#حنين_حاتم
#وانت_الذي_قد_جئت_مختلفا....#بارت23
#غير_محلل_نشر_القصة_بدون_ذكر_اسمي
عفتهة وشلت عبودي ومشيت
بتعدت شوية حسيتهة تمشي وراي
مبين
مبين
مبين
ماجاوبتهة وكمت امشي علسريع
كامت تركض وراي تريد تلحك بية
واني امشي كل سرعتي بس بداخلي
بدي اندار عليهة واحضنهة واطفي نار الشوك البية الهة اكثر من سنة
اااااااخ مشتاقلج اي مشتاقلج ليان مشتاق لضحتج الي جنهة العيد
مشتاق لطولج الماشفت مثلة
تقاسيم جسمج الي اتيه بيهن
تفاصيلج الي اعشقهن
اااااااخ صراع بداخلي جبير بين الكرامة والحنين
معركة كلش صعبة
كمت مااسمع صوت خطواتهة
نداريت شفتهة كاعدة بلكاع وحاضنة نفسهة وراسهة بين رجليهة
ردت ادور وجهي وامشي ماكدرت
نتصر لحنين البية علة كبريائي تدنيت عليهة كعدت يمهة بلكاع اريد الزم ايدهة وتترددت اريد اكللهة ليش تبجين واكول لا
ياما نزلت دموعي وتشوفني اتوسل بيهة مايوم كلتلي شبيك شلي مبجيك
ربع ساعة كاعد يمهة وهية تناشغ وتشهك
دواخلي كلهة تريد تحضنهة تشمهة تتلمس معانيهة وتقاسيمهة
وخرت اديهة من وجهة رفعت راسهة وعاينتلي نضراتهة تذوب كبريائي كرامتي كلشي بية كدامهة يذوب وينتهي
ليش تبجين
مامتعودة هيج تعاملني
هاي لأن عفتج ومشيت هيج ضجتي شحال كلبي من جنت اجيج مفرفح واكلج والله مشتاكلج واكعد اتوسل يم رجليج واني رجال طول وعرض جبير عمامي واخوتي بس يمج ازغر وازغر لحد مااصير محبس بديج
بس انتي نسيتي كلشي هانت عليج عشرتي وتضحياتي هانت عليج دموعي الي مانزلن علمود مرة بس علمودج نزلن دموعي ونزل راسي وكلشي بية يترجاج تسامحيني وتنسين كلشي
اترجاج تسامحيني علة شي لاذنبي ولااني مختارة شي من لماضي مالج حق تحاسبيني علي
مبين لاتلومني انتتة جنت بلنسبة الي كلشي امي وابوي واخوي وزوجي وحبيبي وفجئة مات كلشي وخسرتك رحت لأنسانة ثانية فضلتهة علية واني مامقصرة وياك
اني كلبي مات من يوم خسرت اعز شي املكة بأسم الحب
من ورة لحب صرت مااثق بأي رجال وكرهتهم كلهم
بس ماكدرت اقاوم شعور الحب الي نمة بداخلي من معاملتك الي ومدارارتك
بلبداية جنت متخوفة منك لأن اكول ماكو واحد يساعد انسان بدون غاية
بس حبك جان اكبر من انو اخفي واضمة جان واضح بملامح وجهي من اشوفة بلمراية
صرتلي كوني ودنيتي صرتلي عيون شفت بيهن الدنية من منضار ثاني
دنية حلوة رغم بسيطة ومابيهة بس انتة بس جانت عدي احلة من حياتي قبل رغم جنت عايشة احلة عيشة ممكن تعيشهة بنية والدنية زاهيتلي بزود اهلي
خسرتهم ولكيت العوض بيك وشكرت الله عليك بعدد اسمائة
ليش ماحجيتلي ليش ماكتلي
ابسط شي جان حجيتلي قبل ماتصير رجلي من صدك
جنة مثل لأصدقاء جان تقبلت هاذ الشي برحابة صدر
بس موتخليني علة عمة عيني وتستغفلني
اني كلبي موجوع مبين لاتلومني
بذيج الحضة حسيت روحي خسرتك وخسرت حياتي كلهة لأن لدنية بلنسية الي انتة
وانتة صرت لغيري
أنت تقرأ
وانت الذي قد جئت مختلفا
No Ficciónحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
