SAYONG TABI
by anj and trish
sayong piling ako'y nananabik
kaylan kaya kita mayayakap muli?
sayong tabi nais kong manatili
makita ka, masilayan kahit saglit
Sayong piling ang tuwina'y hiling
Na sana kamay mo ay mahawakan mandin
Maka sama ka kahit nakaka bitin
Dahil ang isang taon ay parang isang minuto
kapag ikaw at ako ay naglalambing.
susulyapan matatamis mong mga ngiti
papawiin ang luha twing ika'y humihikbi
tititigan ka hangang lumalim ang gabi
magkayakap, habang tayo'y magkatabi
Sa sobrang pagnanais na ikaw ay maka piling
hanggang panaginip ika'y andun din
Masaya na sana ang aking himbing
ngunit kaylangan ako'y magising
At harapin ang katotohanang malayo ka sa akin
kung pwede lang utusan ang hangin
upang ang halik sayo'y ipa-hatid
hindi man dumampi ang aking mga labi
ipapadama ko damdaming nais ipabatid
Sayong tabi ako'y mapapanatag
sa mga unos ay nagiging matatag
mga Isipin ay hindi na alintana
Titigan ka ng matagal ay kulang pa
malayo man ay aking lalakbayin
hindi man patag ang landas na tatahakin
bagyo man ay susulungin upang sayo'y makarating
magtatagpo din tayo, sa byahe natin
susulitin ang bawat sandali
oras ay pahihintuin ko ng saglit
papawiin ang bawat pananabik
habang tayong dalawa ay magkapiling
BINABASA MO ANG
DUGTUNGANG TULA
Poetrycompilation of collaboration poetry by Aspiring Filipino Writers group. Join our Group: https://www.facebook.com/groups/afwphilippines/ Dugtungang tula, hinabing mga salita mula puso at malawak na kaisipan ng mga makata. Contributors: Trish Eljay...
