حب وسط الدماء

البارت 23

كانت فرحتي كبيرة بعدما سمعت قرار مدام سهام اللي هو أنني نرجع نقرى..كنت كانحس براسي محكورة مللي كانسمع الناس كايهضرو بلفرونسي ولا لونكلي وأنا كانبقى حالة فمي كي الضبعة مفاهمة والو..إحساس خايب بزاف.. أنا كايعجبوني اللغات حيت فمنظوري الخاص.. اللغة الأجنبية كاتعبر على ثقافة الإنسان وكاتخليه ينفاتح على حاجات أخرى مختلفة عليها حطيت قدامي 2 أهداف.. الأول هو ناخد ورقة العبور اللي هي للباك .. الورقة اللي غاتخول ليا نحقق الهدف الثاني اللي هو تعلم اللغات الأجنبية..
شيماء: فاش سهيتي
أنا: والو.. غير فالقراية
شيماء: ان شاء الله غاتحققي كاع اللي فخاطرك غير تيقي فراسك
أنا: ان شاء الله.. ونتي فين وصلتي فلقراية؟
شيماء: أنا خديت الباك ديالي مللي كانت عندي 17 عام.. كان حلمي نولي مهندسة. الساعة ماكملش حلمي داك الوقت.. حيت خطفوني.. ومدة الخطف كانت 4 سنين..
أنا: فهمت.. ودبا شنو غاديري؟
شيماء: واعدني أسد أنه مللي غايتفتح التسجيل فمعهد الهندسة غايسجلني
أنا: الله يسهل عليك ياربي
شيماء: عليا وعليك ا حبيبة.. اش بان ليك نعومو فلابيسين
أنا: عاد قبيلة طلباتني كرزة وعتاذرت ليها..
شيماء: علااش؟
أنا: مكانعرفش
شيماء: ايوا لا .. نتي دبا غاترجعي تقراي وتكوني بنت مثقفة وماتعرفيش تعومي ماتقوليهاش حتى بالضحك.. شوفي غير لبسي ونعلموك أنا وكرزة.. ماتخافيش
أنا: ماعنديش حوايج العومان
شيماء: اجي معايا
مشيت مع شيماء لبيتها للي كان زوين بزاف أحسن ماشافت عيني فالأتاث الأنثوي.. جبدات جوج ديال ليدوبياس واحد فالأسود وواحد فيه الأزرق والأبيض..
شيماء: ختاري اللي بغيتي
أنا: ويييلي عريانين بزاف
شيماء: ياء وا عادي راه هادو هوما ديال لابيسين.. وا ختاري
أنا: الأسود..
شيماء: اوكي أنا غانلبس هاد الأزرق..
لبسنا دوبياس بزوج.. وااااع داكشي +18 أنا حشمت.. بقيت كانرخف فيا النفس ونقول عادي.. كانو لاسقين وبينو فورمتي زوينة بزاف مع أصلا عندي الصدر واقف والأرداف ياربي السلامة... وحتى شيماء جاوها واااعرين.. هي دارت الضفيرة جنب وأنا خليت شعري مطلوق على راحتو .. لوينا علينا فوطات ونزلنا..
شيماء: كااااراااااازة بيبييييي
كرزة: (دايرة عومة لميت) ممممممممم
أنا: واش من الصباح ونتي هنا ماعييتيش
كرزة: سيتقودي الخوافة
أنا: لهلا يحييك .. حلي عينيك شوفي
كرزة: (حلات عينيها وشافت أسماء بدوبياس) 😨😨😨 oh my god
شيماء: كرزة هانا زعمتها تعوم معانا.. لكن خصنا نعلموها
كرزة: احححح نعلموووها
أنا: اويلي على احح تي مالكي القردة
كرزة: خلاها الستاتي.. الزين ولاطاي كولشي كاااين .. ماعلينا..هبطو هبطو عندي
جاتني الخلعة شوية لكن زعماتني شيماء.. شدات فيا وهبطنا .. وجات حتى كرزة .. بقاو كايوريوني كيفاش نحافظ على توازني فوق الما وكيفاش نترخا وأنه راه ماغانغرقش.. بقيت كانتعلم منهم حتى حسيت بالراحة شوية.. بقينا مشادين ب 3 وكانعومو .. الصراحة والله ماكنت عايشة..هادشي زيييين..
كرزة: اجيو نشطحو البنات
شيماء: ههههههههه مزال عاقلة خخخخخخ
أنا: كيفاش نشطحو..
كرزة: هههههه نشطحو بزازلنا فلما
شيماء: هههههههههههه😂😂
أنا: اوييييلي تفو على حمارة واش مكاتحشميش!
كرزة: تفو على مك يا لمعقدة.. راه غير غانبقاو نشطحو بكتافنا وصدرنا بحال الوجديين
شيماء: كرزة مللي غانشطحو صدرنا كيغايبقا يدير فلما؟
كرزة: بلق بلق بلق
شيماء: وييييع هههههههههههه علااااام نتي والله
كرزة: وصافي يالاه زيدو.. ولكن فريتم واحد واللي حشمات وحبسات نخورها
أنا: لا حولة😒
درنا تلاثي فالما وبدات كرزة تغني وتشطح وحنا كانغنيو معاها ونشطحو بكتافنا وصدرنا وداكشي كايبقبق خلاتها كرزة.. حتى كاتبان لينا شيماء تكوفرات
كرزة: واش باغا اللي يخورك وا مالك حبستي!
ضرنا نشوفوها فاش كاتشوف لقينا أسد وحسام واقفين كايشوفو فينا مصدومين
أنا وكرزة وشيماء: 😨😨😨
بقينا مصدومين كاملين لاحنا لا هوما..حسيت بواحد الحشمة عمري حسيتها فحياتي ، كان أسد واقف ومعاه حسام مخرجين فينا عينيهم وحالين فمهم صدمهم منظرنا وكيفاش كانلعبو بصدرنا حتى نقزات كرزة..
كرزة: ايوا صافي ماتزيدوش فيه اويلي مالكم عمركم شفتو لابيسين ولبنات كايعومو
أسد: (خنزر فيها حتى دابت) أسماء
شفتو كيفاش خنزر فكرزة وكيفاش عيط بسميتي وهو يبرد ليا لما فالركابي..ماعرفت مانجاوب وأنا نغطس تحت لما حيت خفتهم يشوفوني عريانة
شيماء: (مزال كاتشوف فحسام اللي كايبادلها نفس النظرات) أ..أسماء مكاتعرفش تعوم
أسد: كيفاش؟ وا راها غطسات جبديها..
غطسات شيماء تحت لما وبقات مضاربة مع أسماء باش تخرجها لكن هي تعكسات كاطلع غير تنفس وترجع وتفركل فلما..شافها أسد كاتصرف هكاك وهي طلع ليه القردة للراس حيد التيشورط والسروال وعطا لحسام تيليفونو وتلاح فلابيسين..مشا جهتهم وطلب من شيماء تخرج وهو يشد أسماء من رجلها..هي يسحاب ليها راه شيماء اللي مزال كاتعنتت معاها وبقات تركل حتى حكمها وهزها فوق لما..
أنا: (شافتو قدامها وهو عريان وفازك بقات حالة فمها)
أسد: بغيت نعرف غير حاجة وحدة..واش نتي حمقة؟
أنا: لا..را..راه..لا راه غير..
أسد: (قرصها من صدرها حتى غوتات) راه شنو
أنا: اش درتي
أسد: قرصتك من هادشي للي عاجبك وجالسة تشطحي بيه
غير سمعاتو أسماء وهو يحمار وجهها وغطسات ثاني تحت لما وهو يغطس معاها قرب ليها وباسها من عنقها وصدرها تحت لما..بدات كاتغرغر وهو يطلعها ثاني وبقا جارها معاه بلاما يشوف فيها حتى خرجها...
كانو كرزة وشيماء لاويين عليهم فوطة وجالسين فلكراسة كايضورو عينيهم وحسام واقف كايخربق فالتيليفون وكايشوف فشيماء بنص عين..
أسد: (لاح على أسماء فوطة) سيرو لبسو حوايجكم لاتمرضو..
ناضت كرزة جرات أسماء اللي مزالا حشمانة من الشي للي طرا ودخلو ب 3 للدار
شيماء: ويلي يا لبنات على شوهة عمري نساها.. هزيت راسي لقيت حسام كايشوف فيا كانبقبق صدري فلما
أنا: (الصمت)
كرزة: واتانتوما مالكم معقدين راه عادي هادشي.. طيراتني أنا غا أسماء اللي تخشات فلما وحلفات لا طلعات خخخخخخ
أنا: هادشي كامل بسبابك تفو أنا للي حمارة دايرة فيك راسي
شيماء: (حابسة الضحكة) وصافي صافي اصاحبتي ماوقع والو راه الدراري موالفين بلابيسين ولعرا تانتي
كرزة: واييه قوليها ليها ..تي مالكي عندك كاكا فراسك
أنا: (كاتفكر فأسد اللي باسها تحت لما) نمشي نلبس حوايجي نتوما راه حماق
شيماء وكرزة: 😂😂😂😂😂😂😂😂
أنا: (خنزرت فيهم)
شيماء وكرزة: ها حنا 😑
طلعت لبيتي دوشت ولبست ديباغدوغ فالأسود لاصق ومعري من الكرش مع سروال جينز وصندالة بالصميطات فالأحمر(الصورة).. صايبت شعري بلبلاك درت فريقة من القدام وخليتو مطلوق ودرت عكر خفيف وجلست فلبالكون كانشوف فلابيسين
أنا: يخخخخ على شوهة ..اويييييييلي وحدي (كاتفكر كيكانت كادير بصدرها) ويلي ويلي عمرو حبا ونهار حبا طاح فبير..عمري عمت ونهار عمت درت فضيحة (تفكرات مللي باسها أسد تحت لما فعنقها وصدرها) باسني عوتاني! بالسيف.. السيد جالس يشوف فالبزازل كايتشتتو ويبقا يتفرج..موحال واش نبقا نقد نشوف فيه هو وحسام
بقيت جالسة شوية حتى دق شي واحد فالباب..كانت فاطمة الخدامة هازة فيديها كرطونة..
فاطمة: صيفطاتها ليك مدام سهام وقالت ليك هذا هو المقرر ديال الباك
أنا: ااااه قولي ليها شكرا بزااف..
خرجات فاطمة وأنا نضت حليت الكرطونة.. كانو فيها كتوبا ومطبوعات ديال الدروس اللي غايخصوني..ومعاهم حتى pc
أنا: جاو فوقتهم..نيت ندفن فيهم راسي شوية
جمعت شعري لفوق ومشيت حطيت داكشي فوق البيرو وبديت نصايب فالبروكرام اللي غانتبع باش نبدا نبريباري..أكيد غانلقا صعوبة حيت ماقارياش الدروس ديال الثانوية لكن غانستاعن بالأنترنت ونقلب حتى تبان ليا الطريق ان شاء الله.
بقيت النهار كامل وأنا كانرتب فأموري وخاشية راسي فلوراق حتى بدا يظلام الحال..
نجمة: (حلات الباب) أسماء..مزال كاتقراي؟
أنا: (كانشوف فالورقة) اه مزال.. تواحشتك
نجمة: ممم باينة عليها طليتي عليا
أنا: وراه من الصباح وأنا خدامة..جاني الجوع وتسنيتك تجيبيلي الماكلة وماجيتيش
نجمة: الله على كبيدتي الله.. والله الى من الصباح وأنا فديك الدار نخمل ونسوس ونقاد فلحوايج يالاه ساليت..سولت عليك فاطمة قاتلي راكي كاتحفظي..
أنا: غاضحكت معاك.. كيجاتك الدار؟ كيداير أسامة؟
نجمة: الدار غزالة راه جيت باش نديك تشوفيها وتشوفي حتى أسامة راه كايسول عليك..
أنا: (حطيت لوراق من يدي) هي لولا
نضت عنقت خالتي نجمة وهبطت معاها لتحت دزنا للكوزينة عطاتني طرف ديال كيكة وكاس دالعصير عاد كملنا طريقنا للجردة..مشينا للدار اللي ولات ديالها هي وأسامة كانت زوينة بزاف صغيرة ومجموعة ومفرشة على حقها وطريقها..
أنا: واااو زوينة بزاف
أسامة: جيتي ا شنيولة
أنا: (مشيت جلست حداه وعنقتو) تواحشتك ..كي درتي مع تمارة ديال ليوم
أسامة: مزيان الحمد لله وخا ضروني رجليا شوية حيت عطيتهم الجهد بزاف ولكن هانا كانرتاح ..نتي لباس؟
أنا: لباااس الحمد لله..عجباتك السكنة الجديدة؟
أسامة: عجباتني السكنة وعجباتني طنجة وكانتمنا تعجبني الخدمة اللي غايخدمني سي أسد.. فالصراحة ولد مزيان ماتخايليش كيفاش كايتعامل معايا..كلو أداب واحترام وكايتعامل مزيان
أنا: (بتاسمت تلقائيا) وي دار معانا زوين ... الله يدومها راحة وفرحة
نجمة: امييين ا بنتي.. لهلا يخطيك علينا جيتي بخيرك..من النهار دخلتي حياتي وأنا لفوق لفوق
أنا: هاد الهضرة أنا للي خاصني نقولها.. المهم أسامة نخليك ترتاح هانا مشيت..تبات فراحة الله
أسامة: تصبحي على خير
نجمة: أسامة هانا غانمشي نوقف على لعشا.. مللي نسالي راه نجيب ليك عشاك ... شعل التلفازة ورتاح
خرجنا أنا وخالتي نجمة ورجعنا للفيلا..دخلنا من باب الكوزينة وحنا نلقاو أسد ولينا معانقين..بقيت واقفة كانشوف فيهم وماحسيت حتى غرغرو عينيا وقلبي بدا يضرب بالجهد .. حطيت كاس العصير بالجهد فوق الطبلة حتى حبسو من التعنيقة
لينا: هيماجية! ماتعرفيش تحطي الكاس بالأداب اش هاد التربية
خليتها وخرجت من الكوزينة وطلعت لبيتي وسديت عليا..ماعرفتش علاش تصرفت هاكاك وعلاش غرغرو عينيا؟ واش غرت؟ علامن غانغير وعلاش غانغير أصلا..أسماء بلاما تكذبي على راسك.. أسد كايعجبك وكاتحرك شي حاجة فيك من جهتو..بغيت غانعرف غير اش بينو وبين لينا..كرزة كانت قالتلي بللي مكايحملهاش ولاصقة فيه.. ودبا شفتو معنقها وعايشين اللحضة... يمشيو يخراو مالي أنا سوقي..بقيت نترطا غا بوحدي حتى سمعت الباب تحل ضرت لقيتو أسد..دخل وسد لباب ومشا وقف حدا لبيرو فين كنت خدامة ..
أسد: راه حشومة تردخي على الناس الكيسان وتقاطعيهم
أنا: (جمعت يدي على شكل قبضة) مانويتش..سمحلي
أسد: وي وي عرفتك مانويتيش.. المهم جيت نقولك واش عجبوك المطبوعات و واش محتاجة شي أستاذ يخدم معاك
أنا: مزيانين..ملخصين بطريقة زوينة.. لا بلاش راه كانقلب فالانترنت وواعداتني شيماء أنه الى حتاجيت شي حاجة نطلبها منها..
أسد: اوكي اللي بغيتي (خرج وسد الباب)
أنا: يخخخخخ تفو تفو تفو هادشي لاش جاي حقا ما حقا حشومة تردخي لكيسان ..أنا ماكرهتش نردخ ليكم ريوسكم بزوج ..
بقيت جالسة حتى جات الخدامة طلبات مني نزل نتعشى خرجت من بيتي باش نزل فالدروج حتى بانولي أسد ولينا خارجين من بيتو وهابطين حتى هوما.. دارت ليا لينا نص ضحكة ديال السم وأسد مشافش فوجهي كاع وهبطو سبقوني وأنا بقيت واقفة نتغدد غابوحدي عاد تبعتهم..
لقيت كلشي مجموع على الطابلة وجلست حتى أنا..كانت خالتي نجمة واقفة على الخدم حتى حطو لعشا عاد مشات..تعشينا فجو عادي مرة سفيان يهضر مع أسد على الخدمة مرة شيماء تهضر مع مدام سهام مرة مدام سهام تسولني على لقراية أما لينا مكاتسكتش من الهضرة على المجلات واللبس ولخرا والزمر فرعات ليا مخي.. كملت عشايا بزز تمنيت ليهم ليلة سعيدة ومشيت للكوزينة عنقت خالتي نجمة وقلت ليها تصبحي على خير وهي كاتشوف فيا بواحد النظرات اللي فهمتهم.. كاتسولني بعينيها على التصرف اللي درت قبيلة مللي شفت أسد وديك السلكوطة معانقين..تجاهلت شوفاتها وطلعت لبيتي لبست بيجامة وتخشيت ففراشي ونعست.
كرزة: لخانزة.. وااا وجه الكلب...واااا بزازل الدحشة
أنا: (سادة عينيا وكانهضر) ختي بغيت غانعرف اش درت فحياتي حتى سلطك عليا الله..
كرزة: (كاتعوج ففمها) ايوا الله يعطيك الدل..خصك تحمدي الله وتشكريه كل دقيقة اللي عندك صاحبتك بحالي كاتفوج عليك.. وشوفي هاه راني نعايرك ومانخلي اللي يعايرك
أنا: (كانتكسل) تايقة فراسك ... شحال فالساعة
كرزة: الجلدة قل عظم دقيقة ويدوز الدم
أنا: يخخ صبحنا على الله واش مكاطفايش
كرزة: 8 هادي نوضي تفطري يطفي ضوك..
نضت من فراشي دخلت دوشت بالزربة باش نتوكض..خرجت لقيت كرزة جالسة تماكي وتعوج وتسيلفا
أنا: ااااه يا با هاه...
كرزة: (كاتشوف فلمراية) مالك
أنا: والو
كرزة: شوفي خليني نقادك بحال شحال هادي..اش قلتي
أنا: هههه واخا
ناضت كرزة للماريو بدات تزعل وتخير .. جبدات ليا كيطمة فالأزرق سماوي لاااااصقة بزاف..سروالها طاي هوت ومقطع من الركابي ولفوقاني ديالها قصير معري من الكرش وبلكمام لاصقين..مع سبرديلة بيضة..المهم لبستهم بنت لاصقة بزاف..
كرزة: احححح قيمت عليك
أنا: ويلي ويلي على حمااارة
كرزة: الطرف عندك ناضي والله خلينا من ديك لينا ضل تهضر على لاطاي والاشهار والقلا.... كون يشوفوك الناس معامن خدامة هي كون فgسوهم..
أنا: اشناهوما...
كرزة: داكشي كبير عليك ... المهم اجي اجي قدام لمراية..
جلساتني و جلسات تنتف ليا فالحجبان المسخوطة صرعااات ليا فورمتهم وطراساتهم .. دارت ليا كريم أساس وواحد التجبيدة بالايلاينر وطلعات ليا الشفار بالماسكرا.. فاراجو فالمارو بارد وعكر فالغوز ماط... المهم بدلاتني عجبني وجهي بزاف.. دازت ليا للشعر سرحاتو ليا بالسوشوار السيدة طياااارة فهادشي...دارت ليا الشعر القدامي سفنجة صغيورة والشي لاخر بقا مطلوق..أنا بقيت غا حالة فمي..
أنا: ومالي ا ختي فين غادة؟
كرزة: (عطاتني الصبع) وهاكي... واش حتى تكوني غادة خارجة عاد تهلاي فراسك هادشي راه خصك ديريه ديما..ماتكونيش حامضة فتفكيرك اه حقا حتى يكونو غايشوفوني الناس عاد نتقاد لا لا وخا تكوني غادوزي النهار غا فبيتك لبسي وتقادي وعجبي راسك😉 (ميساج ليكم البنات من كرزة)
أنا: 😨😨 بنت لحرام كاتعرفي تهضري
كرزة: اودي ختك ضايعة ضايعة... وا نوضي تهزي نفطرو راه كرشي كاتقزقز
أنا: هههههههههه اوكي يالاه
نزلنا أنا وكرزة فالدروج كانتناكرو ونتقارصو حتى وصلنا للطبلة ديال لفطور.. سلمت على مدام سهام وشيماء وسفيان وفوزية .. جلست وجلسات حدايا كرزة.. كانو ناقصين أسد ولينا..بقيت كانضور فعيني حتى جات خالتي نجمة ومعاها الخدامات هازين لفطور.. سلمت عليها وبدات تحط فالماكلة وكرزة غا مخرجة عينيها تاع للي يثقبهم ليها بشي فورشيط..
أسد: صباح النوور عليكم..... هزيت راسي لقيتو جاي جيهتنا لابس حوايج ديال السبور فالرمادي وداير فوطة على كتافو ومعاه لينا لابسة حتى هي حوايج السبور فالغوز ودايرة كاسكيط..
لينا: (كاتعوج) بونجوغ
فوزية: صباح الخير يا لالة لبنات.. عاد جيتو
لينا: واييه ساعتين وحنا كانجريو ولكن أسد حاول عليا ماخلانيش عييت ولا حسيت بالطريق (كاتشوف فيه)
أسد: ايوا بصحتك ا لالة.. المهم هانا نطلع ندوش ونجي
لينا: واييه جرني معاك
أسد: يالاه زيدي (قاسها فكتفها)
سهام: يالاه دوشو دغيا ونزلو تفطرو... (موجهة هضرتها لينا) ونتوما بداو تفطرو بلاما نتسناوهم
أنا من هادشي كامل بقيت غا حالة فمي واش السيد حتى الشوفة مشافها فيا وكيفاش هاد المعاملة للي ولا كايدير مع لينا مابقيت فاهمة حتى خرية..بقيت ساهية حتى نغزاتني كرزة وقالتلي بالاشارة نفطرو ونوضو نهضرو..داكشي للي كان كلينا بالزربة ونضنا بحجة أنني عندي الحفاظة ...
#فبيتي:
كرزة: (كاتمشي وتجي) لا لا شي بلان مقاااااود هذا دايراه لينا مايمكنش
أنا: (جالسة على طرف الناموسية) كيفاش .. اشمن بلان
كرزة: واش مستوعبة هادشي للي كايطرا ولا لا
أنا: (كانبرد على راسي) اش كايطرا اويلي؟
كرزة: واش ا عباد الله السيد عمرو عبرها.. وا عمرو خرج معاها ولا عطاها وقت ودبا ولا يديها دير معاه السبور فالصباح ويجرها تمشي دوش 😨
أنا: ياء عادي ياك بنت عمو وأصلا بيناتهم علاقة حب اولا
كرزة: هاديك راه سميتها علاقة لمريد علاقة خشيه كلو اشمن حب ولا لقلا... بلاما تبوهلي عليا اصاحبتي راه عاودت ليك كلشي النهار الأول..
أنا: ودبا مالكي مفقوصة صافي خلي بنادم يعيش..
كرزة: (جات قربات حدايا ووقفات قبالتي ومع هي قصيرة..جا وجهي مقابل مع وجهها وخا أنا جالسة) أسماء .. نتي صاحبتي وعزيزة عليا بزاف حيت بريئة وقلبك بيض .. أنا حمقة وهبيلة ولكن كانفهم الإنسان من خلال نظرة.. (حطات يدها على قلبي) شفتيه كيفاش كايضرب بالجهد؟
أنا: (الصمت)
كرزة: مغانسولكش واش كاتبغيه حيت عارفة جوابك للي غاتنكريه..
أنا: كرزة لا راه ما....
كرزة: شششش ماطلبتش جوابك ولا تبرير ولا شي حاجة.. ولكن كانواعدك والله لاخليتو ليها وهانتي غاتشوفي
أنا: ممكن تعنقيني؟
كرزة: بشرط!
أنا: أما هو
كرزة: ماتجيبيهش عليا راني موضية
أنا: تفووووووووووو على فاسقة واش مكاتعيايش من هاد الهدرة
كرزة: لا مكانعياش.. اجي نقولك داك الدري للي جا مع خالتي نجمة اش سميتو
أنا: 😒
كرزة: ختي تشهيت غا شي دلاحة باردة نحط عليها طرمتي راه سخنت هاد الأيام
أنا: كرزة سيري عطيني التيساع خليني نحفظ نتي راه مسالية قبك
كرزة: ايه سري.. أنا غانمشي نعوم راه ريحتي عطات وشوفي هاه.. لميمة مور لغدا نخرجو نضربو دورة لمييييييمة
أنا: حتى نشوف
كرزة : تشوفي لعما.. هانا مشيت
أنا: سيري
خرجات كرزة وبقيت أنا ساهية وكانفكر فأسد.. واش زعمة وليت كانبغيه ؟ ولكن راه هو للي زوين بزاف وكايتعامل معايا زوين وكايبوسني وأنا راه كانبقى أنثى ضعيفة قدام رجولتو الطاغية راه وخا نكون حجرة غانتزعط فيه ولكن والله مانبين ليه شي حاجة أنا ماشي هي لينا غانولي مدلولة وتابعاه مايمكنش.. وللي زاد وثرني هو تصرفاتو مع لينا كيفاش  هاد التغيير للي طرا واش كايبغيها؟ ومالو للي مايبغيها هي راه بنت عمو ومن مستواه .. قارية وزوينة😐 ولكن مسموومة ماتستاهلوش.. هههه وشكون غاتستاهلو مثلا ..أنا؟ اودي نوض نقرا على راسي ماينفعني..نضت جلست فالمكتب وشتت الأوراق ثاني وبديت نراجع...
#في_غرفة_لينا:
لينا: ماما واش شفتيه كيفاش ولا كايتعامل معايا؟؟
فوزية: تبارك الله عليك ابنتي شفتي كون تبعتي رأيي من الأول كون راه كاعما ضيعتي هاد الوقت كامل
لينا: حتى دبا باقي الحال.. ها أسد رجع بين يديا وغاندير مافجهدي حتى نولي أنا هي مولات هاد الدار
فوزية: وأسماء؟
لينا: غا سكتي على ديك السعاية ..واش شفتيها الصباح كيفاش جالسة كاتفطر.. اللبس والشعر والماكياج ... وليت كانحس بيها خطر عليا
فوزية: ايوا فطري بيها قبل ماتعشا بيك
لينا: كوني هانية غير صبري وغاتفرجي مزيان..
#في_المساء:
كرزة: عاااافاااك قولي اه عاااافاك
سهام: كرزة ضارني راسي تفرفي عليا هاد الساعة
كرزة: احمييييمتك شوفي ولاهيلة ساعتين ونرجعو
سهام: بعدي من البنت خليها تقابل قرايتها
كرزة: واييه لقراية اه ولكن راه خصها تخرج شوية باش تبدل الجو
سهام: مممم ايوا باز لوجهك ياختي... اوكي سيري شوفيها وايلا بغات تخرج خرجو.. خودي لكارط ديالك وشريو للي بغيتو وعلمي الشيفور يوجد ليكم الطوموبيل
كرزة: لاحافظك نتي صاطة مزيانة
سهام: شنو؟
كرزة: ميغسي مدام سهام 😊
سهام: الله يمسخك
طلعات كرزة كادردك لبيت أسماء وحلات لباب بالجهد
كرزة: أسماء أسماء أسماااء نوضي نقودو هاء بغيت نقول نوضي نخرجو
أنا: الله يحرق طواسل أبات مك (شادة فقلبي من الخلعة)
كرزة: اويلي مال هادي معصرة عليا بزازلها واتي نوضي باراكة من لعياقة راه ل5 هادي وانوضي الخرا نخرجو مالك معقدة
أنا: عيقتي اصاحبتي بقاي دخلي بالشوية راه كانتخلع (بقات كاتأثر من ايام المستودع والدم وداكشي للي عاشت)
كرزة: وخا سمحيلي.. وانوضي لبسي عفاك
أنا: كرزة ديري بناقص مافيا مانخرج (خافت تلاقا سكينة ثاني ولاشي حاجة)
كرزة: (حسات بيها) شوفي راه غايمشي معانا لبوديكارد ومغانبعدوش كوني هانية.. راه مايمكنش تبقاي حابسة راسك غا فالدار خصك تعيشي حياتك عادي ا أسماء
أنا: (قنعاتني) وخا.. سيري لبسي .. هانا غانوض ندوش ونلبس..
كرزة: سربي 6 نلقاك لتحت
أنا: اوكي.
حطيت الأوراق على جنب ونضت للدوش دوشت بالزربة وخرجت وقفت قدام الماريو بقيت نشوف فيه قررت نجبد كسوة قصيرة فالأسود بلكمام مشبكين لبستها ولبست معاها ليبوط ديال الطالون قصار فالأحمر وبوشيط فالأحمر.. صايبت شعري بالبلاك سامبل ودرت ايلاينر وماسكارا وعكر باارد مكايبانش..درت حلقات ورشيت بارفان وخرجت من بيتي.. يالاه جيت نزل فالدروج وأنا نسمع صوت الضحك من واحد البيت للي كانظن أنه بيت أسد.. بغيت نهبط لكن لفضول حبسني.. مشيت كانتسلت فاتجاه الصوت وكانحاول مانقرقبش بالطالون حتى وصلت قدام الباب..
وصلت قدام الباب للي كان محلول شوية وأنا نشوف أسد ولينا كايلعبو فوف الناموسية ويضاربو بلمخاد ويتعانقو ويلعب ليها فشعرها.. حسيت بالنار شعلات فقلبي وزيرت على سناني .. نار الغيرة خلاتني واقفة كانغلي وأنا نرجع تخبيت ورا الحيط حطيت عليه ضهري وبقيت كانشوف فالسقف وركابيا كايترعدو.. حشومة عليه.  مللي هو مايبغيها علاش كان كايبين ليا اهتمامو بيا علاش كايبوسني علاش كايحسسني أنني مهمة فحياتو علاش كايلعب بيا .. سديت فمي باش مايتسمعش صوت الشهيق ديالي حيت فعلا بديت كانبكي.. احساس أول مرة نحس بيه كرهت راسي وحسيت براسي لا شيئ.. نزلت فالدروج بخطوات ثقيلة حتى وصلت عند كرزة للي كانت واقفة كاتسناني.. لابسة شورط جينز قصير وميني بوط فالأبيض وسبرديلة فالأبيض وجامعة شعرها ديل حصان ودايرة ماكياج ثقيل..
كرزة: أسماء مالكي؟
أنا: ماماليش.. يالاه نمشيو..
كرزة: مممم وخا يالاه
خرجنا ولقينا الشيفور كايتسنانا وراكب حداه البودي كارد.. ركبنا اللور وتحركنا.. الطريق كاملة وحنا ساكتين او ربما انا للي ساكتة حيت كرزة كاتبغي تهضر لكن مللي شافتني قالبة وجهي خلاتني على خاطري..وصلونا لوسط لمدينة للي كانت عامرة والجو فيها زوين..نزلنا وبدينا نتمشاو والبودي كارد مورانا لكن بلاما يعيق..
كرزة: أسماء قوليلي مالك
أنا: شفتهم
كرزة: اش شفتي
أنا: أسد ولينا... مللي كنت غانزل عندك سمعتهم كايضحكو وانا نمشي نطل عليهم لقيتهم فرحانين كايضحكو ويلعبو ويتعانقو
كرزة: باش حسيتي
أنا: قلبي تشوا ا كرزة اهئ اهئ
كرزة: صافي صافي.. اجي نتمشاو على لبحر .. ترتاحي شوية عاد نكملو الهضرة
أنا: (حابسة راسي) وخا
مشينا جهة البحر وبدينا كانتمشاو فصمت .. كرزة دارت عقلها وخلاتني على راحتي.. بقينا غاديين حتى شفت شي حاجة خلاتني واقفة مصدومة
أنا: كرزة وااا كرزة
كرزة: ها اشنو بسم الله عليك عاد كنتي ساقلة
أنا: (نعت ليها بصبعي) شوفي لهيه..
كرزة: (كاتشوف وحالة فمها) هااااااا😨😨😨😨 ش..ش..شيماء !!!
كانو شيماء وحسام صاحب أسد مشادين باليدين وغادين جنب لبحر وكايهضرو ويضحكو..
كرزة: شوفي شوفي شوفي
أنا: باسها من فمها 😨😨😨😨😨😨😨😨😨😨
كرزة: بشااااااااااخ سييييير ا حمادة
أنا: ههههههههه شيماء وحسام كايبغيو بعضياتهم!
كرزة: تصدمت والله.. مامبينين لينا والو ياختي...ممممم طلعو محابيييين
أنا: جاو زوينين مع بعضياتهم ياكي
كرزة: اه اه.. شيماء بنت زوينة وطيبة وحتى حسام ضريف وواعي ومرجل... يستاهلو كل خير
بقينا غاديين أنا وكرزة كانتمشاو فالكورنيش وكانشوفو فشيماء وحسام غاديين فرحانين ... تمنيت فديك اللحظة نكون أنا وأسد بحالهم ولكن كاتبقى غير أمنية وحلم للي عمرو غايتحقق..
كرزة: فاش كاتفكري
أنا: فوالو
كرزة: على حساب ماعاودتي ليا.. لينا كاتخطط لشي حاجة ماهياش
أنا: ههه راها خططات واللي عطا الله عطاه.. ماشفتيش أسد كيف ولا معاها
كرزة: ممممممم
أنا: أودي غاتكون معاه مزيانة الله يكمل عليهم بالخير
كرزة: حشمت نعطيك الصبع قدام هاد الناس.. واش نتي كاتبغيه وغاتخليها تاخدو ليك بسهولة
أنا: اويلي وراه كايبغيها .. راه أنا للي غانتسما باغا ناخدو ليها
كرزة: اه خوديه لجد بوها لكلب راها ماتستاهلوش ا أسماء تيقي بيا.. احح عمري نسا نهار لقيتكم ناعسين معانقين حدا لابيسن بنتو زوينين بزاف والله
أنا: 😍🙊
كرزة: كاتبغيه؟ صافي خرجيها بلاما تبقاي تعصري عليا
أنا: واقيلة.. ممم غير كايعجبني
كرزة: أسمااااااء😒
أنا: اه كانبغيه
كرزة: من امتى
أنا: والله ماعرفت.. دعيتو لله.. هو للي خلاني نبغيه😢
كرزة: راه حتى نتي كاتعجبيه وبحال والو يكون كايبغيك
أنا: من نيتك ههههههههههههه وااا ههههههههه أسد يبغيني أنا؟
كرزة: هاكي (عطاتها الصبع) صافي مابقات لا حشمة لا ز... اويلي.. والله حتى كاتهبليه أنا للي شفتو كيفاش كايهضر عليك مللي ماكنتيش معانا .. كل نهار كايجبدك وشحال من مرة سمعتو مدابز عليك هو ولينا
أنا: حلفي.... ايوا وعلاش دبا ولا هاكا مع لينا مللي رجعت
كرزة: ويبقى السؤال مطروحا ولكن دبا بلاصة مانبقاو نفكرو فالسبب خصنا نفكرو فالحل
أنا: الحل ديالاش
كرزة: كيفاش نخليوه يقلب على ديك عوجة الزك ويولي كايبغيك نتي
أنا: لا لا لا اختي هادو ماشي فعايلي
كرزة: أسماء سيري تقودي أون أغاب
أنا: (سبقتها وخليتها مورايا) بعدي مني
كرزة: وخا
بقيت غادة سابقاها وتاهي ماحاشاتوش ليا.. بقيت كانفكر فهضرتها وفتصرفات أسد للي كان كايدير معايا .. حسيت أنني خصني ندير برأي كرزة ونتبعها ربحة ولا ذبحة..
أنا: (راجعة كانتلوى) حبيبة😊
كرزة: (الصمت)
أنا: عمري
كرزة: 😒
أنا: وااا كرزة
كرزة: بغيت ليك حبوبة فالخرزة
أنا: 😂😂😂😂😂😂😂😂 وا صافي عفاك
كرزة: اش عافايا؟
أنا: موافقة ندير للي بغيتي
كرزة: حلفي😈
أنا: والله😈
كرزة: مزياااااان.. دبا اجي ناكلو واحد الشوارما فهاد الريسطو ومن بعد نرجعو للدار باش نقولك اش خصنا نديرو
أنا: وخا يالاه
مشينا لواحد الريسطو زوين كلينا وكرزة ماسكتاتش من التبركيك فبنادم وتعوج فالناس المسخوطة مكاتحشمش.. سالينا لماكلة وعلمنا الشيفور جا لينا ورجعنا للدار كانت 8 ديال الليل..
نجمة: (فالباب) على السلامة ا بنتي .. كيدازت الخرجة؟ مابسل عليكم حد؟ ماطرى والو؟
أنا: دازت زويينة .. لا ماطرى والو اخالتي يسول فيك الخير
نجمة: اجيو تاكلو
كرزة: (جاراني من يدي) لا لا راه كلينا ودبا غانطلع نراجع مع أسماء لونكلي
نجمة: سيرو الله يرضي عليكم...
كانت الدار لتحت خاوية باين شي خارج شي فبيتو المهم طلعنا أنا وكرزة لبيتي.. أنا كانبدل حوايجي وهي ناعسة على ضهرها وكاتشوف فالسقف
ﻛﺮﺯﺓ : ‏( ﻧﺎﺿﺖ ﻗﻔﺰﺍﺕ ‏) ﻟﻘﻴﺘﻬﺎﺍﺍﺍﺍﺍﺍﺍﺍ
ﺃﻧﺎ : ﻧﺘﻲ ﻓﻌﺎﺭ ﺍﻟﻠﻪ ﻭﺍﻟﻨﺒﻲ ﺭﺳﻮﻝ ﺍﻟﻠﻪ
ﻛﺮﺯﺓ : ﺃﺳﻤﺎﺀ ﻧﺘﻲ ﻣﻜﺎﺗﻌﺮﻓﻴﺶ ﺗﻌﻮﻣﻲ ﻳﺎﻙ
ﺃﻧﺎ : ﻻ ﺭﺍﻩ ﺗﻌﻠﻤﺖ ﺷﻮﻳﺔ
ﻛﺮﺯﺓ : ﻻ ﻧﺘﻲ ﻣﻜﺎﺗﻌﺮﻓﻴﺶ ﺗﻌﻮﻣﻲ ﻧﺘﻲ ﻣﻌﺎﻗﺔ ﺟﺪ ﺑﻮﻙ ﻣﺎﻛﺎﺗﻘﺪﻳﺶ ﺗﺤﺮﻛﻲ ﻭﺳﻂ ﻟﻤﺎ
ﺃﻧﺎ : ﺍﻭﻳﻠﻲ ﻭﺍﺵ ﺗﻔﺮﻭﺣﺘﻲ
ﻛﺮﺯﺓ : ﺃﻧﺎ ﺭﺍﻩ ﺃﺫﻛﻰ ﺍﻧﺴﺎﻧﺔ ﻛﺘﻌﺮﻓﻲ ﻭﻏﺎﺗﻌﺮﻓﻲ ﻓﺤﻴﺎﺗﻚ ﺍﺑﺰﺍﺯﻝ ﺍﻟﻌﻮﺩﺓ ﻭ ﺍﺟﻲ ﻧﻘﻮﻟﻚ
ﺃﻧﺎ : ﻫﺎﻧﺎ
ﻛﺮﺯﺓ : ﺍﻟﻤﻬﻢ ﻏﺪﺍ ﻏﺎﻳﻜﻮﻥ ﻟﺤﺎﻝ ﺳﺨﻮﻥ .. ﻏﺎﺗﻔﻴﻘﻲ ﻓﺎﻟﺼﺒﺎﺡ ﺑﻜﺮﻱ ﻏﺎ ﺿﺮﺑﻲ ﺷﻲ ﻣﺎﻳﻮ ﻣﻘﻮﺩ ﻭﺧﺮﺟﻲ ﻟﻴﺎ ﻻﻋﻨﺪﻙ ﺷﻲ ﻃﺮﻣﺔ ﺷﻲ ﺑﺰﺍﺯﻝ .. ﻭﻟﺒﺴﻲ ﻛﺴﻮﺓ ﻭﻫﺰﻱ ﻓﻮﻃﺔ ﺩﻳﺎﻟﻚ ﻭﺗﺴﻨﺎﻳﻨﻲ
ﺃﻧﺎ : ﻻﺵ؟ ﻏﺎﻧﻌﻮﻣﻮ ﻓﻼﺑﻴﺴﻴﻦ؟
ﻛﺮﺯﺓ : ﻻ .. ﻓﻠﺒﺤﺮ
ﺃﻧﺎ : ﻻ ﻻ ﺧﻠﻴﻨﺎ ﻏﺎﻓﻼﺑﻴﺴﻴﻦ
ﻛﺮﺯﺓ : ﺃﺳﻤﺎﺀ ﺩﻳﺮﻱ ﻟﻠﻲ ﻗﻠﺖ ﻟﻴﻚ .. ﺍﻟﻤﻬﻢ ﻫﺎﻧﺎ ﻏﺎﻧﻤﺸﻲ ﻟﺒﻴﺘﻲ ﻧﺒﺪﻝ ﻭﻧﺘﻼﻗﺎﻭ ﻓﻠﻌﺸﺎ .. ﺩﻭﺯﻱ ﺗﺤﻔﻈﻲ ﻭﻫﺎﻛﻲ ﻫﺎﺩ ﺍﻟﺴﻴﺖ ﺷﻮﻓﻲ ﻓﻴﻪ ﺍﻟﺪﺭﻭﺱ ﺩﻳﺎﻝ ﻟﻮﻧﻜﻠﻲ ﺭﺍﻩ ﺯﻭﻳﻦ
ﺃﻧﺎ : ﻭﺧﺎ ....
ﻣﺸﺎﺕ ﻛﺮﺯﺓ ﻭﺃﻧﺎ ﻟﺒﺴﺖ ﻛﺴﻮﺓ ﻗﺼﻴﺮﺓ ﺩﻳﺎﻝ ﺍﻟﺪﺍﺭ ﻓﺎﻟﻐﻮﺯ ﻭﺟﻤﻌﺖ ﺷﻌﺮﻱ ﻛﻌﻜﺔ ﻭﺟﻠﺴﺖ ﻛﺎﻧﺸﻮﻑ ﺍﻟﺸﺮﺡ ﻓﺎﻻﻧﺘﺮﻧﺖ ﺣﺘﻰ ﻭﺻﻼﺕ ﺷﻲ ﻝ 11 ﺩﻳﺎﻝ ﺍﻟﻠﻴﻞ ﻭﻫﻲ ﺗﺠﻲ ﻓﺎﻃﻤﺔ ﻋﻴﻄﺎﺕ ﻋﻠﻴﺎ ﻧﺘﻌﺸﺎ .. ﻫﺒﻄﺖ ﻟﻠﻄﺎﺑﻠﺔ ﻟﻘﻴﺖ ﻛﻠﺸﻲ ﻣﺠﻤﻮﻉ ﺑﺪﻭﻥ ﺍﺳﺘﺜﻨﺎﺀ ، ﺟﻠﺴﺖ ﺣﺪﺍ ﻛﺮﺯﺓ ﺑﺤﺎﻝ ﺩﻳﻤﺎ ﻭﻫﻲ ﻏﺎﻛﺎﺿﻮﺭ ﻋﻴﻨﻴﻬﺎ ﻋﻠﻰ ﺃﺳﺪ ﻭﻟﻴﻨﺎ ﻟﻠﻲ ﻛﺎﻳﺸﻮﻓﻮ ﻓﺒﻌﻀﻴﺎﺗﻬﻢ ﺑﻨﺺ ﻋﻴﻦ ..
ﻛﺮﺯﺓ : ‏( ﻓﻮﺫﻧﻲ ‏) ﺑﺎﻳﻨﺔ ﻏﺎﻳﺤﻮﻳﻬﺎ ﻫﺎﺩ ﺍﻟﻠﻴﻠﺔ
ﺃﻧﺎ : ‏( ﻛﻨﺖ ﻳﺎﻻﻩ ﺣﻄﻴﺖ ﺍﻟﻨﻌﻤﺔ ﻓﻔﻤﻲ ﻭﺃﻧﺎ ﻧﺒﺪﺍ ﻧﻜﺤﺐ ﺑﺎﻟﺪﻣﻮﻉ ‏) ﻛﺢ .. ﻛﺢ ... ﻛﺢ
ﺳﻬﺎﻡ : ﺍﻟﻠﻪ ﺍﻟﻠﻪ ﺑﺸﻮﻳﺔ ﻋﻠﻴﻚ ﺍ ﺑﻨﺘﻲ ﺃﺳﺪ ﻭﻟﺪﻱ ﻣﺪ ﻟﻴﻬﺎ ﻛﺎﺱ ﺩ ﻟﻤﺎ ﻟﻠﻲ ﺣﺪﺍﻙ
ﻳﺎﻻﻩ ﺃﺳﺪ ﻫﺰ ﺍﻟﻜﺎﺱ ﺑﺎﺵ ﻳﻌﻄﻴﻪ ﻟﻴﺎ ﻭﻫﻲ ﺗﺸﺪﻭ ﻣﻦ ﻋﻨﺪﻭ ﻟﻴﻨﺎ ﻭﻣﺪﺍﺗﻮ ﻟﻴﺎ
ﻟﻴﻨﺎ : ﻫﺎﻛﻲ ﺍ ﺣﺒﻴﺒﺔ ﻭﻏﺎﺑﺸﻮﻳﺔ ﻋﻠﻴﻚ ﺭﺍﻩ ﻣﻮﺟﻮﺩ ﺍﻟﺨﻴﺮ ﺍﻟﻤﺎﻛﻠﺔ ﻣﻐﺎﺗﻬﺮﺑﺶ
ﻛﺮﺯﺓ : ﺧﺘﻲ ﻣﻤﻜﻦ ﻣﺎﺗﻬﻀﺮﻳﺶ ﻭﺍﻟﻤﺎﻛﻠﺔ ﻓﻔﻤﻚ ﺭﺍﻩ ﻛﺎﻧﻌﻴﻒ
ﻓﻮﺯﻳﺔ : ﺍﻳﻮﺍ ﻣﺰﻳﺎﻥ ﺗﺒﺎﺭﻙ ﺍﻟﻠﻪ ﻫﺎﺩﺷﻲ ﻟﻠﻲ ﺑﻘﺎ ﻏﺎ ﻧﺺ ﺑﻨﺎﺩﻡ ﺗﺎﻫﻴﺔ ﺗﻮﻟﻲ ﺗﺤﻞ ﻓﻤﻬﺎ ﻓﻬﺎﺩ ﺍﻟﺪﺍﺭ
ﺳﻬﺎﻡ : ‏( ﻏﻮﺗﺎﺕ ‏) ﻓﻮﺯﻳﺔ !! ﺍﺵ ﻫﺎﺩ ﺍﻟﻬﻀﺮﺓ ﻛﺎﻧﺴﻤﻊ؟ ﻛﺮﺯﺓ ﺭﺍﻫﺎ ﺑﻨﺘﻲ ﺑﺤﺎﻟﻬﺎ ﺑﺤﺎﻝ ﺷﻴﻤﺎﺀ ﻭﺷﺤﺎﻝ ﻣﻦ ﻣﺮﺓ ﻛﺎﻧﺤﺬﺭﻛﻢ ﺗﻨﻘﺼﻮ ﻣﻨﻬﺎ ‏( ﺧﺒﻄﺎﺕ ﺍﻟﻤﻌﻠﻘﺔ ﻭﻧﺎﺿﺖ ﻋﻠﻰ ﺍﻟﻄﺎﺑﻠﺔ ‏)
ﻧﺎﺿﺖ ﻛﺮﺯﺓ ﺗﺒﻌﺎﺗﻬﺎ ﻭﻧﻀﺖ ﺗﺒﻌﺘﻬﻢ ﺣﺘﻰ ﺃﻧﺎ ﻟﺒﻴﺖ ﻣﺪﺍﻡ ﺳﻬﺎﻡ ..
ﻛﺮﺯﺓ : ﻭﺍﺻﺎﻓﻲ ﺩﺑﺎ ﻻﺵ ﻛﺎﺗﻔﻘﺼﻲ ﺭﺍﺳﻚ ﺭﺍﻩ ﻭﺍﻟﻠﻪ ﻣﺎﺗﺴﻮﻗﺖ ﻟﻬﻀﺮﺗﻬﺎ
ﺳﻬﺎﻡ : ﺻﺎﻓﻲ ﺍ ﻛﺮﺯﺓ ﺍﻳﻼ ﻣﺎﺗﺴﻮﻗﺘﻴﺶ ﻧﺘﻲ ﺃﻧﺎ ﺗﺴﻮﻗﺖ
ﺃﻧﺎ : ﺳﻤﺤﻮﻟﻲ ﺃﻧﺎ ﺍﻟﺴﺒﺐ ﻓﻬﺎﺩﺷﻲ ﻛﺎﻣﻞ
ﻛﺮﺯﺓ : ﻻ ﻻ ﻣﺎﻟﻜﻲ ﺍﺵ ﺩﺭﺗﻲ ﺭﺍﻩ ﻫﺎﺩﻭﻙ ﺍﻟﺠﻮﺝ ﻟﻠﻲ ﻟﻔﻌﺎﺕ ﻛﺎﻳﺨﺮﺟﻮ ﻏﺎ ﺍﻟﺴﻢ ﻣﻊ ﻓﻤﻬﻢ
ﺳﻬﺎﻡ : ‏( ﺷﺪﺍﺕ ﻭﺟﻪ ﻛﺮﺯﺓ ﺑﻴﻦ ﻳﺪﻳﻬﺎ ‏) ﻣﺎﻣﻘﻠﻘﺎﺵ ﻳﺎﻛﻲ؟
ﻛﺮﺯﺓ : ﻭﺍ ﻭﺍﻟﻠﻪ ﻣﺎﻣﻘﻠﻘﺔ ﺃﻧﺎ ﻗﺰﻣﺔ ﻭﺭﺍﺿﻴﺔ ﻋﻠﻰ ﺭﺍﺳﻲ ﻭﻋﺎﺍﺍﺟﺒﻨﻲ ﺭﺍﺳﻲ ﻫﻮﻣﺎ ﻳﻤﺸﻴﻮ ﻳﻖ ....
ﺃﻧﺎ : ‏( ﻗﺎﻃﻌﺘﻬﺎ ﻗﺒﻞ ﻣﺎﺗﻜﻤﻠﻬﺎ ‏) ﻫﺎ ﺍﺣﻢ ﺍﺣﻢ ﺍﺣﻢ
ﻛﺮﺯﺓ : ﻳﻤﺸﻴﻮ ﻳﻘﻮﻟﻮ ﻟﻠﻲ ﺑﻐﺎﻭ
ﺳﻬﺎﻡ : ﻭﻟﻜﻦ ﻳﺎ ﺑﺘﻲ ﻳﺎ ﻛﺮﺯﺓ ﺭﺍﻙ ﻣﻜﺎﺗﺴﺪﻳﺶ ﺩﺍﻙ ﺍﻟﻔﻢ
ﻛﺮﺯﺓ : ﻭﺭﺍﻩ ﻋﻴﻔﺎﺗﻨﻲ ﻓﻤﻬﺎ ﻋﺎﻣﺮ ﻗﺺ ﻭﻣﺰﺍﻝ ﻛﺎﺗﺤﻠﻮ ﻧﻴﺎﻉ
ﺃﻧﺎ ﻭﺳﻬﺎﻡ : ﺷﺸﺸﺸﺶ ﻫﻬﻬﻬﻬﻬﻬﻬﻬﻬﻬﻬﻪ
ﺳﻬﺎﻡ : ﺍﻟﻠﻪ ﻳﺨﻠﻴﻜﻢ ﻟﻴﺎ .. ﻋﻨﺪﻱ ﺛﻼﺗﺔ ﺩﻟﻮﺭﻳﺪﺍﺕ ﻓﻬﺎﺩ ﺍﻟﺪﺍﺭ
ﺷﻴﻤﺎﺀ : ‏( ﻭﺍﻗﻔﺔ ﻓﺎﻟﺒﺎﺏ ‏) ﺍﻟﺤﻤﺪ ﻟﻠﻪ ﻣﺎﻧﺴﻴﺘﻴﻨﻴﺶ
ﺳﻬﺎﻡ : ﻛﺎﻳﻦ ﺷﻲ ﻭﺣﺪﺓ ﻛﺎﺗﻨﺴﺎ ﻛﺒﺪﺗﻬﺎ ... ﺍﺟﻴﻮ ﻋﻨﺪﻱ ﻛﺎﻣﻠﻴﻦ ..
ﻣﺸﻴﻨﺎ ﻋﻨﺪﻫﺎ ﻋﻨﻘﺎﺗﻨﻲ ﺃﻧﺎ ﺑﻴﺪ ﻭﺷﻴﻤﺎﺀ ﺑﻴﺪ ﻭﻛﺮﺯﺓ ﻣﻌﻠﻘﺔ ﻓﻴﻨﺎ ﻭﻛﺎﺗﺰﺍﺣﻢ ﻭﻛﺎﺗﺨﺸﺎ ﺑﺎﺵ ﺿﻤﻦ ﺑﻼﺻﺔ
ﺩﺭﻧﺎ ﺑﻨﺎﻗﺺ ﻣﻦ ﺩﺍﻙ ﻟﻌﺸﺎ ﻭﻣﺸﻴﻨﺎ ﻛﻞ ﻭﺣﺪﺓ ﻟﺒﻴﺘﻬﺎ .. ﺩﺧﻠﺖ ﻟﺒﻴﺘﻲ ﻭﺃﻧﺎ ﻛﺎﻧﻔﻜﺮ ﻓﺎﻗﺘﺮﺍﺡ ﻛﺮﺯﺓ ﺩﻳﺎﻝ ﻏﺪﺍ ﻣﺎﻋﺮﻓﺘﻬﺎ ﻻﺵ ﻛﺎﺗﺨﻄﻂ .. ﺍﻟﻤﻬﻢ ﻣﺸﻴﺖ ﻟﻠﻤﺎﺭﻳﻮ ﻧﻘﻠﺐ ﻋﻠﻰ ﺷﻲ ﻣﺎﻳﻮ ﺯﻭﻳﻦ ﺣﺘﻰ ﺑﺎﻧﻠﻮﻟﻲ ﻭﺍﺣﺪ ﺩﻭﺑﻴﺎﺱ ﻓﺎﻟﺒﺎﺝ ﺯﻭﻳﻨﻴﻦ ﺟﺒﺪﺗﻬﻢ ﻭﺟﺒﺪﺕ ﻣﻌﺎﻫﻢ ﻭﺍﺣﺪ ﻟﻜﺴﻴﻮﺓ ﺧﻔﻴﻒ ﻭﻗﺼﻴﺮﺓ ﻓﻨﻔﺲ ﺍﻟﻠﻮﻥ .. ﻭﺟﺪﺕ ﺻﻨﺪﺍﻟﺔ ﺩﻳﺎﻝ ﺍﻟﺼﺒﻊ ﻭﻓﻮﻃﺔ ﺑﺎﺵ ﻏﺪﺍ ﻏﺎﻧﻔﻴﻖ ﻟﺒﺴﻬﻢ .. ﻭﻣﺸﻴﺖ ﺗﻜﻴﺖ ﻓﻔﺮﺍﺷﻲ ﻭﻧﻌﺴﺖ