جلسوا جميعا في مكتب سامح والتحق بهم وتين ومالك بعد ان تم تضميد جراحه وبدأوا في النقاش وسيد وسامح يستمعون بإهتمام وهم يسجلون بعض الملاحظات وياسمين وآدهم يشعرون بصدمه كبيرة مما يسمعون .. أضاف مالك ما استطاع ان يعرفه من خلال الانترنت واسماء صديقات اخته الذين وقعوا ضحايا أولئك المجرمين ...
قالت وتين بنبره مترجيه :
_ بس انا ليا عندك طلب يا سامح باشا لو سمحت
نظر لها سامح بتركيز لتقول :
_ أنا مش عاوزة البنات الصغيرة يتم ذكر أسمائهم في المحضر
قال سامح بتفكير :
_ أفتكر أن ممكن يبقي الموضوع صعب بس علشان خاطركوا هحاول
_ لا مش هيكفي المحاوله انت لازم توعدني تجيبلي ال CDs بتاعهم وانا هساعدهم لأن دول صغيرين وحياتهم هتنتهي علي كده لو عند حضرتك بنت مش هتحب ان حياتها تدمر كده صح
نظر لها سامح بتفهم وهز رأسه ولكن قطع حديثهم إتصال وارد لسامح فرفع يده ليصمتوا قليلا فعم الهدوء المكان قبل أن يجيب بتركيز وهو يردد " امممم امممم تمام سلام يافندم "
نظر سامح للجميع وهو يقول :
_ بالنسبه لتمارا فانا عرفت معلومات جديده عنها ! للأسف اللي اسمه شكري ده شغال مع شبكه الدعارة اللي كانت هتتورط فيه كارما ودول طلعوا مش بس دعارة و مخدرات لا ده بودره وقتل بس مستخبيين ورا الانترنت وكانت واحده مقدمه بلاغ قبل كده ان خطيبها كان شغال معاهم واخدها للسكه دي وانتحرت بعدها ولما راحوا المكان لقوها شقه عاديه جداااا فيها دكتور نفسي وعامل كورسات علاج نفسي ومعرفش حد يمسك عليهم حاجه ولما سألنا الجيران واستفسرنا طلعت فععلا مركز علاج نفسي وحصلنا علي إذن من النيابه بإقتحام وتفتيش المكان وهيوصل الفاكس خلال دقايق
قالت وتين بتهكم :
_ بيتهيألي الشرطه سوري يعني منظمه غبيه أوي !
نظر لها الجميع بإحراج وجحظ مالك بعينيه بصدمه فقال سامح وهو يضحك :
_ الله يخليكي بس ممكن أعرف ليه !؟
ضحكت وتين لتقول مضيفه :
_ انا بتكلم بجد والله ! يعني عصابه او مجرمين بالخطورة دي مش عربيه شرطه ومشغله السرينه وداخله تهجم ! الناس دي ذكيه جدااا وليها ودن في كل مكان ومش بعيد يكونوا عارفين اننا بنتكلم عليهم دلوقتي ! والجيران دول اللي سألتوهم هم منهم وفيهم أصلا وبيتوهوكوا والبنت اللي بلغت انا متأكده 100% انها اتقتلت ما انتحرتش ولا حاجه زي ما طلع معاكوا !
نظر الجميع تجاه وتين بشك كبير وعلي وجوههم علامات دهشه واستفهام كبيرة فتفوه سيد ب :
_ اللهم صلي علي النبي أقسم بالله دماغ ألماظ و اه ماهو الجمال ده كله لازم يكون وراه عقل كبير ومتفتح
فنظر له مالك من طرف عينيه بحنق فتنحنح سيد ونظر أرضا فقال سامح بتفكير أوسع :
_ أقسم بالله عندك حق في كل كلمه قولتيها أحنا ازاي مفكرناش كده
أنت تقرأ
وتين
Aventuraكانت مختلفه ! كان يتهمها الجميع بالجنون ولكنها هي فقط من كانت تتمتع بالعقلانيه وكان الجميع نيام ! عندما يصبح التطور سبب الهلاك عندما يصبح العصر خطرا علي البشر تكون وتين النجاه هي فتاتي ?
