Nagpatuloy ang ganung set-up nila, umaakto ito na parang boyfriend niya. Araw-araw siya nitong pinapadalhan ng bulaklak, araw-araw din siya nitong hatid-sundo, madalas din ang labas nila kasama ang anak nito. Hinayaan niya itong gawin kung anong gusto nito, tama si Bea, walang masama kung magiging malapit uli sila. Isa pa, masaya siya sa kung ano man meron silang dalawa kahit na hindi niya matukoy kung ano yun. Alam niyang hindi habang buhay ganun ang sitwasyon nila, alam niyang kailangan din itong mabigyang linaw pero sa ngayon hinahayaan niya na muna ang sarili na maging masaya, saka na lang siguro, kapag handa na siya at kapag nakapag-ipon na siya ng lakas ng loob na magtanong dito.
“hello baby girl…” bati nito sa kanya ng makapasok sa loob ng opisina. Lumapit ito saka humalik sa pisngi niya. “baby girl parang mainit ka, okay ka lang ba? Medyo maputla ka rin.” tanong nito saka idinampi ang likod ng palad sa noo niya.
“don’t worry I’m fine, medyo masakit ang ulo ko pero kaya ko pa naman.” Sabi niya saka hinawakan ang kamay nito na nasa noo niya.
“nilalagnat ka eh, uminom ka na ba ng gamot?” nag-aalalang tanong nito.
“oo kanina, saka ano ka ba wala to, okay lang ako” sabi niya saka pinisil ang kamay nito.
“sure?”
“yes…si Cobbe nga pala sinundo kanina ni Kuya Don, akala ko nga hindi mo rin ako masusundo, sasabay na nga lang sana ako kay Bea eh…”
Hinapit siya nito sa bewang. “pwede ba naman yun eh special day mo ngayon…” may kinuha ito sa bulsa, isang kahon, pahaba ito kaya hindi pa man nito iyon nabubuksan may ideya na siya kung anong laman nito. Binuksan nito ang kahon, nakita niya ang isang diamond bracelet. Nilabas nito iyon saka sinuot sa kamay niya. “Happy Birthday baby girl…” bati nito sa kanya.
Hindi siya makapagsalita, alam niyang hindi basta-basta ang presyo ng bracelet na niregalo nito. “Ge, masyado naman ata tong—“
“shhh…” putol nito sa sasabihin niya. “that’s yours, binili ko talaga yan para sayo and don’t you dare give it back to me kasi talagang magtatampo ako…” may pagtatampong sabi nito.
“naman oh!!!” Yumakap siya dito. “thank you!!!”
“hmmm…sarap naman!!! Hug lang? kiss wala?”
“kiss?” tanong niya dito, tumango naman ito. Kumalas siya sa pagkakayakap nito saka mabilis itong hinalikan sa pisngi.
“Dito pa.” turo nito sa kabilang pisngi, pinagbigyan niya naman ito. “eh dito wala?” tanong nito sabay pout ng lips.
“saan?”
“dito oh!!!” turo nito sa labi.
“abusado ka ahh…” sabi niya sabay hampas sa braso nito. “saka nilalagnat ako diba, mamaya mahawa ka pa…”
“hmmmp...sige na nga hug na lang ulit.” Sabay yakap sa kanya “Tara…” yaya nito habang yakap-yakap pa rin siya.
“saan?”
“sa easthwood, dinner tayo kaya mo pa ba? Kasi kung medyo masama yang pakiramdam mo pwede naman tayong bumili na lang ng pagkain then dun na lang tayo sa bahay mo.”
Sasagot na sana siya nang biglang may tumawag sa kanya.
“GANDA!!!”
Lumingon siya sa may pinto. Napangiti siya nang makita kung sino ito.
Gerald’s POV
“Harry!!!” sigaw nito. Kumalas ito sa pagkakayakap niya at mabilis na tumakbo papunta dito saka mahigpit na yumakap. “Na miss kita!!!” sabi pa nito.
