Unicode
ပြင်ဦးလွင် အတက်လမ်းပေါ်တွင် အနီရောင် အမိုးဖွင့်ကားလေးပြေးလွှားနေသည်။
ထိုကားလေးကိုမောင်းနှင်နေသူက ကြက်သွေးရောင် ခေါင်းစွပ် hoodie လေးကိုဝတ်ဆင်ထားတဲ့ Ray ဖြစ်ပြီး သူ့ဘေးမှာတော့ Coat အနက်ရောင်လေးနှင့် Jasper ပင်။
လက်တစ်ဖက်က ကားမောင်းနေပြီး နောက်လက်တစ်ဖက်ကိုတော့ Jas ကဆုပ်ကိုင်ထားလေသည်။
21 မိုင်ကိုကျော်သည်နှင့် အအေးဓာတ်ကတဖြည်းဖြည်းပိုတိုးလာသည်။
လေအေးများ၏တိုးဝှေ့မှုကြောင့် Ray နှာခေါင်းနီလာသည်။ ကားမောင်းနေသည့် လက်ကအေးနေပေမယ့် Jas ဆုပ်ကိုင်ထားသည့် လက်တစ်ဖက်ကတော့သိပ်ကိုနွေးထွေးသည်။
ကားမောင်းနေတဲ့သူ့ကို ဘေးကနေလက်တစ်ဖက်ဖြင့်ဓာတ်ပုံရိုက်ရင်း Jas အလုပ်ရှုပ်နေသည်။
သူ့ရဲ့နေ့စဉ်ဓာတ်ပုံတွေကို Jasper က Wine ဆီအမြဲပို့ပေးရသည်။ Jasper ပို့ပေးသောဓာတ်ပုံတွေကို Wine ကသူ့ Fanpage မှာပြန်တင်လေသည်။
မြို့ရှောင်လမ်းပေါ်ရောက်တော့ တောင်ပေါ်ဒေသ၏အလှတရားများကိုတွေ့မြင်နိုင်လေသည်။
""Sky စိုက်ပျိုးရေးခြံ""
ခြံအဝင်ဝ ဂိတ်မှ လုံခြုံရေးဝန်ထမ်းများက ဝင်ခွင့်တံဆိပ်ကပ်မထားသည့် သူတို့ကားကို ခြံထဲတန်းပြီးပေးမဝင်ဘဲ မောင်းတံကိုချထားကာ လိုက်စစ်နေလေသည်။
"ဦးလေး ကျွန်တော်ပါ.... "
လုံခြုံရေးအဖွဲ့ခေါင်းဆောင်ကို Ray လက်တစ်ဖက်ဝှေ့ယမ်းပြီး ရယ်ပြလိုက်သည်။
"သခင်လေး ဟန်လင်းခ!
ဘာလုပ်နေတာလဲ ဖွင့်ပေးလိုက်လေ!"
ထိုအခါမှလုံခြုံရေးမျာက ပြာပြာသဲသဲ မောင်းတံကိုတင်ပေးလေသည်။
"တောင်းပန်ပါတယ် သခင်လေး...
သူတို့ကလူသစ်တွေမို့ သခင်လေးကိုမသိကြလို့ပါ"
"ရပါတယ်..."
Ray တို့ကားလေးဂိတ်ကိုကျော်ကာ ခြံထဲသို့မောင်းနှင်သွားလေသည်။
"မင်းတို့ကောင်တွေ သခင်လေးကိုမမှတ်မိကြဘူးလား...
Bangkok မှာကျောင်းတက်နေတဲ့ W ရဲ့ဥက္ကဋ္ဌ ပြီးတော့ ငါတို့သခင်ကြီးရဲ့ သား သခင်လေး ဟန်လင်းခ ဆိုပြီး ငါဓာတ်ပုံတွေပြဖူးတယ်လေ"
"ကျွန်တော်တို့လည်းရုတ်တရက်ဆိုတော့မမှတ်မိဘူးလေ...
သခင်လေးကိုအပြင်မှာတစ်ခါမှမှ မမြင်ဖူးတာကို"
"သခင်လေးက သဘောကောင်းတဲ့သူမို့လို့ မင်းတို့သက်သာသွားတာ"
VOUS LISEZ
The Promise (Completed)
Roman pour AdolescentsNever give a promise if you can't keep ! 🔸🔹🔸🔹🔸🔹🔸🔹🔸🔹🔸🔹🔸🔹🔸 Story about a young man who know how much love is painful.....
