وانت_الذي_قد_جئت_مختلفا
#غير_محلل_نشر_القصة_بدون_ذكر_اسمي
#بارت24
#بيج_قصص_عراقية_من_واقعنا
#حنين_حاتم
كعدت مصباح يوم الأثنين علة ايد ليان
وصوتهة الهمس
مبين مبين مبين
كوم مو تريد تروح للرجال علمود الشغل
كوم حبيبي لا تتأخر
تحاجيني همس و تتلمس وجهي وتحاول تكعدني علكيف حتة لا انز واطلع صوت ويكعد عبودي
هاذة لشي تتخبل منة هية لان معودتة علة نضام وعلى وقت نوم وكعدة واكل وحتة هوة تعلم بحيث اكلة اذا تأخر ربع ساعة بعد مياكل
حسيت عليهة وكمت صبحت عليهة واخذت ملابسي الي محضرتهن الي
طبيت للحمام سبحت وتوضيت
صليت ونزلت جوة لكيتهة حاطتلي ريوك علميز وجاي تصب بلجاي
الحجية ماكعدت
لا بعدهة
وقصي
هستوة نزل طب للتواليت
صبتلي جاي تريكت وسلمت عليهة وطلعت ساعة ب8 وربع ركبت سيارتي وتوجهت للمستشفى
طبيت سألت علدكتور كلولي شوية ويجي
هوة ميداوم بلمستشفى بس اكو ندوة وهوة من الأعضاء المدعوين بيهة
وكلي التقيك هناك علمود يشوفني
حتة اشتغل يمة
هوة دكتور كسور وعدة مجمع طبي كامل هوة وولدة وولد خوانة بي
نص ساعة ودك علية كلي انتة وين
نطيتة مكاني واجالي سلم علية وكعد يمي
حجالي على وقت الدوام ويوم العطلة وشلون تكون طبيعة تعاملي وية المرضا
والأسعار وكلشي اتفقنة علي سلم علية وراح
كمت اريد اطلع تذكرت عدي صديقي يداوم بلباطنية مرة بلصدفة جنت جايب قصي مريض وشفتة وكتهة وكفلي حييل وركض وياي وماصارتلي فرصة اشكرة لان من طلعنة جان دوامة مخلص
توجهت لمكان عملة سألت علي كلولي حولو على قسم الامراض المزمنة
توجهت للقسم بلطريق دك علية قصي
الو هاقصي
ها مبين اكلك تكدر تجيني للدوام
ليش خيرك
لا ماكو شي تعال انتة وتعرف كلشي
قصي شكو احجي
مو مال تللفون مبين لازم تجي
قبل متوصل رمشلي اطلعلك يم لباب خاف ميطببوك
ماشي ماشي
سديتة منة وبالي نشغل يم حجية
واني امشي لمحت وجه مو غريب علية
رجعت للردهة باوعت منا ومنا ماكو احد اصلا لردهة فارغة بس سسترات كاعدات يتريكن
بس متأكد شفتة معقولة يتراوالي
اوووووووف يا عماد متكلي وينك
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
