#حنين_حاتم
#وانت_الذي_قد_جئت_مختلفا
حجيلي عمي شكو
عماد مسوي علاقة وية بت لشيخ سالم شيخ عشيرة الخفاجة ورايح قبل 10 ايام خاطبهة وماخذ ويا وادم وزلم
وليوم بلصدفة لاكاني الزلمة ابوهة بلسوك وفتح لموضوع وياي يكلي شلون صرت عماد كللنة من اجة يخطب بتنة كال انتة مريض وعمامة كلهم ملتهين وياك شلونك هسة طبت
ضليت فشلان شكل للزلمة مشيت السالفة ورجعت كلت لعمك محمد وهوة اخوك الشفية كايل لفاطمة لبارحة ومتعاركة وياهة لازمهة ناهيهة من الكتل وموديهة لبيت عمك
ضليت صافن بحجية عماد ااااخ مصايبة كسرت ضهر ابوي طول عمرة تاعبة وهسة اجة دوري اشيل همة وياي للممات
هسة شسوي اني عمي انتة كلي وشور علية
والله ياعمي كل شور ماعدي لزلمة مساع دزلي خبر بيد ابنة يكلي احنة موافقين شوكت متحبون تتفضلون حياكم
اووووف هسة شلون عمي
مادري غير انتة لشيخ حلهة ياجبيرنة
كال الحجاية وكام من يمي ضليت كاعد بلبستان وهمة صياحهم جوة يجيب التايه طبيت جوة طلعت عماد من ايدة ورحت برة اني ويا بلبستان
كتلة عماد انتة شبيك يعني كوة تجيبلنة الحجاية ليش هيج تسوي مرتك بعدهة عروس صارلك 5 اشهر من تزوجت حرام عليك هيج تسوي
مبين اني مليت مرتي بعد لصار وياهة مستحيل تكدر تحبل لتكلي اكو امل اني مابية اصبر اريد طفل اني كلبي متلهف علجهال اريد اصير ابو واني فاطمة من لاول مارايدهة ولاراغبهة اخذتهة حتة ارضي ابوي
بس موهيج عماد هية هاي سواية تروح تخطب لوحدك زغرتنة كدام عمامي ماحطيتلهم اي اعتبار وكاتل فاطمة ليش هيج تسوي عماد تدري بعمي متمشي عدة بناتة ينضربن وطول عمرة مدللهن ومشيخهن حتة علة امهن
مالهة كلمة عليهن
لعد شسوي انتة تدري بعمامي مينطون ببت اخوهم وميجون وياي عليمن اكللهم واني ادري بيهم ماراح يجون وياي
واني البنية علاقتي وياهة حتة بلفراش يعني مومال اعوفهة
من كلي هيج بدون وعي لكيت روحي اصفكة راشدين واحد اقوة من لثاني
مبين شبيك لاتكفرني شنو زعطوط كدامك كلسا تضربني موشفتني محترمك كمت تتجاوز
ولك صكط سودت وجهي وية عمامي وانتة تدري بيهم يدورولي الزلة ليش هيج تسوي
كام طب جوة وعافني شوية واجة عمي محمد جايب فاطمة ويا قبل ميوصل يمي عافهة وراح هية اجت بتجاهي هوة اندار اسمعة يكللهة خلي مسويج مدمغة تفوو عليج تفضلين هاذ لصكط علة ابوج
اجت يمي وكفت رأسن طكتهة بجية
كافي خوية لاتبجين
مبين اني شسويتلة كلي ليش هيج يجازيني
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
