#حنين_حاتم
#وانت_الذي_قد_جئت_مختلفا....#بارت٢٢
#غير_محلل_نشر_القصة_بدون_ذكر_اسمي
تغير قرائت جهاز دكات الكلب
وهوة يعلن فقداني حزام ضهري اخوي وشيال همي وشلون اخو
اااااخ من عمة عين الدنية الي كلبت حالي بيوم وليلة
اخر شي شفتة وهمة يغطون وجهة بلجرجف ويعلنون موت اخر خيط امل جنت متمسك بي حتة احافض علة امي الي فرفح كلبهة عليهم
فتحت عيني واني نايم علة سدية وبصفي قصي من شافني رأسن كام يبجي
ودموعة جن يكللي انتة ماجنت تحلم رائد فعلا راح من اديك
كعدت على حيلي وشمرت الجرجف مني
كتلة قصي نطيني تلفونك
نطانيا ونضراتة تكلي بعد ماكو فايدة لاتخابر ولاتتعب روحك
دكيت علة عمي صلال شالة
هابوية عضم الله اجرك
وين انتو عمي
احنة بلمغيسل
دقايق واني يمكم متدفنون رائد لحد مااجي
سديتة من عدة وكمت علة حيلي ركض للسيارة وقصي يركض وراي يكلي لاتسوق انتة دايخ تعال ناخذ تكسي
ماباليت بحجية وركبت لسيارة وركب هوة وياي وصلت للمغيسل طبيت وشفتة ممددينة
ااااخ ياطولة الحلو راح يطمك لتراب رائد
واكفين عمي صبار ومحمد وولد عم ابوي ثنين صعدت علدجة ونمت بصفة وحضنتة واحجي ويا
رائد تتذكر من جنة ننام سوة وتجر لبطانية مني واكعد بليل اضربك
هاي اخر مرة انام يمك راح تحضن التراب وتنام رائد ولك خوية والله حضني دافي الكبر بارد واضلم شلك بي
كوم يحزام ضهري ولك ردتك ليوم عازتي هيج تخليني لوحدي
رائد حبيبي باوعلي بس باوعلي ولك والله هديت حيليييي حاجيني رد علية
ولك خوية مابية بعد ادفن هواي نطيت للمكبرة احباب وعيوني راحت عليكم
تدنيت علي كتلة رائد طيبة شلون بيهة خوية كلي شلون هان عليك تعوفهة ولك ورقية
موتكول جن شام الجنة من اشم ريحة كصايبهة ولك خوية بتك باجر تصبح يتيمة شلون ترضاهة ينكال على رقية يتيمة
تدنة علية عمي صبار كلي كوم بوية كافي مايجوز خل ناخذة ندفنة
عوفني عمي خل اشبع منة ولكم فاكد اخو واااخ يافكد الاخو
يوجع والله يوجع
اجو عمامي يجرون بية دفعتهم وكتلهم
ولكم وخرووووو ولكم هاي اخر ليلة الي ويا خلوني اشبع منة حتة هاي تستكثروهة علية
تدنيت يمة اشم بركبتة رائد حبيبي تدري لبارحة حلمت بيك
اي والله حلمت بيك جن تركض وشي اسود يركض وراك بس والله ماعبالي هاذ الموت
والله لو ادري بلموت راح يلفك جاضميتك بكلبي ولا خليتة يوصلك
يبعد اخوك الدنية حلوة والله
ليش استعجلت ولكم ثنينكم ترحون من ادية بنفس اليوم ارحمو بحالي والله فراككم يوجع كوم رائد كوم وياي خل اردك لامي ولك يومين الهة مفرفحة عليك شلون نطاك كلبك تنزل دموعهة ولك خوية خسرررتك يحزام ضهري خسرتك
يمن كون خسرت روحي ولا خسرتك
طبو ولد عمي وعمامي شالوني منة شيول
جفنو وشالو قصي لازمني وكوة امشي بدو يحفرون بلنكرة وكل كومة تراب يشيلوهة يشيلون روحي وياهة ويدكوهة بلكاع
يشيلون ذكرياتي ويا
اقرب واحد من اخوتي علية هوة
مااذكر فد يوم تزاعلنة من احنة زغار
نفس لتفكير نفس المبادء حتة نفس الاسلوب رجعت بذاكرتي لطفولتنة من جنة نلعب بلبستان
شالو يردون يحطو بلكبر هنا حسيت شالو روحي من جسمي فقدت تماما كمت اشيل تراب واذب علة راسي واصيح والطم مثل النسوان نار تلهب بية وروحي فايرة مومصدك فكدتة مومصدك هيج بساع بساع راح من ادية
ااااخ شحجاني وخابرتك ووديت عليك من الحلة
نداريت وركضت علة كبر ابوي
ولك بوية كووم كوم شوف لدنية شسوت بية موكتلك حملي جبير لاتخليني لوحدي
ولك بوية اني بعازتك ودنياي مارحمت بية ولا رأفت بحالي ب
وية كوم حاجي كلة مبين مايحمل فراكك كافي علي فراك بنين
بوية ترضاهة ييتم بنيتة ويروح ولك بووووووية رد علية
ولكم كطعتو كلبي ليش خليتوني للوجع والوم
اخذوني وياكم شلي بلدنية وانة خسرتكم للأبد
بوية اليوم رائد يمك دير بالك علي هوة يكره الوحدة
غطي بليل مثل من جنت قبل تغطينة
رائد امانة عدك اليوم
سمعت صوتهم علة ولشيخ كام يلقنة
عرفتهم نزلو بلكبر
كوم تلكا بوية طب للكبر لايخترع من الضلمة كلة اسم الله وتلكا هوة ليوم ضيفك
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
