#وانت_ااذي_قد_جئت_مختلفا
#بارت25
#لااحلل_الاقتباس_دون_ذكر_اسمي
#بيج_قصص_عراقية_من_واقعنا
#حنين_حاتم
ثاني يوم رحت للعيادة لعصر قبل الدكتور فتحت غرفتي ولحد ماجة الدكتور وبديت استلم حالات
جنت منهمك بلشغل وتعبان حييل
جان تطب علية نفس البنية صاحبة الورقة وية ماباوعت بوجهة تذكرت الورقة
لا يا الله بقت بلملابس هسة تغسلهن ليان وتشوفهة
تقربت وكعدت علسدية واني وجهي كام ينطي الوان
وتفكيري يم الورقة بسلا بيهة رقم شلون لو وكع بيد ليان
تضاهرت انو اني ماتذكرهة
تفضلي اختي كولي شعندج
جبس
نعم !!
اني ذاك اليوم موفتحتلج الجبس
وانتة شعليك لدكتور دزني
جبسهة رجائا وفضني مستعجلة
هزيت ايدي وماجاوبتهة
بديت احضر بلمواد ونكعت الجبس حتة احطة
نداريت لكيتهة مطلعة رجلهة كلهة
كتلهة اختي لجبس لحد ركبتج تكدرين تسترين لباقي
لا اخاف علة عباتي تدمر
سويت رجلهة واني ساكت وحتة راسي مارفعتة بس احس بنضراتهة
و اشوفهن بطرف عيني يربي شبيهة هاي ماشايفة زلم
استخفر الله بنات هلوكت ماكو لاثكل ولاحياء
اخر قطعة خليتهة وثبتتهة اني لابس جفوف بس اضطر الزم رجلهة حتة اثبتة عدل
جاي احطة على ركبتهة واضغطة حتة ياخذ شكل رجلهة
اشو هاي جرت ايدي وصعدتهة علة صدرهة
اني نزيت من تصرفهة وجسمي كلة قشعر جريت ايدي ووكفت علة حيلي واشرتلهة علباب بصياح برررررررة
تالي عمري اغضب ربي بسبب هيج وحدة دايحة
باوعتلي جان تكلي مااكدر اكوم سندني
طلعت برة وصحت علسكرتير كتلة عفية وصلهة لباب لعيادة
هية شافتة الولد فقير ومامهتم بشكلة جان تدفعة بيدهة علة كيف وكلتلة شكرا اكدر امشي لوحدي وطلعت تنتجي علحايط وتسند روحهة بي
وراهة رأسا طب مريض وبديت استلم لحالات واحد ورة لثاني بس فكري جان يمهة ويم تصرفاتهة ليش هيج جاي تسوي معقولة عدهة غاية
لوهية انسانة دايحة
فكري جان متشتت وبالي يم الورقة وبعد الي صار تأكدت بان الورقة يأما تحمل رقم تلفونهة او عنوان بيت
ماعاولت خلصنة وطلعت بوجهي علسيارة طرت للبيت
طبيت لضوة معلوك وليان بلمطبخ لمحتهة من الحديقة
اووووف سترك يربي
فتحت لباب وطبيت لكيتهة حاطة ايدهة علة خدهة وتبجي
تقربت يمهة جريت ايدهة شميتهة حيييل وبستهة
اني موكايل هاي العيون متبجي
ساكتة
حبيبي شبيج شصاير
اني اريد طفل مبين
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
