شعر عمر بالضجر من المكوث في غرفته لوقت طويل وشعر بالجوع فارتدي جاكيته ووضع غطاء الرأس الخاص به علي رأسه وتوجه نزولا الي المطبخ وابتسم حينما وجد الداده ليلي فاحتضنها بقوة ففزعت والتفتت سريعا لتجده عمر فضحكت وضربته بلين علي رأسه قائله :
_ هتفضل طول عمرك عيل صغير كده !
ضحك عمر وقال بارستقراطيه :
_ وهو حد يطول يفضل صغنون زيك كده يا لولا ما بتكبريش أبدااااا طول عمرك زي القمر
ضحكت ليلي لتقول بحلاوة روح :
_ يوه يادي الواد .. طول عمرك انت اللي كلامك زي العسل
_ للي يقدر بس والنبي يا لولا انا محدش عارف قيمتي في البلد دي .. قالها عمر وهو يقطم جزره
ربتت ليلي برفق علي يده وقالت بحنو :
_ مش مهم التقدير أهم حاجه الحب وانا بحبك اكتر من الدنيا دي كلها انت واخواتك !
_ مسم عارفه يا لولا الحاجه الوحيده الكويسه اللي ماما عملتها في دنيتها انها اختارتك انتي تربينا ! كان زماننا دلوقتي من أعضاء جمعيه احتضنوا كلاب وقطط الشوارع وعمالين ننونو .. قالها عمر وهو يلوي فمه بإمتعاض
لم تستطع ليلي تمالك ضحكتها فضحكت بشده فاحتضنها عمر وهو يضحك أيضا واخذ يمسح علي يدها بحنو وهو يمزح معها ثم قال اخيرا :
_ لولا بصي انا بطني بتتقطع من الجوع مفيش حاجه تتاكل في المطبخ الحربي ده !
_ مطبخ حربي ! .. يعني ايه ده ! .. تسائلت الداده ليلي بتعجب
قال عمر ضاحكا :
_ تحسيه ساحه حرب كده في نفسه مش مطبخ خالص مش شايف فيه غير سكاكين علي مد البصر هنااااااااااك اهيه وشوك ومعالق فين الأكل يابشر
ضحكت ليلي وقالت بلهفه :
_ انت جعان اوي كده يابني ! من عنيا ثواني ويكون كل شئ جاهز هعملك الإسباجيتي والبانيه اللي بتحبهم استناني بس
قال عمر بحماس وهو يرفع يده :
_ اتفقنا ! Give me five ! يالولا
تلعثمت ليلي لثواني ثم تذكرت سريعا ورفعت يدها لتصفعها في يد عمر فضحك قائلا :
_ اتعلميها بقا يا لولا
فقالت بضيق متذمرة :
_ والنبي يابني مااعرف انتوا بتجيبوا الحاجات الغريبه دي منين !! أبااااااااي عليكوا جيل
نظر لها عمر وقال سريعا :
_ مكان ما بتجيبي ال أباااااااااي بتاعتك دي !
فضحكا كلاهما وبدأت ليلي بإعداد المكرونه وعمر يجلس علي طاوله المطبخ يلعب بالشوكه والسكين بطفوليه حينما صدم ب عبير وهي تصرخ في ليلي أثناء دخولها المطبخ :
_ أووووووف منك يا ليلي ما بتعمليش حاجه صح أبدااااا هتبطلي أمتي الجهل ده !
صدمت عبير بوجود عمر في المطبخ فنظر لها بضيق واشاح ببصره بعيدا فتوجهت لليلي التي تنظر اليها وقالت بغضب :
_ انتي بتبصيلي بوقاحه كده ليه ! ينفع اللي عملتيه ده ! كسرتي جهاز الضوافر بتاعي ! وانتي بترصي الحاجات
أنت تقرأ
وتين
Adventureكانت مختلفه ! كان يتهمها الجميع بالجنون ولكنها هي فقط من كانت تتمتع بالعقلانيه وكان الجميع نيام ! عندما يصبح التطور سبب الهلاك عندما يصبح العصر خطرا علي البشر تكون وتين النجاه هي فتاتي ?
