#وانت_الذي_قد_جئت_مختلفا
#بارت31
#لااحلل_الاقتباس_دون_ذكر_اسمي
#بيج_قصص_عراقية_من_واقعنا
#حنين_حاتم
امشي وراهم وسالم يحجي وياي بلتلفون
جان يطلعون ثنين من لجامات ويرمون علة سيارة سالم بطريقة مرعبة بعدني اريد ادوس بانزين جان تنشال سيارة سالم وتنركع بلكاع وشبت بيهة نار
ركضت عليهة صايرة بلمكلوبي
اباوع قصي يون ويحاول يرفع روحة ويطلع من لجامة وسالم وعمي صبار مابيهم حركة
جريت قصي من الجامة وساعدني طلعنة عمي وسالم
بيهم نفس بس اصاباتهم بالغة اباوع علشارع ختفت سيارتهم
دقايق ولتمو علينة العالم زلم وولد وجهال طلعو من البيوت دكيت علأسعاف نطيتهم العنوان وركبت سيارتي وطرت وراهم
عفتهم وراي ماادري اذا راح يعيشون لو يموتون كل الي ادري بي اني امنت عليهم يم الناس
بس عرضي مامئمن عليهة حتلو ميتة هم لازم الكاهة
اريد جثتهة اريد شي اقنع روحي بي ماريد اعيش الي عشتة من فكدت عماد
امشي ولدموع خطن علة وجناتي دروب
دروب وجع والم وغلطة
اووووووف غلطة دفعت ثمنهة كلش غالي يوم طاوعت عماد ورحت وخطبتلة واني ادري بي مو اهل لهلشي وفعلا محد تحملة غير فاطمة
سقت سيارتي بسرعة جنونية جنت ماشوف اي ملامح للشارع كل الي اشوفة عبارة عن اشياء اخطف من يمهة خطف ومااميز شنو هلاشياء
لحد ماوصلت لمفترق طرق توكلت علة ربي وسلكت لطريق الايمن
امشي ولشارع جولة وصحراء مابيهة طير
لحد مالاحت كدامي سيارتهم جانو يمشون علة كيف كل ضنهن بقيت يم سيارة سالم ولتهيت بيهم
رميت من بعيد علة سيارتهم فشن التايرات الخلفيات كامت تتسرسح علشارع
مارمو علية وجنت متأكد مسدساتهم خالية مابيهة ذخيرة كل البيهة رمو علة سيارة سالم
دقايق ووصلت يم سيارتهم الي جانت تمشي بصعوبة
رميت عليهة لحد ماوكفت ونزلت اني وموجه سلاحي عليهة لكيتهم واحد مدمة ونايم ورة علكشن وحدة من طلقاتي الي رنيتهن علسيارة طاحتوثنين اول ماشافوني رفعو اديهم نزلتهم من السيارة صعدتهم بسيارتي خليتهم واحد يسوق والثاني كاعد يمة بلصدر واني وراهم وموجه سلاحي عليهم دكيت على عمي محمد كتلة دزلي ولدنة كلهم همة وسلاحهم لبيت زوجة عماد
وصلت للبيت نزلتهم ولكيت ولد عمي ثنين هناك همة وسلاحهم ولباقين ناس وية عمي صبار وسالم وقصي بلمستشفى وناس باقين ببيتنة طببتهم للبيت تلكوني الولد جتفوهم وشمروهم بلكاع لزمت مسدس قاسم ابن عمي رميت واحد علة رجلة وكتلة كل وقت ماعدي تدليني بمكان مرتي لوهسة ادفنكم هنا واحسب الله ماخلقكم
دنك علة رجلة يصرخ منهة كلي
ادليك والله بس تحلفلي تعوفنة
مخبل اعوفكم عن يادم اسامحكم
رائد لو بنين لو عماد الي صار مخبل
لو عن ذولة البلمستشفى بين الحياة والموت لو عن مرتي الي عفتوهة تنزف بدون ذنب
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
