#حنين_حاتم
#وانت_الذي_قد_جئت_مختلفا...#بارت17
#غير_محلل_نشر_القصة_بدون_ذكر_اسمي
نداريت عمي صلال
هابوية شلونك
هلة وليدي شلونك
لحمد لله برحمة الله
دريت بمرة المرحوم جاية علمود ورثهة
اي عمي اني اجيت علة مود هاي السالفة
جا دكوم وياي
ليش
خل نروحلهم للبيت لأن اخوهة مساع اجاني للبيت وكلي لعصر احنة يمكم خل نروحلهم احسن مايفشلنة عماد
عمي هية شكد يطلعلهة
والله يابوية مادري بس هية ماعدهة اطفال يطلعلهة شي بسيط لاتخاف ماتضركم
انتة منين تعرفهة عمي
يا جاغير اخوهة صاحبي وابوك عن طريقي خطبهة
اها يعني انتة الرأس المدبر
هههه اي اني
ليش عمي امي ماجانت مقصرة وية ابوي ليش حطيت الفكرة براسة
وليدي انتة الك لضاهر تشوفهة مامقصرة ويا بس المرة موبس للكمة والهدمة ووالدتك كبرت وابوك بعدة بحيلة جان وراد مرة واني شفتلهيا وهاي سنة الله هوة ماغلط
اي والله عمي ماغلط بس انة الي غلطت بيوم طلعنة من البيت
وصلنة لبيت اهلهة بنائة كلش قديم وابوهة يشتغل فلاح عد شيخ جبير يعني مبينة داخلة علة طمع من اخذت ابوي
دكينة الباب وطلعلنة ابوهة طببنة وكعدنة بيتهم غرفة وحدة وصالة بس ولمطبخ ضمن الصالة ولاملبوخ ولابياض ضال علبلوك
جابولنة جاي تدنيت يم عمي شاورتة كتلة من رخصتك اني اريد احجي كلي تفضل
كلت لابوهة كالو جاين علية
جان يكولي اي والله نريد حك بتنة
اي عمي ليش لا تامر وتدلل احط محامي انشاء الله واحصر املاك الحجي واشوف حصتهة شكد تطلع وانطيهن الكم
لا بوية مايحتاج تحط محامي ولاتتعب ابوك مسجل البيت الكاعدين بي انتو و3 بساتين بأسمهة
شنو منيلك هاذ الحجي
كام جاب اوراق وسندات تثبت تحويل ملكية لبيت ولبساتين باسمهة
ضليت اكلب بيهن ومتفاجأ هاي ابوي شوكت سوة كل هاذ يعني شبقالنة لعد حتة لبيت بأسمهة
شكل لأمي شكل لعماد الخبل هسة يهد عليهم غير اذا عرف
كطع صفنتي صوت ابوهة وهوة يكلي
وترة هية حامل يعني من غير ذني الي بأسمهة هم تورث وياكم من لاملاك البقن هية والي ببطنهة
راسي كام يأذيني حييل اريد استوعب حجية موكادر ابوي الرزن الي اكول عنة عاقل ذيب الدواوين ابو الحجاية الثكيلة
تقشمرة زعطوطة بكد بزرة
اخذت عمي وطلعت وديتة لبيتهم وبوجهي للمكبرة كعدت يم ابوي كلبي احسة يريد ينفجر كتلة بوية ليش هيج تعبك وشكة عمرك تسلمة لوحدة زعطوطة بكلب بارد
هاذ تعبك مو احنة اولة بي
طول عمرك تكللنة اتعب عليكم وكاسر ضهري علمودكم تالي تجي وحدة مثل هاي تاخذ تعبك علحاضر ليش بوية وامي المسكينة مافكرت بيهة من سجلت لبيت بأسم هاي
هان عليك صبرهة وتعبهة هاذ لبيت بنتة وياك وحتة ذهبهة باعتة وياما جابتلك فلوس من بيت اهلهة حتة تساعدك توكف علة رجليك تالي هيج تجازي صبرهة وتعبهة هسة شكللهة اني كلي بياعذر اروحلهة
موكافي صدمتهة بزواجك وموتتك
ضليت احجي ويا واعاتبة بس شلفايدة لاحياة لمن تنادي نكتت ملابسي من لتراب وكمت ركبت سيارتي ورجعت للبيت قررت مااكل لأمي علة سالفة مرت ابوي وفكرت اكللهة ابوي متداين علمود فصل يخص لعشيرة
طبيت للمطبخ صحتلهة وحجيتلهة ماقتنعت تكلي جذب ماكو فصل يخلي ابوك يبيع بيتتنة وليس ماكلي وهوة كلشي ميضم علية
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
