حب وسط الدماء

part 11

بقيت جالسة فالجردة وكانفكر شنو ندير باش نرجع لبلادي حيت مايمكنش نبقا جالسة عند هاد الناس، هوما عتقوني ودارو فيا خير اه..ولكن ماخصنيش نبقا لاسقة فيهم
كرزة: فاش كاتفكري
انا: (هدرت بلاما نشوف فيها) وعلاش كاتسولي .. راه مزال مانسيت تصرفاتك والضربة اللي عطيتيني
كرزة: (جلسات حدايا) أنا سميتي خديجة ..مغربية من مدينة مراكش.. من نهار عقلت على راسي وواليديا ماحاملينيش عكس خوتي لوخرين والسبب هو انني قزمة..كانوا ديما كايقمعوني ويتعاملو معايا خايب ...واحد النهار هرست لماما الطبسيل ديال الطاوس اللي كانت شارياه كادو لصاحبتها..ههههه ماتصوريش أنواع التعذيب اللي دوزات عليا ديك الليلة ومن بعد طلبات مني أنني نبقى نخرج نسعى ونجيب ليهم لفلوس .. درت كيما قالت ليا وخرجت نسعا وكنت كانتعرض بزاف للإهانة والسخرية من الناس 😢 وواحد النهار كنت كانضور فواحد الحي راقي بالليل وهوما يخرجو ليا شي مجرمين بغاو يغتاصبوني (دمعات عينيها) قطعو ليا حوايجي وضربوني وفلحظة شفت واحد تلاح عليهم وبدا يضرب فيهم حتى هربو .. هاد الواحد كان هو سي أسد كان مع ماماه وختو فالسيارة وطلب مني أنني نمشي معاهم حيت حسو بيا محتاجة ليهم ومن تما عمري شفت واليديا وماباغاش نشوفهم.. قررت انني نبقى عايشة معاهم وهوما بدورهم كايعاملوني أحسن معاملة وماكيحسسونيش بالنقص ديالي وفينما مشاو كايديوني معاهم.. حتى من سميتي بدلتها و اللي اختارتها ليا اخت أسد الصغيرة..
انا: (بعينين دامعة) ربي ماكاينسا حتى واحد واللي كايسخر من إنسان عندوا نقص قدرو عليه الله فدااابا يتبلا
كرزة: ماعرفتش كيفاش حتى عاودت ليك ولكن عادي قصتي مع هاد العائلة كلشي عارفها
أنا: (بابتسامة) شكرا حيت فتحتيلي قلبك
كرزة: (مركزة فوجهي) فخبارك نتي زوينة بزاف! واش عينيك رماديين؟
انا: هه شكرا.. اه هذا هو لونهم
كرزة: مممم زوينين
انا: 😁
كرزة: ايوا صافي تجمعي ونتي كبرات فيك لخرية
انا: (بصدمة) اويييييلي نتي ماشي طبيعية دغيا كاتسيفي😨
كرزة: (معوجة فمها) مممم كانتسيف.. اجي ونتي شنو قصتك؟
انا: ماعندي حتى قصة
كرزة: كاتنفخي؟ انا اللي حمارة مضسراك (تحية لشيمااء)
بقينا كانتناكرو انا وكرزة حتى جات عندنا فاطمة وطلبات منا ندخلو حيت لحال بارد..توجهنا للصالون اللي كنت جالسة فيه قبيلة أنا ومدام سهام
فوزية:( كاتشوف فيا باستغراب) سهام شكون هادي؟
سهام: اوووووبس نسييييت ماقلت ليك راه لبنت فاقت
لينا: (كاتلعب فتيليفونها وكاطلع فيا وتهبط) ممممم هادي هي اللي قلتو غتاصبوها فالغابة
انا تزيرت من هضرتها وعلى ما فهمت أن هاد لمرا هي مامات سفيان الدري ديال الصباح وهاد المسمومة ختو
سهام: لينا! قلت ليكم تعداو عليها هذا ماكايعنيش تعرضات للإغتصاب والطبيب أكد هادشي
لينا: (عوجات فمها) على السلامة
سهام: ندى هادي فوزية مرت لوسي وهادي بنتها لينا
أنا: متشرفين.. ممكن نطلع لبيتي؟
لينا: ههههههههههههههههههههههههههه
فوزية: (بصوت منخفض) لا والله الى هادشي اللي بقا
سهام: كرزة سيري مع ندى ترتاح..
طلعت وأنا كانغلي عصبببوني هاديك لمرا وبنتها ماحملتهومش باينين لفعات عكس مدام سهام اللي ضريفة وحنينة..
طلعت للبيت اللي كانعس فيه..بعدما مشات كرزة تخشيت ففراشي وتكمشت كانفكر فكيفاش تعاملو معايا دوك الجوجات..لينا اللي كانت بنت كاتبان كبر مني شوية..شعرها مصبغاه أكاجو وعينيها كحلين وبيضة..ملاميحها زوينين لكن باين فيها السم والتكبر فوجهها..أما ماماها فوزية فكانت عكس مدام سهام كاتبان قبيحة ومتعجرفة..غليظة وكاتلبس داكشي فضفاض وكادير الفولار..هاد العائلة فشكل حاسة بيها مامكتاملاش.. لاحظت أنه مدام سهام ماهضراتش على راجلها ولا حتى على خوه اللي هو عم ولدها وبابات لينا وسفيان..أخت أسد؟ اه كرزة عاوداتلي على أخت أسد اللي كانت اختارت ليها سمية ولكن علاش المدام ماجبداتهاش! قالتلي عايشة أنا وولدي فقط! ممم تقدر تكون تزوجات ومابقاتش ساكنة معاهم بفففف وأنا مالي ومالهم..غمضت عيني وتغطيت حتى داتني عيني ونعست..
#بعد_3ساعات:
أنا: (كانتكسل) ممممممممم شحال فالساعة (شفت فالساعة اللي معلقة) دبا ل 11 ديال الليل جاني الجوع😕 تفكرت الزر..لا لا مالي أنا أميرة نبقا نآمر عليهم يطلعو عندي نوض نهبط راسي ياربي نتصادف مع كرزة..
نضت وأنا شعري محلول ومطلوق وتريكو نازل على كتفي لبست لبانطوفة وخرجت من لبيت كانعرج حتى كانسمع شي صوت جاي من الدروج مشيت كانتسلت بحذر وطليت.. كانت لينا ملاسقة مع شي واحد وكايتباوسو ولكن ماقدرتش نشوف هاد لواحد
لينا: (مغمضة عينيها) مممممم ااااح i love uu baby اوووف ممممم
كانو كايتبادلو لقبل بشراسة وكايعجن ليها فصدرها ويرجع يخشي يدو تحت سروالها ويتلمس مأخرتها وهي لعافية شاعلة فيها وكاتوحوح
انا: (رجعت تخبيت مور الحيط) يخخخخ على سلكوطة تشوف غا راسها عاد تهضر عليا أنا لالاها .. وشكون هاداك اللي جالس كايمرد فيها تما يخ على ماسخين
رجعت لبيتي واضطريت نضغط على الزر حيت ماعندي حتى خيار آخر ودوك لماسخين كالسين فالدروج..
ضغطت الزر وبقيت نتسنا حتى طلعات عندي فاطمة وحلات عليا لباب وهي وجها حمر
فاطمة: نعام ا ندى اش خصك
انا: مالك حمرة واش شفتي شي حاجة ماشي هي هاديك فالدروج (حابسة الضحكة)
فاطمة: ههههههه سكتي سكتي غاتشوينا راه داكشي عندهم عادي
انا: الله يكمل عليهم.. المهم فيا الجوع ممكن ت..
فاطمة: اه اه أكيد صبري 10 دقائق ونسيفط ليك لعشا
أنا: واخا شكرا😊
مشات فاطمة وأنا بقيت نتفكر ديك اللقطة اللي شفت فيها ديك لينا كاتقحبن ولكن ضرني راسي نعرف شكون هداك اللي كاان معاها.. وكالسة تقولي غتاصبوك يخ هي شابعة ح.... وتجي تحل عليا فمها
هادي هي طبيعة أسماء قدام الناس صبارة وكاتسكت على حقها ومللي كاتكون بوحدها وتنفارد بنفسها عاد كاتبدا تعاير وتسب اللي خطأ فحقها وظلمها.. هادشي كانت كاديرو حتى مع مي رقية مللي كانت كاتعايرها كانت أسماء كاتجاوبها فنفسها ههه
كرزة: (داخلة تاتعوج وهازة بلاطو) دبا أنا وليت خدامتك ولا شنو
أنا: أنا طلبت من فاطمة ماشي منك
كرزة: ممم راه أنا اللي خديت من عندها لبلاطو باش نجيبو ليك
أنا: (بابتسامة) هههه شكرا شكرا يالاه اجي كولي معايا..
جات كرزة وحطات لبلاطو وبدينا ناكلو فصمت
أنا: (بتردد) بغيت نسولك
كرزة: (بفم مملوء) قولي
أنا: قبيلة كنت باغة نهبط وأنا نلقا لينا فالدروج كات...كاتباوس مع واحد
كرزة: هاديك راه فيها الدودة عنها جوج ريوس
أنا: ههههههههههه مسخوطة نتي.. مانعرف شكون هداك اللي كان معاها
كرزة: وشكون من غيرو.. سي أسد بلا شك
أنا: (بتعجب) اوااااه علاه هوما مزوجين !
كرزة: مخريين لا.. راه غير كايدوزو وقيتة زوينة لقاها كاتبرعو فابور
أنا: هههههه هدرتك كاضحكني
كرزة: (خنزرات فيا) ومالي اش قلت؟ اختي اللي عطا زكو لهلا يفكو خليها تزومل عليه تما
أنا: ههههههههههه نتي تحفة والله
كرزة: ونتي زعمة مامزوجة مامخطوبة ماكاتعطي زكك
أنا: لهلا يحييك أنا عمري تصاحبت فحياتي
كرزة: وااااايلي وراه نتي اللي تحفة ا صاحيبة
أنا: اختي خليني حتى نعطي زكي فلحلال
كرزة: ههه ايوا الله يعطيك ماتمنيتي
أنا: آمين
كرزة: المهم نخليك عينيا كايتسدوا بالنعاس تال غدا ونتلاقاو good night
انا: واخا تصبحي على خير
مشات كرزة وخلاتني كملت لعشا.. فعلا هي اللي رتاحيت ليها بزاف هنا وكانتصرف معاها بطبيعتي
نضت دخلت للدوش وخشيت رجلي فواحد لبلاستيكة باش ماتفزكش وضربتها بواحد التدويشة فاعلة تاركة خرجت من الدوش وأنا نلبس بيجامة فالغوز مغلوق وجمعت شعري كعكة بلاما نشفو وتكيت فبلاصتي
أنا: لحسن حظي أن هاد العائلة مغاربة وكايهدرو معايا بالدارجة اما كون راه بقيت هنا كي الراس لمقطوع ولكن غدا ان شاء الله غانهدر مع مدام سهام ونشوف واش تقدر تعاوني نرجع للمغرب ياااااربي تفرجها عليا.. من بعد الأفكار اللي بقات تديني وتجيبني استسلمت للنوم وانا كلي أمل باش غدا مدام سهام تعاوني وتلقا ليا حل😌
كرزة: ندى ندى وا لخرا واش ناعسة ولا مغيبة
أنا: (سادة عين وحالة عين) مالك ا زمر غابشوية
كرزة: نوضي راه مدام سهام قاتلي نفيقك تهبطي تفطري معانا
أنا: لا لا غاطلعيه ليا هنا
كرزة: اويييلي ماحشمتيش المدام عيطات ليك ونتي ترفضي
أنا: وخا وخا هانا نايضة
مشات كرزة وأنا نضت من بلاصتي وقلت نشوف رجلي كيبقات.. حيدت لفاصمة وكانت رجلي بدات كاتجمع ومابقاتش كاضرني بزاف..رجعت ليها ديك لفاصمة كيما كانت ونضت نعرج للحمام غسلت وجهي ومشيت وقفت قدام لماريو نشوف اش نلبس بانت ليا واحد اللعيبة بحال لقبية كاتوصل تال فوق الركبة شوية فالرمادي بلكمام وفيها سيور فلبيض جبدتها وجبدت معاها بانطوفة فلبيض حيت مانقدش نلبس شي حاجة مزيرة.. لبست ديك لقبية اللي على شكل كسوة قصيرة جاتني لاصقة وبينات فورمتي زوينة..وشعري خليتو مطلوق اللي كان كايوصل طولو حتال لخصر ديالي مادرتش لماكياج وخا كان محطوط بزاف منو حدا لمراية.. حليت باب لبيت وتميت هابطة وقلبي مقبوط خايفة نشوف ثاني دوك الجوجات (فوزية ولينا) نزلت بديت نضور عيني حتى دخلت فشي حاجة وطحت تزدحت فالأرض
أنا: اااااه رجلي اهئ اهئ
أسد: واش مكاتشوفيش قدامك البرهوشة
كنت حانية راسي كانشوف فرجلي اللي طحت عليها ومللي سمعت هدرتو هزيت راسي فيه بعينين دامعين
أنا: راه نتا اللي دخلتي فيا
أسد: (خنزر فيها) مادير خير مايطرا باس صباحاتو لله
سهام: امالكم اش واقع هنا.. ندى مالكي ابنتي
أسد: صباح لخير ماما هانا مشيت ( مشا بلاما يزيد حتى كلمة)
أنا: (يخخخخ تفووووووووو على زمر كيداير)
كان باين غادي للخدمة ومزروب لابس سروال جينز وجاكيط كحلة وسبرديلة فنفس لون الجاكيط وريحتو كاضرب منين ومنين زوين ولكن مامأدبش
سهام: افين ساهية ابنتي عطيني يديك نعاونك
أنا: (مديت يدي) سمحيلي عذبتك
سهام: لا لا نتي اللي سمحيلي وماديش على ولدي راه كان مزروب
أنا: (بصوت منخفض) هادا ولد ولا جبل اهيا ناري
سهام: نعام اش قلتي؟
أنا: لا والو غير الى كان ممكن بغيت نهضر معاك فواحد الموضوع
سهام: اهاه واخا تبعيني للجردة نهدروا فخاطرنا
خرجنا بزوج ومشينا جلسنا فواحد الطبلة وتقابلنا
سهام: عينيك وشعرك فنين الله يحفضك
أنا: (بخجل) ربي يخليك
سهام: يالاه تفضلي هانا كانسمع
أنا: المهم بغيت نطلبك واحد الطلب وماعرفتش واش تقدري تعاونيني
سهام: ألف مرحبا طلبي
أنا: بغيت نمشي للمغرب 😢
سهام: اهاه واخا عطيني غير جواز السفر والوراق اللي غانحتاجو وانا نتكلف ليك بالطيارة وكولشي
أنا: و..ولكن أنا ماعندي والو من هادشي (تفكرت ان حتى لاكارط ديالي بقات عند داك المجرم ديال مجد)
سهام: هه اه عرفت انا غانسيفط معاك الشيفور لداركم وجيبيهم
انا: ماعنديش دارنا
سهام: كيفاش؟ مافهمتش
انا: داك النهار كذبت عليك.. ماعنديش العائلة وحتى وراقي ماعنديش ماعندي والو لا جواز سفر لا حتى حاجة وحتى من لاكارط ناسيونال تلفات ليا اهئ اهئ
سهام: (الله ياربي ماعرفت شنو قصة هاد لبنت واش وصلها لهنا) بنتي كيبغيتيني ندير ليك فهادشي ونتي ماعندك حتى ورقة تتبث هويتك
أنا: اهئ اهئ اهئ😢😢😢
سهام: مشكلة هادي .. ونتي كيدرتي وصلتي هنا؟
انا: عفاك بلاما تسوليني حيت تا أنا مافاهمة والو حياتي تقلبات انا كنت عايشة فالمغرب معارفة والو على هاد لبلاد
سهام: (بشك) مممم واخا المهم حتى يجي ولدي أسد بالليل ونهدر معاه فهاد الموضوع ونشوف واش يقدر يلقا ليك شي حل
انا: (داك لغول غايحس براسو شي حاجة) اه واخا شكرا بزاف
سهام: لا ماشي مشكل المهم نوضي تفطري ومسحي دوك الدموع
أنا: وخا ..نضنا دخلنا ولقينا كلشي مجموع على طابلة لفطور.. فوزيية، لينا، سفيان، فيرجينيا، كرزة...