وقف آدهم بالسيارة ليصدح صوت الفرامل بصورة مرتفعه امام قسم الشرطه و خرج من السيارة ودار حولها وأمسك بيد ياسمين وأخرجها وتوجهه للداخل وجهه كتله من الغضب و تسائل بضيق :
_ بقولك ايه يابني تعالي ! سامح باشا موجود !
نظر له العسكري بإحترام ليقول :
_ أيوا يافندم موجود أقوله مين !
_ قوله آدهم القاسم وآآ وحرمه .. قالها آدهم وهو يمسك بيد ياسمين
تلعثمت ياسمين وخجلت ونظرت أرضا بتوتر شديد فهز الشرطي رأسه ودلف الي المكتب بوقت قصير قبل أن يخرج سامح بنفسه وعلي محياه إبتسامه سعيده وهو يرحب ب آدهم
_ آدهم القاسم بنفسه يارااااجل ايه الغيبه دي كلها ! ... قالها سامح وهو يحتضن آدهم فرحب به آدهم بحماس أقل
قطب سامح جبهته بتعجب لما يبدو علي صديقه من ملامح ضيق باديه والتفت لينظر ب ياسمين بتعجب ثم تسائل بدهشه :
_ العسكري بيقولي ان مراتك معاك ! بس انا مش شايف سحر هنا ! وايه الجرح اللي في وشها ده ! فيه حد اتعرضلها ولا ايه !!
نفخ آدهم بضيق ليقول :
_ تعالي ندخل يا سامح وانا هشرحلك كل حاجه
_ اه معلش فرحتي بشوفتك نستني أتفضل يا آدهم اتفضلي يامدام ... قالها سامح ودلفوا فرفع سماعه الهاتف ليقول :
_ اتنين قهوة علي الريحه و كوبايه عصير مانجا فريش حالا ...
أغلق سامح سماعة الهاتف وتطلع علي آدهم بإهتمام كبير فأمسك آدهم بيد ياسمين الجالسه أمامه وقال بشئ من الهدوء :
_ دي يا سامح تبقي ياسمين الزيدي خطيبتي ! وجاي أقدم بلاغ ضد واحد حيوان اتعرضلها
_ امممممممم يعني أفتح المحضر ولا تحب تربيه بس ! .. قالها سامح بتركيز
قال آدهم وهو يضغط علي أسنانه بغضب :
_ هتكتب المحضر وهتربيه أنا عاوزة أخلص حقي منه كامل ومكمل
تسائل سامح وهو يكتب شيئا ما :
_ اسمه الكامل ايه ! و تعرفه منين
قالت ياسمين بتلعثم :
_ اسمه باسم اكرام الشافعي
_ وصلة القرابه أو المعرفه منين ! .. تسائل سامح وهو يكتب
_ جوزها السابق .. قالها آدهم بثبات
فرفع سامح رأسه بتعجب ونظر لياسمين التي بدت عليها بوادر البكاء فضغط آدهم علي يدها مطمئنا اياها
فقام سامح وهو ينظر للورقه في يده قائلا :
_ طيب يا آدهم خليك هنا ثواني وهيكون تحت رجلك !
خرج سامح خارج مكتبه وهو يجري بعض الاتصالات .. نظر آدهم لياسمين وقال بحنو :
_ اهدي يا ياسمين كل حاجه هتتحل وانا هضمن انه ما يتعرضلكيش تاني أبدااا
_ أنا خايفه يأذيك انت ده ما بيخافش من حد وممكن يعمل فيك حاجه وبذات أنك .. يعني هتكون أب ابنك مالوش ذنب ولو اتأذيت مش هسامح نفسي أبدااا .. قالتها ياسمين بتوتر وحزن
أنت تقرأ
وتين
Adventureكانت مختلفه ! كان يتهمها الجميع بالجنون ولكنها هي فقط من كانت تتمتع بالعقلانيه وكان الجميع نيام ! عندما يصبح التطور سبب الهلاك عندما يصبح العصر خطرا علي البشر تكون وتين النجاه هي فتاتي ?
