شمس:
كعدت على ايدين عباس تتلمس بجسمي واني نايمه وهي عيطه هي كمزه من الفراش وبدت مشاكلنا هو ضل يحجي ويصيح واني خايفه منه عصبي نار صاير ومتخبل كلش من يجي يمي يبدي يقنع ومن اعاند يعصب ويكوم يصيح واني ابجي واتهزم منه لحد ما تعبنا اثنينا نكعد شويه ونرجع من جديد
بالاخير كمت اعيط عليه يجيبلي اختي وهو طلع وركع الباب قوي وراه وصدك شويه واجتني فدا عبالك جايني افراج من الاعدام
بقت تسولف ويايه وهي هم خجلانه وما تعرف شنو تكول ردت اسألها اني عنها شسوت
-فدا انت شسويتي الشيخ هم ما يستحي مثل عباس
دنكت وابتسمت
-هههه عيب هيج تسألين بس راح اجاوبج حتى ترتاحين الشيخ اكثر من عباس بس ما نعيط ونسوي هالسوالف انت مو صغيرة صوتج يوصل لغرفتنا
لطمت خدي يبوو شكد فشله من الشيخ
-يعني هسه انتو كملتوا شغلتكم
-لا بعد كنا نسولف وكطعتوها علينا
-شتسولفون ؟؟؟
-دا نخطط شكم طفل نخلف وشلون وشوكت افتهمتيني دا نسولف حلو يعني نسولف شغلات يحبوها الزلم انتي هم سولفي وياه خليه يحبج ادلعي عليه لو فالحه بس براسي تتدلعين هو الرجال يحب هيج
انتو كطعتوا علينا ليلتنا يلا لازم ارجع لرضا ميصير نتأخر اكثر الصبح يجون يردون نيشان وانت هم لا تضلين تبجين وسولفي ويه عباس وهسه تشوفين شلون خوش رجال ويحبج وهي الامور تسهل شويه شويه بس لا تعيطين عليه وهو يصير عصبي
-صدك فدا يعني ما يصير عصبي اذا نسولف
-لا ليش يكيف انت هسه من يفوت كعدي وياه وسولفي واضحكي وياه وهو عليه الباقي
-شنو الباقي؟؟؟؟
-هههه اني معليه هو يكول الج شنو الباقي
رتبتني فدا ورتبنا الغرفة وطلعت كرزات وعصاير من الثلاجه وكعدتني بعيد عن السرير وحضرنا كل شي وحضنتني وبوستني وراحت همزين فدا هنا ويايه تعلمني الحمد لله كنت راح اتخبل من وراه
طلعت وشويه واجا عباس فات للغرفه وراح للسرير وجهه ما يكصه السيف راح تمدد بالفراش رحت عليه وهو مغمض
-احم عباسس
-شتريدين
-تعال اكل كرزات
-ما اريد سم اتسممت زين
-هاي شبيك بس عصبي فدا تكول لازم نسولف وبعدين يلا نكمل
فتح تك عين باوعلي ايده على عيونه
-شنو نسولف وشنكمل
-ما ادري اكعد نسولف كعد عدل نفسه وجرني اكعد يمه اني بعدت نفسي وهو هم ما تقرب
-اي يلا نسولف شكو ورانا اسمي عباس واشتغل طبيب واهلي شيوخ اذا ما تعرفيني وانت شمس شمسي
-اعرفك
-بعد شنو نسولف يلا امرنا لرب العالمين يشوفلنا حل
-اصب الك عصير
مسح وجهه وينفخ بضيق وخر ايده وابتسم بس ابتسامته بالضبط مثل واحد مضروب الف راشدي ومبتسم
-اي صبيلي شكو ورانا
صبينا عصير وكعدنا نسولف وصدك اندمجنا بس هو بطرف واني بطرف وحاطين الاكل بنص السرير كل ما يحاول يسولف بشي يخجلني افرها بغير موضوع
تاخر الوقت واحنا على كعدتنا تالي شال الصينيه بعيد واني ايدي وراها لو بيدي ابقى اكل للصبح
-يلا كافي سوالف نعست
-اي
دنكت ما عندي بعد حجه وينج فدا
-يلا نامي
-هااا
-نامي
طاوعته اني هم تعبت من اللغوة وداخ راسي ما بقت لا مدرسه ولا كليه ولا هوايش وبطات ودجاجات ما حجينا بيهن تمددت بمكاني بعيد عنه
بقيت بطرف السرير نفض الفراش من الفتافيت مال الكيك وتقرب مني اني هنا يبست وهو استمر حاوط جسمي وسحبني اله كلت مثل ما كالت فدا اغمض عيوني قوي لحد ما يخلص سديتهن هو اعترض
-شمستي افتحيهن لعيونج احبج اني باوعي بعيوني وخل اشوفج وتشوفيني
