What if I die?

32

Chapter 32: Jeon Siblings

Ciara's pov

"HOY!! Hoy! Teka! bata, akin 'yan! Cellphone ko 'yan, bumalik ka!!" Sigaw ko do'n sa batang nakapulot ng phone ko na ngayon ay tumatakbo na palayo sa akin! Grabeng bata 'yun, snatcher! Ang bilis ng kamay!

"Hoy!" Pagtawag ko at laking pasalamat ko dahil lumingon siya sa direksyon, pero hindi ko inaasahan na madadapa siya dahil sa ginawa niyang paglingon.

Hindi ko alam kung matatawa o maawa ba ako, pero hindi naman 'yan mangyayari sa kanya kung hindi niya tinakbo 'yong phone ko. Gosh.

Agad ko namang nilapitan si totoy at inagaw 'yung phone ko mula sa kamay niya.

"Mali ang kumuha ng gamit na hindi mo pag-aari, bata. Mali 'yon, okay?" Pangangaral ko dito, pero tinakbuhan lang ako. Sinundan ko pa siya ng tingin papalayo. Bakit niya kasi itinakbo ang phone ko, pwede namang manghingi na lang siya sa akin ng pera kung nangangailangan talaga siya.

Pinagpagan ko naman ang phone ko at agad na ring bumalik sa kotse matapos kong magpaalam sa puntod ni Tyron. Dumidilim na rin kasi ang langit at mukhang uulan kaya nagmadali na rin akong umuwi. Ilang saglit lang din naman ang inabot ay naka-uwi na ako.

"Mabuti naman at nakauwi ka agad bago bumagsak ang ulan. Oo nga pala, may bisita ka, naroon siya sa kwarto mo, hinihintay ka." Kumunot naman ang noo ko sa sinabi ni yaya.

Si Jennifer? Akala ko ba may susunduin pa siya sa airport? Nasundo niya na ba?

Agad akong umakyat sa kwarto at pumasok, nage-expect na may sasalubong sa akin na mukha ni Jennifer, pero agad akong nakasimangot dahil katahimikan lang ang naabutan ko.

"Wala namang tao," ambit ko at dumiretso sa kama para humiga.

Si yaya talaga niloloko ako.

Someone's pov

Pagkatapos kong maligo ay nagulat ako nang may babae nang nakahiga sa kama pagka-labas ko ng banyo. Sino 'to? Siya ba 'yung bestfriend ni Ate? Bakit siya nandito sa guest room?

Agad ko naman itong nilapitan at pinakatitigan ang mukha niya. Napansin kong tulog ito dahil sa mabagal na paggalaw ng dibdib niya. Bahagya pa akong lumapit sa kanya at gumuhit ang ngiti sa labi ko nang maamoy ko ito.

Awit lods, ang bango.

"Smells good, she looks cute, pwede na." Tatango-tangong sambit ko habang nakangiti. Mabilis naman akong naupo muna ako sa gilid ng kama katabi niya at pinanood siyang matulog nang mahimbing.

She looks tired, where did she go?

Ciara's pov

Naalimpungatan ako mula sa pagtulog nang maramdaman kong may humahaplos sa buhok ko. Saglit ko pang pinakiramdaman ang presensya nito, pero parang hindi pamilyar sa akin kaya naman agad kong nilingon ito.

What the—

"Aaaaaaaaah!!" Malakas na sigaw ko nang bumungad sa akin ang mukha ng isang hindi pamilyar na lalaking walang saplot pang-itaas, agad kong hinablot ang kumot ko at lumayo sa kanya.

"S-sino ka?! Anong ginagawa mo dito sa kwarto ko?! Bakit ka andito?! M-magnanakaw ka, 'no?! Aaaahh!! Tulong! May magnanakaw dito! Manyakis ka! Lumayas ka sa bahay ko! Aaaaaah!!" Pagpapanik ko.

"Hey, hey! Calm down! Hindi ako man-"

Bago pa niya matapos ang sinasabi niya ay pinagbabato ko na siya ng unan na mga nahahablot ko.