حب وسط الدماء

البارت 19

أنا: كيفاش تجرأتي تدفع عليا لباب ودخل واش يسحاب ليك كاينة السيبة؟
أيوب: (كايقرب ليا) علاه اللي شاف هاد الزين غايمشي بلاما يدوقو
أنا: حمار! اش هاد لهدرة دلويل؟ ووقف فبلاصتك علاش كاتقرب؟؟؟ ياك نتا مصاحب مع غزلان
أيوب: نساي عليا غزلان ولا الزمر أصلا نهار ماكدو أنا جيت على حسابك نتي ولكن هي كاطير دغيا لسقات فيا.. وكانت كاطلب مني نجي عندها هنا وكاتقولي داري مانكرش أن لحلوى ديالها بنينة لكن نتي غاتكوني نيفو طالع
أنا: لهلا يحييك حتى تفكر أنني نبغي واحد بحالك ودبا خرج عليا ولا نعيط ليك على لبوليس
أيوب: (قرب حتى لسق معايا) لكان غير نتي الله يعطيني معاك المؤبد..
بدا كايحل ليا فلحزام ديال لبينوار وأنا ندفعو وسرفقتو ومشيت كانجري لبيتي لكنه كان أسرع ....تبعني وسد لباب
أيوب: مممم بيتك زوين بحالك
أنا: (كانهددو ) شوف حدك تما ولا ....
أيوب: ولا شنو؟ غاتعاودي تصرفقيني...
تلاح عليا حتى طيحني فوق الناموسية وجا فوقي بغا يبوسني لكن كانقاومو بكل قوتي حتى شد ليا يديا بزوج وأنا كانغوت ونبكي حتى سمعت باب لبيت تفرع
أسد: هاداك الحيوان كيفاش تجرأتي تقيسها بربي حتى ليوما نحيدو لمك من الجدر........جا أسد هزو من فوقي وبدا يضرب فيه بالجهالة ماخلا فيه حتى بلاصة صحيحة.. كايضرب ليه راسو مع لحيط ويركلو المهم دكدكو مزيااان... أما أنا فبقيت جامعة رجلي عندي وكانبكي حتى سالا منو أسد وطلب من الراجل للي معاه يخرجو......اه نفس الراجل اللي كان ديما
تابعني! إذن أسد اللي مكلفو يحضيني..خرج الراجل وجر معاه داك الكلب وبقيت غير أنا وأسد فلبيت..
أسد: (جرني من يدي) نوضي معايا
نضت وأنا كانتنخصص دخلني للحمام جمع ليا شعري بقراصة وغسل ليا وجهي ومسحو ليا..
خرجني جلسني فوق الناموسية وجاب كرسي ....جلس وتقابل معايا

أسد: علاش نتي نية هاكا هاه؟ أنا من أول نهار حطيتي رجليك هنا كلفت واحد من رجالي يبقا مراقبك وكانت كاتوصلني جميع تحركاتك..أولا خليتي هاد الزامل يوصلك بالطوموبيل وزايداها كاتعطي السوارت ديال دارك للقحاب يجيو يهزو رجليهم هنا هاه؟ واش عندك شي عقل ولا ماعندكش؟ كان كايوصلني بللي ديك ختنا كاتجيب صحيبها هنا وتبقا معاه حتى كاتقربي تجي نتي.. ونتي كيف لمكلخة اللي جا يديرها بيك؟ ليوم الراجل اللي كايراقبك شافو دخل

لكن ليوم الأحد ونتي غاتكوني فالدار عليها علمني وجيت كانجري حيت عرفت غاطرى شي مصيبة هكا ..تخايلي كون ماجيتش شنو كان غايوقع جاوبي؟
بقيت غير حادرة راسي وكانسمع ليه.. كانت يدو كاترعد بالأعصاب..أما أنا فدموعي مبغاوش يحبسو
أسد: مغاتجاوبيش؟ اوكي على خاطرك هانا مشيت (ناض غادي جيهت لباب)
أنا: أسد
أسد: (حبس وبقا واقف عاطيني بالظهر بلا جواب)
نضت كانجري وأنا نلسق ليه فظهرو.. عنقتو من اللور وحاوطتو بيدي......بقيت كانبكي بالجهد ونتنخصص وهو واقف بلا حراك
أنا: اهئ اهئ سمحليا 😢😢😢😢😢
ضار عندي وعنقني بالجهههههد دخلني فصدرو وخشا راسو فعنقي وأنا بدوري بقيت معنقاه ولاسقة فية وكانبكي.. بقينا هاكاك شي 3 دقائق عاد بعدت عليه وكانمسح دموعي
أسد: (شد الذقن ديالي بيدو وهز ليا راسي) شوفي فيا
أنا: (حشمت لكن هزيت عيني فعينيه)
أسد: نتي نية وبريئة ... واش كايسحاب ليك كاع الناس بحالك؟ شفتي شحال من واحد غدرك (غمض عيني وعاود حلهم) ومنهم أنا؟ أسماء العفوية و البرائة ديالك هوما جمالك الحقيقي لكن هوما أسباب تعاستك..كوني قوية وماتبقايش تيقي
أنا: (الصمت)
أسد: المهم لبسي حوايجك ورتاحي هانا مشيت.. ويلا حتاجيتي شي حاجة راه نمرتي عندك........بدا غادي خارج من لبيت وللحظة وقف وضار شاف فيا...رجع جيهتي وأنا غير كانشوف.. تحنى وباسني بوسة خفيفة فجنب عنقي.. هز عينيه شاف فيا وبتاسم عاد خرج وسد لباب..
أنا بقيت واقفة مبلوكية وحاسة بالسخونية طلعات معايا ..علاش كايتصرف معايا هكا بغيت غير نعرف..جلست فالأرض وأنا كنحاول نرجع اللحضات مللي كان كايضرب فداك لكيدار على ودي ومللي غسل ليا وجهي ومللي كان كايغوت عليا وكايترعد ومللي تعانقنا ومللي باسني من عنقي.. ولكن هاد الأخيرة هي اللي سالات معايا..بتاسمت تلقائيا وحطيت يدي بلاصت لبوسة... احساس عمري حسيتو فحياتي...😍
أنا: هادشي اللي كتاشفت ليوم زاد أكد ليا أنه مكايناش الثقة وكلشي باغي غير مصلاحتو..غزلان اللي كنت كانقول ولات صاحبتي كانت كاتستغلني وتضحك عليا وهادشي ماوقفش هنا بل تطور لدرجة أن صاحبها بغا يتعدى عليا.. ولكن صافي غانسد عليها فمرة باش كل واحد يعرف قيمتو.....كون مكانش أسد اللي مراقبني كون...
أسد الإنسان اللي مابغاش يتفهم ليا مرة ينقذني مرة يعطيني لمجرم مرة يبوسني مرة يخاف عليا مرة يغوت عليا.... كانعيا مانحاول نفهم اش كايضور فراسو لكن كانفشل...
في_اليوم_التالي:
نضت من فراشي دوشت وفطرت.. مشيت للماريو جبدت تيشورط فالأسود ومكتوب بالأبيض مع سروال جينز مقطع من الركبة وسبرديلة فلون التيشورط..جمعت نص شعري ديل حصان والنص اللي لتحت مطلوق درت ميكاب متكون من كريم أساس ايلاينر وماسكارا وعكر فالأحمر ماط..هزيت صاكي وخرجت فاتجاه خدمتي...
غزلان: (فباب العمارة) أسماء ممكن نهضر معاك
أنا: وي بالزربة عفاك
غزلان: سمحيلي ..عاد عرفت اش وقع لبارح راه داك لحمار صونا ليا كايسب ويعاير
أنا: الى كان هو حمار نتي بغلة وماغانسمحش ليك ابنتي ودبا حيدي من قدامي ...اه ويلا وقفتيني مرة أخرى غانمشي نقول لباك هادشي اللي كاديري
غزلان: (الصمت)
خليتها مورايا ومشيت لخدمتي..دوزت النهار فلبوسط ديالي خدامة حتى وصلات 4 ..هزيت صاكي وبغيت نخرج حتى وقفني صوت المشرف على المول..
الرجل: أسماء راه مزال ماساليتي خدمتك
أنا: علاش؟ راه 4 دبا
الرجل: غانسيفطك مع الشيفور للمول الثاني تجيبيلي شي حسابات من تما..الى مكان عندك حتى مشكل طبعا
أنا: وخا ماشي مشكل..
خرجت من لمول ولقيت الشيفور كايتسناني ..ركبت معاه وهوما يدخلو جوج رجال كلسو حدايا ودارولي عصابة على عيني وشدوني مزيان
أنا: طلقوني شكون نتومااا اش هاد التبرهيش
الشيفور: بلاما ضيعي صوتك مغايسمعك حد..
بقيت كانغوت ونعاير وهوما تواحد فيهم مكايجاوبني..الطوموبيل غادة بسرعة وعييت مانتركل لكن كانو حاكميني..
أنا: اهئ اهئ غير قتلوني هنا بلاما توصلوني ليه اهئ اهئ ياربي واش أنا عمري غانعيش حياتي بحال الناس.. واش حياتي ولات فيلم ديال الأكشن....بقينا غاديين مدة عاد حبسات الطوموبيل...صافي سكتت من لبكا وأحاسيسي تجمدو وكاندعي الله مايتحيدش هاد الغطا اللي على عينيا حيت مباغاش نشوف وجه داك المجرم..هبطوني الرجال وبقاو كايتمشاو كانت الرملة بزاف..كانو مزالين شادين فيا حتى وقفنا..كانسمع صوت لبحر والبرد زعزعني..
أنا: فين أنا فين جبتوني.. بقينا واقفين حتى حسيت بيديين كايحلوليا لغطا..بقيت مغمضة عيني واخا تحيد..كان الصمت..تشجعت وحليت عيني حتى كانشوف..
أسد، كرزة، سهام،شيماء،حسام،سفيان، فيرجينيا: happy birthday Asmaaaaaaaaaae
كان شاطئ البحر.... مفرشين فيه زربية كبييرة فوق الرمل..والوسط طابلة كبيرة وطويلة فيها بزاف دالماكلة وgateâu لوسط ..كانو كلهم واقفين مبتاسمين وكايشوفو فيا..وأنا واقفة مصدومة
أنا:(طحت على ركابيا) اهئ اهئ اهئ
سهام: (جات عندي) بنتي سمحيلينا على لخلعة اللي خلعناك حنا بغينا نديروليك مفاجئة ماتنسايهاش
أنا: خفت بزاف اهئ اهئ
سهام: اجي معايا وغانعوضوك ...
تقدمت أنا وياها لعندهم.. كانو موجدين ليا مفاجئة لعيد ميلادي اللي أنا براسي معاقلاش عليه وعمري حتافلت بيه
أسد: كانتمنى تكون عجباتك المفاجئة وكانعتاذر على الخوف اللي تسببت ليك فيه
أنا: ماشي مشكل وشكرا بزاف حيت تفكرتوني.. ولكن باش عرفتيه بللي ليوم
أسد: شفتها فلاكارط ديالك
أنا: ااه 😍
فرحت بزاف حيت تفكروني وشفت سميتي فلgateau للحظة حسيت أنهم عائلتي اللي ماعنديش..بعدما هضرت مع مدام سهام وأسد..جاو عندي سفيان وفيرجينيا باركو ليا وعطاوني كادو وجات شيماء أخت أسد حتى هي عنقاتني وعطاتني كادو وحتى الدري اللي كان معاهم واللي قالولي أنه سميتو حسام..كلشي باركلي الا شخص واحد اللي هي كرزة....شفتها بعيدة علينا وقريبة من لما..
أنا: (وقفت حداها) مناوياش تباركي ليا؟
كرزة: بعدي مني
أنا: واش مقلقة مني؟
كرزة: لا، مقلقة من راسي
أنا: علاش؟
كرزة: مللي غبرتي يسحاب ليا هربتي بلعاني..كرهتك ونسيت الصحبة
أنا: كاتقوليها بوجهك حمر
كرزة: لا زكي اللي حمر😒 وا أنا باش غانعرف.. راه عاد عاوداتلي مدام سهام ظروفك...
أنا: مممممم واخا
كرزة: هبطي عندي
أنا: علاش نهبط
كرزة: هاد الخرية هادي.. وا هبطي
أنا: (تحنيت عندها) هانا
كرزة: (عنقاتني بالجههههد) اهئ اهئ سمحيليا كانبغيك بزاف
أنا: (غرغرو عينيا) حتى أنا كانبغيك ا حب لملوكة ديالي😢
كرزة: توحشتك... المهم عيد ميلاد سعيد وكل عام ونتي أكبر قحبة😂😂
أنا: 😒
كرزة: بغيت نقول كل عام ونتي أحسن أسماء وهاكي لكادو
أنا: شكراااا كبيدة
كرزة: وايالاه نمشيو عندهم باش توكلينا لحلوة
أنا: أنا بغيت ليك غا شي عزي هو اللي ياكل ليك الحلوة ويوكلها ليك😂
كرزة: قودي ا زمر تفو .. وايالاه يالاه
مشينا فين كاينا الطابلة وطلبو مني نطفي الشمعة اللي كانت على شكل 20 سنة.. طفيتها تحت تصفيقاتهم وقطعت لكاطو..تصورنا مجموعين وجلسنا كاناكلو ونضحكو ..فعلا دازت عشية زوينة بزاف ..كنت فينما كانهز راسي كانلقى أسد كايشوف فيا ..وتروني شوفاتو..المهم بقينا تما حتى كلشي بغا يمشي للدار مع العلم أن الحفلة كانت مورا قصر عائلة أسد...جاو الخدم بداو يجمعو كلشي وكرزة هزات لكادوات وضرباتها بجرية هههههه غادة تحلهم المسخوطة..أنا يالاه بغيت نتبعهم وهو يوقفني صوت أسد
أسد: أسماء ، ممكن تجي معايا
أنا: واخا.....
مشيت أنا وياه ..هو غادي وأنا تابعاه حتى وقف جنب لبحر ..ربع يديه وبقا كايشوف فلغروب وأنا كذلك
أسد: عيد ميلاد سعيد.. كانتمنى يدخل عليك هاد العام بالفرحة والسعادة اللي تحرمتي منهم فحياتك كاملة
دمعو عينيا حيت كلامو بصح أنا حياتي كاملة وأنا محرومة من الفرحة
أنا: شكرا
أسد: (وقف مورايا) هزي شعرك
أنا: علاش
أسد: غير هزيه
هزيت شعري من على عنقي وهو يديرليا سنسلة بيضة ورقيقة ..كانت فيها واحد الفراشة صغييرة فالأسود...
أنا: (كانشوف فيها) عجباتني بزاف
أسد: كنت عارف بصحتك..وراه جات معاك
أنا: (مربعة يدي وكانترعد بالبرد) الله يعطيك الصحة..
شفت أسد حيد لافيست ديالو ودارها عليا يالاه بغيت نهضر وهو يغمض عينيه وعاود حلهم زعما مكاين مشكل..كانت ديك لافيست فيها ريحتو اللي دوخاتني ريحة رجولية 😍
أسد: المهم يالاه نمشيو للدار راه لبرد هنا..ولا بغيتي تبقاي؟
أنا: لا لا يالاه نمشيو راه كرزة غاتكون ستولات ليا على لكادوات
أسد: هههههههههههه
بدا أسد كايضحك وأنا كانشوف فيه ناااري على فيم ا ميييمتي هبلني ...
أسد: والله حتى مزال برهوشة😂
أنا: الله يكثر خيرك
أسد: غير ضحكت معاك (جا حدا وذني) باراكة غير لكادو اللي فعنقك😉
أنا: (حشمت) مشينا؟
أسد: يالاه
دخلنا للدار وأنا عينيا كايقلبو غير على كرزة.. أسد حابس الضحكة بزز حيت عايق بيا شاداني الدودة على الكادوات
أنا: فاطمة ماشفتيش كرزة
أسد: ههههههههههههههههه😂😂😂
أنا: (خنزرت فيه) قولي؟
فاطمة: شفتي البيت اللي كنتي فيه.. راه بيتها هو اللي لاسق عليه
أنا: اوكي شكرا
أسد: جري جري😂
فتحت لبيت...كانو غير لكادوات محطوطين فوق ناموسيتها أما هي مكايناش
أنا: واديك الزمرة واخرجي لينعلدلمك..هازا لكادوات وسابقانا كاتجري ياكما خلاهم ليك باك ... وا هضري فينك الخرا...قلبت عليها فالدوش وتحت الناموسية ولبالكون والو السيدة مكايناش..هبطت لتحت كانقلب عليها و وااالو
أنا: (هبطت) فاطمة واش متأكدة أن كرزة مشات لبيتها
فاطمة: اه راه سبقاتكم هازة شي كادوات طلعات كاتجري للبيت من تما ماشفتهاش
أنا: مالقيتهاش... فين غاتكون مشات
سهام: بنتي مالكي علامن كاتقلبي
أنا: والو غير كرزة مكايناش عييت نقلب
سهام: ياء... هاديك راه فريفرة دبا تكون غافشي قنت المهم كيجاوك لكادوات؟
أنا: مزال ماشفتهمش
سهام: ايوا بصحتك احبيبة وكانتمنى تكون عجباتك الحفلة
أنا: زوينة بزاف لهلا يخطيكم
سهام: اجي جلسي معانا فالصالون
أنا : واخا...
مشيت جلست معاهم فالصالون كنا كلنا مجموعين الا فوزية ولينا وكرزة.. فوزية ولينا مشاو لأمريكا على ود شي خدمة ديال لينا أما كرزة فاقلبي مامرتاحش من جيهتها ماعرفتها فين تالفة
أنا: خالتي.. راه ساعة وحنا جالسين وكرزة مبانتش
سهام: اواه.. فين غاتكون مشات هادي بلاتي نصوني ليها (كاتصوني) والو تيليفونها طافي
سفيان: وايلي فين كرزة نيت راه بانتلي غابرة من لحفلة
شيماء: بلاتي نسول العساس واش خرجات (ناضت خرجات)
أنا: بفف كاطير هاد البنت الله يهديها ...
شيماء: راه سولتو وقالي بللي دخلات هازة لكادوات وبعد 2 دقايق عاودات خرجات كاتجري .. فين مشات هادي فهاد الظلام..
سهام: فيها هاد لفعايل لباسلين عييت مانهضر معاها
أنا: المهم أنا غانمشي لداري راه الليل هادا ومللي تجي قوليها غا بلاما تعاود تهضر معايا..
أسد: (هابط من الدروج) أنا نوصلك..
ودعتهم كاملين بالتعناق وعاودت شكرتهم على الحفلة ..جابت ليا فاطمة لكادوات وخرجت أنا وأسد ركبنا فالطوموبيل..كنت عيانة بزاف حيت من لخدمة للحفلة غادة وعينيا كايتسدو
أسد: (كايفيقني) أسماء راه وصلنا
أنا: (مقلوبة) أوكي شكرا تصبح على خير..
نزلت وانا دايخة طلعت نيشان للدار بدلت حوايجي وتلاحيت نعس...
في_الصباح:
أنا: ألو..وا ألو
الشخص: ماتواحشتيش صاحبتك نص كوميرة
أنا: كيفاش؟ شكون معايا
الشخص: كرزة غاتموت سمعتي ويلا مابغيتيش هادشي يوقع خصك ديري اللي كانقولك..
أنا: شكون نتا وكيفاش كرزة غاتموت
الشخص: كرزة هاهي معايا ويلا بغيتي تعتقيها من لموت خصك تجي فين غانقولك.. ويلا مشيتي حتى علمتي لبوليس ولا شي واحد من عائلة أسد غير ترحمي على صحيبتك
أنا: (كانترعد) كذاب باش غانعرف أن كرزة عندك
الشخص: وخا.. هيه حل ليها فمها
كرزة: أسماااااااء اهئ اهئ عتقيني عفاك راه كايضربوني اهئ اهئ
أنا: كرزة.. مايمكنش😢 الو الوووو
الشخص: اشنو قلتي دبا
أنا: عطيني لعنوان
الشخص: قيدي عندك ... دبا عجبتيني..
أنا: اوكي هانا غانجي ويلا مشيتي حتى قستي شعرة منها غاندمك سمعتي
الشخص: هههههه واخا اجي وديك الساعة ندميني (قطع)
الله ياربي اش هاد المصيبة ثاني؟ شكون هذا ولاش خاطف كرزة؟ ومصوني ليا أنا بالذات اش بغا مني...
نضت تالفة ماعرفت ماندير عاودت لبست لحوايج دلبارح بالدوخة وشعري بقا مطلوف كيما فقت بيه.. ماكليت والو غسلت غير وجهي وهبطت كاندردك ومعايا داك العنوان..
هبطت كانجري لشارع شديت طاكسي وطلبت منو يوصلني لداك العنوان..بقيت غادة وكانترعد لكن قلت هاد لمرة خصني نكون قوية ونعتق كرزة..بقينا غاديين طريق طويلة عاد حطني فواحد لخلا وقالي بللي هادي هي لبلاصة..خلصتو ومشا....بقيت واقفة تما كانضور فعيني حتى جاو شي رجال بسيارة كحلة جروني ليها وزادو..نزلنا قدام واحد الدار مصايبة من لخشب وفبلاصة كاتصفر..بقاو دافعيني حتى دخلوني لداخل....شفت راجل جالس وعاطيني بضهرو....ومللي هضر عرفتو بسرعة وماتفاجئتش..
مجد: حبيبة تعطلتي..اوووف واش حتى نخطفو لأقزام ونعطيو للشمايت يهددوك عاد تجي عند راجلك
أنا: فين كرزة ولاش خطفتيها
مجد: (دار عندي) ايوا راه كنت مراقبك كانتسنى لفرصة باش نجيبك عندي لكن داك لحقير تاهو كان مراقبك...و لبارح قتلت داك اللي كان غير تابعك ههههه هنيتك منو....وشفتك مللي كانو محتافلين بيك..لاحظت أنك كاتبغي ديك نص ميترو عليها لويت ليك يدك بيها
أنا: شماتة وغاتبقا ديما شماتة
مجد: (صرفقني حتى طحت) وشكون الراجل؟ هو داك أسد ولا مانعرف..هاداك راه هو رئيس المنظمة..علاش ماكرهتيهش كيما كاتكرهيني
أنا: رئيس المنظمة؟
مجد: ههههه اه أسد هو لبوس اللي كايعطينا لأوامر وحنا كانفدو ونقتلو بنادم
أنا: مايمكنش ولكن راه هو... لا مايمكنش
مجد: ماعلينا ا حبيبة لمهم يالاه نوصلك لبيتك
أنا: شوف راه مغانسمحش ليك تعاود معايا نفس لفيلم طلق كرزة وخلينا نمشيو..
مجد: هههههههه شفتك بحالا كاتهضري من نيتك...ديك لقزمة راها لتحت مع لفيران ماعندك ماديري بيها.. نتي دخلي لبيتك الزوين ورتاحي
أنا: شنو باغي من هادشي كامل
مجد: تكوني ديالي....
#عند_أسد:
أسد: واش ماشفتيهاش معاياش خرجات
عبد السلام: لا اولدي أنا يالاه خرجت عاد دابا..
أسد: والراجل اللي كايكون مراقبها ماشفتيهش؟
عبد السلام: من لبارح مبان ليا..
أسد: اوكي شكرا (كايجري وركب فالطوموبيل) فكرة أنني ندير لGPS فسنسلة اللي عطيتها لبارح هي للي غاتنفعني ليوم يمكن...
حدد أسد مكان أسماء من خلال GPS اللي حاطة فعنقها على شكل سنسلة..وقرر أنه يمشي بالزربة بلا الاستعانة برجالو.....بقا غادي متبع الإشارة حتى وصل غير لخلا وتما عرف أن القضية خطيرة..نزل من طوموبيلتو وبدا يقلب بعينيه ..جبد تيليفونو باش يتاصل برجالو حتى نزلات عليه حديدة للراس الشي اللي خلاه طايح غارق فدماياتو...
***************** ************** *********
أنا: بغيت غير نشوفها
مجد: بفففف
جرني مجد حتى هبطني تحت الدار كان الظلام وصوت لفيران كايتسمع مخلط مع صوت أنين ..صوت كايتألم
أنا: كرزة اهئ اهئ كرزة فينك
كرزة: ممممممم ممممممم (فمها مسدود)
شعل مجد الضو اللي كان خفيف... شفت كرزة مربوطة مع كرسي ومضروبة فوجها اللي كان صفر...
أنا: (مشيت عندها) كرزة واش نتي لباس (حليت ليها فمها)
كرزة: اهئ اهئ شكون هادو ا أسماء وعلاش خطفوني مالي أنا اش درت .... اللي جا يعطيني للوجه ومخليني بالجوع ولعطش..
أنا: (كانمسح ليها دموعها) صافي متخافيش أنا غانخرجك من هنا كنواعدك..
مجد: هههههههههههههههههه الى قدرتي تخرجي غا خرجيها...
أنا: نتا راك حمق سمعتي نتا حمممممق
جا مجد رجع سد لكرزة فمها وطفا الضو....جرني حتى طلعني وسد عليها لباب..
أنا: واش حماقيتي راه لبنت غاتموت تما..مشكلتك معايا أنا هي علاش معذبها هكاك
مجد: وراه أنا جبتها هنا باش تموت مالي جبتها دوز عطلة
بقيت كانغوت ونضرب فوجهي ونضرب فيه حتى جاني انهيار عصبي وطحت على طولي...
كرزة: (فنفسها) ياربي واش هذا أسد اللي ربطوه حدايا..اوييييلي ومالو عامر دمايات ياكما مات اهئ اهئ ...واش تاهو خطفوه؟ وشكون هادو؟ بغيت غانعرف شنو كايطرا معانا..
بعدما أسد وصل باش يقلب على أسماء ضربوه رجال مجد وداوه فين رابطين كرزة...كانت ضربة خايبة اللي خلاتو يبقى فاقد لوعي مدة طويلة...
********** ******* ************ *********
مجد: نوضي باش تشوفي شكون جا عندنا
أنا: (كانفتح عيني بصعوبة)
مجد: (جرني من لفراش) اجي معايا..
هبطني مجد وهو جارني من يدي وأنا مزال دايخة حتى هبطنا فين كاينة كرزة..حل لباب وشعل ضو وتما بقيت مصدومة حيت شفت أسد مربوط ومليوح فالأرض..كان وجهو عامر دم وفاقد الوعي..
أنا: (مشيت نجري عندو) أسسسسد اهئ اهئ واش قتلتيه المجرم هضر اهئ اهئ أسد فيق😢😢😢😢
مجد: (تعصب وعروقو خرجو) علاش كاتبكي وخايفة عليه هاه؟ راه هو اللي جا عندي برجليه وهاهو جابها فراسو..
أنا: كانبكي عليه حيت راجل عليك ا شماتة تفووووو عليك الحيوان القتال
مجد: اييييه واخا....
جا مجد وجاب قنبات ربطني من يدي ومن رجلي وزاد ربطني مع أسد ... مادرت حتى ردة فعل وكانحاول نعرف واش أسد حي ولا ميت..
مجد: أنا كانبغيك وباغي نعيشك أميرة ولكن نتي باغا هادا ... اوكي بقاي معاه... غانعذبك حتى تولي تبوسي الرجلين وطلبيني باش تكوني معايا
أنا: ههههه وخا نموت ومايوصلش هاد النهار
مجد: هاحنا غانشوفو (خرج وسد لباب)
بقيت جالسة فالأرض مربوطة وملاسقة أنا وأسد بالضهر...ماكنتش كانشوف وجهو حيت مربوطين بجهة معاكسة...كانت مقابلة معانا كرزة اللي كانت ناعسة والعيا باين على وجهها...الظلام وكانسمع غير التوزويز ديال لفيران..
أنا: أسد (كانحركو) أسد فيق واش كاتسمعني اهئ اهئ أسسسد....
عييت مانعيط ليه ونحرك فيه لكن والو كان مرخي بحالا ميت..بقيت جالسة شي ساعة وأنا كانبكي فصمت حتى بديت نسمع أسد كايكحب بشوية...
أنا: أسد أسد واش فقتي جاوبني عفاك
أسد: راسي ... (كايتألم) أسماء واش هادي نتي اللي ملاسقة مع ضهري
أنا: اه أنا.... واش راسك كايضرك
أسد: بزاف
أنا: اش جابك لهنا نتا..
أسد: الراجل اللي دايرو باش يراقبك كانتاصل بيه مكايجاوبش تشوشت ومشيت لدارك باش نشوف اش واقع ساعة مالقيتكش...فقررت أنني نتبع GPS اللي داير ليك باش نوصل عندك
أنا: اشمن GPS عندي
أسد: فالسنسلة اللي عطيتك لبارح
أنا: تاحاجة ماكاتزكلها؟
أسد: سري أنا للي تابعك .....اجي بعدا واش داك الشماتة هو اللي خطفك وجابني هنا
أنا: اه
أسد: كنت عارفو غايديرها..ولكن كيفاش حتى خطفك
أنا: راه خطف كرزة... وتاصل بيا وطلب مني نجي مقابل يطلق كرزة
أسد: واش نتي حمقة علاش ماعلمتينيش واش حياتك رخيصة عندك هاه
أنا: راه هددني الى قلتها ليك غايقتلها..
أسد: فين هي دابا؟
أنا: هاهي معانا هنا ...مربوطة قدامي
أسد: حقير هاحنا غانشوفوه فين باغي يوصل..
أنا: أسد
أسد: شنو
أنا: واش بصح نتا رئيس المنظمة اللي كاتاجر فالأعضاء البشرية
أسد: اه هو أنا
أنا: 😨