Coiling Dragon Book 3 (The Mountain Range of Magical Beast)

B3C24: Her name was Alice (part 2)

Note: guys, for the nth times, hindi ako ang writer ng magandang libro na ito. Ako ay isang hamak na translator lamang at uulitin ko---hindi ako ang writer. Hindi ko ito gawa. Salamat.

"Hrm?" Humarap si Linley, nakakunot noo.

Agad na naglakad si Kalan palapit para pasalamatan si Linley. "Ang pangalan ko ay Kalan. Nais kong magpasalamat sa iyong tulong. Kung hindi dahil sayo, malamang ay namatay si Alice."

Ang dalagang si Alice ay tumakbo din palapit. Malinaw na hindi pa rin ito makahuma, humihingal ito at bumaba at tumaas ang kanyang dibdib sa bawat paghinga. Ngunit ang kanyang malamlam na mga mata ay nakatuon kay Linley. "Salamat sa pagligtas mo sa buhay ko. Ako si Alice. Ang buong pangalan ko ay si Alice Straf. Isa rin akong magus na earth-style."

Huminto sandali ang paningin ni Linley kay Alice.

Inaamin niyang si Alice ay napakagandang dalaga. May aura siyang kung saan natural na gustuhin ng mga lalaki na mahalin at protektahan siya. Siya ang klase ng babae na hindi na kailangang gamitin ang kanyang boses o mga pampaganda upang mapabuti ang sarili.

"Linley, kapag nakakita ka ng mga taong nasa panganib sa Mountain Range of Magical Beast, kadalasan ay hindi ka tumutulong diba? Ano ang nangyari ngayon?" Ang nanunuksong boses ni Doehring Cowart ay umalingawngaw sa isipan ni Linley. "Oh, alam ko na, may gusto ka sa batang si Alice."

Napakunot noo si Linley.

"Lolo Doehring, noon, hindi dahil sa ayaw kung tumulong. Iyon lang kasi, sa loob na rehiyon ng Mountain Range of Magical Beast, ang mga hayop kung saan nakalaban ng mga tao ay hindi bababa sa magical beast ng nasa ika anim na ranggo, minsan kahit nga ikapitong ranggo. Wala akong kakayahang tulungan sila. Ang patayin ang hayop ng ikalimang ranggo ay hindi ganun kahirap, kaya tumulong ako." Mabilis na paliwanag ni Linley kay Doehring Cowart.

(Xian: huuu~ ! May pumapag-ibig na!)

Napangiti si Doehring Cowart at hindi na nagsalita.

"Ang pangalan ko ay Tony. Milord magus, anong pangalan mo?" Ang isa pang binatang lalaki ay nagsalita rin.

Kalmadong tiningnan ni Linley ang grupo. "Gaano na kayo katagal sa Mountain Range of Magical Beast?"

"Ito ang unang araw," walang magawang amin ni Kalan. "Hindi ko akalian na sa aming unang araw, makatagpo kami ng isang magical beast ng ika limang ranggo. Talaga namang napakamalas namin. Batay sa sinasabi ng mga aklat, ang panlabas na rehiyon dapat ay may magical beast ng ikatlo at ika-apat na ranggo lang. Kaming apat ay hindi dapat mapasabak sa panganib."

"Kabubuhan." Napailing si Linley habang nagsalita.

Ang babaeng archer na nagngangalang Niya ay agad na nagalit. "Hey, ang yabang mo naman? Iniligtas mo nga si Alice, ngunit hindi iyon nagbibigay sa iyo ng karapatang mang-insulto ng tao!"

"Niya!" agad na sigaw ni Kalan.

Dorektang nagpaliwanag si Linley, "Lubos na hinahangaan ko ang lakas ng inyong loob, na lahat kayo ay naglakas loob at nangahas na pasukin ang Mountain Range of Maigcal Beast ng ganito. Ngunit kasabay din niyon, inaamin ko na napakapalad ninyo. Hindi kayo nakatagpo ng mga bandido sa iyong paglalakbay patungo sa Mountain Range of Magical Beast."

"Bandido?" Sina Kalan at ang mga kasama nito ay nagkatinginan. Hindi talaga sila nakatagpo ng mga bandido.

Ang Mountain Range of Magical Beasts ay higti sa sampung libong kilometro ang haba, pagkatapos ng lahat. Maraming ruta kung saan maaring pumasok. Ang hindi makatagpo ng mga bandido ay normal lang.