#وانت_الذي_قد_جئت_مختلفا
#بارت28
#لااحلل_الاقتباس_دون_ذكر_اسمي
#بيج_قصص_عراقية_من_واقعنا
#حنين_حاتم
صعدت علسدية عندي كومدي زغير متجي علحايط حاط بي غراضي
نداريت علي انكع بلجبس واحضرة
اشو هاي كامت تعيط كل صوتهة الحكونيييييي
ياناس ياعالم
نداريت عليهة بصياح
شبيييييسييج تخبلتييييييييييييييي
اشو هاي جرت حجابهة شمرتة بلكاع ولزمت دشداشدتهة شكتهة من الطول للطول
وكامت تصرخ لحكوووووني
بلبداية محد اجة لان مرات يجوني مرضى كسرهم قوي ومن اجبسهم يضلون يصرخون
بس هية شيطانة كامت تصرخ ولكم يريد يغتصبني كل صوتهة
ركضت عليهة حطيت ايدي على حلكهة حييبل خنكتهة فقدت بس اريدهة تسكت وكل فكري يم ليان
بعدني علة هلوضع ندفرت لباب وطبو علية المراجعين ووضعي واني لازمهة زاد الطين بلة واثبت التهمة علية
اجو علية لتمو ادفع واحد ويجي لثاني وهية نست من بينهم وسولهة مجال وركضت برة
ضلو صياح وحجي ويردون لزموني بس ادفعهم مابيهم واحد قوي وميردون يتعاركون ويورطون نفسهم
والله جذابة بلله الكريم جذب
بس منو يصدك بعد ماشافوهة وملابسهة مشككة
علة لصوت اجة لدكتور يريد يفهم شكو
مينطو مجال تالي صيح عليهم وسكتهم
من كل واحد حجاية ندار علية لدكتور كلي ذب لصدرية لبيضة ولتراويني وجهك بعد انتة بلة شرف و متناسب هيج منهة
حاولت احجي ويا وافهمة مارضة وطردني طلعت برة اباوع بين المراجيعين صاريرين هوسة والكل يريد يعرف شكو
مالكيتهة لا هية ولاعبد الله
بعدني اريد اطلع وكفت دورية شرطة ونزلو اتاري واحد من المراجعين صايحهم همة يوكفون براس شارعنة يم المدرسة طلع الدكتور كلولة شكو شصاير ليش هلهوسة
باوع علية
وكللهم ماكوشي مجرد سوء تفاهم صار وحلينا
طلعت من العيادة مدري اضحك مدري ابجي وبالي يم ليان لطريق كلة ادك عليهة مترد وصلت للبيت شفت عبودي بلباب يلعب وية لجهال لحمد لله برد كلبي
طبيت جوة شربتلي كلاص مي وصحت علة امي اجتني كالت ها وينهم لعد
شنو وينهم
ليان وعبد الله موراحو وياك يمة
اجو يمة عبد الله برة وليان يمكن بغرفتهة
لا مااجو اني من طلعتكم كاعدة بلصالة اتفرج تلفزيون لوطابين جان شفتهم
يمة لاتخبليني عبد الله هسة عفتة برة وليان يمكن فوك
ركضت امشي علدرج واصيح ليان
لحد مادفعت لباب وطبيت ليان ماكو بلغرفة نزلت جوة ادور بلبيت حتة للتواليت ولحمامات طبيت وماهية
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
