The Promise (Completed)

Part-12 ( covered by tears )

Unicode

မှန်ထဲကကိုယ့်ကိုကိုယ်ကြည့်လိုက်တော့ ထင်သည့်အတိုင်း ညကငိုထားသောကြောင့် မျက်လုံးများကသိသိသာသာ မို့အစ်နေသည်။

မတပ်ဖြစ်တာကြာပြီဖြစ်သော မျက်မှန်ဝိုင်းလေးကို တပ်လိုက်တော့ မျက်ဝန်းမို့မို့များက သိပ်မသိသာတော့ပေ။

"Jas ထတော့ ငါအတန်းရှိလို့သွားတော့မယ်"
"ကိုယ်..နဲ့..အတူ.သွား..မယ်.လေ"

မျက်လုံးမဖွင့်ဘဲ အိပ်ချင်မူးတူးနှင့်ပြောလာသော Jasper ကိုသူ စောင့်လို့မဖြစ်ပါ။ အတန်းကတကယ်ကိုနောက်ကျနေပြီဖြစ်သည်။

"အတန်းနောက်ကျနေပြီ Jas မနက်စာတောင်စားဖို့အချိန်မရတော့ဘူး ငါသွားတော့မယ်"
"Kha...."

အိပ်မှုံစုံမွှား နှင့်Jasper ခေါ်သံကိုသူဂရုမစိုက်နိုင်တော့ဘဲ ကျောင်းသို့အမြန်ပြေးရတော့သည်။

ထင်သည့်အတိုင်းအတန်းကစနေပြီဖြစ်သောကြောင့်ဆရာမကိုခွင့်တောင်းကာဝင်ရသည်။

အတန်းထဲဝင်လာသော Ray ကို အားလုံးငေးကြည့်နေကြသည်။

"ကိုကို ထူးထူးဆန်းဆန်းမျက်မှန်တပ်လာပါလား"
"ကြည့်ရဆိုးလို့လား Wine"
"မဆိုးဘူး ချစ်စရာလေး ဟီး..."

အတန်းတစ်ချိန်ပြီးသွားချိန်တွင် ရုတ်တရက် Wine, Ray မျက်မှန်ကိုဆွဲချွတ်လိုက်ရာ Ray မျက်လုံးတွေကိုလက်နှင့်အုပ်လိုက်ရသည်။

"ကိုကို ငိုထားတာလား"

Wine, သူ့လက်တွေကိုဖယ်ရင်းမေးလေသည်။ Ray လည်းအုပ်ထားသောလက်များကိုလုံးဝမဖယ်ဘဲ ခေါင်းယမ်းပြလိုက်သည်။

"ဘာလို့ လက်နဲ့အုပ်ထားတာလဲ ကိုကို ငိုထားတာဟုတ်တယ်မလား"

အတန်းထဲမှတခြားသူများလည်းဘာဖြစ်တာလဲဟူသောအကြည့်များနှင့်ကြည့်လာသောကြောင့် မျက်မှန်ကိုပြန်ယူတပ်လိုက်ပြီး Wine လက်ကိုဆွဲကာ အတန်းထဲမှထွက်လာခဲ့သည်။

လူရှင်းသောနေရာတစ်နေရာရောက်မှ Wine လက်ကိုလွှတ်ပေးလိုက်သည်။

"ဟုတ်တယ် ကိုကိုငိုထားတာ "
"Jasper ကြောင့်လား"
"သူနဲ့မဆိုင်ပါဘူး"
"ဘာလို့မဆိုင်ရမှာလဲ သူ့ကြောင့်သာကိုကို ဒီလိုတွေခံစားနေရတာလေ ကိုကို့ကို သူကဘာပြောလို့လဲ"
"ကိုကိုသူ့ကိုမေးကြည့်လိုက်တယ် ကိုကိုတို့ကဘာတွေလဲလို့...."
"သူကဘာပြန်ပြောလဲ"
"သူငယ်ချင်းတွေတဲ့...."