أخذت وتين تهدأ تمارا بين أحضانها ثم نظرت لمالك نظرات حزينه فأغمض عينيه بحركه مطمئنه لها ولكنه كان يشعر ببركان غاضب من داخله حتي دق الباب ودلف الطبيب الخاص ب تمارا وما أن رآها حتي بدا عليه انه تنفس الصعداء قبل أن يصدح بصوته في الغرفه بفظاظه :
_ أنتي إزاي يابني آدمه انتي تتحركي من اوضتك من غير أذن ! انا أفتكرتك مشيتي قبل ما تدفعي فلوس المستشفي !
رفع مالك حاجبه بإعتراض قبل أن يتسائل بإستنكار :
_ نعم ! ده اللي هامك في كل الموضوع ! وبعدين إزاي مريضه جايه عندها انهيار عصبي تزعق فيها كده انت اتجننت !
نظر له الطبيب بإزدراء ليقول بلامبالاة :
_ أنت هتعلمني أتعامل إزاي مع المرضي بتوعي ولا إيه ! وبعدين انت تقربلها ولا تعرفها هي يتيمه ومقطوعه من شجره يبقي أكيد انت مش قريبها ولا المحامي بتاعها
أمسكه مالك من ياقته بغضب شديد ودفعه ليلصقه بالجدار فحجظ الطبيب بعينيه وحاول نزع يد مالك ولكن لم يستطع فقال مالك بفحيح غاضب كي لا تسمعه تمارا :
_ أقسم بالله أخفيك من علي وش الأرض ! هي يتيمه اه بس احنا اهلها والكلمه اللي انت قولتها دي لو ما سحبتهاش هخلي الكلب أعلي منك
زم الطبيب شفتيه ليقول :
_ أنت إزاي تتعامل معايا كده أنا دكتور محترم ياأستاذ
_ علي نفسك ! الدكتور المحترم هو اللي يحترم المريض الدكتور شغلته إنقاذ المريض وتوفير سبل الراحه ليه مش يزعقله علشان كام قرش ! دكتور جعان صحيح .. روح من وشي يلااااا ..قالها مالك وهو يدفعه تجاه الباب
خرج الطبيب وهو يتوعد لمالك بشده فتقدم مالك تجاهه مهددا فخرج الطبيب سريعا وأغلق الباب من خلفه ... أمسكت وتين تمارا من كتفيها كي ترفع رأسها وما أن فعلت حتي أحتضنت وتين وجهها بين أناملها وقالت بهدوء ولين :
_ بصي ياتمارا انا لا هلومك ولا هعتب عليكي لأن اللي حصل حصل بس ده ما يمنعش أنك غلطانه بس أهم حاجه دلوقتي أنك تديني كل المعلومات اللي تعرفيها عن الناس دي ! بصي انا عاوزة تفاصيل التفاصيل واحنا هنا بنسمعك ! ما تخافيش من أي حاجه أتكلمي !
نظرت تمارا تجاه مالك فربت وتين علي ظهرها لتدفعها للحديث فبدأت تمارا حديثها بتلعثم ولكنها أسترسلت في سرد جميع ما تعرفه وأماكن تواجدهم والأماكن التي يتم بها توزيع المخدرات والانواع التي يوزعونها كما انها أخبرتها بمحل بيت الدعارة الذي يهددها به ...
أنهت تمارا حديثها ثم نظرت لوتين ومالك وكان الاثنين في حالة صدمه لا يستهان بها فضيق مالك عينيه ليقول :
_ دي نفس العصابه اللي كانت عاوزة توقع كارما ! العصابه دي مش سهلة وكمان ليهم أكونت علي الديب والدارك ويب كمان مخدرات ده غير الدعارة ! يا ساتر يااارب هو ايه اللي بيحصل في الدنيا دي !
تسائلت وتين بتعجب :
_ يعني ايه الدارك والديب ويب ده !!
نظر لها مالك ليقول بألم وتقزز :
_ ده موقع الكتروني مش أي حد يقدر يدخله الا لو يعرف الانترنت ومخابئه كويس .. الموقع ده فيه السواد كله تجاره مخدرات وسلاح و دعاره وبيع أعضاء بني آدمين ممكن تلاقي صورة لكبد وتحته نوع الفصيله والتحاليل والسعر ! الدم هناك بيتباع باللتر وحسب الفصيله ! وممكن تأجري من عليه قاتل مأجور وقناصين وتتفقي معاهم ع الفلوس والعمليه تتم تبعتي الفلوس بالطريقه اللي يقولك عليها ! وكمان هو درجات اللي يقدر يجذب عملاء و خدامين للموقع أكتر كل ما ارتفع درجه من درجات الموقع .. والموقع ده ليه حراس لو دخلتي تهزري أو تلعبي ممكن تتقتلي مكانك التليفون يتفيرس وينفجر في إيدك ! الشرطه ذات نفسها مش عارفه تعملهم حاجه
أنت تقرأ
وتين
Adventureكانت مختلفه ! كان يتهمها الجميع بالجنون ولكنها هي فقط من كانت تتمتع بالعقلانيه وكان الجميع نيام ! عندما يصبح التطور سبب الهلاك عندما يصبح العصر خطرا علي البشر تكون وتين النجاه هي فتاتي ?
