وانت الذي قد جئت مختلفا

بارت11

#حنين_حاتم
#وانت_الذي_قد_جئت_مختلفا....#بارت11
#غير_محلل_نشر_القصة_بدون_ذكر_اسمي

طبت امي وطبكت لباب فتحت الورقة جان تطلع عقد زواج بي اسم ابوي واسم وحدة
مادري شصار بية من شفتة
باوعت علمواليد زغيرة حييل اكبر مني بسنتين ولتاريخ مال لعقد جديد ماصارلة 7 اشهر

ابوي تالي عمرة هيج يسوي صدك جذب زغيرون ركبت سيارتي ودكيت علي
كتلة بوية وين انتة
كلي يم بيت عمك محمد

بوية تعال للبيت اريد احجي وياك

رجعت للبيت فاير وماشوف بعيوني
طبيت لكيتة جاي قبلي وكاعد بلصالة
اول مادخلت شافني وكف علة حيلة جن يدري بية عرفت
تدنيت يمة فتحت لورقة كتلة هاي شني

عقد زواجي

وعادي تكولهة هيج بوجهي رجليك ملولحات بلكبر ورايح تتخطب وتتزوج
بشنو قصرت وياك امي جابت عمرهة وياك صابرة هاذ عمرهة تضربهة وتهينهة كدامنة وكدام الخطار
عمرك ماسمعتهة كلمة حلوة حتة ماتصيحهة بأسمهة كلة يامرة
جان كلت عيب علية الي بعمرك يدورون زيارة وحج وعمرة وانتة رايح متزوجلي وحدة من عمر جهالك
ياريت اكو سبب
اشو امي مداريتك مثل المي بلصينية ومخلفتلك 4 ولد شتسويلك بعد
بس انتة ميجي بعينك كل تضحياتهة وصبرهة مثل البزازين تاكل وتنكر

اني كلت هيج تدنة علية ضربني راشدي
بس موراشدي بحيث بكد ماقوي رجعت مترتين ليورة

فوكاهة تضربني

اطلع برة ياكلب ياحيوان هاذ بيتي وبكيفي اتزوج 2 و3 وعشرة ولا انتة ولاخوالك تمنعوني ولي يلله ماريد اشوف وجهك

ندار شاف فاطمة ورا

جان يكللهة انتي هم لمي جوالاتج انتي ورجلج وطلعو برة ولحد يطب لهنا
هاذة بيتي اني سويتة وسويتكم اني صنعت منكم زلم بدوني كلشي ماتسوون
ذني لكلمات سمعتهن واني اترك لبيت واحلف ماارجعلة لو للموت وهوة يحاول يعلي حسة حتة اسمعة زين

ركبت سيارتي وتوجهت لبيت خالي خابرت علة رائد كتلة انتة وين
اني طالع وية جماعتي
فهمتة علصار وكتلة ابوي طردنة
اركب سيارة وتعال راح نأجر بيت واني وياك نشتغل وندفع اجارة احسن ماضال تدفع للفنادق
كلي تعال هنا ناجر احسن الأجارات ارخص من لعمارة
ماشي لعد
شوفلنة شقة ايجار بيت كلشي لجان
رحت لبيت خالي طلعلي خالي
طببني بس وجهة ميكصة لطبر
حجيت ويا وشرحتلة كلشي وكتلة ابوي طردني وطرد خواني

وهسة شنو المطلوب تردوني الفيكم
لا خالي موهيج احنة زلم وموبعازة احد
بس اني اريد اخذ امي راح ائجر بيت ونكعد بي كلنة

ومنين تدفعون اجارة وانتة حتة فلوس بانزين سيارتك تاخذهن من ابوك

خالي احنة زلم وندور شغل من جوة لكاع ونصرف علة امنة وهية بمسؤليتنة انتة اطلع منهة الله يخليك وصيحلي الوالدة بلا لمر عليك اني برة اتانيهة بلسيارة