What if I die?

24

CHAPTER TWENTY FOUR: tyron...

Ciara's pov

Maaga akong gumising at kumain, dahil ngayon na ako aalis. Tulad nang napag-usapan namin kagabi ni Hannah ay magkikita kami sa lugar ng San Roque.

Pero, hindi ko pa rin talaga maiwasang isipin ang tungkol sa nakita ko kagabi sa kwarto nila mommy, ang totoong pangalan nila na nakalagay sa mga legal na papeles.

Nalilito pa rin ako hanggang ngayon kung saan ko ba narinig ang mga pangalan na 'yun, at kung bakit 'yun iba ang gamit nilang pangalan ngayon at hindi 'yun. Pakiramdam ko talaga ay alam at narinig ko na ang mga pangalang 'yun, pamilyar na pamilyar sila sa akin. Ngunit hindi maalala ng utak ko kung saan ko narinig 'yun.

"Aish, nakakainis talaga ang mag-isip. Ang sakit sa ulo!" Saad ko.

"Ma'am Ciara, saan ho ba talaga kayo papunta at bihis na bihis kayo?" Tanong sa akin ni manang, nang makita ako nito.

"May kailangan lang po akong asikasuhin," sagot ko, habang umiinom ng gatas.

"Eh, ano pong sasabihin ko kila sir, kapag tinanong ako kung nasaan kayo?" Tanong ulit nito.

"Basta, ang sabihin mo na lang manang, babalik naman agad ako ng hapon," sagot ko. Tumango naman si manang, kaya hindi na ako nagsalita pa.

"Ay, manang. Pakikuha naman po nung lighter, 'yung mahaba po na parang baril? Andon lang po sa kusina. Susunugin ko lang ang mga 'to." Utos ko sa kanya at nilabas 'yung mga pinilas kong papel kagabi.

'Bakit kaya niya 'ko pinadalhan nito? Alam kong ako ang puntirya nila at balak patumbahin, pero hindi ko mahita ang rason kung bakit ako? Nalilito ako dahil kasabwat ang Kuya ni Hannah, pero gagawin nilang pain sa akin si Hannah? Kaya imposibleng ang dahilan ay gumaganti sila sa akin dahil sinira ko ang relasyon noon ni Hannah at Tyron.

Sa anong paraan nila ako gustong patumbahin? Gano'n ba kalaki ang kasalanang ginawa ko sa kanila, kaya ganito na lang kaplanado ang gagawin nila sa akin? Paano kung gawin nilang salvage si Hannah at kapalit ng buhay niya ay buhay ko?

O hindi naman kaya, isa lang sila sa mga High School Classmate ko na hindi ko na-invite kagabi sa party ko, kaya niya sinira, kasi nagtampo?

Tss, hindi ko talaga maisip ang paraan kung bakit buhay ko ang pinupuntirya nila. Hindi ko rin maintindihan ang sarili ko kung bakit nasa pahamak na nga ang buhay ko at kahit anong oras ay maaari na akong mamatay, ni hindi manlang ako nakakaramdam ng takot.

Siguro kabado, oo. Kinakabahan ako na baka may madamay, pero ang takot? Hindi ko maramdaman. Siguro kasi ay sanay na ako dahil minsan na ring nabinggit sa kamatayan ang buhay ko? Sa trato pa lang sa akin ni Tyron noon, para na akong nasa impyerno, ito pa kayang binibigyan pa ako ng warning na patutumbahin ako?

Si Tyron nga, hindi nagsasabi, eh. Lol.

Why did I even find it funny.

"Ito na po, Ma'am." Saad ni manang nang makabalik ito habang dala-dala ang malaking lighter na punakuha ko sa kanya. Kinuha ko naman 'yun sa kanya at sinunog na ang dapat sunugin.

'kring~ kring~'

Agad kong kinuha ang cellphone ko nang tumunog ito. Hindi ko na rin tinignan kung sino ang tumawag.

"Hello?" Sagot ko.

"Ciara, Si Raiza 'to. Susunod ako mamaya sa San Roque, may sinusundan lang ako ngayon," bulong nito na mukhang may pinagtataguan.