#وانت_الذي_قد_جئت_مختلفا
#بارت27
#لااحلل_الاقتباس_دون_ذكر_اسمي
#بيج_قصص_عراقية_من_واقعنا
#حنين_حاتم
جريتة من جيبي وكلت الو بلة ماشوف منو
صوت عمي صبار يصيح
مبين بوية لكينا لكينا
وينة عمي وين لكيتو صدك تحجي
اي وليدي تعال للبيت
كمت اسوق بساع وقصي كعد من كد مالسيارة نشالت وركعت حتة بلطسة ماخفف
كعد كلي شكو شبيك
كتلة عماد لاكي عمي
صدك والله
اي
لحمد لله يارب
دك علة ليان وكللهن هية وامي اسمع صياحهن وهلاهلهن بلتلفون واحجي وية روحي
هاي اخر مرة انزل دموعج والله يمة
والله ولدج احطهم بعيوني ولا اخليج تنفجعين بواحد بعد
رحنة لبيت عمي صبار طبينة للأستقبال ولد عمي 3 مجتفي وهوة يدفع بيهم ويضرب يريد يشرد
كتلهم هدو
شافني اجة علية بساع حط راسة على صدري رغم هوة بطولي بس من يشوفني يدنك واحسة يريد يختل روحة بية
لازم بملابسي حييل حسيتة راح يشكهن
حضنتة بثنين ادية حييييل عصرتة وابجي وابوس براسة
ولد عمامي يباوعون علة حالة ويبجون
كعدتة بصفي بلكاع وحطيت راسي بين رجلية وابجي
ولك عماد ولك خوية رد نفس اول
والله يعز علية اشوفك هيج
ولك والله حيل مابقة بية ومااحمل اشوفك هيج
تقرب علية سالم حضني
استهدي بلرحمان يخوي المهم لكينا هاذ امر ربك وانشاء الله يتعافة ويرجع مثل الورد
بس انتة شد حيلك هوة بحاجتك مايصير تبجي كدام عائلتك بلعكس قويهم وانطيهم امل
طبطبت علة جتفة وكتلة انشاء الله
لتفت على عمي كتلة بوية وين لكيتو
والله يبعد ابوك اذا اكلك ماتصدك
وين
ببيت اهل مرتة المهجور الي فلشنا بلطلق وكتبنة علي مطلوبين دم
صدك عود
اي والله خابروني لجوارين كالو هاذة لبيت موقافلي انتوو وطالبين اهلة دم
كتلة اي
كالي جاي نسمع بي صوت تفليش وضرب يمكن اهلة ردو
دزيت سالم ولولد يشوفون شكو كلت مااكلك كافي عليك مصيبتك اشو ردو ووياهم العمدة
اووووف ياعمي والله اني بحيرة مايعلم بيهة غير الله
بس هوة شجان يسوي هناك
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
