#وانت_الذي_قد_جئت_مختلفا
#بارت26
#لااحلل_الاقتباس_دون_ذكر_اسمي
#بيج_قصص_عراقية_من_واقعنا
#حنين_حاتم
الدموع غوشن بعيوني ولساني يرجف وادية جسمي كلة احسة يختض
وعماد موعماد الوجه اسمرررر شحالة وكلة اثار زراك وحمار وعينة اليمنة مسدودة ومبينة ملتهبة لان جراحة ملتمة عليهة
يبعد اخيك وروحة ولك وين جنت متكلي
احجي ويا وهوة يحط راسة علة صدري بس مايحضني هيج احسة عبالك يريد يحتمي بية خايف من شي
ليش هنا هوة شبي ليش ميحاجيني
خوية شنو انتة موتكول اخو
ليش ماتدري بي شبي !
هاذة اخوي مفقود الة اكثر من سنتين ونص واني ادور علي ماخليت مكان
اخذتة ورحت لمدير قسم الامراض العقلية من بعد ماشافو عمامي بس هوة مايعرف احد ومكمش بية وحالتة كللللش غريبة يتلفت ويرمش هواي يعصر ادي حيل ويفتحهن
حضنتنة بثنين ادية واخذتة من نتقرب يم هوسة لومجموعة ناس يخترع ورأسا يحط ادي على وجهة
وصلت للغرفة طبيت وطلعلتلة جنسيتي ودزيت عمي محمد جاب مستمسكات عماد من البيت
حجيتلة شلون فقدنا وفهمتة علة كلشي
جابلي الدكاترة المسؤلين عن حالتة ثنين
هم حجولي عنة وشلون متعبهم ومأذيهم وعدواني كلش
كلي لاكي ناس بلشارع مجرح ومدمة ورجلة مكسورة وجايبي للمستشفى جان فاقد بلبداية عبالهم بس اضرار جسدية مداوي ومسويلة طبابة كاملة لكل جسمة
بس من صاحي متضح انو مضروب براسة هواي و الضربات مأثرة علة دماغة ذاكرتة معدومة تماما بس بأي لحضة ممكن ترجعلة ومن عرفو لدكاترة بي تعرف علية كالو هاذة مؤشر كلش زين
دقايق وطب عمي محمد جاب مستمسكاتة نطيتهن للدكتور المسؤل عن القسم
طابقهة وية مستمسكاتي وتأكد اني اخو
كتلة اريد اخذة للبيت
كلي لافضل الة يبقة هنا تحت رعاية المستشفى وصدكني بلبيت مراح تصيطرون علة حالتة لان هوا بليوم يشرد شي 3 اربع مرات
ونجيبة حاطين 2 مضمدين مرافقين الة والدكاترة مهتمين بي وبعد انتة بكيفك
كتلة حتلو صار هلشي مستحيل اعوفة هنا وامة نزل المي لابيض بعيونهة بس من البجي علي
اخذتة وطلعت فرحان فرحة موواسعتهة لاسمة ولاكاع احس الله واخيرا التفتلنة واستجاب لدعوات امي الي ماسكت حلكهة من الدعاء
واخيرا الله شاف دموعي شاف كسرة ضهري ولوعتي عليهم
سمعني من اكعد من نومي مخروح ابجي واكلة ربي موثنينهم ربي والله صوابهم ماينحمل
ربي ردهم الي خل اشد ضهري بيهم
خل اكحل عيني بشوفتهم
عيني الي مارفعتهة بعين فاطمة لليوم
خجلان منهة
نطيتهة وعد زلمة وكتلهة عماد من هاذ شاربي تاخذي وعدت سنة وسنتين ويوم ورة يوم احس نضراتهة تعاتبني وتكلي وينة وعدك
أنت تقرأ
وانت الذي قد جئت مختلفا
No Ficciónحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
