رضا :
ما اعرف اللي صار شنو اني بكل عصبيتي كنت اتصرف وياها وهي بهدوئها نفسه وعيونها اللي تاخذ عافيتي
بعيوني تحطهن ابد ما بعدهتن واني اموت بيهن عبالها تتحداني بنظراتها ما تدري هي تنفضح وتعزمني بيهن اتجرأ واسوي الاكثر
احس بلهفتها اكثر مني برجفة نفسها وبحمار خدودها بس تخفي اللي بداخلها
خلصت ليلتنا بانتصارها اني المفروض اريد اعاقبها اسكتها اخليها تتقبل هي اللي تتنازل وترضى صار العكس
راحت سبحت وكعدت تمشط عالمرايا واني اباوع الها من جوه لجوه بدون ما تحس يا ريت ايديه بمكان هالمشط شلون عذاب هذا الحبيب وياك يمك تريده ومتأكد منه يريدك وكاعدين كل واحد بجهة
فرشت فراشها بعيد ونامت واني بقيت بفراشي لوحدي هاي مو اول ولا ثاني ولا اخير مره تسويها لازم اشوف حل لهذاك الفراش لازم يبقى بس هالمكان تنام بي لو ما تنام اصلا
كعدت الصبح هي ماكو كعادتها تكعد من الفجر نزلت لكيت ريوك العائلة كله جاهز ووياه خبز حار النعمه والعافيه بالبيت عندي اباوع لطولها شلون تمشي تتمايل بقلبي وتحضر الاكل وامي وياها طايرة بيها بس فدا مبينه ما تطيقنا لا اني ولا هي بس بنتي مدللة ونظيفه وبيتي جنه صار بجيتها اله بس اني شبت بيه نار ما تطفى ولا اكدر اطفيها
قضينا ايام الزواج الاولى بنفور وصد اني اعاند وهي اكثر تزيد بعد ليلتنا الاخيره اخذنا اسبوع ما نحجي وما نكعد بنفس المكان بس ويه الوجبات وحتى ما اشوفها هوايه
عباس اشوفه فرحان وطاير بزواجه وما شفته اذا ما سابح واني احسد بي عبالك فحل بط النهار كله مبلل واني كل اربعة ايام يلا احصل مره ونكضيها عركه مو نومه عبالك ماخذلي ديج هراتي مو مره وبكل مره وره ما ننسى نفسنا ونندمج واحد بالثاني بس نوعى تكوم تريد تذبحني لو بيدها شي يذبح
فدا
مروة صارت ظل الي وين ما امشي تمشي ورايه تعلقت بيها مثل ما هي تعلقت بيه طلبت تصيح الي يمه مو عمه ما ردتها تحس بيه زوجة ابوها واخذت عهد على نفسي تصير هي بنتي لان فعلا احس بهالشي احسها بنتي هي مو بنته اكيد بنتي هم
ام رضا ما الها شغل بيه ولا اني احجي وياها على كد كلمات بسيطه ماكو اي وصل بيناتنا هي بدت تريد تتقرب بس اني ما اطيقها ولا اتحملها حرمتني فرحتي وهي السبب بكل شي
شمس ما نشوفها على كد ساعات قليله والباقي بالغرفه لان عباس اجازته ما انتهت وهو ما يطلع من البيت ربي يديم سعادتهم .... اجتني اشتكت شويه وطردتها اريدها تحفظ سر بيتها وتخلي عدها وما يطلع حتى لاقرب الناس لان ادري بعباس يحبها هوايه ويستحق تحبه
كنت كاعده بالهول بالليل ويه مروة دخل رضا للبيت باوع النا بطرف عينه سلم وصعد للغرفه فوك ما اهتميت اله من يغير اسلوبه هذاك الوكت يجوز افكر اهتم اله صعد غير ملابسه ونزل كعد يمنا
وراها دقايق نزلت شمس كعدت يمي بس تريد تاكل احد اختي واعرفها صايره نار ودمعتها على وشك النزول
