#حنين_حاتم
#وانت_الذي_قد_جئت_مختلفا
كمت بساع للحمام فرجت اسناني وغسلت صليت وبدلت لكيتهة مسوية بيض وطماطة اني متاخر ووراي طريق وازدحامات بس ماردت اكسر بخاطرهة كعدت اكلتلي لكمتين بساع وسلمت عليهة وطلعت قفلت الباب من برة وتوجهت للدوام صارلي سبوع مامداوم من ورة عماد وسوالفة دكيت على يزن مارد
وصلت للدوام شفتة كبالي بلكفتريا اول محاضرة ماطبيتهة لأن تاخرت والأستاذ ميفوتنة كعدنة اني ويزن ومنذر سولفنة شوية ويزن خنكني بلجكاير صاير موطبيعي بلتدخين
دخلنة للمحاضرة لثانية جان عدنة امتحان
لمواد كلهة حافضهة جاوبت وطلعت اني ويزن تغدينة وفترينة شوية وكملنة بقية المحاضرات بل1 حلينة رجعت للبيت وذبيت يزن بطريقي لان سيارتة بلتصليح عطلانة عزم علية ادخل للبيت كتلة ماريد اريد ارجع البيت
جان يكلي يابيت ولك صدك ذاك اليوم اجيتك للسكن كلولي صارلة اكثر من سبوع ميجي للسكن وين تنام ولك ها
ها ماكتلك غير اجرت بيت
ليش شغيرك شكد صارلي اكلك تعال يمنة تكلي بلسكن ارتاح
لا موتعاركت وية الولد لوياي بلغرفة وطلعت
وليش ماكتلي اجيك اجيبلك هدية
بعد نسيت
يلله ماصار شي نجيك اني والأهل باجر
ها لا لا لتجون
ليش ولك شنو متواعدلك وية وحدة
لا ولك نجب ياوحدة بس عدي ترميم بلبيت
ماشي من يخلص نطيني خبر خل نرجع جمايلك علينة
اوك حبيبي يلله اترخص
عفتة وجيت ولطريق كلة الوم بروحي شلون هيج فلتتهة وحجيت كدامة
وصلت للبيت فتحت الباب وطبيت شميت ريحة طبخ طيبة فتحت باب لمطبخ شفت كدورة علنار فتحت لاول بي مركة بيتنجان ضكتهة خفيفة حييل وماصخة حطيتلهة ملح وعلكت لنار جواهة ونصيتهة رحت علتمن ضكتة محبب هم درتلة كلاص مي وقبقتة ونصيت نارة حييل رحت
متعلم علطبخ بلقسم الداخلي اعرف هواي شغلات
طبيت للحمام سبحت وتذكرت مامطبب وياي ملابس ردت اصيح عليهة تجيبلي بس ستحيت لفيت الخاولي على روحي وطلعت اتخنس عبرت الصالة ماهية همزين اريد اطب للأستقبال شفتهة كبالي بلمطبخ يم الكدورة شافتني دنكت واني متت من الفشلة وصلت للصالة اني خال كنتوري بيهة ابو لبابين طلعتلي ملابس وطبيت للأستقبال ابدل كملت وطلعت لكيتهة جاي تكلب بلتمن شافتني سلمت علية
الله يساعدك
هلو شلونج
تمام وانتة شلونة الدوام
زين
جاي اشرب مي جان تكلي
شلونة يزن
نداريت عليهة لكيتهة مختنكة بلعبرة ودموعهة تطشرن على وجهة
لحمد لله زين والله كلشي مابي ونجاة حامل وطاير بيهة
صدك عليك الله نجاة حامل
اي والله
ياربي يعني راح اصير عمة واخيرا
اي
رجعت ضاجت ودارت وجهة
ها شكو ادور
راح اصير عمة بس ميتة واني بلكبر صرت عمة
اسم الله عليج لاتكولين هيج هاي قسمتج ارضي بيهة حتة ربج يرضة عليج ويساعدج صدكيني الله ميحب لضلم ولابد فد يوم راح تضهر ضليمتج
مبين حتة لو صار هلشي محد راح يصدك
الله كريم هاذ حال لدنية صدكي محد مرتاح
ولنعم بلله
صبت الغدة وتغدينة وراهة طبت لغرفتهة وبعد ماشفتهة
ردت انام ماكدرت تانيتهة صارت بل4 ركبت سبارتي ورحت تسوكت وشتريت شغلات للبيت خلاطة ومايكرويف وغسولات ومعطرات للحمام والبيت واني بلسيارة راجع للبيت دك علية رائد
هاولك شلونك
لحمد لله اسأل عنك
اي مبين كلش
معود مشغول بلدراسة حالي حالك
اها بلدراسة لوبطيبة
ثنينهن
اكلك لجمعة ولسبت تكدر تجي
شنو يومية هية شكلولكم بغداد شمرة عصا ويومية جاي
لعد شلون مبين لبارحة مرت ابوك جاية للبيت هية وخوتهة ورايدة تشوفك
امي محاولة تفهم منهة شتريد كايلتلهة اريد حصتي من املاك الحجي كلهن
عماد متسودن وكايم يصيح وطاردهم
هاذ العار شلون بي شتكول علينة العالم رابطيلنة جلب بلبيت
هسة هاذ موموضوعنة مبين انتة لازم تجي للعمارة واني هم راح اجي اريد افاتح الحجية بموضوع طيبة حتة نسوي لعرس لشهر لجاي
رائد خليهة موهسة ليصير بيهة شي يومية واحد جايهة بمصيبة
يامصيبة تقصد عماد
ها اي
مااكدر مبين طيبة حامل
شنوووو
اي حامل
صدك جذب شكول عليكم الله يسود وجوهكم ليش هيج ولكم شنو موكليكم لكمة حرام كليومية مصيبة
مبين شبيك غير مرتي هية
انتة ليش مطي مرتك بس بعدهة ببيت اهلهة ماصارت يمك غير تدير بالك هي اغبر
والله هاذ الصار
اي انتو تسوون لمصيبة وتجون تتمسكنون همزين راح لحجي ورتاح من مصايبكم
ديلله هسة شنو راح تجي لولاء
اي اجي يلله تدعبل راح ادخل سيطرة
سديتة وضليت اضرب اخماس بأسداس هسة. امي لوكتلهة شتكول بلله متفقين لو شنو
اووووف كلة صوج ابوي كربصنة ببنات عمي وخلانة كل واحد سووالة سالفة تفشل
رجعت للبيت طبيت ليان بعدهة بغرفتهة خليت المسواك بلثلاجة وعزلتة وطلعت خابرت يزن ومنذر رحنة منتجع اكلنة موطة وهمة شربو نركيلة وسوالف وضحك ل10 رجعت ولولد وياي بلسيارة ارجعهم لان منذررماعدة سيارة ويزن سيارتة باعهة اذتة يومية عطلانة
كتلهم منو اذبة بلأول جان بزن يكلي اول شي ودينة علة بيتك خل نندلة حتة نجيك وبعدين ذب منذر ودور اني بلأخير
اخذتهم لجميلة طبينة للشارع اشرتلهم علبيت من بعيد كتلهم ذاكة فكرت اكلاهم علة غير بيت بس خفت لايعزمون روحهم ويكلولي خل نطب نشوفة
جان منذرريكلي شدعوة عليك دكول تفضلو تعالو شوفو لبيت
هوووف هاذ لخفت منة
يلله تفضلو
وكفنة يم لباب واحنة ننزل كتبت رسالة اليان كتلهة طبي للغرفة وياي اصدقائي راح نطبرللاستقبال لتطلعين
ورمشتلهة حتة تقرة لرسالة
افتح بلباب وادية ترعش وادعي ياربي تكون قرت الرسالة
أنت تقرأ
وانت الذي قد جئت مختلفا
Não Ficçãoحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
