اقترب عمر من وتين الي أن صار أمامها فامسك بها من ذراعها وقال بحنو :
_ أهدي ياوتين كل حاجه هتبقي تمام
مدت وتين يدها بعبث في الهواء تبحث بيدها عن مالك وهي تناديه كالغريق أقشعر جسد مالك وألمه قلبه بشده من ما فعلته وما ان رآها تفعل ذلك حتي ازداد نحيبه وتقوقع علي نفسه وقال بنبره راجيه باكيه :
_ انا آسف ياوتييين سامحيني أنا آسف
سمعت وتين ما قاله مالك وشعرت بصدمه لم تشعر بها من قبل فجمعت رباطه جأشها وتسائلت :
_ ايه اللي حصل ياعمر !!
قال عمر بتردد وتلعثم :
_ آآآ الدكتوره قالت آآآ أن عصب عينك أتضرر وسبب فقدان في البصر من الوقعه بس بس كل حاجه وليها حل ياوتين وان شاء الله ...
قطع عمر حديثه حينما دخلت وتين في نوبة ضحك هيستيري واخذت تضحك وتضحك ومالك يتراجع في كرسيه وهو يسد أذنيه ويبكي بصمت صدم عمر من ضحك وتين قبل أن تقطع وتين ضحكها وهي تشهق ببكاء يقطع نياط القلب وهي تحاول كتم صرخاتها ويدها ترتعش بشده .. أتت الطبيبه سما علي صراخ وتين فأعطتها سريعا حقنه مهدئه ووتين شقهاتها تنخفض شيئا فشيئا الي أن استكانت علي فراشها ودموعها تقف علي وجنتيها بشكل محزن ...
لم يتحمل مالك كافه ما يجري من حوله فتحرك سريعا وفتح الباب علي مصرعيه وركض بأقصي ما يمكنه للخارج .. ركضت كارما خلفه تناديه وقد انفطر قلبهم لرؤيتهم اياه علي هذا الوضع فمنعها والدها قائلا :
_ سيبيه ياكارما هو لازم يفضي اللي جواه علشان ما يحصلوش حاجه
بكت كارما بمرارة لتقول :
_ أنا السبب في كل اللي حصل هنا ده أنا السبب لو مكنتش تعبت وجيت هنا كان زمان وتين كويسه دلوقتي وكان مالك كويس كمان
احتضنها والدها ليقول بهدوء :
_ حرام ياكارما "لو " من عمل الشيطان وممكن توقعك في الشرك بالله مش كده ولا ايه !! وبعدين لو حد هو السبب فهو عارف نفسه كويس
قالها ابراهيم وهو ينظر لزوجته نظرات قاتله فانزوت علي نفسها وهي تقف بجانب عبير وابعدت أنظاارها عنه سريعا ....
في داخل العياده جلس عمر بجانب وتين وهو يطالعها بحزن جلي وهو يجلس علي طرف الفراش وانظاره متعلقه بعينيها ووجهها .. شعر بالأسي لأجل مالك انه يعرفه جيدااا سوف يحمل نفسه الذنب كاملا .. قالت سما ببريق أمل :
_ فيه دكتور شاطر جدااا بخصوص عصب العين وحالة وتين ممكن تبقي ولا حاجه بالنسبه ليه !!
انصت عمر جيدا لها ووقف سريعا وعلي محياه إبتسامه أمل مشرقه :
_ ينصر دينك ياسما قوليلي بسرعه هو فين وانا مستعد أديله من ألف لمليون
نظرت سما أرضا لتقول بيأس :
_ المشكله ان محدش يعرف هو فين !! فيه اللي بيقول أعتزل الطب وفيه اللي بيقول انه اختفي وفيه اللي بيقول انه هاجر بره البلد بس هو اختفي بقاله حوالي 3 سنين بعد ما مراته ماتت وهي بتولد وابنه مات معاها !
أنت تقرأ
وتين
Adventureكانت مختلفه ! كان يتهمها الجميع بالجنون ولكنها هي فقط من كانت تتمتع بالعقلانيه وكان الجميع نيام ! عندما يصبح التطور سبب الهلاك عندما يصبح العصر خطرا علي البشر تكون وتين النجاه هي فتاتي ?
