ရေကန်ထဲ မှ ချစ်ဇာတ်လမ်း- 7 (အချစ်စစ်၏တည်နေရာ)
ဝသုန်နှင့်အတုလ
ဝသုန်သည် သီချင်းအတွက် သရုပ်ဆောင်ပြီးသည်နှင့် မိုးစက်ကိုကပ်ကာခွင့်တောင်းပြီး တောင်ကြီးတွင် သူ့ဒယ်ဒီကိုပြုစုနေသည့် အတုလထံကို အကြောင်းမကြားပဲ အံ့သြစေရန် တိတ်တိတ်လေးတက်လာခဲ့သည်။ ခုဆိုလျှင် ၀သုန်နှင့်အတုလကို စနေထွဋ်ခေါင်လည်း အသိမှတ်ပြုကာ တရားဝင်ခွင့်ပြုထားသဖြင့် ၀သုန်လည်း အလုပ်အားလျှင် အားသလို အတုလရှိသည့် တောင်ကြီးကိုတက်တက်လာခဲ့သည်။
အတုလသည် ၀သုန်ကို အားနာသည်။ သူ့အချစ်ကိုလည်း လေးစားသည်။ သို့သော် မိမိအတွက် ဒယ်ဒီကအရေးကြီးသဖြင့် မာမီနှင့်ပင် စကားအတိုက်ခံများပြီး ဒယ်ဒီ့ကိုပြုစုပေးနေရ သဖြင့် ၀သုန့်ကို ချစ်သူလိုပီပြင်အောင် မနေပေးနိုင်ပေ။ မိမိဆီကို ၀သုန်က အမြဲလာတွေ့နေရသဖြင့် အလုပ်လည်းပျက်မည်ကိုစိုးသည်။ ဒါကြောင့် အလုပ်ကိုဖျက်ပြီးလာလျှင် ချစ်သူအဖြစ်က ပြတ်စဲမည်ဟု တင်းတင်းကျပ်ကျပ်ပြောတော့မှာ အလုပ်ကိုအပြတ်ဖြတ်ပြီးမှ မိမိကိုပြေးပြီးလာတွေ့တတ်သည့် ချစ်သူလေးကို အတုလ တနေ့ထက်တနေ့ပိုပိုချစ် လာမိသည်။
ခု ၀သုန်နောက်ဆုံးထွက်သည့် အခွေအတွက် VCD ကို စင်္ကာပူုတွင်သွားရိုက်နေသဖြင့် မိမိဆီလာမတွေ့ရတာ တစ်လကျော်ကြာသွားလေပြီ။ မိုးစက်လည်း ရန်ကုန်ကို ဆင်းသွားသဖြင့် မြစိမ်းဂေဟာတွင် ဒယ်ဒီ့ကိုပြုစုရင်း မိမိတစ်ယောက်တည်းကျန်နေရစ်သည်။ အိမ်မှာနေသော်လည်း ညနေခင်း သို့မဟုတ် မနက်ခင်း တောင်ပေါ်ကိုလမ်းလျှောက်သွားတိုင်း camcorder လေးတစ်လုံးနှင့် သဘာဝအလှကို မှတ်တမ်းတင်ရင်း မိမိဝါသနာပါသည့် အလုပ်ကို online မှတဆင့် ဆက်လုပ်နေသည်။ ဒယ်ဒီက သူသက်သာလာသည်နှင့် မိမ်ိကို ပြန်လွှတ်သော်လည်း အတုလ လုံးဝမပြန်ပေ။ မိမိကို ဖခင်အရင်းလို ပြုစုပျိုးထောင်ပေးခဲ့သည့် ဒယ်ဒီ့နားမှနေရင်း ၀ါသနာပါသည်ကို ဆက်လုပ်နေခဲ့သည်။
ယခုလည်း ဆောင်းဦးပေါက်ချိန်ဖြစ်လို့ မြစိမ်းတောင်ပေါ်တွင် မနက်တိုင်းမြူနှင်းများကျစပြုနေပြီ။ ဒယ်ဒီက စိတ်မချသဖြင့် မနက်အရမ်းစောစော တောင်ပေါ်လာခွင့်မရပဲ နေထွက်ပြီဆိုမှ တောင်ပေါ်ကိုတက်လာရသည်။ လေကောင်းလေသန့်ရှုရင်း မနက်ခင်း၏တောက်ပသည့် နေရောင်အောက်မှ နေကြာရိုင်းများ၏ အလှကို မှတ်တမ်းတင်သည်။ လမ်းတလျှောက် မြက်ခင်းပေါ်တင်နေသည့် နှင်းစက်လေးကို နေရောင်ထိုးနေသည့် ရှုထောင့်ကလှလျှင် သေချာရိုက်ယူသည်။ တလမ်းလုံး ကုန်းကွလိုက်နှင့် လုပ်နေသည့်မိမိကို မြစိမ်းတောင်တ၀ိုက်မှ လူများက ရိုးလို့နေပြီ။
YOU ARE READING
Love Stories
Short Storyချစ်ဇာတ်လမ်းများစုစည်းမှု ကိုနှင်းထန်+ မိုးစက် သီဟစော+ဝေယံအောင် သူရိန်+ ကိုကို သတိုးအောင်+ငွေစင် မင်းသတိုး+နွေဦး ထိမိုယွမ်+စာဂီရိ တင်တက်ရင်+ကမာအာဇမာန် တင်မော်ရင်+ဟေဇယ် သူတို့တွေရဲ့ အချစ်ခန်းများသီးသန့်စုစည်းမှု။
