وانت الذي قد جئت مختلفا

بارت15

#حنين_حاتم
#وانت_الذي_قد_جئت_مختلفا....#بارت15
#غير_محلل_نشر_القصة_بدون_ذكر_اسمي

شنو عمي شنو السالفة
ماجاي افهم عليك انطي التلفون الواحد من الولد خل يحاجيني
حجة وياي سالم ابن عمي صبار
ها خوية خير
خوية تعال لم جلابك ترة عماد كلش مصخهة
سالم طب بلموضوع واحترم الأكبر منك لاتتجاوز رجائا
ليش هوة انتو خليتو بيهة احترام
طبك التلفون بوجهي
رجعت دكيت علي مايرد
دكيت علة رائد مغلق دكيت علة قصي رد علية بس هووسة كتلة اطلع برة خل افتهم موخبلتوني
مبين عماد لزم فاطمة لبارحة طلع حليب امهة من خشمهة وبيت عمي سمعو صراخهة وطبو علينة كسر لباب عمي وتلازمو هوة وعماد
وعماد دفع عمي وتجاوز علي واجو عمامي هسة وصارت هووسة وعمي صبار حلف يكول نذبة من لعشيرة ولسالفة كبرت كلش تعال بساع
يلله سدة اني جاي
اريد اسيطر علة جسمي موكادر احس لدنية تفتر بية اااااخ يابوية حملي جبير واني بعازتك بوية ليش عفتني
اقلها جنت خلصان من مصايب عماد هسة منين اتلكاهة واحنة كل واحد مسويلة سالفة بلسر لونعرفت حتة يتبرون من عدنة عمامي
لبست هدومي وتوجهت للعمارة وقفلت لباب علة ليان ودعتهة يم الله واسد بغداد يحموهة الي ويوخرون الخوف من عدهة لأن من طلعت دمعتهة بطرف عينهة تكلي لاتعوفني اخاف لوحدي
لطريق كلة حاط كلبي بشيشة واتنخة كون اوصل قبل ماتصير سالفة
وصلت للبيت فتحت باب لحديقة ورجلية يرجفن قبل كلبي
عاينت علة باب لأستقبال كوومة شحاطات بلباب دفعت الباب وطبيت لكيت لعشيرة كلهة علة لأطلاق مجتمعة
سلمت وكعدت
كتلهم خير حجولي
كالو تغدة ورتاح يلله نحجيلك انتة جاي من سفر وتعبان
لا حجولي اني حتة لزاد مااشتهي كلبي فاير اريد اعرف شكو
بدة عمي صبار يحجي علة اعتبار هوة الجبير بين كل لكاعدين
من بعد الرزالة الخفيفة والوم والعتب دخل بلموضوع وكلي
عماد لازم يطلك فاطمة
اعوذ بلله عمي شنو هاذ الحجي هاي عود انتة لجبير بمكان ماتهدي النفوس وتصلحهة

مثل ماجاي اكلك عمي عماد مالة كل مرة عدنة تطلك وترد لبيت ابوهة معززة مكرمة احسن من هاي عيشتهة يكومهة بكتلة ويكعدهة بكتلة شنو لان ماعدهة اخو جبير يلزمة بطيح حضة مستزغرهة حضرتة
لاعمي لاتكول هيج فاطمة اختنة وبتنة وطلاك ماكو هاي السالفة شيلوهة من بالكم

شني مبين انتة صرت تحكمنة تالي عمرنة

لاعمي موهيج انتة تاج راسي وابوي الثاني بس عمي انتة تحجي وحدك ترة فاطمة ماتكدر تستغني عن عماد لوتذبحوهة رجلهة وتحبة حتة لوضربهة اكيد اكو سبب ايا كان لسبب اني ماريد اعرفة همة مرة ورجال وكلشي يصير بينهم ويتزاعلون زعل حبايب يومين ويتصالحون مومال نوصلهة للطلاك الله مايرضة
هية تريدة وهوة يريدهة
جاي احجي طب عماد يلعلع من بداية الاستقبال ويصيح اني ماريدهة طلكوهة اكيف ماريدهة كتلكم اني مامرتاح وياهة

كمت علي سحلتة سحول اني ورائد طببتة لغرفة امي وخليت رائد يمة يحجي براسة ويقنع بي

رجعت يم عمامي كل واحد يذبلة حجاية ضلينة كلهة تحجي وناس ترفع وناس تكبس
اخر شي من شفت الوضعية فلتت وكلهة مستزغرتني وعمامي كامو يشمرون بلحجي ابوي وراح حلالهم الجو وبعد مالهم جبير لان مبين بنضرهم زعطوط ومالة حجاية عليهم

قررت الزمهم من ايدهم التوجعهم
كتلهم شوفو انتو موتردون طلاك كالو اي مانرضة باي حل ثاني
كتلهم خوش يجرالكم بس قبل كلشي عدي حجايتين
فاطمة بعد مال تخلف مستحيل الة اذا الله راد يسوي معجزة
والزلمة من عدنة لوراد ياخذ مرة عليمن ياخذهة غير حتة يخلف منهة ويستقر وياهة ويكون عائلة
وبنيتكم ماتخلف اذا تريد تجيهة قسمة يجيهة واحد جبير بلعمر وماخذهة للخدمة لو يجيهة واحد مطلك لوميتة مرتة وعدة جهال وياخذهة تربيلة جهالة وانتو اذا ترضوهة علة فاطمة تاخذ هيج قسمة اني ماارضاهة وبقت السالفة يمكم
احنة ابنة رجال وميعيبة كلشي ومن باجر بدل الوحدة عشرة نخطبلة
انتو الخسرانين
ضلو يفرون بذاناتهم وجرو بوش ادري بيهم مستحيل يعترفون انو همة غلطانين ورايهم غلط بديت اهديهم شوية شوية لحد ماخليتهم نسحبو واحد ورة الاخ بدون ميجيبون طاري فاطمة
واكف بلحديقة اسلم عليهم طلعو كلهم وبقة بس واحد ابن عم ابوي جاي يلبس بشحاطتة صار قريب علية دكدك علة جتغي جان يكلي
والله ولنعم صدك زلمة وطالع من ضهر رجال لو واحد غيرك جاكال البنية معيوبة ومابيهة خلفة عليمن مخليهة وهية طلعت منهم ورادو الطلاك بس والله حجي صلال عرف يربي وعرف من بين كل عشيرتة يختار الي يناسب هلمكان ويكون كدة
اشكرك عمي لحمد لله الخلف مامات
شرفتني ونورتني
الله يحفضك لشبابك ويكملك بعقلك وليدي
طلع الرجال وسديت ورا لباب
طبيت لغرفة امي فاير بس اريد اتناوش عماد فتحت لباب وطبيت لكيتة حاط راسة علة رجلين رائد ويبجي من شافني كعد علة حيلة ومسح دموعة