#حنين_حاتم
#وانت_الذي_قد_جئت_مختلفا...بارت18
كتلة عماد اخذ بنين وديهة لبيتهم
ليش
اخذهة ومالك شغل لتسال
شكللهة امشي روحي لبيتكم
لا خل مرتك تكللهة
ماكدر مبين عفية عفيني من هاي لسالفة
شوية وصاحتني امي للصالة
ها يمة خيرج
مريتك بغرفتي وجاي تبجي
ليش
بنين جارة حجابهة تريد تشوف شعرهة ولاكيتهة مثل شعر الولد كايمة تعيب عليهة وتكللهة ليش كاصتة بيج كمل
خرب روحج بنين هية هاي حجاية بله
جا صدك يمة هية ليش هيج كاصة شعرهة
يمة هاذ موديل متدرين ببنات بغداد
هسة شلون اريد احاجيهة وخاف بنين تشوفني
كوم يمة شني تخاف منهة اني راح الهيهة راحت امي للمطبخ واني دكيت لباب علة ليان رأسن فتحتة
طبيت لكيتهة عيونهة حمر
كتلهة ليش تبجين
نسيت لباروكة بلبيت ولبنات شافن شعري وكامن يعيبن علي
وانتي علة هاي تبجين
لعد شلون ماابجي وهنة يكللي خلقتج مال ولد ولا عبالك بنية
يروحنلج فدوة هسة اروح اجيبلج باروكة
غير لوشايفات شعرج قبل جان حسدنة همزين شعرج هيج
كامت تضحك
لاتروح ميحتاج همة بعد شافو شعري
شلون ميحتاج باجر لحنة ز
واريدج تطلعين احلة وحدة
رحت بنفس الدقيقية جبتلهة باروكة لون جوزي وشوية طويلة ونطيتهة لامي كتلهة نطيهة الهة تغدينة ومن ورة لغدة طلعنة كلنة للحلة اني ورائد وامي وهية وكلنالهم رايحين لبيت خالتي بس بنين ماتت من شافتهة اجت ويانة وحاولت تحاجيني بس اني ماطلعت برة لاستقبال وحاولت اكون قريب علولد وامي حتة متكدر تحجي مالي خلك الزن مالتهة والملحة الي اكبر واحد ميجرعهة
توجهنة للحلة واخذنة كلشي ممكن نحتاجة رحنة لليت خالتي بس ماكلنالهم اي شي كلنالهم جاين نشوفكم وليان امي كلتلهم عليهة بت عمي رحبو بينة وهية ندمجت وية بناتهم واخذنهة يمهن بلغرفة بعد ماشفتهة طلعنة اني ورائد نحجز قاعة للحنة بلكوة حصلنة وهوة اصر يريد حنة علمود اصدقائة
بتنة يمهم وثاني يوم من ورة لضهر اني ورائد كلنالهم رايحين للسيدة شريفة نزور رحنة علة عروستة جبناهة من لصالون وديناهة لبيت اهلهة ودور رحنة جبنة امي وليان وديناهن لحنة العروس ورحنة جبنة بدلة لعرس من محل لأبجار هم وديناهة لبيت لعروس هية مءجرتهة بس مينطوهة الة قبل لعرس بيوم
ودور رحنة شترينة كيك وشربت للحنة مال رائد ورحنة للحلاق زيان وتنضيف بشرة وشسوار كملنة كلشي ورحنة اجرنة سماعات كبار وتوجهنة للقاعة نقلنة لكيك ولعصاير ولمي وجبنة ثلج خلينا بي ورتبنة كلشي
ب8 بدو اصدقائة يجون ترسو المكان اساتذة وطلاب صارت لحفلة كلش حلوة تونسنة ورائد ذب لحم هوة واصدقائة وحتة الاساتذة ركصو ويا
بل10 خلصت الحنة نطينة حساب القاعة وبدلنة ملابسنة ورجعنة لبيت خالتي
اهل لعروس ماجرين قاعة للعرس وعرسهم مختلط لصبح اخذت ليان للصالون هية مارادت بس اني اصريت عليهة ادري بيهة تحب تطلع بكامل اناقتهة اخذت امي وياهة وكتلهم رايحين للسوك
ذبيت ليان بصالون نفسة الي رايحتلة مرت رائد واخذت امي للسوك شترت دراعة حلوة وشال وشحاطة للعرس واخذت صوغة للبنات ونسوان عمامي
خابرت علة ليان بعدهة مامخلصة رحنة لمطعم تغدينة واكلنة موطة ب3 خابرتهة كلتلي كملنة اني ولعروسة رحت عليهن اخذتهن وديتهن للقاعة هنة ولحجية ورجعت علة رائد اخذتة وطلعنة هاي لحجي بيت خالتي بس يتسألون واني شغلتي اجذب واطلع حجج ساعة اكللهم لزيارة ساعة لعالم مدهش ساعة سواكة
طلعنة اني ورائد رحنة ذبينة لسيارة يم محل ماا تزين ورحنة بتكسي للقاعة طبينة لمكان جان يجنن شفت ليان كاعدة هية وامي تذكرت عرس يزن بس ليان هناك جانت شاعلة لجو هنا كاعدة عاقل
كعدت بصفهن ورائد صعد للكوشة يم عروستة
اباوع علة ليان عينهة عليهم ماشالتهة ابد حقهة وهية حتة عرس مثل لبنات ماحصلت ركصنة وغنينة اني ورائد نطلقنة هوة جان فرحان حييل وكلسا يكوم عروستة يركصون هوة وياهة
بعدين علكولهم سلو وطفة لضوة مسيقة هادئة ودخان اصطناعي وهمة واحد حاضن الثاني اجواء تجنن حركت كل مشاعر حلوة بداخلي واني اتخيل نفسي اني وليان نعيش هاي الحضة حسيت ايد تلمست جتفي نداريت هية كزبر جلدي من شفتهة شكلهة جان كلش حلو خالة حجاب علة راسهة ولابسة سترة قصيرة فوك لبدلة لابسة عدسات وشكلهة مكلوب كلب عاينتلهة ورجعت نداريت اباوع عليهم مااكدر اطول لنضر بعيونهة احس جسمي كلة يكوم يرجف
شوية وحسيتهة تدنت علية جان تهمسلي
مبين اني ليش مالبست هاي البدلة البيضة
ليش انتي تردين تلبسيهة
كل بنية تتمنة تلبس لأبيض بلذات اذا تلبسة لواحد مثلك
كالت لكلمة وخلتني اروح لغير عالم واني اتخيل اول حب الية صايرة بين ادية وملكي ولابستلي لأبيض
نداريت مالكيتهة باوعت علة طبلة امي لكيتهة يمهة
فركت عيوني حييل واني احاول اطرد لشعور الي بداخلي الي يخليني احس انو اني بحلم وكل هاذ دايتراوالي
لامبين هاذ صدك فعلا هية تريد تلبسلي لأبيض
خلص العرس وزفيناهم للفندق ورجعنة لبيت خالتي وليان لطريق كلة تمسح بلمكياج
واني نزعت لقاط وبدلت بلسيارة وهية وامي يضحكن علية
ثاني يوم لصبح رحت لجامعة رائد طلبتلة اجازة سبوعين واخذت امي للكراج صعدتهة نفرات بسيارة ودفعت كروتهة واخذت ليان ورجعت لبغداد بلطريق ليان كلتلي اريد اروح لمحل ملابس محتاجة شغلان
نزلنة اني وياهة بسوك جميلة دخلت هية للمحل واني اخذت لسيارة ركنتهة بفرع لان مااكد اوكف بباب المحل جاي انزل اريد اروحلهة سمعت صوت كلش قوي وندفعت ليورة بحيث نركعت بلسيارة
نداريت اريد اشوف شكو حسيت شي خترق بطني عبالك نار تيزاب مااكدر اوصف شعور لألم لحسيتة وكتهة عبالك نار ولهبت اعضائي
غوشت عيوني ووراهة ماحسيت علة شي
فتحت عيوني واني بلمستشفى احس الم فضيع ببطني ويزيد وية النفس وراسي يوجعني حييل رأسن صحت ليان
اجتني تركض
مبين صحيت
باستني من راسي
والله لو صايرلك شي جان موتت روحي وراك
اباوع عليهة ومتفاجأ بحجيهة وبداخلي اكول هاي خافت لان عبالهة راح اموت ومحد الهة
جرت ايدي باستهة حييل
واني عيني عليهة بين الفرحان وبين الخايف لايكون هاذ مجرد حجي بسبب خوفهة علية
رفعت راسهة جان تكلي
احبك يبعد العمر
هنا بعد مااكدر اجذب اذاني جريتهة حييل حضنتهة
واخيرا كلتيهة ولج مو كطعتي كلبي
ماجنت ادري بروحي احبك بس من شفتك غركان بدمك رتفع ضغطي ونتهيت ساعات انتضارك وانتة بصالة العملية خلتني اعرف شكد اني احبك ومتعلقة بيك
خلت راسهة علة صدري واني احس الكون كلة مايوسع فرحتي
ضليت يومين بلمستشفى وطلعتني
الي سمعتة وماعرفت افرزنة جان صوت انفجار والي دخل ببطني هوة شيش من لحطام والأنقاض الي صارت بسبب لأنفجار طلعنة للبيت وهية ساقت ولطريق كلة فرحانة لان ساقت لسيارة
ضلت تداريني وتعتني بية وسوالفهة يخبلن مااشبع منهة بليل تنام بصفي تفرش وتنام خاف احتاج شي لو اريد اروح للحمام تساعدني
اني اتانيهة تنام واحضنهة ولوما مريض جان اكلتهة ههههه
احلة شعور عشتة بحياتي من نخلقت لليوم هوة الشعور الي احسة من يجي شعرهة علة وجهي نفسهة يصير قريب علية
ماكدرت اتحمل قربهة مني
كعدت مصباح يوم لجمعة عمليتي جانت بعدهة ماطايبة بس اكدر اتحرك لبست ملابسي وركبت سيارتي ورحت لمحل بدلات اخذتلهة بدلة بيضة علة شكل فستان مخصر ومسكة حلوة واخذت وياي كيكة كتبت اسمائنة عليهة ورجعت للبيت
لكيتهة كاعدة وجاي تنضف ضلت تحجي علية لان طالع تانيتهة كملت تنضيف وطبيت لغرفتهة وصحتلهة طلعت لثوب وخليتة كدامي شافتة ضلت تصحك
يلله بساع لبسي اريد اشوف لابيض علة حبيبتي شلون يطلع
راحت لبستة وخلت مكياج وفتحت شعرهة طلعت عبالك اميرة جانت اخلة ماشافت عيوني احسهة كاملة رغم شكلهة عادي
صارت حلالي من صدك من بعد ماجنت اتحصر علة لمسة اديهة
مر شهر علة زواجنة احلة ايام عمري كضيتهة وياهة وقت الرومانسية الكاهة كتلة من الدلع والأنوثة والجمال ووكت الشقة والضحك الكاهة جبار ابو المولدة
من اريد اسواف وياهة احس كأنه جاي احجي وية صديقي بكد ماجنت احبهة حبيتهة اضعاف بس لحد لان ماطلعنة ببغداد وهية تلح بشان هاذ الموضوع واني اتحجج بدراستي من خوفي عليهة
جان يوم سبت خابرني عماد يريد فلوس يدفع مقدمة اجار بيت مال 4 اشهر لان قرر ياخذ خطيبتة سكتاوي للبيت من بعد ماياس من عندي
كتلة اخذ من امي واني من اجي انطيهة
تزوج عماد وبدت مشاكلة يومية كاتل البنية ومزوركهة وموديهة لبيت اهلهة ويودي علية اروح احل السالفة وارجعهة شكد مااحجي ميفيد ميرضة يعقل ولايتغير وذني المسكيناات ثنينهن تورطن ويا والله لعالم شنو مصيرهن ويا
لأحد نسوي حفلة التخرج مالتنة الممثل مال الشعبة والولد اجرو قاعة وتفقنة علة لون الملابس والدخولية
يزن مرتة جابت وطاير بجهالة التوم وليان تتوسل بية تكلي دبرلك فد حجة و جيبهم فد يوم خل اشوفهم
قرب موعد النخرج وقرب موعد زواجي من بنين كلمة الزلم الي نطاهة ابوي العمي والي علة اساسهة بلغت وحدة من بناتنة ال18 وهية مامتزوحة هاذ الشي نادر الحدوث بعشيرتنة بس بنين تحملت وصبرت من حبهة الي
كاعدين نتعشة اني وليان وكلتلي
مبين شخبار حفل لتخرج
بعدنة جاي نستعد
مبين من تعرفنة علة بعض لليوم مافد يوم طلبت منك طلب
صح
اليوم اريد اطلب منك واتمنة مارجعني
اذا اكدر علي تاخذين عيوني
تكدر
كولي
اريد اجي وياك للحفلة
ليش
اريد ااشوف اهلي
شلون ليان صدك تحجين عود
تدرين بيهم كلهم راح يجون واني راح يجي وياي رائد واحتمال امي هم ماترهم والله حبيبي
فدوة مبين الله يخليك لاتردني والله كلبي مشتاق الشوفتهم الله يخليك حس بية شوف روحك مرات اضل شهر متروحلهم شيصير بيك واني صارلي سنتين ماشايفتهم اروحلك فدوة حبيبي بس هاذ الطلب
واذا شاوفج شكللهم ليان كعدت من الكبر شكل ليزن حطي نفسج بمكاني
انتة بس وافق وشوف شلون راح اتنكر واكلب شكلي كلب حتة انتة ماراح تعرفني
شلون بلله
اوكف
راحت للغرفة خلت مكياج طوخ ولبست عدسات ولبست باروكة شكرة كلبت شكلهة صارت اجنبية عبالك
ليان شكلج مبين ذيج وينج انتي
البس مناضر
جابت مناضر شمسية ولبستهة ها شوف والله ولامبينة والبس حجاب وجبة صدك ماراح يعرفوني واحاول اكعد بعيد عنهم لوبضهرهم وادور وجهي عنهم فدوة مبين لاتردني والله مشتاقتلهم
اكلت كلبي بملحتهة ونقهرت عليهة كتلهة ماشي اخذج
اجة يوم الحفلة وبدلت وكلبت شكلهة بلمكياج سمرت روحهة حتة اني ماعرفتهة
طبينة للقاعة وكعدنة على طبلة اني وياهة طبعا رائد وامي كلولي مراح نجي ميكدرون
كعدتهة علة طبلة بيهة بنات كاعدات وكعدت بلطبلة الي بصفهة
شوية وطب يزن ونجاة شايلين جهالهم وامهة وياهم ومرت صهيب بس صهيب ماجاي كعدو علة طبلة كدامنة وهية عينهة عليهم
شوية كامت امهة ونجاة طبن لغرفة لتبديل شافتهن هية كامت وراهن
اني بساع لحكتهة وصلت ....#يتبع
موتنسون التصويت فدوة لكلبكم حتة يومية انزل باريتين
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
