وقفت مكة أمام المرآه وهي تطالع ملابسها باستنكار وهي تحدث وتين التي ترتدي ملابسها في غرفه القياس :
_ انا هطلع بالشكل ده ! يلهوي دي جنا لو شافتني مش هتعرفني
ضحكت وتين من الداخل وهي تقول بمزاح :
_ انا برضه بقول كده ! الهدوم كل ما غليت كل ما قصرت واضيقت
خرجت وتين فنظرت مكة لانعكاس صورتها في المرآه واطلقت صافرة مكتومه فإبتسمت وتين بخجل فضحكت مكة لتقول :
_ يابنت الإيه يالذينه ! ايه القمر ده .. لا دانا هغير بقا
وضعت وتين يدها أعلي معدتها وهي تقول :
_ انا معدتي وجعاني من الخوف يا مكة ! ربنا يكمل اليوم ده علي خير
اقتربت منها مكة وشدت أزرها قائله بحنو :
_ انا ما اترددتش ثانيه واحده اني اساعدكوا لأني عارفه ان من ورا اللي هنعمله ده خير ومساعدة بنات ملهاش اي ذنب في اللي حصلهم وان شاء الله ان ينصرنا الله فلا غالب لنا
ابتسمت وتين لها و ضغطت علي كف يدها فدلفت كارما ونظرت لهم وهي تقول :
_ خلصتوا ! طيب كويس تعال يامالك !
دلف مالك يرتدي عبائة بيضاء وعليها غطره كرجال الخليج و ركب دقن بيضاء وبإستخدام القليل من المكياج بدا وكأنه رجل في الخمسين من عمره فتعجب مكة من شكله وكادت لا تعرفه التفت وتين ونظرت له فضحكت ولكن مالك انبهر بشكلها فكانت وتين ترتدي بنطال من الجينز الأبيض القصير و تي شيرت من اللون الزيتي بلا أكمام و كوفيه بيضاء كبيرة حول عنقها يغطي معظمها شهرها المسدول للخلف ومع حذاء حريمي ذات أربطه باللون الزيتي يلتف حول قدميها بصورة جذابه فاستشعرت وتين الخجل من نظراته واحمرت وجنتيها لتزيدها جمالا فوق جمالها !
ابتلع مالك ريقه وهو يقول بدهشه :
_ انتي هتروحي معانا كده !!
نظرت وتين أرضا وهي تقول بهدوء :
_ كارما اللي جابتلي اللبس ده واصرت اني ألبسه
قالت كارما بإستنكار :
_ ماهي زي القمر اهيه !!
_ مادي المصيبه ! .. قالها مالك بإستنكار أشد
فحركت وتين بؤبؤ عينيها بعصبيه وأخذت تفرك يديها بقوة فإستشعر مالك قلقها و خجلها فإبتسم قائلا :
_ ماتخافوش من حاجه ياجماعه سامح طمني ان كله تحت السيطره وانهم في دقايق بعد ما ندخل هيكونوا محاوطين المكان ! اهم حاجه يلا بينا دلوقتي علشان ما نتأخرش ! كارما شيري هتستناكي فين ! .. تسائل مالك بإهتمام
قالت كارما بنبره مضطربه :
_ عند الميدان
هز مالك رأسه بتفهم فقالت وتين بإضافه :
_ آدهم كلم مازن الصبح وقاله انه هينزل خلال 3 أيام ان شاء الله
ردد الجميع بصوت واحد :
_ إن شاء الله
خرج مالك وخرج خلفه الباقي فإبتسم عمر لمكة التي كانت ترتدي فستانا قصيرا باللون الأسود وترفع شعرها للأعلي دون اي مكياج او اي شئ كانت كالملاك الصغير فنظرت مكة أرضا بتوتر فكان عمر يرتدي مثل مالك ولكن ألتزم بهيئته الصغيرة كإبن لمالك مع تغير طفيف في وجهه كي لا تتعرف عليه شيري فأخذ سامح وابراهيم ومالك وعمر يتحدثون سويا فقال عمر بإهتمام وتركيز :
_ يابابا أول ماهدخل الشقه هبعتلك إشارة من الجهاز ! لو حصل أي حاجه هبعتلك إشارتين ورا بعض و لو بعت تلات اشارات معناها تخلي سامح بيه يتدخل علطول اوعي تسيب التابلت من ايدك لحظه يابابا أوعي والكاميرا اللي في جيبي دي واللي في جيب مالك واللي هركبها لوتين هتصور كل حاجه بدقة كبيرة
أنت تقرأ
وتين
Adventureكانت مختلفه ! كان يتهمها الجميع بالجنون ولكنها هي فقط من كانت تتمتع بالعقلانيه وكان الجميع نيام ! عندما يصبح التطور سبب الهلاك عندما يصبح العصر خطرا علي البشر تكون وتين النجاه هي فتاتي ?
