حب وسط الدماء

part 13

جلسنا فالطابلة معاهم أنا ومدام سهام
سهام: ندى فطري أبنتي
أنا: (بابتسامة) وخا.. هزيت لكريب وذهنتو بالشكلاط وخديت لقهوة وانا حانية راسي
لينا: ايوة ا ندى عرفينا على راسك مللي جيتي ونتي ساكتة
أنا: انا..انا..سميتي ندى مغربية و..
سهام: لينا صافي ابنتي خللي لبنت تاكل فخاطرها من بعد وتعارفو
لينا: هاهي ساكتة
كان سفيان وفيرجينيا كايفطرو ويتغامزو ضحكوني اما كرزة فخاشية وجها فالماكلة وكاتصرط
فوزية: سهام هاد لبنت واش مزال مابرات
سمعت هضرتها وتزيرت حسيت بيها كاتمعني عليا
سهام: لا مزال رجلها ماكاتمشاش عليها مزيان وانا ماخليتهاش تمشي حيت واليديها مكاينينش هنا
فوزية: مممم واش نتي ساكنة فنيويورك نيت؟
انا: (بارتباك) مم آ..اه اه حتى انا
فوزية: (كاتخنزر) ايوا الله يشافي
اكتفيت بابتسامة صفرة وحدرت راسي
سهام: ندى انا غادة نتقدا شي حوايج اش بان ليك تمشي معايا منها نيت تبدلي لجو
أنا: لا لا غير خليني هنا
كرزة: بغات تقوليك خليها تلبس باش نوضو نمشيو ب 3
سهام: ههههههههه كرزة مالك كاطيري
انا: (ههههه هاد لخرية مالها مدخلا كرموصتها) هه صافي واخا.. جراتني كرزة وطلعنا لبيتي
كرزة: بلاتي نوريك اش تلبسي (حلات لماريو)
انا: (عاودت سديتو) شكون قالك انا باغا نلبس انا غانمشي بهاد اللبسة
كرزة: يخخخ على مخموجة الله يعطيك الدل خلي مك تخرجي وتصدمي فلبنات كيدايرين
أنا: (بالامبالاة) ايه ايه غاخليني.. اويلي يلاه لبستها وأصلا عجباتني
كرزة: مممم حيت بينات ليك الطرمة لاسقة
انا: فمك ماكايهداش يا ختي من لهدرة
كرزة: سيري تخراي انا غادة نضرب لميني باش نطيح التيتيز
انا: هههههههههههههه سيري سيري
مشيت جيهة لمرايا درت عكر فلغوز خفيف وجبدت واحد ليبوط بحال لبانطوفا وقصار فلون الللبسة وبقيت جالسة نتسنا كرزة شي 20 دقيقة
كرزة: (من مور لباب) شوفي هيه قبل ماندخل قولي تبارك الله وماطوليش فيا الشوفة
أنا: ههههههههههه واخا.. تبااااارك الله
دخلات كرزة لابسة كسوة قصييييرة ديال الصوف كحلة مغطية ليها غا مسعودة وضاربة لوجة بالمكياج حتى قال احح ودايرة واحد الطربوش فلحمر وصباط عالي فلحمر.. بدات تمشى بحال عارضات لأزياء ومع هي قزمة صطاتني بالضحك
انا:( حابسة الضحكة ) واااااااااو تبااااارك الله جيتي كاتهبلي
كرزة: معلوم مالها بقات فلعينين رماديين وشعر قزيبة لعودة😏
انا: اييييه زيديني
كرزة: صافي صافي يالاه نهبطو راه تعطلنا
هبطنا ولقينا مدام سهام لابسة مونطو فلباج حد الركبة وليبوط طويل وعالي ودايرة لمشيطة بحال ديما..فعلا مرا أنيقة
سهام: يالاه البنات راه تعطلنا
تبعناها لطوموبيل اللي كانت فلأسود واعرة... ركبت أنا والمدام اللور وكرزة ركبات لقدام حدا الشيفور.. بقينا غاديين مسافة وعلى مابان ليا انهم ساكنين فحي راقي بعيد على وسط لمدينة.. بقيت كانطل من الزاج وانا كانشوف فالطريق والبنايات والجو اللي كان فمنتهى الروعة لاا علاقة بكازا (أسماء عمرها خرجات من كازا أصلا) دخلنا وسط لمدينة كان الزحام بززاف والناس غادة وجاية وقليل اللي كايتمشى على رجليه حتى حبسات الطوموبيل قدام واحد المبنى عااااالي بزاف
نزلنا وأنا نقرب لكرزة..
انا: هيه فين حنا
كرزة: فلموووووول اححح قلبي الليلة نتبرعو
تفكرت لمول اللي داتني ليه سكينة فلمغرب وهي تشدني لقفقافة..
دخلنا بثلاتة للمول اللي كان كبيييير وعامر وفيه محالات على الأشكال والألوان
سهام: لبنات أنا غادة عند صاحبتي نقيس شي حوايج كنت موصياهم عليا تمشيو معايا ولا تبغيو ضربو دورة بوحدكم؟
أنا: نمشيو معاك
كرزة:(قرصاتني) لا لا نمشيو نضربو دورة ديك صاحبتك مملة
سهام: ههههههههه واخا واخا هاكي هاد لكارط وشريو اللي عجباتكم هانا مشيت ومللي نسالي نصوني ليك اكرزة وجيو عندي
كرزة: اري اري صافي بسلامة..(شدات فيا) زيدي نتي اضبعة..
بقيت غادة تابعة كرزة فينما دخلاتني ندخل ولعفريتة طيااااارة فالإنجليزية كانظن حيت مدة طويلة وهيا عايشة هنا..
كرزة: شوفي شوفي هاد الشورط ديال جينز يجيني مع فورمتي
انا: واااسولتيني 60 مرة قلت ليك ااااااه غاخوديه
كرزة: مالك كاتغوتي تسحابي راسك فسويقة سوفاجية تفو
انا: راه غانلصقك مع الحيط نوريك السوفاجية كي دايرة
كرزة: (قربات ليا وعضاتني فيدي وهربات) وهانا يالقحبة قيسيني دابة
انا: اااااااي على بنت لحرام.... تبعتها كانعرج وهيا راجعة باللور وكاضحك عليا حتى دخلات فيها واحد لبنت وتعكلو وطاحو حيت بزوج لابسين الطالون.. أنا بديت نخرا بالضحك
انا: ههههههههههههه واااااا ههههههههههههه
الشخص: (بالإنجليزية) fuck المعاقة واش ماكاوشوفيش تفو على أشكال
سمعت هاد الصوت برد ليا لما فالركابي حيت كان صوت ...

🏵🏵🏵🏵🏵🏵🏵🏵🏵🏵🏵🏵🏵🏵🏵🏵🏵🏵
البنات التفاعل نقاص اقسم بالله شحال من واحد كيقرا و مكيديرش votes و غي 15 votes ا عباد الله تفاعلو و طاكيو صحابكم يقراو و لا غنمسح القصة و السلام عليكم شكرا للصديقة المخلصة Houda510