حب وسط الدماء

البارت 14

الشخص: (بالإنجليزية) fuck المعاقة واش ماكاوشوفيش تفو على أشكال
سمعت هاد الصوت برد ليا لما فالركابي حيت كان صوت سكينة اه صوتها عمري نساه ..كانت جالسة فالأرض وعاطياني بالضهر وشعرها الزعر ماخافيش عليا قلبي بدا يضرب بالجهد وعرقت ..شفتها بدات تنوض وانا نتخبا وسط شي حوايج كانو معلقين
كرزة: (ناضت وقفات) انا معاقة يا لقحبة الله يحرق أصل مك ياطاوالة عوراجة
سكينة: سدي فمك ولانعفس عليك نبجغك
كرزة: الى كنتي لالة ومولاتي ديريها..(كاتغوت) ندى .. ندى
انا: (الحمد لله مللي كذبت فسميتي ) بقيت ساقلة
كرزة: او فين مشات هادي (شافت فسكينة اللي كاتقاد حوايجها) هههههه لاش كاتقادي حوايجك وهوما غايعاودو يحيدوهم ليك
سكينة: معاقة ماغانديرش فيك راسي ..... ضربات فكرزة ومشات
كرزة: الله يخليها سلعة لواسعة اللي ولداتك... فين ديك الصكعة ياكما تلفات يا ميمتي
من بعد ماتأكدت ان ديك القتالة مشات خرجت عند كرزة وأنا دايرة لقب على راسي وكانتلفت فجنابي
كرزة: هاا ويلي تي مالك تشوفي فجنابك ياكما سرقتي شي بياسة
انا: لهلا يحييك ... مالكي مع ديك لبنت
كرزة: بنت! هاديك راه طبونها يصطاسيوني فيه رموك قاليك بنت.. هادوك الأشكال أنا اللي عارفاهم .. ماشفتيهاش طيحاتني وسباتني من لفوق اللهم معاقة ولا قحبة
انا: صافي صافي اصاحبتي يالاه نخرجو من هاد المول عافاك
كرزة: اويلي علاش؟ حنا يالاه دخلنا
انا: عافاك اكرزة اول مرة نطلبك عافاك خرجيني من هنا
كرزة: وخا واخا يالاه
بقينا غاديين جيهت لباب وانا مزال دايرة لقب وماكانهزش راسي حيت الى مشات حتى شافتني سكينة غير نشهد على راسي...خرجنا ومشينا وقفنا حدا الطوموبيل...حليت لباب ودخلت جلست عاد تنفست
انا: (كانتنهد) اوووووف الحمد لله
كرزة: ندى مالكي؟
انا: والو غير ماكانرتاحش للبلايص لعامرة
كرزة: حرمتي عليا لخرجة الله ياخد فيك الحق.. هانا غانصوني للمدام نقوليها حنا هنا
انا: شوفي راه مزال مانسيت لعضة ديري عقلك ولا ماغاتعرفي الدقة منين تجيك
كرزة: صافي صافي يخ... صونات للمدام وتسنيناها شي 10 دقائق عاد جات عندنا
سهام: لبنات يسحابلي غاتعطلو بزاف ساعة جيتو بكري.. لمهم اش شريتو
كرزة: هه اش شرينا؟ اللي تخرج معاه هادي يشري
سهام: كرزة حشومة علييييك.. ندى علاش ماشريتو والو
انا: غير ماعجبنا والو وضرني راسي شوية عليها خرجنا
سهام: ماشي مشكل حتى نرجعو مرة خرا
ركبنا فالطوموبيل متوجهين للدار والطريق كاملة وانا كانتخايل كون شافتني سكينة شنو كان غايوقع.. فعلا ركبو فيا الخوف دوك المجرمين حيت داكشي اللي عشت ديك الليلة عمري نساه فحياتي.. ومللي شفتها ليوم تملكني خوف أكبر وقررت عمري نعاود نخرج من الدار حتال النهار اللي نكون غادة راجعة لبلادي..
#في_مكان_آخر:
ماكس: فيناهيا كاطا راه مابقا والو ويوصل الرئيس واش بغيتوه يقتلني بوحدي بسبب غلط درتوه نتوما
مجد: هاهي جاية مابقا ليها والو وتوصل
سكينة: (داخلة مزروبة) اوووف سمحولي تعطلت بعدا مزال ماوصل الرئيس
ماكس: لا موتنا مزال ماوصل
سكينة: بببف صافي اشاف بلاما تكمل علينا..
بقاو ماكس ومجد وسكينة كايضورو فديك الغرفة اللي كانت هي غرفة الإجتماعات اللي كايقرروا فيها أعضاء المنظمة حتى دخل عليهم رئيس لمنظمة
الرئيس: (دخل بعجاجتو وتوجه للمكتب جلس فلكرسي وعطاهم بالضهر) عندكم 5 دقائق قولو اش بغيتو واشمن مشكل وقع راه ماعنديش لوقت ليكم
ماكس: (بارتباك وكايمسح لعرق من على جبهتو)..... بوس (رئيس) فلحقيقة راه ماشي انا راه هاد الجوج هوما اللي...
سكينة: لا لا ماشي أنا راه ليو هو اللي..
الرئيس: اووووووووووف هضرو من لخر ولا خرجو عليا من هنا
مجد: بوس كنا فلمغرب وتما تعرفت على واحد الضحية وجبناها هنا باش نديرو خدمتنا و...
الرئيس: وشنو كمل...
مجد: هربات منا ومزال لحد الآن مالقيناهاش
ضار الرئيس عندهم وضرب فالطبلة
الرئيس: كيفاش هربات؟ ياك كاتربطوهم؟ وكيفاش مالقيتوهاش؟
سكينة: راه مجد فكها باش تاكل ومعرفنا كيفاش حتى هربات وبقينا النهار كامل وحنا كانقلبو عليها ولكن غبر ليها الأثر
الرئيس: كيفاش تاكل؟ واش نتا مريض .. حنا كانجيبوهم باش نحيدو أعضائهم ونتا داير لمستودع أوطيل.. اشمن مستودع بعدا هربات منو؟
ماكس : ديال منطقة ........
الرئيس: منطقة.......؟ امتا هادشي؟
مجد: هادي شي 5 أيام
الرئيس:5 أيام!!!!!! وصفلي هاد البنت
سكينة: (بتعجب) طويلة ورقيقة ..شعرها طويل وقهوي..عينيها رماديين.. راها مغربية
الرئيس: (من تحت سنانو) مايمكنش
ماكس: اش قلتي!
الرئيس: كيفاش تجرأ تسولني هاد السؤال الكلب.. واش علمتو الزعيم (الرئيس الثاني للمنظمة) ؟
ماكس: لا مزال
الرئيس: بلاما تعلموه حيت الى عرف غايقتلكم كاملين..انا مغانوسخش فيكم يدي ارباعة لمكلخين..انا غانكلف رجالي يقلبو عليها ويجبدوها فينما كانت حيت راه هاد البنت كاتشكل خطر كبير على لمنظمة..عطيوني شي صورة ديالها
سكينة: (عطاتو صورة مجد أسماء) هاهي ا سيدي
الرئيس: (شدها وشاف فيها) هانا مشيت وعنداكم ديرو شي حماق اخر ولا هاد لمرة بربي لارحمت شي كلب فيكم...(خرج وردخ الباب)
سكينة: واش شفتو داكشي اللي شفت😨
مجد: الرئيس غايتكلف شخصيا بهاد المهمة؟
ماكس: غريب هو ماعمرو دخل فخدمتنا عن قرب ودبا قرر يشارك فيها
سكينة: ههههههه مشيتي فيها الحشرة (على أسماء)
ماكس: صافي سدو عليا هاد الموضوع وسيرو لداركم اجبادين المشاكيل..خليتوه يحل علينا ففمو ويسب فينا
مجد: الحمد لله مللي غاسبنا كون كان الزعيم كون قطعنا طراف
سكينة: ناري فكرتيني فالتقطاع
ماكس: وياك تفكري فالقتل دابا ولاشي عملية راه حنا دبا فخطر ماحد ديك البنت مزال هاربة..
#في_الفيلا:
سهام: بنتي ندى طلعي لبيتك ترتاحي وراه من دبا شوية غايجي عندك الطبيب باش يشوف رجليك
انا: راه ولات مزيانة😊 المهم هانا طالعة شكرا
طلعت لبيتي ومشيت جلست فكرسي فلبالكون وبقيت نتمنظر فالجردة حتى بانتلي شي طوموبيل دخلات مكسيريا وخرج منها ولد المدام وردخ الباب باينة فيه معصب
انا: اه اه اه ياربي السلامة على بنادم مللي شتو وهو منفخ غابوجدو ....(سمعت الدقان فالباب)....دخل
الطبيب:(بالنجليزية) hello miss Nada how are u today (سلام انسة ندى كيف حالك ليوم)
انا: (الحمد لله هادشي قارياه فالتاسعة) hi, i m fine thank u (سلام انا لاباس شكرا)
قرب لعندي وطلب مني نعطيه رجلي... حل لفاصمة وقلبها ليا وباين من ملامحو أنها مزيان.. بدل ليا لفاصمة وعطاني واحد الرشاشة نبقى نرشها عليها..ومشا
انا: نااااري خصني نقول لكرزة تعلمني الانجليزية كانحس براسي مكلخة وأمية.....يالاه بغيت نرجع لبلاصتي فين كنت جالسة حتى تحل لباب بالجهد..ضورت وجهي
انا: (باستغراب) علاش حليتي لباب بلاما دق
أسد: هادي داري وندير فيها اللي بغيت
انا: واخا سمحلي
أسد: شنو سميتك؟
انا: (بارتباك) ندى
أسد: متأكدة؟
انا: (اناااري مال هادا) اه متأكدة
سد لباب ومشا وخلاني واقفة بلاكة بحال ديما....
انا: هذا مالو ؟ يمكن غاتكون مدام سهام هضرات معاه! ولكن هو عاد بان ليا دخل.. يضبر راسو المهم غير يشوف كي يدير يرجعني للمغرب... بقيت جالسة بوحدي وجاني لملل قررت نوض ندير شي تخربيقة.. نضت للدوش دوشت وخرجت مشيت هزيت السوشوار وصايبت شعري وجمعتو..حليت لماريو وجبدت سروال جينز طاي هوت مقطع من الركابي وتريكو قصير كايبين لكرش شوية فالبني بارد وسبرديلة فلبيض..لبستهم وجاوني لاسقين مع الأرداف والصدر واقف..او وخا السروال طاي هوت بقات كاتبان كرشي شوية..مشيت قدام لمراية..درت لشعري ديل حصان والنفيخة من القدام..كنت غانوض وهو يبانلي المكياج قلت نتفلا شوية..درت كريم أساس وماسكارا واي لاينر خفيف وعكر فالبني بارد جيت فنة (شكار راسو😂)
كرزة: (داخلة مدرمة) ن.....ن...ندى 😨😨😨😨 بنت لحرااااااااام
انا: اويلي مالكي
كرزة: ناري صدمتيني فيك جيتي فنننننننننننة (خالتها لحزارة😂)
انا: نياهاهاهاها (فخاطر لادا) بصح بصح
كرزة: والله اجي اجي لميييمة هبطي نفقصو ديك عوجة الطرمة ديال لينا راها لتحت
انا: لا لا لا ختي خليني غاهنا كانهبط كايشبعو فيا غا حشيان الهدرة
كرزة: وهاكي (عطاتها الصبع) ماتعرفيش تفقصيها تانتي
انا: اش بيني وبينها ؟ نفقصهم وانا فدارهم برانية
كرزة: اه اه شحال فيك تانتي وازيدي الخرى زيدي (جاراني)
هبطنا وكرزة جاراني بزز حتى وصلنا للصالون اللي كان فيه سهام وأسد وفوزية ولينا وسفيان
انا: (حسيت بالحشمة ووجهي سخن )
جلساتني كرزة وجلسات حدايا وبدات ضور فعينيها اما لينا فبقات كاطلع فيا وتهبط.. مدام سهام بتاسمات ليا .سفيان مشغول فتيليفونو..أما أسد فكان كايشوف فيا بنظرات مامفهومينش وخلعني بشوفاتو اللي كانت فعيني مباشرة
لينا: ماما راه غدا عندي العرض مع الشركة ديال الاشهار اللي قلت ليك😀
فوزية: (كاتقرى فمجلة) بصاااح ايوا الله يكمل الغزالة ديالي
لينا: أسد مزال عند وعدك ليا أنك غاتوصلني لمقر الشركة
أسد: (كايهضر وكايشوف فأسماء) انا شركة.. اه الشركة اللي قلتيلي لا غدا مشغول راه الشيفور يوصلك
لينا: (مرضااااتش) اهاه واخا شكرا.. ناضت طلعات لفوق
سهام: (غمزات أسماء) ولدي أسد ممكن تجي معايا بغيت نهضر معاك..
أسد: واخا ماما يالاه
أنا: (غمزاتني يمكن بغات تقولي انها غاتهضر معاه فموضوعي ياااااا ربي يقبل يعاوني ..)
ناضو مشاو وأنا بقيت حانية راسي حتا هضرات كرزة
كرزة: جاني الجوع يالاه معايا للكوزينة
انا: واخا
مشينا للكوزينة اللي كانت روعة.. كبيييييرة وتتجمع بين اللونين الأحمر والأبيض ...خارج منها لاطيراس للجردة وفيها 2 خدامات بلباس موحد
الخادمة : كرزة اش خصكم
كرزة: ممممممم بغيت سونديش وعصير لافوكا ..ونتي اندى
انا: غير عصير بحالك صافي
مشينا جلسنا فكراسة تما نيت والخدامة تاتوجد لينا
انا: كرزة لينا فاش خدامة
كرزة: كادير إشهار ديال المواد التجميلية 😏
انا: ااااه
جابو لينا العصير والسوندويش لكرزة..بقينا نشربو ونضحكو شي 15 دقيقة حتى سمعت المدام سهام كاتعيط ليا ...
انا: نعام اخالتي سهام
سهام: تبعيني...
تبعتها للغرفة ديالها اللي كانت كبيرة وزوينة بزاف كانت فالباج والبني ..غرفة راقية
سهام: تفضلي جلسي
انا: (جلست) شكرا
سهام: المهم راه هضرت مع ولدي أسد على طلبك ومشكيلتك.. وقال بللي صعيب ولكن غايحاول يصايب ليك هوية مزورة وخا هادشي ضد القانون وخطير ولكن أنا طلبتو بزاف حتى قرر هاد القرار وقالي على مسؤوليتك.. وانا ا بنتي عزيتي عليا وبنتيلي بنت الناس عليها قررت نعاونك ودبا هزيت على عاتقي مسؤولية كبيرة وخا نتي رفضتي تعاوديلي قصتك ..
انا: (بعنين دامعة) شكرا شكرا بزاف عمري نسا خيرك ومعاملتك الزوينة ليا وتعاونك معايا والثقة اللي درتي فيا اهئ اهئ
سهام: لا لا ماشي مشكل غير هو مانبغيكش تندميني على هادشي زعما..
انا: زعمة شنو؟
سهام: يكون عندك شي مشكل مع البوليس ولا شي حاجة
انا: لا لا كانقسم ليك بالله ماعمري درت شي حاجة خايبة أنا كنت ضحية ودبا باغا نرجع غير لبلادي
سهام: وخا المهم أسد بحكم خدمتو راه عندو معارف اللي يقدرو يعاونوه وقالي على الأغلب من هنا لأسبوع يوجدو ليك لوراق
أنا: أسبوع! حشمانة منكم بزاف حيت جالسة ليكم هنا وعاد زايداكم بمشاكيلي 😢
سهام: بالعكس عمرتي علينا وماتعاوديش تقولي هاد لهدرة راني حاسباك بحال بنتي (دمعو عينيها)
انا: حقا فين هي بنتك ؟ راه كرزة قاتلي أسد عندو أخت
سهام: (كاتلف الهضرة) اه المهم هانا غانوض نرتاح وحتى نتي سيري رتاحي ...(الدقان فالباب)
سهام: دخل
كرزة: مدامتي الزوينة بغيت نطلبك طليبة
سهام: ههه شنو
كرزة: واخا نخرج أنا وندى نتمشاو ونرجعو
سهام: لا ندى ماغاتبقاش تخرج....(شفت فيها أنا وكرزة بصدمة)
سهام: أسد طلب مني مانخليهاش تخرج وأكد عليا بزاف ماعرفتش علاش
انا: (اويلي هادا مالو معايا...تفكرت سكينة ومجد) اه اه حتى انا ماباغاش نخرج غاخليني هنا
كرزة: يخخ اوكي
خرجت من بيت المدام وانا فرحانة حيت من هنا سيمانة غانرجع للمغرب وفنفس لوقت كانفكر أنه ماعندي فين نمشي حيت مانقدرش نرجع عندي مي رقية...ومستغربة من أسد اللي أكد على ماماه أنها ماتخلينيش نخرج..مابقيت فاهمة والو
خرجت للجردة وكان بدا يظلام الحال جلست بوحدي فواحد الفوتوي على شكل أرجوحة وبقيت كانشوف فلابيسين...
أسد: اش داك لداك لخلا ديك النهار؟ كنت دايز راجع من السفر حتى بنتيلي مرمية فجنب الطريق وهبطت نشوف اش كاين..لقيتك كاترعدي وغايبة على الوعي وحالتك حالة بالدم  ..اش وقع !
أنا: (ضرت لقيتو واقف حدايا وكايشوف فالسما ويديه فجيوبو.. لابس كيطمة فلأسود وشعرو مخربق بطريقة مثيرة وريحتو المألوفة سابقاه) والو غير كنت تالفة
أسد: برهوشة وكذابة
انا: حتارم راسك شوية.....قرب ليا وشد فكي بيديه وورك عليا ومخرج فيا عينيه
أسد: نحتارم راسي؟ شكون اللي خصو يحتارم راسو أنا ولا نتي؟ غادة للخلا يعلم الله شنو كنتي كاديري ومعامن كنتي ههه لعبو فيك حتى عياو ولاحوك ودبا جاية تهضري على الإحترام!
أنا: (دمي بدا يغلي بالأعصاب والدموع تحجرو فعيني ونترت يدو من على وجهي ووقفت) كيفاش تجرأتي تقول عليا هاد الهضرة شنو كايسحاب ليك راسك وفين كاتعرفني باش تحكم عليا هاه؟ ولا غير حيت عندك هاد القصر وهاد الطوموبيلات يمكن ليك تقول اللي بغيتي! وأنا ماطلبتكش وقلت ليك عتقني نتا اللي جبتيني بوحدك تا واحد ماضربك على يدك
أسد: (بسخرية) ههعههههه هاي هاي على ندى العاهرة  وااالسانك طول منك
أنا: أنا أسماااااء ماشي ندى العاهرة (عاد حسيت براسي اش قلت)
أسد: (وأخيرا) اياااااااه وكاذبة علينا حتى فسميتك ا لالة أسماء..