اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصلنا للبيت ودخلت السيارة واستقبلنا رضا بالباب واكف لابس لبس عرسان اباوع عليه وقلبي متروس قهر منه شصار لو قبل وفيت بعهدك وتزوجتني
تقرب للسيارة وفتح الباب ومد ايده حتى اخذها خجلته ما قبلت احط ايدي بايده ونزلت وكف يمي اني اشوف على كد طريقي لان منزلين جادر ابيض على راسي ما ردت احط ايدي بايده وامشي وحدي بس هو اخذها غصب وحطها بايده عصرها بقوة اذتني بس ما ابديت اي رد
وفوتني للبيت الهوسه والركص خواته وبناتهن ماخذات دورهن وكفنا وكشف وجهي وعباس هم كشف عن وجه شمس لان بس نسوان التفتت لكيتها ميته بجي وعباس يسولف يم اذنها شالت راسها شافتني كامت تشهك عز عليه اشوفها هيج وادري بيها جبانه وبعدها بعمر ما واعيه كلش والذنب مني كنت ابعدها عن اي مواضيع بالزواج والحياة الزوجيه عود ما اريدها تحط ببالها هالسوالف
كمشت ايدها هي واكفه يمي هدأت اخذنا صور وطلعوا العرسان واحنا كعدنا انداريت الها اهدئها راح تتخبل -شمسه شبيج حبيبتي لا تبجين كل البنات تاليتهم زواج كافي بجي انت جبيرة عيب شمس: من حجت فداء يلا شويه كدرت اسيطر على اعصابي صوتها الهادئ وكلامها يخليني احس بامان سكتت بس بقت شهكاتي تجي وتروح خايفه مو من الزواج ولا من شي خايفه من عباس ما احسه طبيعي -فداء عفيه لا تعوفيني -ههه لج انت اليوم عروس دشوفي بدلتج وشكلج شكد حلو لا تبجين حبيبه ماكو شي يخوف ورجلج دارس وواعي اصلا انت امني كلش ومعليج بسوالف خواتنا كل واحد واله حياته لا تتأثرين باحد وااعرس حلو تونسي ايام لا تنعاد ولا تتعوض احجي واني داخلي يغلي قهر -وانت ما خايفه من الزواج محد سولف وياج دنكت تضحك -معليج بيه سكتت وشويه وجتي عمتنا الحجية صعدتنا لغرفنا بالطابق الثاني ممر طويل غرفة فداء ببدايته وغرفتي بنهايته واكو بعد غرف دخلوا فداء اول شي واني بعدين كعدتني على السرير الغرفه حلوة الوانها تدرجات بين البيج الفاتح لحد تدرجات اللون الابيض بقيت وحدي وهمه نزلوا ضجت واني وحدي يجي نص ساعة اكثر طكت روحي مديت راسي من الباب هدوء رهيب شلت البدلة وركضت لغرفة فداء فتت بدون ما ادك الباب جفلتها لكيتها مبدله وسابحه لابسه دشداشه لونها ابيض هي شافتني ضحكت واخيرا صارلي كومه ما ضاحكه وياي -لج شمس شجابج هسه شويه وتصير الزفة شجابج هنا ههه تعالي مثل الحراميه تتختلين ميصير تعوفين غرفتج -ضجت ليش عافونا وحدنا -امشي ارجعج -ما ارجع ابقى يمج -هههه لج كافي خبال هسه يصعد زوجج كومي نروح حتى تسبحين وامشط شعرج وتتحضرين -فدا ما اريد -انجبي غبيه دا نلعب دير بالج تعاندين هاي سالفه بيها سمعه وشرف افتهمتي يلا كومي لعد شعبالج الزواج لعب جهال
