ရေပန်းအောက်မှာခေါင်းငိုက်စိုက်ထိုင်နေရင်းမျက်ရည်တွေကို ကျလာတဲ့ရေစက်တွေနဲ့အတူရောထွေးစီးဆင်းစေတဲ့ကောင်လေးတစ်ယောက်....
အဝတ်တွေအကုန်လုံးစိုရွှဲပြီး နှုတ်ခမ်းတွေပြာနေပေမယ့် အေးစက်မှုကိုမခံစားမိ...
အိပ်ဆေးတစ်ဘူးလုံးသောက်ထားသောကြောင့်တစ်ဖြည်းဖြည်းမျက်ဝန်းများမှေးစင်းလာကာ အိပ်စက်ခြင်းဆီသို့ခြေချလိုက်မိသည်။
ဒါဟာ သူ့အတွက် ထာဝရ အိပ်စက်ခြင်းသာဖြစ်ပါရစေ.....
🔸🔹🔸🔹🔸🔹🔸🔹🔸🔹🔸🔹🔸🔹🔸
လွန်ခဲ့သော 18 ရက်ခန့်က..........
"လင်းခ ငါမင်းကိုပြောစရာရှိတယ် ငါနဲ့အပြင်ခဏလိုက်ခဲ့"
"Ok "
ဟန်လင်းခ မိုးတိမ်တိုက်နောက်လိုက်ရန် sofaမှထလိုက်စဉ် ချစ်သူ နှင်းတော်ဝင် ကလက်ကိုဆွဲလိုက်လေသည်။
"ကို ဘယ်လဲ"
"မိုးတိမ် ကပြောစရာရှိလို့ခဏတဲ့"
"ဒီမှာပြောလည်းရတာကို ကိုကလည်း"
"ဒီမှာက အရမ်းဆူလို့နေမှာပေါ့တော်ဝင်ရဲ့ ခဏပါပဲ ကိုယ်ချက်ချင်းပြန်လာခဲ့မယ်နော်"
ရောင်စုံမီးများဖွင့်ကာ အသံပြဲကြီးများနှင့်သီချင်းကိုအသားကုန်အော်ဆိုပြီး အားရပါးရဒွန့်နေကြသောသူငယ်ချင်းများကြောင့် KTV ခန်းတစ်ခုလုံးမှာ အမှန်တကယ်ပင်ဆူညံနေသည်။
အခန်းအပြင်သို့ထွက်လာသောအခါ ထောင့်တစ်နေရာတွင်ရပ်နေသောမိုးတိမ်အနားသို့လျှောက်သွားလိုက်သည်။
"ဘာပြောမလို့လဲ"
မိုးတိမ်သက်ပြင်းရှည်တစ်ခုကိုချလိုက်ကာ သူ့အရှေ့တွင်ရပ်နေသောဟန်လင်းခ ကိုရီဝေစွာကြည့်နေမိသည်။
"ငါ..ငါ.မင်းကို.ချစ်တယ်လင်းခ"
"ငါလည်းမင်းကိုချစ်တယ်လေ မင်းကငါ့အချစ်ဆုံးသူငယ်ချင်းပဲဟာကို "
"ငါပြောတာ အဲ့လိုအချစ်မျိုးမဟုတ်ဘူး မင်းနှင်းတော်ဝင်ကိုချစ်သလိုအချစ်မျိုးနဲ့ ငါမင်းကိုချစ်တာ"
"ဟျောင့် ဟာသတွေလာလုပ်နေတယ်"
ဟန်လင်းခ မိုးတိမ်ဟာသပြောနေသည်ထင်သောကြောင့်ရယ်လိုက်မိသည်။ သို့သော်မိုးတိမ်မျက်နှာမှာ တည်ငြိမ်လေးနက်နေသောကြောင့် ဟာသမဟုတ်မှန်းသိလိုက်သည်နှင့် ချက်ချင်းတိတ်ဆိတ်သွားခဲ့သည်။
VOCÊ ESTÁ LENDO
The Promise (Completed)
Ficção AdolescenteNever give a promise if you can't keep ! 🔸🔹🔸🔹🔸🔹🔸🔹🔸🔹🔸🔹🔸🔹🔸 Story about a young man who know how much love is painful.....
