Responsibility To Oath (Fixed Series #3)

Chapter 3

Chapter 3

"That's all, may tanong ba kayo Keshia at Calix?" tanong ni Daddy, nagpapalit palit ang tingin niya sa aming dalawa ni Calix.

Natapos ang meeting at discussion nila na wala akong naintindihan miski isa. Kahit anong pilit ko, hindi ko maintindihan kung ano ang pinupunto nila. Dinadaan daan pa nila sa mga presentation. If they want to tell us something, sabihin nalang nila ng diretsahan, hindi 'yong ganito na para akong nanghuhula at nangangapa sa isang tabi.

As for Calix, he's a businessman kaya paniguradong alam na alam niya ang mga ganitong bagay. Balita ko nga'y siya ang nagpalago ng kanilang business. Ilang magkakasunod na deals ang naiclose niya recently. Aaminin ko, humanga ako sa kanya no'ng nalaman ko 'yon, pero hindi ibig sabihin no'n ay gusto ko na siya.

Marami pa akong bagay na hindi alam sa taong 'to kaya dapat magingat ingat ako. Baka mamaya'y siya pa ang maglaglag sa akin kina Daddy at Mommy. Kailangan ko pa ring mag-ingat. Wala ng pwedeng makaalam ng tungkol sa nangyari sa amin.

"I don't have questions," sagot ni Calix sabay ngiti.

Binalingan ako ni Daddy. "How about you Keshia?"

Sa isip isip ko'y ilang beses ko ng namura ang sarili. Wala akong naintindihan sa mga 'yon kaya ano pa ang maiisip kong itanong? Baka mapahiya ko lang lalo ang sarili ko eh, tama na 'yong kahihiyan kanina. Hindi na dapat masundan 'yon.

Mabilis akong umiling. "I don't have any Dad."

"Okay then," aniya at binalingan na ang mga bisita.

Nanatili ako sa aking upuan habang panay usap sina Daddy sa isang tabi. Tsk, akala ko ba'y tapos na? Bakit parang hindi pa sila tapos magusap?

Hindi ko na lamang sila pinansin, inabala ko ang sarili sa pagkalikot sa aking cellphone. Panay lang ang scroll ko sa aking feed, hanggang sa may nakita akong picture online.

Dauntiella Lee is marrying Creed De La Vega for the second time?

Natuptop ko ang sariling bibig at pinakatitigan ang litrato ng babae at lalaki sa article. Omg! Totoo ba 'tong nakikita ko? Kasi kung oo masayang masaya ako para kay Ella, sa kanila ni Creed. Kasi sa kabila nang mga pinagdaanan nila ay sa simbahan pa rin ang tuloy nila.

Last time, umiiyak lang si Creed sa bar kasama namin, pero kita mo naman ngayon, magpapakasal na sila.

"Nakita mo na rin pala 'yan," napahawak ako sa aking dibdib sa gulat.

Paano ba naman kasi! Bigla bigla nalang pupunta itong si Calix sa may likuran ko, may pagbulong pang nalalaman!

Natawa siya at inangat ang kamay kong may hawak ng phone. Tuloy ay hawak niya rin ang kamay ko. Ano nalang ang iisipin ng mga magulang namin?! Hindi naman malabong hindi nila 'to makita, kahit naman kasi abala sila sa paguusap, alam kong malakas ang pakiramdam nila sa mga ganitong bagay.

Sinubukan kong gumalaw pero pinigilan niya ako.

"Shh, stay still, tinitignan ko pa," bulong niya.

Ang lapit lapit ng mukha namin sa isa't isa! Ano ba naman 'yan, ang awkward naman ng posisyon namin.

Ngumiwi ako. "Hindi mo pa ba 'yan nakikita?"

Umiling siya, binitiwan na niya ang kamay ko. "I've heard the news pero ngayon ko palang nakita ang mga pictures," sagot niya at naupo sa upuan na katabi ng sa akin.

"Hindi ka ba sinabihan ng kaibigan mo?"

"Wala siyang nabanggit sa akin na kasal sila at magpapakasal ulit," sagot niya at ngumisi. "That man, sinundan talaga niya."