فداء:
مر الليل واني ما شايفه نوم بقيت على كعدتي بالممر للصبح حرت بنفسي وضيعتها وين القوة ووين القسوة اللي ربيت قلبي عليهن وبكلمتين اصير ماي بايده مثل قبل ما سوينا شي يعني ارجع الغبيه اللي نطيت مجال للكل بكسرة قلبي
والقهر كوم وشمس بكوم طلعت تبجي وشافتني ابجي واجتي باوعتلي بنظرة مدري شلونها وتضحك يبوو شراح اتحجج الها بعد شالت الفراش مالتي وراحت الظاهر ما مكتوب النا الفرح واخذت فراش الهنا مني عسى يصير احسن يمها
صار الفجر ونزلت بديت اشغل نفسي لما يكعدون حضرت الريوك وكعدت صفنت انتظر يكعدون نزل رضا اول واحد بيهم باوعت اله ونزلت راسي اني ما احبه اي ما احبه ولازم يدري بهالشي هو
تقرب يمي يريد يسولف
-صباح الخير
-صباح النور
-وين نمتي ؟؟؟
-هسه انام
-فدا ليش تعاندين
-رضا لازم تعرف اني انجبرت اتزوجك
كنت اشتغل واحجي وياه تقرب شال وجهي بايده يباوع بوجهي
-حطي عينج بعيني وكولي هالكلام
صفنت بعيونه اعشق سوادهن الصافي ما اكدر ابد بهالموقف اكول اله شي غير اموت على خطوتك واحب تراب رجليك
انقطعت علينا لحظاتنا بدخول شمس للمطبخ واعتذرت بابتسامه خبيثة
-العفو اعذروني عبالي ماكو احد
ابتعدت عنه اكمل شغلي وهو راح بالهول وهي بقت واكفه بنفس الابتسامه وعيونها تتنقل بيناتنا اجتي يمي ضربتني بعكسها بخاصرتي
-ها خيه متزاعلين ومسويه روحج ام الحب وتعلميني خايبه ما تكولين اعلمج اني شلون تتدلعين وتهنين الرجال
-عيب شمس شنو هالحجي كانت شعرة بعيني واكعه والشيخ دا يطلعها
-هاااا شعرة بعينج .....داده عاد نفسها اللي بالليل خلتج تبجين وانت وفراشج بالباب مال الغرفه
سكتت وابتسمت يبوو شراح يخلصني
-لا مو نفسها
-اووفيش شلون نومه وشلون فراش عاد يخبل البارحه نمت نومه راح يصير الي شهر ما نايمتها خيه نومة السرير توجع حقج تنامين بالكاع
وتغمزلي بعينها
-لج عيب امشي ولي من يمي هذا عباس علمج على قلة الادب
-اي احسن من اختي بس شتكولين اراضيه لو انام شكم ليله مرتاحه 😉😉
راحت بعد ما ضحكتني خرب هاي شلون بلوة هاي ما تسكت بعد
كعدنا عالسفرة ناكل ساكتين بس مروة دوخت راسي كثر ما تحجي خطيه محد يسولف وياها ومن تشوفني تبقى تسولف بفرح بس هذا رضا ما خلانا نتهنى
اندار النا وخزرنا اثنينا
-وتالي ما طلع اكل هذا اجلنها السوالف لغير وكت خل نتزقنب واحنا ساكتين
سكتت مروة واباوع عليها انقهرت باوعت بعيونه باستنكار وهو دنك وكمل اكله وهو ساكت
احنا كاعدين خابر زلم عزمهم عالغدا ومن سده باوع الي وبنظرة شماته
-فدا اليوم عازم ربعي على غدا انت تحضريه هسه يجيج مسواك كامل وتطبخيه كله وخبز حار هم
-تدلل
-ما يدلل عليج ظالم ....ها تذكرت ام سعد اليوم رايحه تشوف بنتها وما تجي لهنا
-اي عادي
نهض وهو يكمل اوامر
-اي ما اريد تقصير وتره عددهم بالثلاثين
راح واني ادري هاي عقوبته كل عقله اخليه يغلبني كمت اركض حتى الحك وفعلا لحكت وغديتهم بس التعب اخذ مني وصلة منا نومة الليل راحت ومنا تعب العزيمة صرت مو كادرة اوكف وعندي دوخه وصعدت ميته تعب بعد ما كملت المطبخ اريد اسبح اخذت منشفتي ودشداشه خفيفه لان احتريت من الخبز للطبخ وساعدتني شمس بالشغل حتى اكل ما عجبني اكل اريد بس ارتاح
بعدني ما وصلت للحمام فات رضا للغرفه وكعد عالسرير وصاح ورايه
-تعالي فدا انزلي سويلي جاي راسي يوجعني واريد حبايه لوجع الراس
-تأمر
نزلت اتأفأف بالله شلون وياه هسه اذا اخذله حبايه مال سم بزازين منو يكلي ليش
رضا:
اتعمدت اسوي عزيمه رغم ما عندي مناسبه الها وعزمت اصدقاء وولد عمامي واتحججت عليه نذر ما كلت شنو النذر وهو صدك عليه نذر اذا اخذها وترجع لحضني اسوي هالعزيمه ولو اني بعد ما ضامنها كلش بس يلا المهم اوفي نذري براسها الا اخليها تتنازل وتجي هي للحضن من كيفها ههههه
صعدت شفتها فاتحه شعرها تريد تسبح ومحضره هدومها ردت اضوجها نزلتها مره ثانيه وهي ابد ما تناقش الحلو بيها واجباتها تجاه البيت ما تقصر بيهن بس ويايه تقصر
صعدت مسويه جاي وجايبه حبايه خليتهن على طرف السرير ما شربتهن هي ضلت صافنه ما كدرت تسكت
-هاي شنو ليش
-راح الوجع
-براحتك
عافتني ورادت تروح للحمام وكفت واخذت منشفتي وفتت قبلها وهي ضلت بالباب
-فوتي فدوى تعالي
-لا اذا تريد تسبح كمل واني وراك
رادت تطلع جريتها وسديت باب الحمام هي صوفرت وخنست
-وليش مو سويه نسبح تقربت الها..... هااا شتكولين
-اريد اطلع
هي تسولف واني انزع ملابسي انداريت الها وجريتها
-تعالي
دفعت ايدي بقوة
-رضا اريد اروح
-ليش
-شنو ليش عيب ما يصير
-ههه مرتي وحلالي وين ما اريدها تطيع
-اني ما اريدك مو كلت
-وهي بكيفج
-اي بكيفي
-يلا روحي اطلعي
بقت واكفه بمكانها شويه وحسيت بترددها بين تريد تروح وبقاءها واني اتقربت بسرعه قبل لا تغير رأيها اخذتها لحضني وتجرأت اكثر رفعت ثوبها وشمرته عنها هي خجلانه مدري مرتبكه بس ما اعترضت ابد ما انطيتها مجال هالمره هاي الي هذا انتصاري كل مره اني اريدها هالمره طبختها زين وهي اللي تريدني هالمره اني اربح المعركه مستحيل اخسرها بعد الصبر
تقربت وحصلت مكافأتي وتالي صبري هالمره لا بتحدي ولا بعناد كانت ناعمه بكل شي ولا نفسها فدا اللي العالم يعرفها فدا حبيبتي الاولى اللي عهدتها نازكه وترفه وكل شي عدها طري ملكت كل شي بيها وهسه يلا اكتملت رجولتي وهسه يلا صرت شيخ بحق اخذتها مره واثنين وثلاث وهي غافله عن اللي تسوي وانتهت ساعاتنا على فراشنا مطشرين وضايعين اجزاء مني عدها اجزاء منها عندي ضعنا وانتهينا ورجعنا من جديد واني عيوني بعيونها الذابله ونفسها السريع همست يم اذنها
-فدا لساج تكرهيني
هزت راسها لا
-كوليها
-اموت عليك
-منو اني
-شيخ القلب انت وحبيب الروح الاول
-عفيه بمريتي الحبابه صيري عاقله
وكفت عنها منتهيه وابتسمت بنصر خلص ارضيت غروري واخذت كل غايتي منها شفتها وعت لنفسها باخر كلمتين ولمت روحها وسحبت الشرشف تستر جسمها صارت تبجي بحرقه بس شفتها راح كل شي من ايدي
رجعت الها حضنتها حتى من انتصر عليها هم تشاركني بانتصاري ابوس بيها واراضيها
-لا تبجين يالعمر انت والله انت شيختي وشيخة القلب ماكو وحدة شاركتج غلاتج عندي
-رضا ليش ما سويتها من زمان
-كافي الفات ولى خلينا اليوم
-بس اني ما راضيه
-واني قابل ضلي زعلانه واني اتوسلج لحد ما ترضين
-اريد انام تعبت
-نامي ايدي مخدتج وصدري غطاج نامي يالعافيه ما مصدك والله وانت بحضني بعد ذاك التعب كله
بقت تبجي وتشهك لحد ما غفت واني هالنومه صارلي سنين اتحسر عليها حضنتها قوي ونمنا على وضعنا ونومتنا بتعب واحلى تعب يا ريت لو تطول هالنومه وما تكعد وراها فداء القاسيه وتبقى عندي جوهرتي اللي ضيعتها سنين طوال وتبقى تزين فراشي وحضني😊😊
متابعيني اكو⭐🌟🌟🌟⭐هاي جوه اللي ما يضغطها كون ما يرضى مثل رضا ابد طول عمره يبقى بحسرة الحضن 😛😛
...............
