شغلوا القصيدة بعد ما تقرون البارت وقارنوا حالة الولهان بقصتنا والشعر
---------
فداء:
صعدنا بسيارته وطلعنا للمركز الصحي وهناك استقبلونا الكادر وكلهم دكتور ودكتور احنا وراه ملثمات وبهدومنا مال الشغل متربات وعالعبي مالتنا حاركتها الشمس صاير لونها احمر
شمس بس يطلع وجهها احجي عليها تضمه كل شويه ابتسم اتذكر شكد جنت اضوجه لعباس بالمدرسة نصيحله عباس ابو راس جان اصغر من عندي بسنه وهسه صاير دكتور هههه شكد جنت وكحه والح وياه لان فقير بس هو سنه وحدة ونقلوه اهله لبغداد وبعد ما شفته اكيد ناسيني لان ما بين يعرفني يمكن رضا ما جايب سيرتي كدامه ابد
بين ضحكاتي اتذكرت الجانب الثاني وغاب فكري ورجع خيم الحزن والسواد بوجهي
هاي العائلة كلها اكرهها من صغيرهم لكبارهم والاكثر كرهي لكبارهم عود شيوخ مسوين نفسهم كسرني الله يكسره
عباس :
كنت غركان بالعيون الحلوات والدموع اللي مثل المطر صافن هم الله خلق جمال اكثر من هذا كل شي بيها نازك ولا جنها عايشه بالقريه ايديها تبين اوردتها كثر ما بيض والرموش الشكر تبللن بدموع وخدودها احمرن يبوو عليه هاي تبجي وهيج بغير مواقف شلون تصير لو اريد ابوس شفافها شراح يصير بيه وبيها
المضمد يخيط رجلها وهي تكتم بجيها ما تريد احد يسمع صوتها شنو من حياء شايله ابد ما تشيل عينها بعيني رغم استجديت نظرتها
كمشت ايدها اهدئها بس كرندايزر ههههه اقصد اختها نفضت ايدها من ايدي باستنكار باوعت الها هاي شبيها هيج كارهتني عبالك كاتلين ابوها
اني ما اعرفهم ذيج المعرفة القوية لان سكنت بغداد من طفولتي بس اكيد اهلي يعرفوهم ركزت بالاسم (فداء) وين سامعه
اجا براسي صوت اخوي ابو مروة لما دخلناه قبل سنه للعمليات اثر الحادث اللي صار وياهم كان يهذي بكلمة فدا ومرات فدوى اكول اله منو فدا يسكت واشوف دموع تنزل من طرف عينه وشويه ويرجع يصيح فدا هاي حوبتج طلعت بيه وبأهلي استبعدت من راسي الافكار وطردتها كان يهذي تحت تأثير البنج واكيد مو هي
كملنا علاج البنيه اللي عرفت اسمها شمس واسم على مسمى كل شي بيها يشع ويلمع اووف شراح يصبرني
عرضت اوصلهم وكالعادة اختها وكفت بوجهي وصدتني وشمس ساكته ومدنكه وواكفه وراها حتى حسها ما طلع عرفت هالشمس مو سهل احصلها وبيناتنا هالحايط الواكف بيناتنا
رجعت للبيت الظهر بعد ما خلصت دوامي وتلكتني الوالدة
-هلا بعباس هلا بتالي فرحتي واخر العنكود
-واولها منو حجيه تره صرت اغار من اول الفرح
-اولها الرضا اللي طلبته طلبه من غريب الغرباء غريب الطوس الامام الرضا (ع) واجاني بفرحتي على ست بنوات
-هو وينه غريب الغرباء ايباه اللقب مفصل عليه تفصال عندي سالفه وياه وهالسالفه تفرحج يمه مو ردتي ابقى هنا وما ارجع لبغداد لكيت اللي راح تلزكني بالديرة وما اطلع ابد
