#حنين_حاتم
#وانت_الذي_قد_جئت_مختلفا....بارت12
#غير_محلل_نشر_القصة_بدون_ذكر_اسمي
شلونك مبين
برحمة الله انتي شلونج ايدج شبيهة
تعاركت وية وحدة وتعورت
شلونهة هسة توجعج
لازينة
ليش تعاركتي
ها ااا
تحجي علية
ديري بالج منهن ليان لاتندكين بوحدة ذني وكحات
اووف شكلة ياريت لوبس علوكاحة
اهلي شلونهم مبين
زينين لحمد لله
شوكت اخر مرة شفتهم
قبل اكثر من شهر
امي شلونهة صحتهة
زينة مابيهة شي
ضلت ساعة تسألني عن اهلهة وساعة تصفن لوتدنك لو تضل تباوع علمكان وتضيع نضراتهة مني تمنيتهة تسألني شبيك شنو صاير وياك اريد بس احجيلهة واشكيلهة
كل لدنية لوطبطبت علة ضهري وصبرتني ماتعنيلي شي
بس هية غير عدي
مرت اكثر من ربع ساعة ولوقت صار يداهمني اريد اشبع منهة اريد اكللهة احجي
بعد خل اسمع صوتج ماريد انسا
من شافت لوقت مشة كلتلي مبين نسيت اكلك اني بعدلي شهر ونص واطلع
كالت هاي الكلمة ولمسؤلة بدت تاخذهن وهية عينهة علية
راحت وخلتني بحيرة لوخلصن لشهر ونص وين احطهة ووين اوديهة
حطيتلهة فلوس عد لأمانات وطلعت واني امشي متوجه للأمام لكاضم اريد ازور وارجع دك علية يزن
طبعا اني حييل زعلان منة لأن رغم هوة صديقي علفيس واني ناشر حداد بس لااتصل بية ولا حتة اجاني
فكرت مااجاوب علة اتصالة بس كلبي مانطاني شلت لتلفون وكلت الو
الو مبين شلونك
لحمد لله عايش
لبقاء في حياتك
حياتك لباقية
اعذرني يخوي لاخابرتك ولااجيتك الله شاهد كلش مشغول
عادي يزن اني اصلا بعد ميهمني شي اليسأل والمايسأل لاراح يشيل من همي ولا راح يحس بية
مبين ادري بيك زعلان وحقك والله عاذرك
بس اني هم جنت واكع بمشاكل وكوة نحلت بلمعجزة
خيرك
والله الوالد طلع مديون واجو الديانة يداعونة وبعنة لبيت وسياراتنة واخذنالنة بيت زغير صارلي اكثر من شهرين ماعدي حتة فلوس جكاير الله شاهد خلفلة علة ابو نجاة اخذلنة قرض من البنك وعدلنة اوضاعنة شوية بي
اووووف ماكو واحد مرتاح
اني ببغداد
صدك ولك
اي
تعال لحي لجامعة ومن توصل كلي اطلعلك
اني رايح ازور
خوش لعد من تحي تعال علية
ماشي
مومتجي والله ازعل عليك مشتاقلك
انشاء الله
رحت للامام واول ماشفت القبة هلن دموعي تذكرت من جنة نجي اني وابوي
زرت وصليت وندعيت كملت زيارتي تغديت وشربت جاي وتوجهت لحي لجامعة لبيت يزن لجديد اول ماوصلت للمنطقة دكيت علي اجاني بسيارتة نزلنة ثنينة
اجاني رأسن حضنتة ونزلن دموعي تذكرت قبل شكم يوم اني جنت اواسي واصبرة
ليوم هوة يواسيني اااخ يلدنية مالج امان
اخذني لبيتهم وكعدنة نسولف ونتذكر ايام قبل
بنص الحديث تذكر ليان وكام يبجي
كافي حبيبي لاتبجي
ولك مبين بس اريد اندللهة كبر ماريد شي وصهيب يشوفني مفرفح واتوسل بي وميرضة يدليني بكبرهة ومرات يكلي مادفنتهة ذبيتهة بلزبالة وكلنهة الجلاب يخليني افور فور
أنت تقرأ
وانت الذي قد جئت مختلفا
No Ficciónحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
