#حنين_حاتم
#وانت_الذي_قد_جئت_مختلفا....#بارت13
#غير_محلل_نشر_القصة_بدون_ذكر_اسمي
يبوووو هاي شنو ولج
شنو شكو خرعتيني
حطت ايدي علة راسي تلمستة تجككت ملمس خشن
ركضت للمراية لبلحمام باوعت لروحي اريد اجر لنفس موكادرة راسي شعراية مابي مزين اكرع وحواجبي هم مزينات ومكتوب علة كصتي بحبر احمر ((عار))
زهور واكفة وراي
هاي منو مسوي بية هيج زهور
منو غيرهة يعني
ركضت عليهة جريتهة من شعرهة ونمت فوكاهة ملختهة تملخ زلغت وجهة طلعت من عدة دم وشعرهة كام يجي بدية خصل
سحر وزهور كوة جرني من فوكاهة وهية لكلبة تضحك تكلي لوشما تسوين ماتبرد نارج
طلعت علاكة فتحتهة وطلعت شعري منهة ولازمتة بيدهة ليفوك وتلوحلي بي
هجمت عليهة اريد املخهة احس روحي تفور عليهة ونار بية لوتطلع تحرك الاخضر واليابس حتة زهور ضربتهة وصيحت عليهة اكللهة انتي وين جنتي شلون هيج تسوي بية
ولج وين جنت يعني غير نايمة حالي حالج
لعد ماحسيتي عليهة
اذا هوة انتي ماحسيتي اني احس
ركضت علباب فلشتهة اجتني لشرطية كتلهة اريد اطلع
ماكو طلعة
طلعيني بطني توجعني راح اموت
لغريبة لشرطية ماتفاجئت من شافتني ولاحتة سألتني لان شيماء قايمة بلواجب وسادة حلكهة
ماقبلت تطلعني وزهور كاعدة يمي تكلي عوفيهة انتي يومين وطالعة وتخلصين من عدهة
شلون اعوفهة ولج تسوي بية كل هاذ واعوفعة لازم ابرد ناري مااكدر اعوفهة راح اموت ولج راح اموت
ضليت اصيح من بطني وامثل خبصت المكان خبص لحد ماصدكتني لشرطية واجت طلعتني زهور حطت بجيبهة شكم فلس وهم طلعت وياي كلتلهة الزمهة خاف توكع
جاي نمشي متوجهين لغرفة لضابط جان تشوفني ام محمد ام الحانوت تخبلت من شافتني كلتلي من شفت لكتابة علة وجهج عرفتهة سوالف شيماء مواول مرة تسويهة
اي بس اني مو اي وحدة عبالهة علة كد ايدهة واسكتلهة
ليان انتي من كل عقلج حاطة راسج براس شيماء
شتريد تسويلي يعني هسة لضابط بس اكلة يشمرهة بلحبس لانفرادي فد اسبوع واني يومين وطالعة
ولج بابا انتي شبيج ترة شيماء حتة لوتطلعين برة هم تكدر تأذيج جلابهة بكل مكان وخوتهة يشتغلون سلابة وحرامية
انتي غلطتي من شتكيتي عليهة
وهية متعوف ثارهة سوتهة وحدة بوحدة
كسري الشر ورجعي للغرفة وانسي لسالفة ربج هوة ياخذ حقج
شلون انسة ولج خالة شعري الي جبت عمري كلة ادراي بي وبابا يجيبلي زيوت من لخارج حتة يطول هيج راح وصرت كرعة
عوفي شعري وحواجبي شنسة خالة تشوفين شكلي شلون صاير وهاذ لحبر جلفتة بليفة مايطلع بت لكلب كاتبة علية عار وهية اكبر عار
أنت تقرأ
وانت الذي قد جئت مختلفا
No Ficciónحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
