2009 ခုနှစ်... Hokaido မြို့ရှိ နှင်းတောတစ်နေရာ...
ရေခဲမှုန်ကြားတွင် ပြေးလွှားနေခဲ့သော ကောင်လေးတစ်ယောက်။ နှင်းဖွေးဖွေး ခိုက်ခိုက်တုန်အောင် ချမ်းနေသည့် ရာသီဥတုတွင်ပင် ဦးထုပ်လေးပင်ဆောင်းမထားသည့် ထိုကောင်လေးကို ကြည့်ပြီး အနောက်မှ လိုက်နေရသော ကောင်လေးတစ်ဦးမှာ အံ့အားသင့်ခြင်းအမှုသာ တတ်နိုင်ခဲ့သည်။ ဘယ်လိုကောင်လေးမျိုးပါလိမ့်? ဖြူဖွေးဥနေသော ပါးပြင်သည် ရေခဲရိုက်ဒဏ်ကြောင့် ရဲကာတင်းနေသည်မှာ များမကြာမီသွေးကြောများ ပေါက်ကွဲလာတော့မည့်အလား။
သူစောင့်ကြည့်နေရသော ၁၀ နှစ်အရွယ်ကလေးမလေးတောင် ထိုကောင်လေးလောက်မသောင်းကျန်း။ အပူပိုင်းမှ လာရသူပီပီ သူက အအေးဒဏ်မခံနိုင်။ သူက ပြန်ချင်လှပြီ။ ထိုကောင်လေးကတော့ ဆော့၍ကောင်းတုန်း။ ဧည့်သည်ကလေးမလေးကိုလည်း နှင်းလုံးဖြင့် ပစ်ပေါက်မလိုလုပ်နေသဖြင့် သူ မနေသာတော့။ နှင်းလုံးကိုင်ကာ ချိန်ရွဲနေသည့် ထိုကောင်လေးလက်ကိုဝင်တားရတော့သည်။ သူ ဝင်တားတော့ သူ့အား မျက်လုံးထောင့်ကပ်ကြည့်လာသည့် မျက်ဝန်းတစ်စုံ... မိမိအသားကို ထိခြင်းကို မနှစ်မြို့ဟုဆိုနေသည့် အကြည့်စိမ်းများ။
"တော်ဝင်သွေးတစ်ယောက်ကို ကိုယ်ထိလက်ရောက် ထိခိုက်အောင် လုပ်လို့မရဘူး..."
ကမ္ဘာသုံးဘာသာစကားကို ကျွမ်းဝင်ပုံရသည့်ကောင်လေးမှ ဟက်ကနဲရယ်သံတစ်ချက်ထွက်လာခဲ့သည်။
"ဒါဆိုငါက လမ်းဘေးမွေးလာတဲ့လူလား?"
ခုနက ကလေးဆန်ဆန် ရယ်မောဆော့ကစားနေသည့်ကလေးပုံရိပ်ပျောက်ကွယ်သွားကာ တည်တင်းသော မျက်နှာက ထိုကောင်လေးအား အလိုလိုရှိန်သွားစေမည့်မျက်နှာမျိုး၊ လူတစ်ယောက်က သူမှားမှား မမှားမှား ချက်ချင်း ပြန်တောင်းပန်လောက်သည့် အရှိန်အဝါတို့ ကိန်းအောင်းနေသည့် မျက်နှာမျိုး။ တခစ်ခစ်ရယ်မောခဲ့သော ရယ်သံနေရာတွင်လည်း လူပျိုဖော်ဝင်စသြရှရှစကားသံတို့က အစားနေရာယူသွားခဲ့သည်။ သူ ထိုကောင်လေး၏ အရှိန်အဝါကို အလျှော့ပေးလိုက်လို့မဖြစ်။ သူ တည်ငြိမ်စွာသာ ထိုကောင်လေးအား ပြန်ကြည့်နေမိသည်။
