#حنين_حاتم
#وانت_الذي_قد_جئت_مختلفا....#بارت21
#غير_محلل_نشر_القصة_بدون_ذكر_اسمي
نايم بلغرفة وسمعت صوت رج البيت رج رأسن عبودي طفر من فراشة وكام يصرخ ركضت علي بنين
وصوت الرمي اعتلك ولجام كام يوكع علينة لكزاز ترس الغرفة
عرفتهم دكو بينة الناقصة شلت عبودي وكمشت بنين بيدي طلعت من لغرفة وطلعو وياي عماد وفاطمة ورائد من غرفهم
اشرتلهن ينزلن جوة ويكعدن جوة الدرج هاذة اكثر مكان ممكن ائمن عليهن بي
ركضت طلعت رشاشتي وعماد هم طلع سلاحة هوة ورائد نزلنة جوة ركض ولبيت مبقة بي شي سالم ولطلق كام يطبلنة للغرف
نزلنة من لدرج مدنكين كلش بحيث صايرين وية الكاع عماد ركض ورة باب المطبخ وكف ووجه سلاحة علباب
ورائد بلأستقبال واني ركضت اريد اشوف امي والبنات لكيتهن كاعدات جوة الدرج ومتحاضنات وحتة النفس كاطعاتة من الخوف وعبودي يصرخ ويبجي من صوت الطلق
كعدت يمهن ذني عرضي اموت وماخلي واحد يمس طرف منهن
لطلق كام يفوت من يمنة ويخترق بيبان البيت صاح علينة رائد كال طبو للحديقة وجاي يرمون علة باب لأستقبال
هاي الحجي هوة نايم بلكاع علة وجهة وعماد هم
كتلة شكم واحد كلي 4
كتلهم ارموهم لعد
كامو رائد وعماد يرمون وهمة هم يرمون وامي ولبنات يتباجن
طبيت جوة لدرج سكتتهن كتلهن ولاكلمة جهزت سلاحي وخليت امي والبنات ورة ضهري ولزمت سلاحي وساحب اقسام وموجهة علة مدخل لصالة وعبودي فجاة سكت وكطع لنفس بنين تريد تصرخ سديت حلكهة ضلت بس دموع تجري وتشهك
رائد وعماد يرمون واني دكيت علة عمامي محد يرد شوية وصوت الرمي خف حطيت ايدي علة كلبي وتوكلت علة الله وسلاحي بيدي ونسواني بضهري يتباجن وامي نتهت تكلي اخوتك ماتو ماتو
كمنة نسمع صوت خطواتهم بلمطبخ كتلهن اكطعن النفس وماريد اي صوت
قترب الصوت علينة ومي وابنين مابحلكهن غير يامهدي ادركنا
رمو طلقة وواحد صاح شيخ مبين اطلع راويني طولك وينهن حريماتك ضامهن
ااااخ ماكسر ضهري غيرهن تمنيت لو بس اني واخوتي بلبيت جا ندمتهم علساعة الي فكرو يدوسون بيت الشيخ صلال بيهة
صار وجهة بوجهي وكفت علة حيلي وكتلة نسواني مالهن شغل اني كدامك ونتواجه زلمة لزلمة
نسوانك تخاف عليهن بس نسوانة تدوسوهن بلقنادر مووو
همة ثنين واني لوحدي
وجه رشاشتة عليهن واني حطيت رساشتي براسة اجة لثاني هم خلة مسدس براسي اذا ارمي هوة هم يرميهن
بنين شالت عبودي وركضت تريد تشرد بغرفة امي بعدني اريد اصيح بنين
رمو عليهة طلقتين براسهة
وكفت الدنية عدي مرتي شريكة دربي الي رافقتني علحلوة والمرة شالع كلبهة وتكلي احلة من الشهد مرك وتشوف الويل لوغبت عنهة يوم بت عمي الي تانتني سبع سنين وتدري بكلبي ماهاويهة بس نطتني كلبهة الي عمرة ماعرف غير مبين رجال
طاحت بلكاع هية وعبودي وطاحت وياهة هيبتي ورجولتي ماضيي وحاضري وكلشي بية
صاح علة صاحبة ولك ليش ترميهة حيوان ركض عليهة يريد يشوفهة ميتة لوعايشة اني سويت روحي دخت ذبيت سلاحي خليتة امن ودار وجهة يريد يطب علة غرفة امي عبالة اكو بعد نسوان لأن همة اضاهر يردون يأذونة بعرضنة وياهذون ثارهم النواقيص خليتة ندار كمت علة حيلي بحركة سريعة
حطيت طلقة براس هاذ اليمي
وصاحبة ندار يريد يرميني زرفتة من فوك ليجوة اضرب بي وامي تصرخ ولك يمة كافي كافي
احس نار بصدري لهبت كلبي وخلتني بدون كلب بس اريد اخذ ثارهة وابرد كلبي
امي ركضت علة رائد لكتة بلكاع وبطنة تنزف دم تدنيت يم بنين شلت عبودي يتنفس بس مغمة علي فاطمة طلعت برة تدك البيبان علجوارين وتصرخ
واني حاط بنين بحضني واصيح
ولج بنين كومي يببت عمي رفيجة دربي الي ماشفتي مني غير الاذية كومي
كلبي مابي حيل فراك كومي لوليدج تدرين بي ماينام الة علة صدرج
اخوي ممدد ومرتي عليمن ابجي ماادري
دقايق ووكفت لاسعاف ببابنة ودورية مال شرطة وطبو ناس كوومة جوارين ومسعفين شالوهم بهلأثناء تذكرت عماد ماهوة طلعت برة واصيح عماد وينك لان كل ضني شرد من باب المطبخ من دخلو همة للاستقبال
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
