بدونه .. اني بخير ..اي بخير دونه .. والي اريدة صار .. اني بخير .. ياخير ..فهد تعبانه بدونك.. اريدك .. اووف ياللهي الشكوة الك مو لاحد .. الفون بايدي كل شويه اباع اكول اتصل او دز مسج .. بس لا اتصل ولا عبرني .. احساس قاتل .. اتخيله كاعد ويضحك .واني بلضيم..وحدي . احتمال بنات يمه ومكدر يحجي .. ناررر ياربي بيه .. وضليت الوم بروحي من حجي العالم مجان خاربته ونزلت روحي لو ممخابرة احسن شجاني وحجيت واهتميت لحجي العالم .ياهوة الي اشوفه ويكول تطلكين ياااااا عزة عبالك مجرمه ..لو داسوي حرام كمت الوب اروح واجي .. اي هسة متونس ومنوم وحدة بحضنه ..ويتغزل بيها يابعد هلي ..وديرتي اكيد .. اووف ادك عليه ارزله اييي اخابرة واطلع حركه كلبي بي اريد اكوله انت شايف نفسك هييييي شنو انت .. الناس لعبه بايدك ..وبس انت بشر لا بعد ابد ماحجي ويا خلي يولي .. بس اني احبه ..واريدة .. مشتاقه اله كلبي يوجعني عليه.. وهو حاير بونسته وبس ليال منو وبيش .. مخبل منا جان يريد يرجعني ومنا عايفني .. هذا هيج يسوي حتى لا ازعل بعد .. واصلا مازعلت ..ردت ارتاح شوية .. المهم حجيت الي عليه شيكول خلي يكول واول ماجيب اشمر الطفل عليه .. وارجع ادرس واشوف حياتي .. ضليت اروح واجي هيج احس نار بيه ..شلون برود عدة اوف .. وشلون يجاوب .. وهيج واذكر ضحكته ..ورصعاته .. هنوب انقهر اكثر ..اكول يمه بنات .. اوف ياللهي .. حسيت بحرارة .نزلت مني وبللت هدومي وراها ..والم قوي بطني .. اخخخ شنو هاي .. لزمت بطني ونزلت جوة ع امي .. طبيت للغرفه كبل .. ماما ماما الحكيلي ماعرف شبيه ..ووكفت بلباب الماي اخذني .. امي كامت فازة وابوية هم .. شكو .. ماعرف ..شبيه .. ابو ازاد راح اجيب كوم بسرعه .. جتي عليه ..امي .. اي ولادة ماما مي الراس طك ياراس ..هذا هنوب كمت ابجي خوف والم اكعدي هنا .. كعدت ولويات ابطني متت منها كمت ماتحمل كمت اصرخ منها .. ابويه انخبص رايح جاي عليه .. لبسوني واخذوني للمستشفى .. بلسيارة الوب من الالم .لو بيدي املخ شعري .. وصلنه ....مستشفى اهلي طببوني بسرعه ثبرتهم فحص وسونار .. وشافو النبض .. كالو مي الطفل خلصان وانتي بجر .. اني لازمه ايد امي اعصر بيها .. وبس اباع بعيوني ..والجارة سابقة الطفل .. اذا طبيعي ..اطول .وانخاف لا حبل المسرة يلتف ع الطفل ويخنكه .. العمليه افضل .. اني اباع مدافتهم شي . اريد اخلص كمت اصرخ من الالم .. امي كالت عمليه عمليه لا تموت البنيه .. الدكتورة كالت روحوا وقعو وسوو استمارة .. بقيت كاعدة شويه ...ودخلوني ..تحاليل .. وراها ... واخذوني .. طبيت ..اتوسل بلسسترات خلصوتي .. نزعوني ملابسي ولبسوني ..مال عمليات .. وطببوني جوة.بصاله جبيرة ..الالم يروح ويرجع .. اني طبيت الصاله وشفت الدكتورة .. من الخوف يمكن راح .. شفت اثنين ولد .. وسستر كتلهم راح الالم راح ارجع ..اني السستر وين .. راجعه .. لا عفية مابيه شي هذا مغص راح ارجع .. يضحكون تعالي .. لا تخافين .... جروني نوموني ع السديه .. والاضويه فوك راسي ..شي مرعب .. وبدو يحجون ..اجه يمي رجال كال شسمج .. ليال ..وشكل بايجي كانونه .. الله شنو هلاسم الحلو .. شكد عم ج 19 كم طفل عدج ماكو .. وبدة يضرب ابرة .. شفتها 5سيسي.. وبقت عيني عالابرة ..وصلت 2سيسي ..ماحسيت شي بعد ..............
فهد .. سديته منها ..وجريت جكارة ..ومددت وع الجربايه .. بله انه ليش هيج جاي اسوي .. مو الي ردته سمعته ..عليمن ..بعد .. صح ضجت من عرفت الحقيقه .. بس انه ماحاسب ع الماضي .. كمت ..فتحت البالكون وطلعت ..برة .. ضليت ..حاير شجاي اسوي بروحي .. انه احبها .. وطلعتي لهنا حتى انساها .. اففف وتالي .. ضحكت ذكرت كلمتها .كون اموت .. جا انه هم زيدتها ..هي حبله ..وتعبانه وانه اجي اهمها فوك همها .. هذا الله بكبرة يسامح انه ماسامح.. فهد ..دامك تحبها خلص .. اجه رفيجي يمي .. ها فهد ..شو كاعد هنا .. لا ..ماكو شي .. الهوى حلو وطلعت .. امشي نطلع نتونس .. لا خوي مالي واهس .. والله خبلتني جينا مناك لهنا دنكعد بلغرفه .. لا ياعمي انه جيت اريح الجمجمه .. واني هم جيت ارتاح دمشي يمعود .. نطلع نفرفش ..وصبايا .. باوعت عليه .. لاخوي روح بروحك انه اهنا .. كعد كال احجيلي شصار .. مو كتلك ماكو .. شريد احجي وشريد اكول اله .. ماحجيت شي وضليت ساكت .. كتله روح انت ..انه مستانس هنا .. عافني وطب جوة .. انه العلت بيها .واذيتها .. كافي اكابر .. واحبها .. خلي نرتاح ونرجع .. وارجعها لحضني .. انه التعبان ليله .انه المشتاك والشوك ذابحني .. خلي اخابرها .. اي ..ماضل هيج ..لا هي جرمت ولا هي زنت ولا جتاله مرتي ... اتصلت بيها ...ماكو مردت عليه .. وينها .. زعلت اعرفها مخبله ..هاي .. رجعت دكيت ..ماكو .. شو كلبي انخمش .. بله انه اشجه ع بالي وعفتها هلمسودنه .. رديت دكيت ماكو .. شمرت الجوال .. وطبيت.. جوة مددت ... غمضت عيني وسرحت ..بشعرها وعطرها .. وضحتها ..وشقاها ..زعلها .. اذكر تنام ع صدري ..وتشاقه وياي .. اف .. كمت .. صاحبي كال شبيك .. لا ماكو شي ..هجي ..ضايج .. امشينا نطلع ... وين .. ماعرف امشي .. كمت بدلت ..وطلعنه .. اخذنه تكسي وكعدنه ..بكوفي ومطعم .. جان اكو سهرة بي .. انه ماشرب ابد اعوذ بالله ولا ادنى اله .. حتى صاحبي ..مايشرب.. طلبنه نراكيل وكعدنه .. نسولف .. انه تعبان وضايج ومختنك وكلبي طاك .. وين ماذب روحي ضايج .. فاكو بنات ..مقابيلنه ..وشونهم اهناك يفكن الكلب .. بس مالي واهس شي ..ماابالي شي بس اغير جو .. ضلن يباعن ..وصاحبي يكولي عليهم .. انه جرت وجهي ..شفت وحدة بيهن حلوة .. ورديت درت وجهي .. دقايق واجني يمنه .. 3هنه .. وكامن يرطنن ..لبناني ..ويدلعن .. وحدتهن فلك اسود .. صاحبي فك حلكة عليهن .. انه كاعد .. اعاين لساعه عبرت 1بليل .. ضلن كاعدات ..وطلبن اكل .. اعرف دروبهن قفاصات وهذا الاغم الي وياي مكيف .. وانه ولا بخاطري شي .. جان بالي يم ليله ..اكيد هسة مهمومه .. شويه فكيت وكمت اسولف دك جوالي .. اباع سهام .. شعجب داكه علي بهيج وكت .. خير خوما اكو شي .. كلبي لعب .. طلعت برا .. جاوبت .. هلا .. هلا فهد شونك .. بخير .. خير شصار سهامه .. هاا ماكو شي .. جا شصار.. ليال .. شمالها ..انعصرت روحي .. طبت عمليه .. عمليه شنو .. فهد جا غير ولادة .. وشونها ماعرف اهلها خابرونه قبل شويه .. خير ان شاء الله .. انه جاي .... لا اسمع ..احنه نروح باجر .. خوش سهامه بس انه جاي ..باجر .. بكيفك بعد .. سديته منها ..مدري شجاني احساس .. خنكه ع حسرة ... وحسيت بندم بكل تصرفاتي وياها .. طبيت ع صاحبي .. اشرت اله انه رايح .. اجاني وين .. كتله راجع للفندق والصبح راجع للديرة .. خير شكو .. اهلي ..طابين عمليه .. يارب سترك .. لا ماكو شي .. انتظر ادفع حساب واجي وياك .. انتظرته وطلعنه رجعنه للفندق الطريق كلة .. بالي مو الي وافكر .. بديت اتندم .. بديت ..اتحسر .. بديت احس شكد جنت ظالم .. وخفت لا ..ضاع الوكت .. كمت ادعي ربي يردها الي سالمه .. بيومها ماكدرت انام .. ولا نمت وضل جوالها محد يرد .. ثاني يوم حجزت ..اول طيارة .. وانتظرت موعدها .. جان ساعه 11.. حجزت لبغداد ..ووصلت واخذت تكسي ..لبيتهم .. طبيت المغرب .... وصلت .. عيني ع الباب ... اي هاي الباب الي بيها رويحتي ... وكفت ..دكيت الباب .. الجرس .. طلعلي همي ..ياهلا ياهلا .. بابو شبل .. اهنا رجع الدم لعروكي ..وعرفت ليلتي بسلام .. .......... ماحسيت ..بعد الا وامي يمي تحجي ويايه .. فدوة شون ولد جبتي جنه ..كمر .. اني عيوني مغوشة ..والم قوي بطني .. شويه وصحيت .. حتى مالي واهس ابني .. تعبانه ومتوجعه ..ومقهورة .. هيج فرحه هم متنراد .. بقيت ع المغذي والعلاج .. وكل شويه ادير وجهي وابجي ماعرف ليش .. مو الم ..ولا شي .. ماعرف ..جابو شبل ارضعه .. جنت مامتقبلته ..وتمنيت ياخذو قبل لا اشوفه .. صح تعبانه بي ..وشفت الموت .. اول وتالي العشيرة والشيوخ تحكم وتاخذة مني .. مبين قرار فهد الي .. جابو اباع عليه .. ابيض ..يخبل ..وعيونه كبار ..وملامحه تخبل .. مكدرت ارضعه ..ولا كدرت ابقي بحضني متوجعه ضليت ع المسكن انام ..واكعد .. خابرتني سهام ..وحجو ويايه الكل .. وتعذرو مني ..مكدرو يجون ..صايرة طلابه يمهم . بس تفض يجون..وباركولي .. العصر طلعوني .. صح تعبانه ..من العملية بس احس روحي تعبانه اكثر ومكسورة .. وصلنه للبيت ..طبيت .. خلوني ..بلغرفه الجوة .. اني وشبل .. ابويه كال ..خابرتي فهد كلتيلة جبتي .. كتله بابا لا خابرة ولا تخابرو .. واصلا ليش كلتو الهم .. ماريد لا احد يجي ولا يوصل الي ..ماريد .. هاي شنو بنتي عيب هذوله اهله .. اهله اخذو وانطو الولدوخلصوني ..ماريد احد .. امي طبت ع صوتنه .. كالت عوفها ..نفسه لا تحرك بدمها .. جتي كعدت يمي ابويه طلع .. ليلو جبتي الي تريدي شنو هسة ؟ ماريد شي ماما ..اريد ارتاح .. يامي منويمج هسة .. رجعتي لبيت ابوج معززة مكرمه ... درت وجهي منها ..ماما مالي واهس احجي .. زين ماما ..بس ابنج ماله ذنب .. شمرين بي ..اخذو واخذو شنو متعبتي بي عجيب .. ماما عوفيني فدوة ..روحي طافرة.. استهدي بالله ..يوم ع ساعه فرج .. اتحبي ارجعي محد لازمج ..ليال .. سكتت شكول الها ..ميريدني .. يحاسبني ع ماضي مات ..وشبع موت ..وموتني ويا اكوم اسويلج لكمه سندي كلبج بيها .. ورضعي هلمسكين ..ماله ذنب بخبالج .. كتلها جيبي يمي ... مددت ..وتجيت ظهري .. جابته بحظني .. وطلعت .. رضعته شويه ..بس خليته ع صدري حسيت غير احساس بي ..حسيت صدك ..هذا ابني..وتعبت بي وهذا
حقي ولأني امرأه ساكون ماريد وكيفما اريد فأنا نصف المجتمع .انا نور الحياه. فلولا وجودي لما كنت انت ولا تكون (ادم) . شلته حسيت بلامومه .. شميته ..وبسته من ايدة .. غصيت ..بجي .. كتله ..حبيبي انت سندي .. تسمعني ..شبل ..ابوك ميريدنه .. يجوز يريدك بس الك وراح ياخذك مني ماما .. حبيبي ..واذا اخذك مجبورة ..ياخذوك مني .. اووف حضنته صعبه ياربي .. ابوك ميريدني ولا يحبني ..اثنينه انعيش .. وتبقى انت.شايل ذنب ..مالك دخل بي ..سودة عليه .. حمدلله ع السلامه ..ام شبل .. مسحت دموعي .. هذا الصوت الخشن اعرفه ..اخ ..هذا الصوت ..بي موتي درت وجهي شفت فهد ..ضليت اباع عليه .. اجه يمي ..كعد .. حمدلله ع سلامتج يابعد ..كلبي .. وجر راسي ..وخلاه بصدرة .. اووف شميت ريحته ردت روحي بيه .. بقيت ابجي ..شكد مشتاقه لحضنه وهلدفو .. رفع وجهي ليش البجي يابعد الروح .. من اشتعل ابو شبل ..من جدمه لراسه .. واخذ مني ..شبل .. اللهم صل ع محمد وال محمد .. هاي شنو ..مثل امك كيمر .. ولج هاي شنو ليله ..هذا انتي .. جا انه مو متفق وياج الولد علي .. والبنات عليج .. اني ابجي ..ممصدكه ..بي ..اجه .. كافي ياعمري لا تاذيني ..بيج .. انه اغم .من همداني .. لا تبجين ..موشتعل جدي .. ومسح دموعي ..وخله ايدة ع شفتي .. كال بعدهي ترجف من تشوفني هلشفه .. ضحكت ..كال من رحت فدوة ..لهل الضحكه .. ولهلشفه ..مامشتاقه لراعيها ..ماحنت .. هاي اني .. اي انتي .. منو لعد خابر البارحه ..وكال مشتاق ..امي .. بويه طلع لسانها .. اي يطلع مو انت الي شفت الموت البارحه ..اني ..داموت وانت حاير بلبنان .. اي والله شونها لبنان تفك الكلب والروح .. دجيب الولد عيني .. اخذته ذبيته بفراشة بصفي .. كال ..منو شاف الموت ..خايبه انت اذا جاج عزرائيل ..ينهزم ع لسانج .. لا بالله هاي اني ..ابو الصبايا ..عليك نذر مال زواج ونسوان فهيدان ابو النسوان .. هاي انه ويضحك ..ليله لو مجاي احسن .. انه اعرف دواج .. خله شفته ع شفافي وباسني .. اووف ياربي شكد مشتاقه اله ..حسيت ..روحي رجعت الي .. وخر مني كولي اريدن بوسه وفضيها ..لا تراددين .. ويضحك .. لا موهيج ..ولك .. ها تردين بعد .. ولك اهلي .. لا عمي خوش ناس همه دزوني عليج كالو مريتك تريد بوس .. لا والله .. وداعه شبل .. رجع باسني ..وكل بوسة بيها طعم منه .. طعم بي شوك ..طعم بي حب ..طعم بي نار .ولهفه .. كال ليله يلا انرد لهلنه .. شوكت.. باجر لا ماكدر عمليتي .بعدها . جا شون اضل انه اروح وارجع .. لا ابقى يمي .. اي ليش لا اعوفن شغلي وحلالي واكعد مجابلج .. ههههههه مو هيج .. جا شون .. ماعرف بس خل ارتاح كم يوم دخلت امي ..وابويه .. كرة عيونكم بشبل .. وبقو يمنه يسولفون .. وحضرت امي العشا ..واكلنه .. ضليت اشكر الله رجعه الي ورجعت اله .. لا اني بدونه ارهم ولا هو .. اني منه وهوة مني .. روحي سكنت روحه .. بعد صبري وعذابي الله عوضني .. بشبل ..ويارب يعوضني بي وماياذيني بعد .. بليل ..رجعت الروح بيه ..الشي النفسي هوايه يأثر ع الانسان رغم الالم ..اني فرحانه ..ومرتاحه .. بليل ..فرشت امي اله يمي .. واني ع الجربايه .. كال ليله .. انتي جاي ترضعين ابنج ..مو.. اي ارضعه .. عفيه عليج ..وكدام عمج مو ..طلعين صدرج وترضعي .. صفنت ..عليه ..وضحكت .. منا لمليون سنه هذا فهد وهذا طبعه ..ميتغير كتله ابويه مو عمي .. جا لا تحركين دمي ..كام يمي .. انه عربي .. مريض .. همجي شون ماضنيها ضنيها .. انه لوما ابني ..جا ماخلي يشوفج .. هههه صدك .. ي والله ..مجاي اكدر انام افكر جنت ..بسالفه ياسالفه ترضعي كدام عمج ... فهود ليش ماتخليني بشيشه وترتاح وارتاح .. جا خوش حل ..اخليج بنص كلبي واسدة عليج .. حضنته ..اووي حبيبي .. ها ..لا ضلين اوي واوي .. جا وين اولي .. فدوة اروح الك ..احبك .. وانه اعشكج ..ياليلتي الي وحدي اي الك وحدك وبس ... هنا خلص العتاب وخلص ..خلص الحزن ..خلص القهر .. ورة كم يوم ورجعت .. وستقبلونه بذبايح ..واخذو شبل طهرو .. وسوو عزيمه .. ورجعت عشت بيت الحجي ..وي سهام وفاطمه والحجيه .. وبقى فهد ع خباله ويايه ..وحابسني..بس احبه .. وتعلمت عليه ..وحبه الي ..نساني .كل شي .. كدرت اروض فهد.الوحش بحبي ..وكدرت ..اعيش ..واحب وانحب .. وكدرت ..اواجهه مصيري المظلم جان .. واكسر الظلم والخوف ..بلحب .. ولليوم اني وفهد صراع وغيرة .متخلص .. وزاد الحب بينه مانقص ...... الخاتمه قصه انتهاك الحياه بمسمى العادات والتقاليد الظالمه والتي تقع ع عاتق النساء غالبا تلك التقاليد التي تغتصب حياه الكثير من النساء وتجعل منهن رفاه نساء.فصل .هديه.زواج مبكر.وغيرها من الانتهاكات التي تتعرض لها النساء في الاوساط العراقيه
النهايه
القصه منقوله
