#حنين_حاتم
#وانت_الذي_قد_جئت_مختلفا
#غير_محلل_نشر_القصة_بدون_ذكر_اسمي
داورت السيارة وطبكت بلمكان لكلي علي
اجة لضابط ورانة وكلي نزلو ثنينكم
خير سيدي شكو
هاي البنية شتقربلك
زوجتي رأسن طلعتلة لعقد ونطيتة الة رجعة الي بدون ميشوفة
شنو اسمهة
ليان عمر
ليان عمر محمد ؟
اي سيدي
تفضلو ويانة اشرلي علة سيارة الدورية
سيدي خير شكو
لأخت عليهة بلاغ
هية رأسن ضربت صدرهة وشهكت
بلاغ شنو سيدي
تفضلو ويانة وتعرفون كلشي بلقسم
زين ممكن نلحكم بلسيارة مالتي
لا خليهة تتفضل ويانة وانتة الحكنة بسيارتك
باوعت عليهة رأسن كامت تبجي
مبين لاتعوفني فدوة والله مامسوية شي
لتخافين اني وياج
اخذتهة للسيارة صعدتهة ليورة ولشرطي طب راد يكعد يمهة من شفتة ماكدرت اعوفهة كتلة اني اجي وياكم
شلون اخليهة بدين الشرطة
ركضت قفلت سيارتي واجيت كعدت بصفهة وهية نتهت من البجي والطريق كلة لازمة ادية وترجف تكلي مبين لاتعوفني اني كلشي مامسوية والله
علما وصلنة للقسم مال لشرطة اني نتهيت من التفكير الف حسبة اجت ببالي ساعة اكول خاف صهيب هيج مسوي بيهة ساعة اكول خاف هاذ النذل حبيبهة ساعة اكول خااف هية فعلا مسوية شي
وصلنة للقسم نزلنة وهية لفت وجهة بلشال ماخلت شي يبين منهة غير عيونهة
تخاف لا احد من اصدقاء صهيب يعرفهة
طبينة ليجوة وهية مكمشة بدية كل قوتهة عبالك طفل ولازم ايد امة
دخلنة لغرفة لضابط جان يخابر ضلينة واكفين احنة والشرطي تقريب 10 دقايق كمل مكالمتة واشر للشرطي كلة هذولة شنو
كلة هاي المتهمة بلسرقة ليان عمر وهاذ رجلهة
اشرلهة كللهة كعدي
خير سيدي ياسرقة
زوجتك متهمة بسرقة ذهب يقدر بقيمة 15 مليون دينار عراقي
شنوووو
هية رأسن باوعتلي نضراتهة تكلي اني بريئة لتصدك بي
سيدي ياسرقة الله يخليك
زوجتك سارقة الذهب بيوم 24 /10 ساعة ال6 مسائا والدعوة صارلهة 3 ايام من تقدمت من صاحبة البيت الي سرقة الذهب منة اثناء تواجدهة بي
يابيت ومنو صاحبة لبيت
شال تلفونة تصل
اقل لنص ساعة اجت وحدة شكلهة استغفر الله
ابد موراحة طبت وليان من شافتهة ضلت صافنة بوجهة ومصدومة نضراتهة فستري معرفتهة بيهة وتحفضهة علة هاذ الشي لسبب معين
والضابط كلش متعاون وياهة رحب بيهة وكوم ليان كعدهة بمكانهة
وهية تعابير وجهة تفسرلي خوف ورعب وصدمتهة بلي ديصير
ليان :طبت شذى اخت عامر الي وهمني بيهة وتالي طلعت وحدة موزينة واصلا مو اختة
نصدمت من شفتهة يعني فوك سوايتهم بية هية وعامر هدور يتهموني بايكتهم
كعدت علكرسي وطريقة سلامهة وتعاملهة ويةةالضابط اوحتلي بأنو اكو شي بينهم
وهاذ الشي واحد ماكو غيرة
ستغلت كونهة عاهر حتة تنفذ مخططهة بما انو هية وعامر فلسو من اهلي من سالفة لصور فدبرولهم طريقة ثانية يبتزوني بيهة
بس شريد اسوي اذا هية الموزينة صارت تحرك حتة كراسي الدولة
أنت تقرأ
وانت الذي قد جئت مختلفا
Não Ficçãoحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
